କଚ୍ଚାୟନଧାତୁ ମଞ୍ଜୂସା
॥ ନମୋ ତସ୍ସ ଭଗୱତୋ ଅରହତୋ ସମ୍ମାସମ୍ବୁଦ୍ଧସ୍ସ ॥
ନିରୁତ୍ତି ନିକରା’ପାର-ପାରୱାର’ନ୍ତଗଂ ମୁନିଂ,
ୱନ୍ଦିତ୍ୱା ଧାତୁମଞ୍ଜୂସଂ-ବ୍ରୂମି ପାୱଚନଞ୍ଜସଂ ॥
ସୋଗତାଗମ ମା’ଗମ୍ମ-ତଂ ତଂୱ୍ୟାକରଣାନି ଚ,
ପାଠେ ଚା’ପଠିତାପେ’ତ୍ଥ ଧାତ୍ୱତ୍ଥା ଚ ପୱୁଚ୍ଚରେ ॥
ଛନ୍ଦ’ହାନିତ୍ଥମୋ’କାରଂ-ଧାତ୍ୱନ୍ତାନଂ ସିୟାକ୍ୱ ଚି, ୟୂନଂ ଦୀଘୋ ଚ ଧାତୁମ୍ହା-ପୁବ୍ବମ’ତ୍ଥପଦଂ ଅପି ।
ଭୂ ସତ୍ତାୟଂ ପଚ ପାକେ ଗମୁସପ୍ପ ଗତିମ୍ହି (ଚ) ।
ସିଲୋକ (ଧାତୁ) ସଙ୍ଘାତେ ସକି ସଙ୍କାୟ (ୱତ୍ତତେ ।) ॥
(ଅଥୋ) କୁକ-ୱକା’ଦାନେ କେ ସଦ୍ଦେ ଅକି ଲକ୍ଖଣେ ।
କୁ ସଦ୍ଦେ କୁଚ୍ଛିତେ ଟଙ୍କ ଧାରଣେ ମକି ମଣ୍ଡନେ ॥
ୱକି କୋଟିଲ୍ଲୟାତ୍ରାସୁ ସକ୍କ-ଟୀକଦ୍ୱୟଂ ଗତେ ।
କକି ଲୋଲତ୍ତନେ ୟାତେ ତକୀ (ଇଧ) ଗତାଦିସୁ ॥
୪. ୱୱ, ଲୋକନୱିତ୍ତିସୁ ଚକ୍ଖୱୁତିମ୍ହି (ତୁ) ରୁକ୍ଖ (ଚ) ଖେ ଥିରହିଂସଖଣେ ନିୟ, ମୋ’ପନୟିଟ୍ଠି ୱତାଦିସ ମୁଣ୍ଡିସୁ ଦିକ୍ଖ (’ଥ) କକ୍ଖ-କଖା ହସନେ ତୁର, ହିଂସନୱୁଦ୍ଧିଗତୀସୁ (ହି) ଦକ୍ଖ’ଦନମ୍ହି (ତୁ) ଜକ୍ଖ (ଚ) ଭକ୍ଖ (ମତା) ଅନ, ଜାଲଦୁଖେସୁ (ତୁ) ଦିକ୍ଖ (ଚ) ଦୁକ୍ଖ (ଚ) ଇକ୍ଖ ଦିସ’ଙ୍କ ନ କୋ’ଖ ସୁସେ ।
୫. [ଅ] ନିକ୍ଖ ଚୁମ୍ବନେ’(ପି) ସିକ୍ଖ ୱିଜ୍ଜୁ’ପାଦୁ’ ପାସାନମ୍ହି ରକ୍ଖ ଗୁତ୍ତିୱାରଣେ (ପି) ଉଞ୍ଛନେ (ସିୟା’ପି) ଭିକ୍ଖ ୟାୱଲଦ୍ଧ୍ୟ’ଲଦ୍ଧିସୂ (ପି) ୱକ୍ଖ ରୋସସଂହତେସୁ ମୋକ୍ଖ ମୁତ୍ତିୟଂ ଚଜେ (ପି) ଚିକ୍ଖ ୱାଚବୋଧନେସୁ ।
[ବ] ନଖ ମଖ ରଖ ନଙ୍ଖାମଙ୍ଖରକ୍ଖୀ’ଖୀଲଙ୍ଖା ଲଖ ୱଖ ଇଖ ଇଙ୍ଖା ଉଙ୍ଖ ୱଙ୍ଖୂ’ଖ ଗତ୍ୟଂ ୱଖି ମଖି କଖି କଙ୍ଖେ ଖୀ ଖୟେ ଉକ୍ଖ ସେକେ ଖୁ ଖୁତଧନିସୁ (ୱୁତ୍ତୋ) ଖେ(’ଥ) ଖାଦେ ସୁପେ (ଚ ।)
ଅଗ୍ଗୋ (ତୁ) ଗତିକୋଟିଲ୍ଲେ ଲଗ ସଙ୍ଗେ ମଗେ’ସନେ ।
ଅଗୀ ଇଗୀ ରିଗୀ ଲିଗୀ ୱଗୀ ଗତ୍ୟ’ତ୍ଥଧାତୱୋ ॥
ସିଲାଘ କତ୍ଥନେ ଜଗ୍ଘ ହସନେ ଅଗ୍ଘ ଅଗ୍ଘନେ ।
ସିଘୀ ଆଘାୟନେ (ହୋତି) ଲଘି ସୋସଗତୀସୁ (ଚ ।) ॥
ୱଚ ବ୍ୟତ୍ତୱଚେ ୟାଚ ୟାଚନେ ରୁଚ ଦିତ୍ତିୟଂ ।
ସୁଚ ସୋକେ କୁଚ ସଦ୍ଦେ (ଅଥୋ) ୱିଚ ୱିୱେଚନେ ॥
ଅଞ୍ଚ ପୂଜାଗତେ ୱଞ୍ଚ ଗମନେ କିଞ୍ଚା’ୱମଦ୍ଦନେ ।
ଲୁଞ୍ଚା’ପନୟନେ ନଚ୍ଚ ନଚ୍ଚନେ ମଚ ରୋଚନେ ॥
ଅଚ୍ଚା’ଚ୍ଚନେ ଚୁ ୱଚନେ ସଚୋ (ତୁ) ସମୱାୟନେ ।
ପଚ ୟାତେ କଚି-ୱଚ୍ଚ ଦିତ୍ତିୟଂ ମଚି ଧାରଣେ ॥
ପୁଚ୍ଛ ସମ୍ପୁଚ୍ଛନେ ମୁଚ୍ଛ ମୋହସ୍ମିଂ ଲଞ୍ଛ ଲକ୍ଖଣେ ।
ଅଞ୍ଛା’ୟାମେ (ଭୱେ) ପୁଞ୍ଛ ପୁଞ୍ଛନେ ଉଞ୍ଛ ଉଞ୍ଛନେ ॥
ତଚ୍ଛୋ ତନୁକିରୟେ ପିଞ୍ଛ ପିଞ୍ଛନେ ରାଜ ଦିତ୍ତିୟଂ ।
ୱଜା’ଜଗମନେ ରଞ୍ଜ ରାଗେ ଭଞ୍ଜା’ୱମଦ୍ଦନେ ॥
ଅଞ୍ଜୁ ବ୍ୟତ୍ତିଗତୀକନ୍ତି ମକ୍ଖଣେସ୍ୱେ’ଜ କମ୍ପନେ ।
ଭଜ ସଂସେୱନେ ସଞ୍ଜ ସଙ୍ଗେ (ତୁ) ଇଞ୍ଜ କମ୍ପନେ ॥
ୟଜ ଦେୱଚ୍ଚନେ ଦାନସଙ୍ଗତୀକରଣେସୁ (ଚ) ।
ତିଜକ୍ଖମନିସାନେସୁ ଦାନେ(’ପି) ଚଜ ହାନିୟଂ ॥
ସଜା’ଲିଙ୍ଗନ ୱିସ୍ସଜ୍ଜ ନିମ୍ମାଣେ ମୁଜ୍ଜ ମୁଜ୍ଜନେ ।
ମଜ୍ଜ ସଂସୁଦ୍ଧିୟଂ ଲଜ୍ଜ ଲଜ୍ଜନେ ତଜ୍ଜ ତଜ୍ଜନେ ॥
ଅଜ୍ଜ-ସଜ୍ଜା’ଜ୍ଜନେ ସଜ୍ଜ ନିମ୍ମାଣେ ଗଜ୍ଜ ସଦ୍ଦନେ ।
ଗୁଜ-କୁଜ ଦ୍ୱୟଂ ସଦ୍ଦେ ଅଖ୍ୟତ୍ତେ ଖଜ୍ଜ ଭକ୍ଖଣେ ॥
ଭଜ୍ଜ ପାକେ ୱିଜି ଭୟଚଲନେ ୱୀଜ ୱୀଜନେ ।
ଖଜୀ ଗମନୱେକଲ୍ଲେ ଜୀ ଜୟେ ଜୁ ଜୱେ (ସିୟା ।) ॥
ଝେ ଚିନ୍ତାୟୁଜ୍ଝ ଉସ୍ସଗ୍ଗେ ଗମନେ ଅଟ-ପଟ ଦ୍ୱୟଂ ।
ନଟ ନଚ୍ଚେ ରଟ ପରିଭାସନେ ୱଟ ୱେଠନେ ॥
ୱଟ୍ଟ ଆୱତ୍ତନେ ୱଣ୍ଟ ୱଣ୍ଟତ୍ଥେ କଟ ମଦ୍ଦନେ ।
ଫୁଟୋ ୱିସରଣାଦୀସୁ କଟ ସଂୱରଣେ ଗତେ ॥
ଘୁଟ ଘୋସେ ପତିଘାତେ ୱିଟ’କ୍କୋସେ (ଚ) ପେସନେ ।
ଭଟ ଭତ୍ୟଂ କୁଟ-କୋଟ୍ଟଚ୍ଛେଦନେ ଲୁଟ ଲୋଟନେ ॥
ଜଟ-ଝଟ-ପିଟ ସଙ୍ଘାତେ ଚିଟୁ’ତ୍ତାସେ ଘଟୀ’ହନେ ।
ଘଟି ସଙ୍ଘଟ୍ଟନେ ତଟ୍ଟ ଚ୍ଛେଦନେ ମୁଟ ମଦ୍ଦନେ ॥
ପଠ ବ୍ୟତ୍ତୱଚେ ହେଠ ବାଧାୟଂ ୱେଠ ୱେଠନେ ।
ସୁଠୀ-କୁଠୀ ଦ୍ୱୟଂ ସୋସେ ପୀଠ ହିଂସନଧାରଣେ ॥
କଠ ସୋସନପାକେସୁ ୱଠ ଥୁଲତ୍ତନେ (ଭୱେ) ।
କଠି ସୋସେ ରୁଠ-ଲୁଠୋ’ପଘାତେ ସଠ କେତୱେ ॥
(ସିୟା ହଠ ବଲକ୍କାରେ କଡିଭେଦେ କଡିଚ୍ଛିଦେ ।
ମଣ୍ଡ ୱିଭୂସନେ ଚଣ୍ଡ ଚଣ୍ଡିକ୍କେ ଭଡି ଭଙ୍ଡନେ ॥
ପଡି ଉପ୍ପଣ୍ଡନେ ଲିଙ୍ଗୱେକଲ୍ଲେ ମୁଡି ଖଣ୍ଡନେ,
ଗଡି ୱତ୍ତେ’କଦେସମ୍ହି ଗଡି ସନ୍ନିୱୟେ(’ପିଚ ।) ।
ରଡି-ଏରଡି ହିଂସାୟଂ ପିଡି ସଙ୍ଘାତଆଦିସୁ,
କୁଡି ଦାହେ ପଡି ଗତେ ହିଡି ଆହିଣ୍ଡନେ (ସିୟା ।) ।
କରଣ୍ଡ ଭାଜନ’ତ୍ଥମ୍ହି (ଅଥୋ) ଲଡି ଜିଗୁଚ୍ଛନେ,
(ୱତ୍ତତେ) ମେଡିକୋଟିଲ୍ଲେ ସଡି ଗୁମ୍ବତ୍ଥମୀରଣେ ।
(ଅଥୋ’ପି) ଅଡି ଅଣ୍ଡତ୍ଥେ (ଦିସ୍ସତେ) ତୁଡି ତୋଡନେ,
ୱଡ୍ଢ ସଂୱଡ୍ଢନେ କଡ୍ଢ କଡ୍ଢଣେ ଭଣ ଭାସନେ ।
ସୋଣ ୱଣ୍ଣେ ଗୁଣ’ଭ୍ୟାସେ ଇଣ-ଫେଣ ଦ୍ୱୟଂ ଗତେ,
ପଣ ୱୋହାରଥୋମେସୁ (ୱତ୍ତତେ) କଣ ମିଲନେ ।
ଅଣ-ରଣ-କଣ-ମୁଣ-କ୍ୱଣ-କୁଣ ସଦ୍ଦେ,
ୟତ ପତିୟତନେ ଜୁତ ଦିତ୍ତିମ୍ହି ।
ଅତ-ପତ ଗମନେ ଚିତ ସଞ୍ଞାଣେ,
କିତ ୱାସା’ଦୋ ୱତୁ ୱତ୍ତୁମ୍ହି ॥
(ଭୱେ) କତ୍ଥ ସିଲାଘାୟଂ ମଥ-ମତ୍ଥ ୱିଲୋଳନେ,
ନାଥ ୟାଚନସନ୍ତାପ ଇସ୍ସେରା’ସିଂସନେସୁ (ଚ ।)
ପୁଥ (ଚେ) ପୁଥୁ ୱିତ୍ଥାରେ ବ୍ୟଥ ଭୀତିଚଲେସୁ (ଚ),
ଗୋତ୍ଥୁ ୱଂସେ ପଥ-ପନ୍ଥ ଗତେ ନନ୍ଦ ସମିଦ୍ଧିୟଂ ।
ୱନ୍ଦା’ଭିୱାଦଥୋମେସୁ ଗଦ ବ୍ୟତ୍ତୱଚେ’(ପିଚ),
(ଅଥୋ) ନିନ୍ଦ ଗରହାୟଂ ଖଦି ପକ୍ଖନ୍ଦନାଦିସୁ ।
ଏଦୀ (ତୁ) କିଞ୍ଚିଚଲେନ ଚଦି କନ୍ତିହିଳାଦନେ,
କିଲିଦୀ ପରିଦେୱାଦୋ ଉଦିସ୍ସୱକିଲେଦନେ ।
ଇଦୀ (ତୁ) ପରମିସ୍ସରିୟେ ଅଦିଅନ୍ଦୁ (ଚ) ବନ୍ଧନେ,
ଭଗନ୍ଦ ସେୱନେ (ହୋତି) ଭଦ୍ଦ କଲ୍ୟାଣକମ୍ମନି ।
ସିଦ ସିଙ୍ଗାରପାକେସୁ ସଦ୍ଦୁହରିତସୋସନେ,
ମଦି ବଲ୍ୟେ ମୁଦ-ମଦା ସନ୍ତୋସେ ମଦ୍ଦ ମଦ୍ଦନେ ।
ସନ୍ଦୁ ପସ୍ସୱନାଦୀସୁ କନ୍ଦ’ୱ୍ହାନେ (ଚ’) ରୋଦନେ,
ୱିଦ ଲାଭେ ଦଦ ଦାନେ ରୁଦି ଅସ୍ସୁୱିମୋଚନେ ।
ସଦୋ ୱିସରଣା’ଦାନଗମନେ (ଚା’)ୱସାଦନେ,
ହିଳାଦ (ତୁ) ସୁଖେ ସୂଦକ୍ଖରଣେ ରଦ ୱିଲେଖଣେ ।
ସାଦ ଅସ୍ସାଦନାଦୀସୁ ଗଦ ବ୍ୟତ୍ତୱଚେ’(ପିଚ),
ନଦ ଅବ୍ୟତ୍ତସଦ୍ଦେ (ତୁ) ରଦା’ଦା-ଖାଦ-ଭକ୍ଖଣେ ।
ଅଦ୍ଦ ୟାଚନୟାତ୍ରାଦିସ୍ୱ (ଥୋ) ମିଦ ସିନେହନେ,
(ସିୟା) ଖୁଦ ଜିଗଚ୍ଛାୟଂ ଦଳିଦ୍ଦ ଦୁଗ୍ଗଚ୍ଚଂ (ହି ତୁ ।)
ଦା ଦୱେ ଦୁ ଗତୀୱୁଦ୍ଧୟଂ ଦା ଦାନେ ୱିଦ ଜାନନେ,
ତଦି ଆଲସିୟେ ବାଧ ବାଧାୟଂ ଗୁଧ କୀଳନେ ।
(ଅଥୋ) ଗାଧ ପତିଟ୍ଠାୟଂ ୱୁଠୁ-ଏଧ (ଚ) ୱୁଦ୍ଧିୟଂ,
ଧା (ହୋତି) ଧାରଣେ (ଚେୱ) ଚିନ୍ତାୟଂ ବୁଧ ବୋଧନେ ।
ସିଧୁ ଗତିମ୍ହି ୟୁଧ ସମ୍ପହାରେ ୱିଧ ୱେଧନେ,
ରାଧ ହିଂସାୟସଂରାଧେ ବଧ-ବନ୍ଧ (ଚ) ବନ୍ଧନେ ।
ସିଧ-ସାଧ (ଚ) ସିଦ୍ଧିମ୍ହି ଧେ ପାନେ ଇନ୍ଧ ଦିତ୍ତିୟଂ,
ମାନ ପୂଜାୟ ୱନ-ସନ ସମ୍ଭୱେ ଅନ ପାଣନେ ।
କନ ଦିତ୍ତିଗତୀକନ୍ତ୍ୟଂ ଖନ-ଖନ୍ୱ’ୱଦାରଣେ ॥
ଗୁପ ଗୋପନକେ ଗୁପ ସଂୱରଣେ ତପ ସନ୍ତାପେ ତପ ଇସ୍ସରିୟେ,
ଚୁପ ମନ୍ଦଗତେ ତପୁଉବ୍ବେଗେ ରପ-ଲପ ୱାକ୍ୟେ ସପ ଅକ୍କୋସେ ।
ଜପ-ଜପ୍ପ ୱଚେ’ବ୍ୟତ୍ତେ ତପ୍ପ ସନ୍ତପ୍ପନେ (ସିୟା),
କପି କିଞ୍ଚିଚଲେ କପ୍ପ ସାମତ୍ଥେ ୱେପୁ କମ୍ପନେ ।
ତପ୍ପ ସନ୍ତଗତେଚ୍ଛେଦେ ତକ୍କେ ହିଂସାଦିସୁ’(ଚ୍ଚତେ),
ୱପ ବୀଜୱିନିକ୍ଖେପେ ଧୂପ ସନ୍ତପନେ’(ପି ଚ) ।
ଚପ ସାନ୍ତ୍ୱେ ପୁ ପୱନେ ଝପ ଦାହେ ସୁପୋ ସୟେ,
ପୁପ୍ଫ ୱିକସନେ (ହୋତି) ରମ୍ବ’ଲମ୍ବୱସଂସନେ ।
ଚୁମ୍ବ ୱଦନସଂୟୋଗେ କମ୍ବ ସଂୱରଣେ (ମତୋ),
ଅମ୍ବ ସଦ୍ଦେ (ଚ) ଅସ୍ସାଦେ ତାୟନେ ସବି ମଣ୍ଡନେ ।
ଗବ୍ବ ଦପ୍ପେ’ବ୍ବ-ସବ୍ବା’(ପି) ଗମନେ ପୁବ୍ବ ପୂରଣେ,
ଗୁମ୍ବ’ବ୍ବଗୁମ୍ବନେ ଚବ୍ବ ଅଦନେ ଉବ୍ବ ଧାରଣେ ।
ଲଭ ଲାଭେ ଜମ୍ଭ ଗତ୍ତୱିନାମେ ସୁଭ ସୋଭନେ,
ଭୀ ଭୟେ ରଭ ରାଭସ୍ସେ (ଚା)’ରମ୍ଭେ ଖୁଭ ସଞ୍ଚଲେ ।
ଥମ୍ଭ-ଖମ୍ଭ ପତିବନ୍ଧେ ଗବ୍ଭ ପାଗବ୍ଭିୟେ ୱଧେ,
ସୁମ୍ଭ ସଂସୁମ୍ଭନେ ସମ୍ଭ ୱିସ୍ସାସେ ୟଭ ମେଥୁନେ ।
ଦୁଭ ଜୀଗିଂସନେ ଦବ୍ଭ ଗନ୍ଥନେ ଉଦ୍ରଭା’ଦନେ,
କମୂ (ତୁ) ପଦୱିକ୍ଖେପେ ଖମୂ (ତୁ) ସହଣେ (ସିୟା ।)
ଭମୁ ଅନୱଟ୍ଠାନେ (ଚ) ୱମୁ ଉଗ୍ଗିରଣାଦିସୁ,
କିଲମୁ-କ୍ଲମୂ ଗେଲଞ୍ଞେ ରମୁ କୀଳା’ୟ (ମୀରିତୋ ।)
ଦମୋ ଦମେ ନମ ନମେ (ଅଥୋ) ସମ ପରିସ୍ସମେ,
ୟମୁ ଉପରମେ ନାସେ ଅମ ୟାତେ ମୁ ବନ୍ଧନେ ।
ଧମୋ ପୁମୋ (ଚ) ଧମନେ ତମ ସଙ୍କାୱିଭୂସନେ,
ଧୁମ-ଥୀମ (ଚ) ସଙ୍ଘାତେ ତମ ସାନ୍ତ୍ୱ’ୱସାଦିୟେ ।
ଅୟୋ ୱୟୋ ପୟ-ମୟୋ ନୟୋ ରୟଗତିମ୍ହି (ଚ)
ଦୟ ଦାନଗତୀରକ୍ଖା ହିଂସାଦିସୁ ୟୁ ମିସ୍ସନେ ।
ଚାୟ ସମ୍ପୂଜନେ ତାୟ ସନ୍ତାନେ ପାୟ ୱୁଦ୍ଧିୟଂ,
(ଅଥୋ) ଉସୂୟ ଦୋସା’ୱିକରଣେ ସାୟ ସାୟନେ ।
ତର ତରଣସ୍ମିଂ ଥର ସନ୍ଥରଣେ ଭର ଭରଣସ୍ମିଂ ଫର ସମ୍ଫରଣେ,
ସର ଗତି ଚିନ୍ତା ହିଂସା ସଦ୍ଦେ ଫୁର ଚଲନାଦୋ ହର ହରଣସ୍ମିଂ ।
ରି ସନ୍ତତିସ୍ମିଂ ରି ଗତେ ରୁ ସଦ୍ଦେ ଖୁରଚ୍ଛିଦସ୍ମିଂ ଧର ଧାରଣମ୍ହି,
ଜର ଜୀରଣତ୍ଥେ ମରପାଣଚାଗେ ଖର ସେକନାସେ ଘର ସେୱନମ୍ହି ।
ଗରୋ ନିଗରେଣ ସେକେ ଦର ଡାହେ ୱିଦାରଣେ,
ଚର ଗତିଭକ୍ଖଣେସୁ ୱର ସଂୱରଣାଦିସୁ ।
ଚରଚ୍ଛେଦେ ଅରନାସେ ଗତେ (ଚ) ପୂର ପୂରଣେ,
କୁର କ୍କୋସେ ନର ନୟେ ଜାଗର ସୁପିନକ୍ଖୟେ ।
ପୀଲୁ-ପଲୂ-ସଲ-ହୁଲା ଗତ୍ୟ’ତ୍ଥା ଚଲ କମ୍ପନେ,
ଖଲ ସଞ୍ଚଲନେ ଫୁଲ୍ଲ ୱିକାସେ ଜଲ ଦିତ୍ତିୟଂ ।
ଫଲ ନିପ୍ଫତ୍ତିୟଂ (ହୋତି) ଦଲ ଦିତ୍ତିୱିଦାରଣେ,
ଦଲ ଦୁଗ୍ଗତିୟଂ ନୀଲ ୱଣ୍ଣେ ମୀଲ ନିମୀଲନେ ।
ସିଲ ସମାଧିମ୍ହି କୀଲ ବନ୍ଧେ ଗଲ-ଗିଲା’ଦନେ,
କୂଲ ଆୱରଣେ ସୂଲ ରୁଜାୟଂ ବଲପାଣନେ ।
ତଲ-ମୂଲ ପତିଟ୍ଠାୟଂ ୱଲ-ୱଲ୍ଲ ନିୱାରଣେ,
ପଲ୍ଲ ନିନ୍ନେ (ଚ) ଗମନେ ମଲ-ମଲ୍ଲ’ୱଧାରଣେ ।
(ୱତ୍ତତେ) ଖିଲ କାଠିନ୍ନେ କଲିଲେ ଅଲ-କଲ ଦ୍ୱୟଂ,
ୱେଲ୍ଲ ସଞ୍ଚଲନେ କଲ୍ଲ ସଜ୍ଜନେ ଅଲିବନ୍ଧନେ ।
ଚୁଲ୍ଲ ହାୱକିରୟେ ଥୂଲା’କସ୍ସନେ ଚୂଲ ମଦ୍ଦନେ,
(ୱତ୍ତତେ) ଖଲ ସୋଚେୟ୍ୟୋ ପଲ ରକ୍ଖଗତେସୁ(ପି ।)
କେଲ-ଖେଲ-ଚେଲ-ପେଲ-ୱେଲ-ସଞ୍ଚଲନାଦିସୁ,
ଅୱ ରକ୍ଖଣେ ଜୀୱ ପାଣଧାରଣେ (ତୁ) ପ୍ଲୱୋ ଗତେ ।
କଣ୍ଡୁୱନମ୍ହି କଣ୍ଡୁୱୋ ସରଣେ ଛେଦନେ ଦୱେ,
ଦୱୋ (ତୁ) ଦୱନେ ଦେୱୁ ଦେୱନେ ସେୱୁ ସେୱନେ ।
ଧାୱ ଗମନୱୁଦ୍ଧିମ୍ହି (ପଠିତୋ) ଧୋୱୁ ଧୋୱନେ ।
ୱେ-ୱୀ ଦ୍ୱେ ତନ୍ତୁସନ୍ତାନେ ୱେ-ୱୁ ସଂୱରଣେ (ସିୟା)
ହ୍ୱେ ଅୱ୍ହାନେ କେୱ ସେକେ ଧୁୱ ୟାତ୍ରା ଥିରେସୁ (ଚ ।) ।
ଅସ ଗସ ଅଦନେ ଘସ ଅଦନସ୍ମିଂ-ଇସ ପରିୟେସେ ଇସୁଇଚ୍ଛାୟଂ,
ସସୁ ପାଣନଗତିହିଂସା’ଦ୍ୟ’ତ୍ଥେ-ମସ ଆମସନେ ମୁସ ସମ୍ମୋସେ ।
କୁସ ଅକ୍କୋସେ ଦୁସ ଅପ୍ପୀତେ-ତୁସ ସନ୍ତୋସେ ପୁସ ପୋସମ୍ହି,
ରୁସ ଆଲେପେ ରୁସ ହିଂସାୟଂ-ମସୁ ମଚ୍ଛେରେ ଉସୁ ଦାହେ (’ପି ।)
ହସ ହସନସ୍ମିଂ ଘୁସ ସଦ୍ଦସ୍ମିଂ-ତସ ଉବ୍ବେଗେ ତ୍ରସ ଉବ୍ବେଗେ,
ଲସ କନ୍ତ୍ୟ’ତ୍ଥେ ରସ ଅସ୍ସାଦେ-(ପୁନ)ଭସ ଭସ୍ମିକରଣେ(ଚା’ପି ।)
ଗୱେସ ମଗ୍ଗଣେ ପଂସ ନାସନେ ଦିସ ପେକ୍ଖଣେ,
ସାସା’ନୁସିଟ୍ଠିୟଂ ହଂସ ପିତିୟଂ ପାସ ବନ୍ଧନେ ।
ସଂସ ପସଂସନେ ଇସ୍ସ ଇସ୍ସାୟଂ କସ୍ସ କସ୍ସନେ,
ଧଂସ ପଧଂସନେ ସିଂସ ଇଚ୍ଛାୟଂ ଘଂସ ଘଂସନେ ।
ସଂସ-ଦଂସା (ତୁ) ଡସନେ ଭାସ ୱାଚାୟ ଦିତ୍ତିୟଂ,
(ସିୟା) ଭୁସ ଅଲଙ୍କାରେ (ଅଥୋ) ଆସୂ’ପୱେସନେ ।
ୱସ କନ୍ତିନିୱାସେସୁ ୱସ୍ସସେଚନସଦ୍ଦନେ,
କିସ ସାଣେ କସ ଗତେ କସ ହିଂସାୱିଲେଖନେ ।
ଦିସା’ତିସଜ୍ଜନା’ଦୀସୁ କାସ ଦିତ୍ତିମ୍ହି ସଜ୍ଜନେ,
(ଦୁୱେ ଧାତୁ) ଖସ-ଝସ ହିଂସାୟଂ ମିସ ମିଲନେ ।
ସୁ ହିଂସାକୁଲସନ୍ଧାନୟାତ୍ରା’ଦୀସୁ ସୁ ପସ୍ସୱେ,
ସୁ ସଦ୍ଦେ ସୁ ପସୱନେ ସି ସୟେ (ଚ) ସି ସେୱନେ ।
ମହ ପୂଜାୟା’ରହପୂଜାୟଂ-ଗୁହ ସଂୱରଣେ ଲିହ ଅସ୍ସାଦେ,
ରହ ଚାଗସ୍ମିଂ ମୁହ ମୁଚ୍ଛାୟଂ-ମହ ସତ୍ତାୟଂ ବହୁ ସଂଖ୍ୟାନେ ।
ସହ ଖମେ ଦହ ଭସ୍ମିକରଣେ (ଚ) ପତିଟ୍ଠାୟଂ,
ରୁହ ସଞ୍ଜନନେ ଊହ ୱିତକ୍କେ ୱହ ପାପଣେ ।
ଦୁହ’ପ୍ପପୂରଣେ ନାସେ ଦିହୋ ଉପଚୟେ (ମତୋ),
ନିନ୍ଦାୟଂ ଗରହୋ ଈହ ଘଟ୍ଟନେ ମିହ ସେୱନେ ।
ଗାହ ୱିଲୋଳନେ ବ୍ରୂହ-ବହ-ବ୍ରହ (ଚ) ୱୁଦ୍ଧିୟଂ,
ୱ୍ହେ ସଦ୍ଦମ୍ହି ହସନେ ହା ଚାଗେ ଲୁଳ ମନ୍ଥନେ
କୀଳୱିହାରମ୍ହି ଲଳ ୱିଲାସେ’(ମେସୱୁଦ୍ଧିକା ।)
ତୁଦାଦୟୋ ଅୱୁଦ୍ଧିକା
ତୁଦ ବ୍ୟଥାୟଂ (ତୁ) ନୁଦ କ୍ଖେପଣେ ଲିଖ ଲେଖଣେ,
କୁଚ ସଙ୍କୋଚନେ ରିଚ କ୍ଖରଣେ ଖଚ ବନ୍ଧନେ ।
ଉଚ ସଦ୍ଦେ ସମୱାୟେ ୱିଜୀ ଭୟଚଲେସୁ (ଚ),
(ୱତ୍ତତେ) ଭୁଜ କୋଟିଲ୍ଲେ ୱଲଞ୍ଜୋ (ତୁ) ୱଲଞ୍ଜନେ ।
ଭଜ ସେୱାପୁଥକ୍କାରେ ରୁଜ ରୋଗେ ଅଟା’ଟନେ,
କୁଟଚ୍ଛେଦେ (ଚ) କୋଟିଲ୍ଲେ ଅଗା ସଜ୍ଝାୟନା’ଦିସୁ ।
ପୁଣୋ ସୁଭ କିରୟେ ୱତ୍ତ ୱତ୍ତନେ ଚତ ୟାଚନେ,
ପୁଥ ପାକେ ପୂତିଭାୱେ କୁଥସଂକ୍ଲେସନେ’(ପି ଚ ।)
(ଉଭୋ ଧାତୁ) ପୁଥ-ପଥ ୱିତ୍ଥାରେ ୱିଦ ଜାନନେ,
ହଦ ଉଚ୍ଚାର ଉସ୍ସଗ୍ଗେ-ଚିନ୍ତାୟଂ ମିଦ ହିଂସନେ ।
ନନ୍ଧ ୱିନନ୍ଧନେ ଥୀନ-ପୁନ ସଙ୍ଘାତୱାଚିନୋ,
କପ ଅଚ୍ଛାଦନେ ୱପ୍ପ ୱାରଣେ ଖିପ ପେରଣେ ।
ସୁପୋ ସୟେ ଛୁପୋ ଫସ୍ସେ (ୱତ୍ତତେ) ଚପ ସାନ୍ତ୍ୱନେ,
ନଭ (ଧାତୁ) ୱିହିଂସାୟଂ ରୁମ୍ଭ ଉପ୍ପୀଳନାଦିସୁ ।
ସୁମ୍ଭ ସଂସୁମ୍ଭନେ ଜମ୍ଭ ଜମ୍ଭନେ ଜୁଭ ନିଚ୍ଛୁଭେ,
ଠୁଭ ନିଟ୍ଠୁଭନେ ଚମୁ ଅଦନେ ଛମୁ ହୀଳନେ ।
ଝମୁ ଦାହେ ଛମୁ ଅଦନେ ଇରୀୟ ୱତ୍ତନେ’(ପି ଚ),
କିର (ଧାତୁ) ୱିକିରଣେ ଗିରୋ ନିଗିରଣା’ଦିସୁ ।
ଫୁର ସଞ୍ଚଲନାଦୀସୁ କୁର ସଦ୍ଦା’ଦନେସୁ (ଚ),
ଖୁରଚ୍ଛେଦେ ୱିଲିଖଣେ ଘୁର ଭୀମେ ଗିଲା’ଦନେ ।
ତିଲ ସ୍ନେହେ ଚିଲ ୱାସେ ହିଲ ହାୱେ ସିଲୁ’ଞ୍ଛନେ,
ବିଲ ଭେଦେ ଥୂଲ ଚୟେ କୁସଚ୍ଛେଦନ ପୂରଣେ ।
ୱିସପ୍ପୱେସେ ଫରଣେ ଦିସା’ତିସଜ୍ଜନା’ଦିସୁ
ଫୁଲ ଫସ୍ସେ ମୁସ ଥେୟ୍ୟେ ଥୁସ ଅପ୍ପିକିରୟାୟ (ତୁ)
ଗୁଳ ମୋକ୍ଖେ ଗୁଳ ପରିୱତ୍ତନମ୍ହି (ତୁଦାଦୟୋ ।)
ହୂ-ଭୂ ସତ୍ତାୟ (ମୁ’ଚ୍ଚନ୍ତି) ଇ ଅଜ୍ଝାନେ ଗତିମ୍ହି (ଚ,)
ଖା-ଖ୍ୟା (ଦ୍ୱୟଂ) ପକଥନେ ଜି ଜୟେ ଞା’ୱବୋଧନେ ।
ସୀ-ଳୀ ୱେହାସଗମନେ ଠା ଗତୀୱିନିୱୁତ୍ତିୟଂ,
ନୀ ପାପଣେ ମୁନ ଞାଣେ ହନ ହିଂସାଗତୀସୁ (’ପି)
ପାରକ୍ଖଣମ୍ହି ପା ପାନେ ବ୍ରୂ ୱାଚାୟଂ ୱିୟତ୍ତିୟଂ,
ଭା ଦିତ୍ତିୟଂ ମା ପମାଣେ (ଅଥୋ) ୟା ପାପୁଣେ (ସିୟା ।)
(ଦୁୱେପି) ରା-ଲା ଆଦାନେ ୱା ଗତୀଗନ୍ଧନେସୁ (ପି,)
ଅସ (ଧାତୁ) ଭୁୱି (ଖ୍ୟାତୋ) ସି ସୟେ ସା ସମତ୍ଥିୟେ ।
ଜୁହୋତ୍ୟା’ଦୟୋ ସଦ୍ୱିଭାୱଲୁତ୍ତୱିକରଣା ।
ହୂ ଦାନେ’(ପି ଚ) ଆଦାନେ ହୱ୍ୟଦାନେ (ଚ ୱତ୍ତତେ,)
ହା ଚାଗେ କମୁ ୟାତ୍ରାୟଂ ଦା ଦାନେ ଧା (ଚ) ଧାରଣେ ।
ଅୱିକରଣଭୂୱାଦୟୋ ସମତ୍ତା ।
ରୁଧାଦୟୋ
ରୁଧି ଆୱରଣେ ମୁଚ ମୋଚନେ ରିଚ ରେଚନେ,
ସିଚ ସେକେ ୟୁଜ ୟୋଗେ ଭୁଜ ପାଲନଭୋଜନେ ।
କତିଚ୍ଛେଦେ ଛିଦି ଦ୍ୱେଧାକରଣେ ଭିଦ ୱିଦାରଣେ
ୱିଦ ଲାଭେ ଲୁପଚ୍ଛେଦେ ୱିନାସେ ଲିପଲିମ୍ପନେ
ପିସ ସଂଚୁଣ୍ଣନେ ହିସି ୱିହିଂସାୟଂ (ରୁଧାଦୟୋ ।)
ଦିୱୁ କୀଲା ୱିଜିଗିଂସା ୱୋହାରଜ୍ଜୁତି ଥୋମିତେ,
ସିୱୁ ତନ୍ତୂନସନ୍ତାନେ ଖୀ ଖୟେ ଖା ପକାସନେ ।
କା-ଗା ସଦ୍ଦେ (ପି) ଘା ଗନ୍ଧୋ’ପାଦାନେ ରୁଚ ରୋଚନେ,
କଚ ଦିତ୍ୟଂ ମୁଚ ମୋଚେ (ଅଥୋ) ୱିଚ ୱିୱେଚନେ ।
ରଞ୍ଜ ରାଗେ ସଞ୍ଜ ସଙ୍ଗେ ଖଲନେ ମଜ୍ଜ ସୁଦ୍ଧିୟଂ,
ୟୁଜୋ ସମାଧିମ୍ହି ଲୁଜୋ ୱିନାସେ ଝା ୱିଚିନ୍ତନେ ।
ତା ପାଲନେ ଛିଦି ଦ୍ୱେଧାକାରେ ମିଦ ସିନେହନେ,
ମଦୁ’ମ୍ମାଦେ ଖିଦ ଦୀନଭାୱେ ଭିଦ ୱିଦାରଣେ ।
ସିଦ ପାକେ ପଦଗତେ ୱିଦ ସତ୍ତା ୱିଚିନ୍ତନେ,
ଦୀ ଖୟେ ସୁପନେ ଦା (ଚ) ଦାନେ ଦାତ୍ୱ’ୱଖଣ୍ଡନେ ।
ବୁଧା’ୱଗମନା’ଦୀସୁ ଅତ୍ଥେସୁ ୟୁଧ ୟୁଜ୍ଝନେ,
କୁଧ କୋପେ ସୁଧ ସୋଚେ ରାଧ ହିଂସାୟ ସିଦ୍ଧିୟଂ ।
ଇଧ ସଂସିଦ୍ଧିୱୁଦ୍ଧୀସୁ ସିଧ-ସାଧ (ଚ) ସିଦ୍ଧିୟଂ,
ୱିଧ ୱେଧେ ଗିଧ ଗେଧେ ରୁଧି ଆୱରଣା’ଦିସୁ ।
ମନ ଞାଣେ ଜନୁ’ପ୍ପାଦେ ହନ ହିଂସାଗତୀସୁ (ପି,)
ସିନା ସୋଚେ କୁପ କୋପେ ତପ ସନ୍ତାପ ପୀଣନେ ।
ଲୁପଚ୍ଛେଦେ ରୁପ ନାସେ ପକାସେ ଦିପ ଦିତ୍ତିୟଂ,
ଦପ ହାସେ ଲଭ ଲାଭେ ଲୁଭ ଗେଧେ ଖୁଭୋ ଚଲେ ।
ସମୂ’ପସମ ଖେଦେସୁ ହର-ହିରୀ (ଚ) ଲଜ୍ଜନେ,
ମିଲା ଗତ୍ତୱୀନାମେ (ଚ) ଗିଲା ହାସକ୍ଖୟେ (ପି ଚ ।)
ଲୀ ସିଲେସେ ଦ୍ରୱୀକାରେ ୱା ଗତୀ ବନ୍ଧନେସୁ (ଚ,)
ଲିସି ଲେସେ ତୁସ ତୋସେ ସିଲିସା’ଲିଙ୍ଗନାଦିସୁ ।
କିଲିସ କଲିସୋ’ପତାପେ (ଅଥୋ) ତସ ପିପାସନେ,
ରୁସ ରୋସେ ଦିସ-ଦୁସ ଅପ୍ପୀତିମ୍ହି (ଦୁୱେ ସିୟୁଂ ।)
ୟସୁପ୍ପୟତନେ ଅସୁ ଖେପନେ (ପି ଚ ୱତ୍ତତେ,)
ସୁସ ସୋସେ ଭସ ଅଧୋପାତେ ନସ ଅଦସ୍ସନେ ।
୧୧୬. ସା’ସ୍ସାଦେ ସା’ୱସାନେ (ଚ) ସା ତନୂକରଣେ (ପି ଚ) ହା ଚାଗେ ମୁହ ୱେଚିତ୍ତେ ନହ ସଜ୍ଜନବନ୍ଧନେ ନହ ସୋଚେ ପିହିଚ୍ଛାୟଂ ସିନିହ-ସନିହ ପୀତିୟଂ ।
୧୧୭. ସୁ ସୱଣେ ସକ ସତ୍ତିମ୍ହି ଖୀ ଖୟମ୍ହି ଗି ସଦ୍ଦନେ,
ଅପ-ସମ୍ଭୂ (ଚ) ପାପୁଣନେ ହି ଗତିମ୍ହି ୱୂ ସଂୱରେ ।
କିୟାଦୟୋ
କୀ ୱିନିମୟେ ଚି ଚୟେ ଜି ଜୟେ ଞା’ୱବୋଧନେ,
ଥୱ’ଭିତ୍ଥୱେ କମ୍ପନେ ଧୁ (ଅଥୋ) ପୁ ପୱନେ (ସିୟା ।)
ପୀ ତପ୍ପଣେ ମା ପମାଣେ ଖିପକ୍ଖେପେ ମି ହିଂସନେ,
ମି ପମାଣେ ମୁ ବନ୍ଧେ (ଚ) ଲୁ ପଚ୍ଛେଦେ ସି ବନ୍ଧନେ
ଅସ ଭକ୍ଖଣେ (ଅଥୋ) ଗହ ଉପାଦାନେ (କିୟାଦୟୋ ।)
ତନୁ ୱିତ୍ଥାରେ ସକ ସତ୍ତିସ୍ମିଂ-ଦୁ ପରିତାପେ ସନୁ ଦାନସ୍ମିଂ,
ୱନ ୟାଚାୟଂ ମନୁ ବୋଧସ୍ମିଂ-ହି ଗତେ ଅପ ପାପୁଣନସ୍ମିଂ (ହି,)
କର କରଣସ୍ମିଂ(ଭୱତି)ସି ବନ୍ଧେ-ସୁ ଅଭିସ୍ସୱନେ(ତନୁ ଆଦୀନି ।)
ନିଚ୍ଚଂ ଣେଣୟନ୍ତା ଚୁରାଦୟୋ ।
ଚୁର ଥେୟ୍ୟେ ଲୋକ (ଧାତୁ) ଦସ୍ସନେ ଅକି ଲକ୍ଖଣେ,
ସିୟା ଥକ ପତିଘାତେ (ପୁନ) ତକ୍କ ୱିତକ୍କଣେ ।
ଲକ୍ଖ ଦସ୍ସନଅଙ୍କେସୁ (ୱତ୍ତତେ) ମକ୍ଖ ମକ୍ଖଣେ,
ଭକ୍ଖା’ଦନେ ମୋକ୍ଖ ମୋଚେ ସୁଖ-ଦୁକ୍ଖ (ଚ) ତକିରୟେ ।
ଲିଙ୍ଗ ଚିତ୍ତକିରୟା’ଦୀସୁ ମଗ-ମଗ୍ଗ ଗୱେସନେ,
(ପୁନା’ପି) ପଚ ୱିତ୍ଥାରେ କ୍ଲେସେ ୱଞ୍ଚ ପଲମ୍ଭନେ ॥
ୱଚ୍ଚ ଅଜ୍ଝାୟନେ ଅଚ୍ଚ ପୂଜାୟଂ ୱଚ ଭାସନେ,
ରଚ ପତିୟତନେ ସୁଚ ପେସୁଞ୍ଞେ ରୁଚ ରୋଚନେ ।
ମୁଚପ୍ପମୋଚନେ ଲୋଚ ଦସ୍ସନେ କଚ ଦିତ୍ତିୟଂ,
ସଜ୍ଜା’ଜ୍ଜ ଅଜ୍ଜନେ ତଜ୍ଜ ତଜ୍ଜନେ ୱଜ୍ଜ ୱଜ୍ଜନେ ।
ୟୁଜ ସଂୟମନେ ପୂଜ ପୂଜାୟଂ ତିଜ ତେଜନେ,
ପଜ ମଗ୍ଗ ସଂୱରଣେ ଗତେ ଭଜ ୱିଭାଜନେ ।
(ଅଥୋ) ଭାଜ ପୁଥକ୍କାରେ ସଭାଜ ପୀତିଦସ୍ସନେ,
(ଅଥୋ ତୁ) ଘଟ ସଙ୍ଘାତେ ଘଟ୍ଟ ସଞ୍ଚଲନା’ଦିସୁ ।
କୁଟ-କୋଟ୍ଟଚ୍ଛେଦନେ (ଦ୍ୱେ) କୁଟ ଆକୋଟନା’ଦିସୁ,
ନଟ ନଚ୍ଚେ ଚଟ-ପୁଟ ଭେଦେ ୱଣ୍ଟ ୱିଭାଜନେ ।
ତୁୱଟ୍ଟ ଏକସୟନେ ଘଟୋ ୱିସରଣେ (ସିୟା),
ଗୁଣ୍ଠ ଓଗୁଣ୍ଠନେ ହେଠ ବାଧାୟଂ ୱେଠ ୱେଠନେ
ଗୁଡି ୱେଠେ କଡି-ଖଡି ଭେଦନେ ମଡି ଭୂସନେ ।
ପଣ୍ଡ-ଭଣ୍ଡ ପରିଭାସେ ଦଡି ଆଣାୟ (ମୀରିତୋ),
ତଡି ସଂତାଳନେ ପିଣ୍ଡ ସଙ୍ଘାତେ ଛଡ୍ଡ ଛଡ୍ଡନେ ।
ୱଣ୍ଣ ସଂୱଣ୍ଣନେ ଚୁଣ୍ଣ ଚୁଣ୍ଣନେ ଆଣ ପେସନେ,
ଗଣ ସଂକଲନେ କଣ୍ଣ ସୱଣେ ଚିନ୍ତ ଚିନ୍ତନେ ।
ସନ୍ତ ସଙ୍କୋଚନେ ମନ୍ତ ଗୁତ୍ତ ଭାସନ ଜାନନେ,
ଚିତ ସଂଚେତନା’ଦିସୁ କିତ୍ତ ସଂସଦ୍ଦନେ (ଭୱେ ।)
ୟତ ନୀୟ୍ୟାତନେ ଗନ୍ଥ ସନ୍ଦବ୍ଭେ ଅତ୍ଥ ୟାଚନେ,
କଥ ୱାକ୍ୟପ୍ପବନ୍ଧେ (ଚ) ୱିଦ ଞାଣେ ନୁଦେ ଚୁଦ ।
ଛଦା’ପୱାରଣେ ଛଦ୍ଦ ୱମନେ ଛନ୍ଦ ଇଚ୍ଛୟଂ,
ୱଦୀ’ଭିୱାଦ ଥୋମେସୁ ଭଦିକଲ୍ୟାଣକମ୍ମନି ।
ହିଳାଦ (ତୁ) ସୁଖେ ଗନ୍ଧ ସୂଚନେ ୱିଧ କମ୍ପନେ,
ରନ୍ଧ ପାକେ (ଅଥୋ) ମାନ ପୂଜାୟଂ ନୁ ତ୍ଥୁତିମ୍ହି (ତୁ ।)
ଥନ ଦେୱସଦ୍ଦେ ଊନ ପରିହାନେ ଥେନ ଚୋରିୟେ,
ଧନ ସଦ୍ଦେ ଞପ ତୋସ ନିସାନ ମାରଣା’ଦିସୁ ।
ଲପ ୱାକ୍ୟେ ଝପ ଦାହେ ରୁପ ରୋପଣଆଦିସୁ,
ପୀ ତପ୍ପନେ (ସିୟା) କପ୍ପ ୱିତକ୍କେ ଲଭି ୱଞ୍ଚନେ ।
(ଅଥୋ) ୱହି ଗରହାୟଂ ସମୁ ସାନ୍ତ୍ୱନ ଦସ୍ସନେ,
କମୁ ଇଚ୍ଛାୟ କନ୍ତିମ୍ହି (ସିୟା) ଥୋମ ସିଲାଘନେ ।
ତିମୁ ତେମନ ସଙ୍କାସୁ ଅମ ରୋଗଗତା’ଦିସୁ,
ସଂଗାମ ୟୁଦ୍ଧେ (ୱତ୍ତେୟ୍ୟ) ଈର ୱାଚା ପକମ୍ପନେ ।
ୱର ଆୱରଣି’ଚ୍ଛାସୁ ୟାଚାୟଂ ଧର ଧାରଣେ,
ତୀର କମ୍ମ ସମତ୍ତିମ୍ହି ପାର ସାମତ୍ଥିୟା’ଦିସୁ ।
ତୁଲୁ’ମ୍ମାନେ ଖଲ ସୋୱେ ସଞ୍ଚୟେ ପାଲରକ୍ଖଣେ,
କଲ ସଙ୍କଲନା’ଦୀସୁ (ଭୱେ) ମୀଲ ନିମୀଲନେ ।
ସୀଲୂ’ପଧାରଣେ ମୂଲ ରୋହଣେ ଲଲ ଇଚ୍ଛନେ,
ଦୁଲ ଉକ୍ଖେପଣେ ପୂଲ ମହତ୍ତନ ସମୁସ୍ସୟେ ।
ଘୁସ ସଦ୍ଦେ ପିସ ପେସେ ଭୁସା’ଲଙ୍କରଣେ (ସିୟା,)
ରୁସ ପାରୁସିୟେ ଖୁଂସ ଅକ୍କୋସେ ପୁସ ପୋସନେ ।
ଦିସ ଉଚ୍ଚାରଣା’ଦୀସୁ ୱସ ଅଚ୍ଛାଦନେ (ସିୟା,)
ରସ’ସ୍ସାଦେ ରୱେ ସ୍ନେହେ (ଅଥୋ) ସିସ ୱିସେସନେ ।
ସି ବନ୍ଧେ ମିସ୍ସ ସମ୍ମିସ୍ସେ କୁହ ୱିମ୍ଭାପନେ ସିୟା,
ରହ ଚାଗେ ଗତେ (ଚା’ପି) ମହ ପୂଜାୟ (ମୀରିତୋ ।)
ପିହି’ଚ୍ଛାୟଂ ସିୟା ୱୀଳ ଲଜ୍ଜାୟଂ ଏଳ ଫାଳନେ
ହୀଳ ଗାରହିୟେ ପୀଳ ବାଧାୟଂ ତଳ ତାଳନେ
ଲଳ (ଧାତୂ)’ପସେୱା’ୟଂ (ୱତ୍ତତୀ’ମେଚୁରାଦୟୋ ।)
ସମତ୍ତା ସତ୍ତଗଣା ।
ଭୁୱାଦୀ ଚ ରୁଧାଦୀ ଚ-ଦିୱାଦି ସ୍ୱା’ଦୟୋ ଗଣା,
କିୟାଦୀ ଚ ତନାଦୀ ଚ-ଚୁରାଦୀତୀ’ଧ ସତ୍ତଧା ।
କିରୟାୱାଚିତ୍ତମକ୍ଖାତୁ-ମେ’କେକତ୍ଥୋ ବହୂ’ଦିତୋ,
ପୟୋଗତୋ’ନୁଗନ୍ତବ୍ବା-ଅନେକତ୍ଥା ହି ଧାତୱୋ ।
ହିତାୟ ମନ୍ଦବୁଦ୍ଧୀନଂ-ୱ୍ୟତ୍ତଂ ୱଣ୍ଣକ୍କମା ଲହୁଂ,
ରଚିତା ଧାତୁମଞ୍ଜୁସା-ସୀଲୱଂସେନ ଧୀମତା ।
ସଦ୍ଧମ୍ମପଙ୍କେରୁହରାଜହଂସୋ,
ଆସିଟ୍ଠଧମ୍ମଟ୍ଠିତି ସୀଲୱଂସୋ ।
ୟକ୍ଖଦ୍ଦିଲେନାଖ୍ୟ ନିୱାସୱାସୀ,
ୟତିସ୍ସରୋ ସୋୟମିଦଂ ଅକାସି ।
କଚ୍ଚାୟନ ଧାତୁମଞ୍ଜୂସା ସମତ୍ତା ।
ସାଚରିୟାନୁସିଟ୍ଠା ପରିସିଟ୍ଠପରିଭାସା
ଏକା ନେକସ୍ସ ରାନନ୍ତୂ-’ଭୟେସଂ ଅନ୍ତିମା ସରା,
ଅଙ୍ଗାନୁବନ୍ଧା ଧାତୂନଂ-ୱୁଚ୍ଚନ୍ତେ’ପି ୟଥାକ୍କମଂ ।
ଧାତୁନୋ ୱ୍ୟାଞ୍ଜନା ପୁବ୍ବେ-ନିଗ୍ଗହୀତଂ ସମ’ନ୍ତିମା,
ଇୱଣ୍ଣେନା’ରୁଧାଦୀନ-ମନୁବନ୍ଧେନ ଚିଣ୍ହିତଂ ।
ସେସା’ନୁବନ୍ଧା ସବ୍ବେସଂ-ହୋନ୍ତୀ’ଧୁ’ଚ୍ଚାରଣପ୍ଫଲା,
ଉଚ୍ଚାୱଚପ୍ଫଲା ଭାସ-ନ୍ତରମ୍ପତ୍ୱା ଭ ୱନ୍ତି’ପି ।
ନାମଧାତୁକ ଭାୱୋ’ପି-କିରୟାୟ ଅଧିକାରତୋ,
ୱିରୁଦ୍ଧନ୍ତରାଭାୱା-କ୍ୱଚିଦେୱ ପୟୁଜ୍ଜତେ ।
ଦ୍ୱନ୍ଦୟୁତ୍ତିୱସା କ୍ୱାପି-ଆଦେସୋ ୟୋୱିଭତ୍ତିୟା,
ଗୁଣାଦିଭାୱ ସଦ୍ଦୋ’ପି-ତକିରୟତ୍ଥେ ୱିଧୀୟତେ ।