ହତ୍ଥୱନଗଲ୍ଲୱିହାରୱଂସୋ
॥ନମୋ ତସ୍ସ ଭଗୱତୋ ଅରହତୋ ସମ୍ମାସମ୍ବୁଦ୍ଧସ୍ସ ॥
ସ୍ନେହୁତ୍ତରାୟ ହଦୟା ମଲମଲ୍ଲିକାୟ,
ପଜ୍ଜାଲିତୋ ମତିଦସାୟ ଜିନପ୍ପଦୀପୋ ।
ମୋହଣ୍ଧକାରମଖିଲଂ ମମ ନୀହରନ୍ତୋ,
ନିଚ୍ଚଂ ୱିଭାୱୟତୁ ଚାରୁ ପଦତ୍ଥରାସିଂ ॥
ଲଙ୍କାଭିସିତ୍ତୱସୁଧାଧିପତୀସୁ ରାଜା,
ୟୋ ବୋଧିସତ୍ତଗୁଣୱା ସିରିସଙ୍ଘବୋଧି ।
ତସ୍ସାତିଚାରୁ ଚରିୟା ରଚନାମୁଖେନ,
ୱକ୍କାମି ହତ୍ଥୱନଗଲ୍ଲୱିହାର ୱଂସଂ ॥
ବ୍ରହ୍ମନ୍ୱୟେନନୁଗତତ୍ଥମନୋମଦସ୍ସୀ,
ଖ୍ୟାତେନ ସବ୍ବୟତିରାଜଧୁରନ୍ଧରେନ ।
ୱ୍ୟାପାରିତୋହମିତିଭାନୁଗତଂ କଥଞ୍ଚ,
ନିସ୍ସାୟ ପୁବ୍ବଲିଖିତଂୱିଧ ୱାୟମାମି ॥
୪. ଅର୍ଣ୍ଥ ସୁଗତାଗମସୁଧାପଗାନିଦ୍ଧୋତକୁଦିଟ୍ଠିୱିସକଲଙ୍କାୟ ଲଂକାୟ ଭଗୱତୋ ଅଙ୍ଗୀରସସ୍ସମହାନାଗୱନୁୟ୍ୟାନେ ସମିତିସମାଗତୟକ୍ଖ ରକ୍ଖସଲୋକୱିଜୟାପଦାନସ୍ସ ସିଦ୍ଧକ୍ଖେନ୍ତଭୂତୋ ସୀହଳମହୀମଣ୍ଡଲମଣ୍ଡନାୟ ମାନୋ ୱିୱିଧରତନାକରୋପଲକ୍ଖମାନମହଗ୍ଘମଣି ଭେଦୋ ମଣି ଭେଦୋ ନାମ ଜନପଦୋ ।
ଲଦ୍ଧାନ ସତ୍ଥୁ ୱରଣଙ୍କମନଞ୍ଞଲବ୍ଭ,
ମାନଣ୍ଦିନା ସୁମନକୂଟସିଲୁଚ୍ଚୟେନ ।
ଉସ୍ସାପିତା ୱିଜୟକେତୁମତଲ୍ଲିକେୱ,
ସୁଦ୍ଧୋରୁୱାଲୁକନଦୀ ୟମଲଙ୍କରୋତି ॥
ଲଙ୍କାୟ ୟକ୍ଖଗଣନୀହରଣେ ଜିନସ୍ସ,
ଚମ୍ମାସନୁଗ୍ଗନହୁନାସନଫସ୍ସଦାହା ।
ସଂସାରରକ୍ଖସୱପୁବ୍ଭୱବୁବ୍ବୁଲଂଚ,
ୟସ୍ମିଂ ୱିହାତି ମହିୟଙ୍ଗଣ ଥୂପରାଜା ॥
ସଦାମହୋଘାୟ ମହାପଗାୟ,
ପାନୀୟପାନାୟ ସମୋସଟାନଂ ।
ସମୁଚ୍ଚୟୋ ସାରଦୱାରିଦାନଂ,
ନୂନଂ ଗତୋ ଥାୱରଥୂପରୂପଂ ॥
ତସ୍ସାପଗାୟ ୱିମଲମ୍ବୁନି ଦିସ୍ସମାନ,
ମାଲୋଲୱିଚିତରଲଂ ପଟିବିମ୍ବରୂପଂ ।
ଭୋଗେହି ୱେଠିୟ ନିଜଂ ଭୱନଂ ଫଣୀହି,
ପୂଜତ୍ଥିକେହି ୱିୟ ରାଜତି ନୀୟମାନଂ ॥
୯. ତସ୍ସ ମହିୟଙ୍ଗଣ ମହା ୱିହାରସ୍ସ ପରିୟନ୍ତଗାମକେ ସେଲାଭୟୋ ନାମ ଖତ୍ତିୟୋ ପଟିୱସନ୍ତୋ ପୁତ୍ତଂ ପଟିଲଭିତ୍ୱା ଅଙ୍ଗଲକ୍ଖଣପାଠକାନଂ ଦସ୍ସେସି ତେ ତସ୍ସ କୁମାରସ୍ସ ଅଙ୍ଗଲକ୍ଖଣାନି ଓଲୋକେତ୍ୱା ‘‘ଅୟଂ କୁମାରୋ ଖମକସତ୍ତୋ ନହୋତି । ଧଞ୍ଞପୁଞ୍ଞଲକ୍ଖଣସମ୍ପନ୍ନୋ, ସକଲମ୍ପି ସୀହଳଦୀପଂ ଏକଚ୍ଛତ୍ତଂ କରିତ୍ୱା ମହନ୍ତମହନ୍ତାନି ଅଚ୍ଛରିୟବ୍ଭୁତାନି ମହାୱୀରଚରିତାନି ଦସ୍ସେସ୍ସତୀ’’ତି ୱ୍ୟାକରିଂସୁ ।
୧୦. ତତୋ ସେଲାଭୟ ଖତ୍ତିୟୋ ପୁତ୍ତସ୍ସ ଅଭିସେକାଦିସମ୍ପତ୍ତିଂ ସୁତ୍ୱା କୋଟିପ୍ପତ୍ତପମୋଦପରୱସୋପି ତସ୍ମିଂ କାଲେ ଅନୁରାଧପୁରେ ରଜ୍ଜଂ କାରୟତା ‘‘ୱୋହାରତିସ୍ସମହାରାଜତୋ କଦାଚି କେଚି ଉପଦ୍ଦୱୋ ଜାୟିସ୍ସତୀତି । ଜାତପରିସଙ୍କୋତଂ କୁମାରମାଦାୟ ମହିୟଙ୍ଗଣମହାୱିହାରେ ବୋଧି ଅଙ୍ଗଣେ ପରିତ୍ତଗ୍ଗେ ସନ୍ନିପତିତସ୍ସ ନଣ୍ଦମହାଥେରପମୁଖସ୍ସ ମହାଭିକ୍ଖୁସଙ୍ଘସ୍ସ ମଜ୍ଝେ ନିପଜ୍ଜାପେତ୍ୱା ‘‘ଏସୋ ମେ ଭନ୍ତେ କୁମାରୋ ମହାସଙ୍ଘସ୍ସ ଚ ମହା ବୋଧିପାଦସ୍ସ ଚ ସରଣଂ ଗଚ୍ଛତି ତଂ ସବ୍ବେପି ଭଦନ୍ତା ରକ୍ଖନ୍ତୁ ସଙ୍ଘବୋଧି ନାମକୋ ଚାୟଂ ହୋତୁ’’ତି ମହାସଙ୍ଘସ୍ସ ଚ ବୋଧି ଦେୱତାୟ ଚ ନିୟ୍ୟାଦେତ୍ୱା ପଟିଜଗ୍ଗନ୍ତୋ କୁମାରସ୍ସ ସତ୍ତୱସ୍ସିକ କାଲେ କାଲମକାସି ।
୧୧. ଅଥ ମାତୁଲୋ ନଣ୍ଦମହାଥେରୋ କୁମାରକଂ ୱିହାରମାନେତ୍ୱା ପଟିଜଗ୍ଗନ୍ତୋ ତେପିଟକଂ ବୁଦ୍ଧୱଚନଂ ଉଗ୍ଗଣ୍ହାପେତ୍ୱା ବାହିରସତ୍ଥେସୁ ଚ ପରମକୋଚିଦଂ କାରେସି । ସଙ୍ଘବୋଧିକୁମାରୋପି କତାଧିକାରତ୍ତା ତିକ୍ଖପଞ୍ଞତ୍ତା ଚ ଞାଣୱିଞ୍ଞାଣସମ୍ପନ୍ନୋ ହୁତ୍ୱା ୱୟପ୍ପତ୍ତୋ ଲୋକସ୍ସ ଲୋଚନେହିନିପିୟମାନାୟ ରୂପସମ୍ପତ୍ତିୟା ସୱଞ୍ଜଲିପୁଟେହି ଅସ୍ସାଦିୟମାନସଦାଚାରଗୁଣ ସମ୍ପତ୍ତିୟା ଚ ପତ୍ଥ ଟ ୟସୋଘୋସୋ ଅହୋସି ।
୧୨. କିମିହ ବହୁନା ?- କାଦମ୍ବିନୀ କଦମ୍ବତୋ ସିନିଦ୍ଧନୀଲାୟତଗୁଣଂଧମ୍ମିଲ୍ଲକଲାପେ, ପରିପୁଣ୍ଣହରିଣଙ୍କମଣ୍ଡଲତୋ ହିଲାଦକରପସାଦସୋମ୍ମଗୁଣଂ ମୁଖମଣ୍ଡଲେ ଚାମୀକରପିଂଜରକମ୍ବୁୱରତୋ ମେଦୁରୋଦାରବଣ୍ଧୁରଭାୱଂ ଗୀୱାୱୟୱେ, କଲ୍ୟାଣସିଲୁଚ୍ଚୟତୋ ସଂହତ ୱିଲାସଂ ଉରତ୍ଥଲେ, ସୁରସାଧିସାଖତୋ ପୀୱରାୟତଲଲିତରୂପଂ କାମଦାନପଦାନଦ୍ୱ ବାହୁୟୁଗଳେ, ସମଦଗନ୍ଧସିନ୍ଧୁରତୋ ଗମନଲୀଳ୍ହଂ କରାକାରଦ୍ୱ ହତ୍ଥିୟୁଗଳେ, ଚାରୁତରଥରୁଚିରୋଚମାନଚାମୀକରମୁକୁରତୋ ତଦାକାରଂ ସଜାଣୁମଣ୍ଡଲେ ଜଙ୍ଘୟୁଗଳେ, ନିଚ୍ଚା ସୀନକମଲା କମଲତୋ ରତ୍ତକୋମଳଦଲସିରଂ ଚରଣୟୁଗଳେ ଆଦାୟ ୟୋଜୟତା ପାରମିତାଧମ୍ମସିପ୍ପିତା ନିମ୍ମିତସ୍ସ ପରମଦସ୍ସନୀୟଗରୂପୱିଲାସସ୍ସ ତସ୍ସ ଅତ୍ତଭାୱସ୍ସ ସଂୱଣ୍ଣନାଗନ୍ଥଗାରୱମାୱହତି ।
ଦେହେ ସୁଲକ୍ଖଣୟୁତେ ନୱୟୋବ୍ବନଡ୍ଢେ,
ତସ୍ସୁଜ୍ଜଲେ ଚ ପସମାହରଣୋଦୟେନ ।
କା ୱଣ୍ଣନା କମଲରୂପିନି ଜାତରୂପେ,
ଲୋକୁତ୍ତରଂ ପରିମଲଂ ପରିତୋ ୱହନ୍ତେ ॥
ଦୋସାରୟୋ ହଦୟଦୁଗ୍ଗପୁରେ ୱିଜିତ୍ୱା,
ତତ୍ଥାଭିସିଚ୍ଚ ସୁହଦଂ ୱିୟ ଧମ୍ମଭୂପଂ ।
ଅତ୍ଥାନୁସାସନିମିମସ୍ସ ୱଦଂ ଗିରାୟ,
ତତ୍ଥପ୍ପୱତ୍ତୟି ସୁଧୀ ନିଜକାୟକମ୍ମଂ ॥
ଇତି ରାଜକୁମାରୁପ୍ପତ୍ତି ପରିଚ୍ଛେଦୋ ପଠମୋ ।
୧୫. ଅଥେକଦା ମାତୁଲମହାଥେରା ୱୟପ୍ପତ୍ତଂ ସିରିସଙ୍ଘବୋଧି କୁମାରଂ ଧମ୍ମସୱନାୱସାନେ ଆମନ୍ତେତ୍ୱା ଏୱମାହ, ‘‘କୁମାର ! ମହାଭାଗଧେୟ୍ୟ ! ଇଦାନି ତ୍ୱମସି ଅଧୀତସୁଗତାଗମୋ, ୱିଦିତସକଲ ବାହିରସତ୍ଥୋ । ଚତୁବ୍ବିଧପଣ୍ଡିଚ୍ଚକୋଟିପ୍ପତ୍ତୋ, ତଥାପି ଅଭିମାନଧନେ ଖତ୍ତିୟକୁଲେ ଜାତି, ସବ୍ବପତ୍ଥୱ୍ୟାପିତା ୟୋବ୍ବନୱିଲାସେନ ସମଲଙ୍କତଂ ସରୀରଂ, ଅପ୍ପଟିମା ରୂପସିରି, ଅମାନୁସଂ ବଲଞ୍ଚେତି ମହତୀୟ ବଲୱନଣ୍ଥ ପରମ୍ପରା’ସବ୍ବାଅୱିନୟାନ ମେକେକମ୍ପି ତେସମାୟତନଂ କିମୁତ ସମୱାୟୋ ?‘‘ୟେଭୁୟ୍ୟେନ ସତ୍ଥସଲିଲ ୱିକ୍ଖାଲନାତି ନିମ୍ମଲାପି କାଲୁସିୟମୁପୟାନି ବୁଦ୍ଧୀ, ଅନୁଜ୍ଝିତଧୱଲତାପି ସରାଗାଏୱ ଭୱତି ନୱୟୋବ୍ବନଗବ୍ବିତାନଂ ଦିଟ୍ଠି, ଅପହରତି ଚ ୱାତମଣ୍ଡଲି କେୱ ସୁକ୍ଖପଣ୍ଣଂ ଉବଭୁତରଜୋ ଭନ୍ତି ଅତିଦୂରମତ୍ତନୋ ଇଚ୍ଛାୟ ୟୋବ୍ବନସମୟେ ପୁରିସଂ ପକତି । ଇଣ୍ଦ୍ରିୟଭରିଣଭାରିନୀ ସତ୍ତମତିଦୁରନ୍ତାୟ ମୁପଭୋଗମିଗତଣହିକା ତସ୍ମା ଅୟମେୱାନସ୍ସାଦିତ ୱିସୟ ରସସ୍ସ ତେ କାଲୋ ଗୁରୁପଦେସସ୍ସ । ମଦନସରପ୍ପଭାରଜଜ୍ଜରିତେ ହଦୟେ ଜଲମିୱ ଗଲତି ଗୁରୂନମନୁସ୍ସାନଂ ଅକାରଣଂଛୱତି ଦୁପ୍ପକତି ନୋ କୁଲଂୱା ସୁତଂ ୱା ମନୟସ୍ସ ୱଣ୍ଦନପ୍ପଭୱୋନଦହତି କିଂ ଦହନୋ ? କିଂୱାପସମହେତୁନାପି ନାତିୱଣ୍ଡତରୋ ଭୱତି ୱଡବାନଳୋ ସଲିଲେନ, ତସ୍ମା ଗାଳ୍ହତର ମନୁସାସୀତବ୍ବୋସି ।
୧୬. ଅପଗତମଲେ ହି ମନସି ଏଲିକମଣିମ୍ହି ୱିୟ ରଜନିକରମୟୁଖାପୱିସନ୍ତି, ସୁଖମୁପଦେସଗୁଣା, ଗୁରୁୱଚନମମଲମ୍ପି ସଲିଲମିୱ ମହନ୍ତଂ ଜାନିମୁପଜନୟତି ସୱନହତଂ ସୂଲମିୱ ଅଭବ୍ବସ୍ସ, ଭବ୍ବସ୍ସତୁ କରିନୋ ୱିୟ ସବ୍ବାଭରଣମାନନସୋଭାସମୁଦୟମଧିକତର ମୁପୱହତି, ଅନାଦିସିଦ୍ଧ ତଣ୍ହାକସାୟିତିଣ୍ଦ୍ରିୟାନୁଚରଞ୍ହି ଚିତ୍ତଂ ନାୱହତି କନ୍ନାମାନତ୍ଥଂ, ତସ୍ମା ରାଜ କୁମାରାନଞ୍ଚ ୟତୀନଞ୍ଚ ସତିବଲେନ ଇଣ୍ଦ୍ରିୟୱିଜୟୋ ଦିଟ୍ଠଧମ୍ମିକସମ୍ପରାୟିକମ୍ବିଲଂ କଲ୍ୟାଣଜାତମୁପଜନୟତି, ଇଣ୍ଦ୍ରିୟୱିଜୟୋ ଚ ସମ୍ଭୱତି ଗୁରୁୱୁଦ୍ଧୋପସେୱାୟ ତବ୍ବୱନମୱିରାଧେତ୍ୱା ପଟିପଜ୍ଜତୋ, ତସ୍ମା ତୟା ଆପାଣପରିୟନ୍ତଂ ୱତ୍ଥୁତ୍ତୟସରଣପରାୟଣତା ନ ପହାତବ୍ବା ।
ନ ରାଗାପସ୍ମାରୱିବୋଧନଂ ୱିସୟଦହନସଲିଲ ସଂସେୱନଂ କାତବ୍ବଂ, ପସ୍ସତୂ ହି କଲ୍ୟାଣାଭିନିୱେସି ଚକ୍ଖୂଣ୍ଦ୍ରିୟଲାଳନ ପରୱସସ୍ସ ସଲଭସ୍ସ ସମୁଜ୍ଜଲିତ ଦୀପସିଖାପତନଂ ସୋତିଣ୍ଦ୍ରିୟ ସୁଖାନୁୟୁତ୍ତସ୍ସ ତରୁଣ ହରୀଣସ୍ସ ଉସୁ ପାତସମ୍ମୁଖୀଭୱନଂ ଘାଣିଣ୍ଦ୍ରିୟ ପରୱସସ୍ସ ମଧୁକରସ୍ସ ମଦୱାରଣକଣ୍ଣତାଲଭନ୍ନଂ ରସନିଣ୍ଦ୍ରିୟତପ୍ପଣୱ୍ୟସନିନୋ ପୁଥୁଲୋମସ୍ସ ବଲିସାଘାସୱ୍ୟସନଂ ଫସ୍ସୀଣ୍ଦ୍ରିୟାନୁଭୱନଲାଲସସ୍ସମତଙ୍ଗଜସ୍ସୱାରିଣି ବଣ୍ଧନାପାୟଂ ଇମେହି ଇଣ୍ଦ୍ରିୟେହି ମିଲିତେହି ଏକସ୍ସ କାମିନୋ ସଦିଦେୱ ପଞ୍ଚନ୍ନଂ, ୱିସୟରସାନମୁପସେୱାୟ ପତ୍ତବ୍ବଂ ମହନ୍ତଂ ଦୁକ୍ଖଜାଲଂ କଥମୁପୱଣ୍ଣୟାମ ? ଇମାନି ଚ ସୁଭାସିତାନି ପଚ୍ଚୱେକ୍ଖତୁ ଅନୁକ୍ଖଣଂ ୱିଚକ୍ଖଣୋ ।
ନାଗାରିକଂ ସୁଖମୁଦିକ୍ଖତି କିଞ୍ଚି ଧୀରୋ,
ଜାନାତି ଦେହପଟିଜଗ୍ଗନମତ୍ଥତୋୱେ ।
ସଂସେୱତୋପି ୟୁୱତିଂ ରତିମୋହିତସ୍ସ,
କଣ୍ଡୁୟନେ ୱିୟ ବନସ୍ସ ସୁଖାଭିମାନୋ ॥
କୋ ସେୱେୟ୍ୟ ପରଂ ପୋସୋ ଅୱମାନଂ ସହେୟ୍ୟୱୱ,
ନ ୱେ କଲତ୍ତନିଗଳଂ ୟଦି ଦୁକ୍ଖନିବଣ୍ଧନଂ ॥
ଆକଡ୍ଢମାନା ଚିସିଖା ସ୍ମିପଂ,
ପରମ୍ମୁଖାୟେୱ ସଦା ପୱତ୍ତା ।
ଦୂରମ୍ପି ଗଚ୍ଛନ୍ତି ଗୁଣଂ ୱିହାୟ,
ପୱତ୍ତନଂ ତାଦିସମେୱ ଥୀନ ॥
ଅସନ୍ଥୁତଂ ତା ପୁରିସମ୍ପି ଅନ୍ତୋ,
କରୋନ୍ତି ଆଦାୟକତାୱ ଭିତ୍ତି ।
ନେତ୍ତିଂ ସୱଲ୍ଲୀ ୱିୟ ହଣ୍ଥଗାପି,
ଦସାସୁ ସବ୍ବାସୁ ଚ ସଙ୍କନୀୟା ॥
ଅନ୍ତୋରୁଦ୍ଧା ବହିଦ୍ଧାପି ନିସ୍ସାସା ୱିୟ ନାରିୟୋ,
କରୋନ୍ତି ନାସମେୱସ୍ସ କୋଧୀମାତାସୁ ୱିସ୍ସସେ ॥
ମାନସ ପାପସଂନିନ୍ନଂ ଅପାୟା ୱିୱଟା ନନା,
ସମନ୍ତା ପାପମିତ୍ତାୱ ମୋକ୍ଖୋ ସବ୍ବଭୟାକଥଂ ॥
୨୩. ଅପି ଚ ହଦୟତରୁକୋଟର କୁଟୀରୋ କୋଧ କୁଣ୍ଡଲୀନ କଦାଚି ବହି କାତବ୍ବୋ । ଅପି ତୁ’ତିତିକ୍ଖାମନ୍ତେନ ଅଚିପ୍ଫଣ୍ଦନ୍ତଂ ଉପନେତବ୍ବୋ ।
ସତଂ ତିତିକ୍ଖାକୱଚେ ୱିଗୁଣ୍ଠିତା,
ସିୟୁଂ ଦୁରାଲାପଖଗା ଖଲାନଂ ।
ସଭାପସଂସାକୁସୁମତ୍ତ ମେତା,
ନିବଜ୍ଝରେ ତା ଗୁଣ ମାଲିକାୟ ॥
ଲୋକାଧିପଚ୍ଚଂ ୱିପୁଲେଧନେ ଚ,
ମନୋନୁକୂଲେ ତନୟେ ଚ ଦାରେ ।
ଲଦ୍ଧାପି ୟାୟେତି ନ ଜାତୁ ତିତତିଂ,
ବାଧେତୁ ସାତଂ ନ ପପଞ୍ଚ ତଣ୍ହା ॥
ୱଣ୍ଣପ୍ପସାଦା ୟସ୍ସା ସୁଖାୱ,
ଧନା ଚ ହାୟନ୍ତୁପ ଜୀୱିକାଚ ।
ୟେନାଭିଭୂତାରିପୁନେୱ ସତ୍ତା,
ଦୋସଗ୍ଗି ସୋ ତେ ହଦୟଂ ଜହାତୁ ॥
ଖେଦୋ ୱିପତ୍ତୀସୁ ପଟିକିରୟା ନ,
ତସ୍ମା ନ ଦୀନପ୍ପ କତିଂ ଭଜେୟ୍ୟ ।
ପଞ୍ଞାନୁୟାତଂ ୱୀରିୟଂ ୱଦନ୍ତି,
ସବ୍ବତ୍ଥ ସିଦ୍ଧିଗ୍ଗହଣଗ୍ଗହଣ୍ଥଂ ॥
ୱ୍ୟାପାରା ସବ୍ବଭୂତାନଂ ସୁଖତ୍ଥାୟ ୱିଧୀୟରେ ।
ସୁଖଞ୍ଚ ନ ୱିନା ଧମ୍ମଂ ତସ୍ମା ଧମ୍ମପରୋ ଭୱା’ତି ॥
୨୯. ଏୱମାଦିକଂ ସପ୍ପୁରିସନୀତିପଥଂ ଆଦିସନ୍ତେ ମହାଥେରେ ତେନ କଲ୍ୟାଣଧମ୍ମେନ ଅସୋତବ୍ବତାନାଦରିୟରଚିତଭୁକୂଟିକ ମୁଖେନ ୱା ଦିସାଚିକ୍ଖିତ୍ତଚକ୍ଖୁନା ଚ ଅହଙ୍କାରପରୱସେନ ଗଜନିମିଲିତମୁବ୍ଭାୱୟତା ୱା ଅତ୍ତନୋ ପଞ୍ଞାଧିକ୍ଖେପମିୱଚ ଅଚିନ୍ତୟତା ଚୁଳାୱିନିହିତକୋମଳଞ୍ଜଲିପୁଟେନ ତନ୍ନିନ୍ନେନ, ତପ୍ପୋଣେନ ସିରସା ଚ ପୀତି ସମୁଦିତ ସାଧୁୱାଦୱିକସିତକପୋଲେନମୁଖେନ ଚ । ସକଲାୱୟୱଚିତ୍ଥଟରୋମଞ୍ଚ କଞ୍ଚୁକିତେନ ଦେହେନ ଚ ଭୂମିୟଂ ନିପଜ୍ଜିତ୍ୱା ଦୀଘପ୍ପମାଣ ପମାଣ ମାୱରତ୍ତାମଗ୍ଗଫଲଲାଭତୋୱିୟ ୱିସିଟ୍ଠତରଂ ପମୁଦିତମାୱିକତମାସି ।
ଇତି ଅନୁସାସନ ପରିଚ୍ଛେଦୋ ଦୁତିୟୋ ।
୩୦. ତତୋ ପଟ୍ଠାୟ ୟଥାୱୁତ୍ତପଟିପଦଂ ଅୱିରାଧେତ୍ୱା ସମାୱରଣେନ ସନ୍ତୁଟ୍ଠୋ ତସ୍ସ ସଙ୍ଘବୋଧି ସମଞ୍ଞଂ ଗୋପେତୁକାମୋ ମାତୁଲମହାଥେରୋ ଧମ୍ମିକୋତି ୱୋହାରଂ ପଟ୍ଠପେସି ।
୩୧. ଲକ୍ଖଣପାଠକାନଂ ୱଚନଂ ସଦ୍ଦହନ୍ତୋ ଭାଗିନେୟ୍ୟଂ ପବ୍ବଜିତୁକାମମ୍ପି ଅପବ୍ବାଜେତ୍ୱା ‘‘ଇଧ ୱାସତୋ ଅନୁରାଧପୁରେ ୱାସୋୟେୱ କୁମାରସ୍ସ ୟୋଗକ୍ଖେମାୱହୋ, ପୁଞ୍ଞାନୁରୂପେନ ଜାୟମାନସ୍ସ ୱିପାକସ୍ସ ଚ ଠାନଂ ହୋତି, ମହାଚେତିୟସ୍ସ ୱତ୍ତପଟିୱତ୍ତସମାଚରଣେନଚ ମହନ୍ତୋ ପୁଞ୍ଞକ୍ଖଣ୍ଧୋ ସମ୍ପଜିସ୍ସତି’’ତି ମଞ୍ଞମାନୋ ତଂ କୁମାରମାଦାୟ ଗଚ୍ଛନ୍ତୋ ଅନୁରାଧପୁରଂ ଗନ୍ତୁକାମୋ ନିକ୍ଖମି । ସଙ୍ଘତିସ୍ସୋଗୋଠାଭୟୋତି ଚ ଲମ୍ବକଣ୍ଣା ରାଜ କୁମାରା ଅପରେପି ଦୁଚେ ତସ୍ସ ପଂସୁକୀଳନତୋ ପଟ୍ଠାୟ ସହାୟାତେନ କୁମାରେନ ସଦ୍ଧିଂ ନିକ୍ଖମିଂସୁ ତେ ତୟୋ କୁମାରେ ଆଦାୟ ଗଚ୍ଛନ୍ତୋ ମହାଥେରୋ ପୁରେତରମେୱ ଅନୁରାଧପୁରଂ ପାୱିସି । ମହାଥେରମନୁଗଚ୍ଛନ୍ତେସୁ ତେସୁ କୁମାରେସୁ ଜେଟ୍ଠୋ ସଙ୍ଘତିସ୍ସୋ ମଜ୍ଝିମୋ ସଙ୍ଘବୋଧି କନିଟ୍ଠୋ ଗୋଠାଭୟୋତି ତେ ଥେରଂ ପଚ୍ଛତୋ ଅନୁଗଚ୍ଛନ୍ତା ତୟୋପି ପଟିପାଟି ୟା ତିସ୍ସୱାପିୟା ସେତୁମତ୍ଥକେନ ଗଚ୍ଛନ୍ତି ।
୩୨. ତତ୍ଥ ସେତୁସାଲାୟ ନିସିନ୍ନୋ କୋଚି ଅଣ୍ଧୋୱିଚକ୍ଖଣୋ ତେସଂ ତିଣ୍ଣନ୍ତଂ କୁମାରାନଂ ପଦୱିଞ୍ଞାସଦ୍ଦଂ ସୁତ୍ୱା ଲକ୍ଖଣାନୁସାରେନ ଉପପରିକ୍ଖିପିତ୍ୱା ‘‘ଏତେ ତୟୋପି ସୀହଳଦୀପେ ପଥୱିସ୍ସରା ଭୱିସ୍ସନ୍ତୀ’’ତି ତତ୍ଥ ନିସିନ୍ନାନଂ ୱ୍ୟାକାସି । ତଂୱଚନଂ ପଚ୍ଛା ଗଚ୍ଛନ୍ତୋ ଗୋଠାଭୟୋ ସୁତ୍ୱା ଇତରେସଂ ଗଚ୍ଛନ୍ତାନଂ ଅନିୱେଦୟିତ୍ୱା ପଚ୍ଚାଗମ୍ମ ‘‘କତମୋ ଚିରଂ ରଜ୍ଜଂ କାରେସ୍ସତି ? ଚଂସଟ୍ଠିତିଞ୍ଚ କରୋତି’’ତି ? ପୁଚ୍ଛିତ୍ୱା ପଚ୍ଛିମୋତି ୱୁତ୍ତେ ହଟ୍ଠପହଟ୍ଠୋ ଉଦଗ୍ଗୁଦଗ୍ଗୋ ସୀଘତରଂ ଆଗମ୍ମ ତେହି ସଦ୍ଧିଂ ଗଚ୍ଛନ୍ତୋ ତିଖିଣ ମନ୍ତିତାୟ ଗମ୍ଭୀରଭାୱତୋ ଚ କଞ୍ଚି ଅଜାନାପେତ୍ୱା ଅନ୍ତୋପୁରଂ ପାୱିସି । ତେ ତୟୋପି ପତିରୂପେ ନିୱାସେ ୱାସଂ ଗଣ୍ହିଂସୁ ।
୩୩. ଅଥ କନିଟ୍ଠୋ ‘‘ଏତେ ଦ୍ୱେପି ଅପ୍ପାୟୁକତ୍ତା ରଜ୍ଜେ ପତିଟ୍ଠିତାପି ନ ଚିରଂ ଜୀୱନ୍ତି କିର ଅହମେୱ ତେସଂ ରଜ୍ଜଂ ଦୁପେସ୍ସାମି’’ତି ତଦନୁରୂପେନ ଉପାୟେନପଟିଜ୍ଜନ୍ତୋ ତେସଂ ରଜ୍ଜଲାଭାୟ ଉପାୟଂ ଦସ୍ସେନ୍ତୋ ଅଭିଣ୍ହଂ ମତ୍ତେତି । ଜେଟ୍ଠୋପି ତସ୍ମିଂ ଅତିପିୟାସମାନୋ ତେନୋପଦିଟ୍ଠମେୱ ସମାଚରନ୍ତୋରାଜାନଂ ଦିସ୍ୱା ଲଦ୍ଧ ସମ୍ମାନୋ ସବ୍ବେସୁ ରାଜକିଚ୍ଚେସୁ ପୁବ୍ବଙ୍ଗମୋ ହୁତ୍ୱା ନ ଚିରସ୍ସେୱ ରାଜୱଲ୍ଲଭୋ ଅହୋସି ? ତସ୍ମିଂ କାଲେ ରଜ୍ଜଂ କାରେନ୍ତୋ ୱିଜୟ ରାଜା ନାମ ଖତ୍ତିୟୋ ତସ୍ମିଂ ପସନ୍ନୋ ସବ୍ବେସୁ ରାଜକିଚ୍ଚେସୁ ତମମେୱ ପଧାନଭୂତଂ କତ୍ୱା ସେନାପତିଂ ଅକାସି ।
୩୪. ଧମ୍ମିକୋ ପନ ରଜ୍ଜେନ ଅନତ୍ଥିକତାୟ ରଜ୍ଜଲାଭାୟ ଚିତ୍ତମ୍ପି ଅନୁପ୍ପାଦେତ୍ୱା କେୱଲଂ ମହାଥେରସ୍ସ ଅନୁସାସନମତ୍ତେନେୱ ରାଜୁପଟ୍ଠାନୱେଲାୟଂ ଅନୁଚରଣମତ୍ତମାଚରନ୍ତୋ ରାଜଗେହଂ ପୱିସିତ୍ୱା ତତୋ ତେହି ସଦ୍ଧିଂ ନିକ୍ଖମ୍ମ ସାୟଂ ମହା ଥେରସ୍ସ ୱିହାରେୟେୱ ୱସନ୍ତୋ ଅତ୍ତନୋ ଧମ୍ମିକାନୁଟ୍ଠାନଂ ଅହାପେତ୍ୱା ମହାଚେତିୟୋ ପଟ୍ଠାନଗିଲାନୁପଟ୍ଠାନାଦିକଂ ଅନୱଜ୍ଜ ଧମ୍ମଂଚରନ୍ତୋ କାଲଂ ୱୀତିନାମେତି ।
ତଦା ସଙ୍ଘତିସ୍ସୋ ସକଲରଜ୍ଜଞ୍ଚ ପୁରଞ୍ଚ ଅତ୍ତନୋହତ୍ଥଗତଂ କତ୍ୱା ଏକସ୍ମିଂ ଦିନେ ଲଦ୍ଧୋକାସୋ ରାଜାନଂ ଅନ୍ତୋଭୱନେୟେୱ ଗୋଠାଭୟେନ ମାରାପେତ୍ୱା ସୟଂ ରଜ୍ଜେ ପତିଟ୍ଠତି ।
ଇତି ଅନୁରାଧପୁରପ୍ପୱେସପରିଚ୍ଛେଦୋ ତତିୟୋ ।
୩୫. ଅଥ ଗୋଠାଭୟୋ ଧମ୍ମିକଂ ଅନିଚ୍ଛାମାନମ୍ପି ସେନାପତିଟ୍ଠାନେ ଠପେତ୍ୱା ଆୟତିଂ ଅପେକ୍ଖମାନୋ ସୟଂ ଭଣ୍ଡାଗାରିକୋ ଅହୋସି । ଅଥ ସଙ୍ଘତିସ୍ସୋ ରାଜା ବହୁଂ ପୁଞ୍ଞ୍ଚ ଅପୁଞ୍ଞ୍ଚ ପସୱନ୍ତୋ ଜମ୍ବୁଫଲପାକକାଲେ ସସେନୋ ସାମଚ୍ଚୋ ସଭୋରୋଧୋ ଅଭିଣ୍ହଂ ପାଚୀନ ଦେସଂ ଗନ୍ତ୍ୱା ଜମ୍ବୁଫଲାନି ଖାଦତି । ରଞ୍ଞୋ ୟେଭୁୟ୍ୟେନ ଗମନା ଗମନେନ ଉପଦ୍ଦୁତା ରଟ୍ଠୱାସିନୋ ରାଜୁପଭୋଗାରହେସୁ ଜମ୍ବୁଫଲେସୁ ୱିସଂ ୟୋଜେସୁଂ । ଅଥ ସୋ ସଙ୍ଘତିସ୍ସୋ ରାଜା ତେନ ୱିସେନ ତତ୍ଥେୱ କାଲମକାସି ।
୩୬. ଅଥ ଗୋଠାଭୟୋ ଅଣ୍ଧୱିଚକ୍ଖଣସ୍ସ ୱଚନଂ ଅନୁସ୍ସରନ୍ତୋ ଅନୁକ୍କମେନ ରଜ୍ଜଂ ଦାପେତ୍ୱା ପଚ୍ଛା ଅହଂ ସୁପ୍ପତିଟ୍ଠୋ ଭୱିସ୍ସାମି’ତି ମଞ୍ଞମାନୋ ସାମଚ୍ଚୋ ସସେନୋ ସଙ୍ଘବୋଧିକୁମାରଂ ରଜ୍ଜେନ ନିମନ୍ତେସି । ସୋ ତେମିୟ ମହାବୋଧିସତ୍ତେନ ଦିଟ୍ଠାଦୀନୱତ୍ତା ରଜ୍ଜସୁଖାପରିଚ୍ଚାଗାନୁଭୂତଂ ମହନ୍ତଂ ଦୁକ୍ଖଜାଲଂ ଅନୁସ୍ସରିତ୍ୱା ପୁନପ୍ପୁନଂ ୟାଚିୟମାନୋପି ପଟିକ୍ଖିପିୟେୱ ଅଭୟୋ ଗାମନିଗମରାଜଧାନୀସୁ ସବ୍ବେପି ମନୁସ୍ସେ ସନ୍ନିପାତେତ୍ୱା ତେହି ସଦ୍ଧିଂ ନାନାପ୍ପକାରଂ ୟାଚମାନୋପି ସମ୍ପଟିଚ୍ଛାପେତୁଂ ନାସକ୍ଖି । ଅଥ ସବ୍ବେପି ରଟ୍ଠୱାସିନୋ ସାମଚ୍ଚାମହାୱିହାରଂ ଗନ୍ତ୍ୱା ମହା ସଙ୍ଘଂ ସନ୍ନିପାତେତ୍ୱା ସଙ୍ଘ ମଜ୍ଝେ ସଙ୍ଘବୋଧିକୁମାରୋ ମହା ସଙ୍ଘଂ ଭୂମିୟଂ ନିପଜ୍ଜ ନମସ୍ସିତ୍ୱା ଲଦ୍ଧୋକାସୋ ଏକମନ୍ତଂ ନିସୀଦିତ୍ୱା ଏୱଂ ୱତ୍ତୁମାରଭୀ ।
୩୭. ଅୟଞ୍ହି ରାଜଲକ୍ଖୀନାମ ୟଥା ୟଥା ଦିପ୍ପତେ, ତଥା ତଥା କପ୍ପୁରଦୀପସିଖେୱ କଜ୍ଜିଲଂମଲିନମେୱ କମ୍ମଜାତଂ କେୱଲମୁବ୍ବମତି । ତଥାହି ଅୟଂ ସଂୱଧନୱାରିଧାରା ତଣ୍ହାୱିସୱଲ୍ଲୀନଂ, ନେନାଦ ମଧୁରଭୀତିକା ଅୟଂ ଇଣ୍ଦ୍ରିୟମିଗାନଂ, ପରାମାସଧୁମଲେଖା ସୁଚରିତ ଚିତ୍ତକମ୍ମସ୍ସ ୱିବ୍ଭମସେୟ୍ୟା ମୋହନିଦ୍ଦାନଂ ତିମିରୁଗ୍ଗତି ପଞ୍ଞାଦିଟ୍ଠୀନଂ, ପୁରସ୍ସରପତାକା ଅୱିନୟମହାସେନାୟ, ଉପ୍ପତ୍ତିନିନ୍ନନା କୋଧୱେଗ କୁମ୍ଭିଲାନଂ, ଆପାନଭୂମି ମିଚ୍ଛାଦିଟ୍ଠିୱଦନଂ । ସଂଗୀତି ସାଲା ଇସ୍ସରିୟ ୱିକାରନାଟକାନଂ ଆୱାସଦରୀଦୋସାସିୱିସାନଂ, ଉସ୍ସାରଣୱେତ୍ତଲତା ସପ୍ପୁରିସୱୋହାରାନଂ, ଅକାଲଜଦାଗମୋ ସୁଚରିତ ହଂସାନଂ, ପତ୍ଥାୱନା କପଟନାଟକାନଂ, କଦଲିକା କାମକରିନୋ ୱଜ୍ଝୱାଲା ସାଧୁଭାୱସ୍ସ, ରାହୁମୁଖଂ ଧମ୍ମଚଣ୍ଦ ମଣ୍ଡଲସ୍ସ, ନହି ତଂ ପସ୍ସାମି ୟୋହି ଅପରିଚିତାୟାପି ଏତାୟ ନିବ୍ଭରମୁପଗୁଲ୍ହୋ ନ ୱିପ୍ପଲଦ୍ଧୋ, ଅପିଚ, ଅଭିସେକସମୟେ ରାଜଞ୍ଞାନଂ ମଙ୍ଗଲକଲସଜଲେହି ୱିୟ ୱିକ୍ଖାଲନମୁପୟାତି ଦକ୍ଖିଞ୍ଞଂ ଅଗ୍ଗିହୁତତଧୁମେନେୱ ମଲିନୀଭୱତି ହଦୟଂ ପୁରୋହିତ କୁସଗ୍ଗ ସମଜ୍ଜତେନ ୱିୟ ଅପନିୟତେ ତିତିକ୍ଖା, ଉଣ୍ହୀସ ପଟ୍ଟ ବଣ୍ଧନେନ ୱିୟ ଛାଦୀୟତୀ ଜରାଗମଦସ୍ସନଂ, ଆତପତ୍ତ ମଣ୍ଡଲେନ ୱିୟ ତିରୋକରୀୟତି ପରଲୋକାପେକ୍ଖଣଂ, ଚାମରପୱନେନ ୱିୟ ଦୁରମୁଦ୍ଧୁୟତେ ସଚ୍ଚାଦିତା ୱେତ୍ତଲତାପ୍ପହାରେନ ୱିୟ ଦୁରମପୟନ୍ତି ସଗ୍ଗୁଣା ଏକେ ରଜ୍ଜସିରି ମଦିରା ମଦମତ୍ତା ସକତ୍ଥନିପ୍ଫାଦନପରେହି ଧନପିସିତାଘାସଗିଜ୍ଝେହି ସହାନଲୀନୀବକେହି ଦୂତଂ ୱିନୋଦନନ୍ତି, ପରଦାରାଭିଗମନଂ ୱିଦ୍ଧତାତି, ମୀଗୱନ ପରିସ୍ସମୋତି, ସୁରାପାନଂ ୱିଲାସୋତି, ନିଚ୍ଚପ୍ପମତ୍ତତା, ସୁରଭାୱୋତି ସଦାରପ୍ପିଚ୍ଚାଗଂ ଅୱ୍ୟସନିତାନି, ଗୁରୁୱଚନାୱଧୀରଣଂ ଅପରପ୍ପନେୟତ୍ତମିତି ଅଜିତହଚ୍ଚତଂ ସୁଖୋପସେୱତ୍ତମୀତି, ନଚ୍ଚଗୀତ ଗଣାକାନୁସତ୍ତି ରସିକତେହି ପରିଭୱସହତ୍ତଂ ଖମେତି, ସେରୀଭାୱଂ ପଣ୍ଡିଚ୍ଚାମିତି ୱଣ୍ଦିଜନ ନୱଚନଂ ୟସେଂଘୋସୋତି ତରଲତା ଉସ୍ସାହୋତି । ଅୱିସେସଞ୍ଞୁତ୍ତଂ ଅପକ୍ଖପାତିତ୍ତମିତି ? ଏୱ ଦୋସଗଣମ୍ପି ଗୁଣପକ୍ଖେ ଅଜ୍ଝାରୋପୟନ୍ତେହି ସୟମ୍ପି ଅନ୍ତୋ ହ ସନ୍ତେହି ପତାରଣକୁସଲେହି ଧୁତ୍ତେହି ଅମାନୁସୋଚିତାହି ଥୋମାନାହି ପତାରିୟମାନା, ଚିତ୍ତମଦମତ୍ତ ଚିତ୍ତା ନିଚ୍ଚେତ ନ ତାୟ ତଥେତି ଅତ୍ତନି ଅଜ୍ଝାରୋପୟନ୍ତା ଅଲିକାଭିମାନଂ ମଚ୍ଚଧମ୍ମସମାନାପି ଦିବ୍ବଂ ସାୱତିଣ୍ଣମିୱ ଅମାନୁସମିୱ ଅତ୍ତାନ ମଞ୍ଞମାନା ଆରଧଦିବ୍ବୋଚିତକିରୟାନୁ ଭାୱା ସବ୍ବଜନୋ ପଭସନୀୟ ଭାୱମୁପୟନ୍ତି । ଅତ୍ତ ମିଲମ୍ବନଞ୍ଚ ଅନୁ ଜୀୱିଜନେନ କରୀୟମାନଂ ଅଭିନଣ୍ଦନ୍ତି ।
୩୮. ମାନସା ଦେୱତାଜ୍ଝାରୋପଣପ୍ପତାରଣ ସମ୍ଭୂତ ସମ୍ଭାୱନୋ ପହତଞ୍ଚ ଅନ୍ତୋ ପୱିଟ୍ଠ ଅପରଭୁଜୟୁଗଂ ୱିୟ ଅତ୍ତନୋ ବାହୁୟୁଗଂ ସମ୍ଭାୱୟନ୍ତି । ତଚନ୍ତରିତ ଲୋଚନଂସକଲଲାଟ ମାସଂକନ୍ତି, ଅଲିକସମ୍ଭାୱନାଭିମାନଭରିତା ନ ନମସ୍ସନ୍ତି ଦେୱତାୟୋ ନ ପୂଜୟନ୍ତି ସମଣ ବ୍ରାହ୍ମଣେ ନ ମାନୟନ୍ତୀ ମାନନୀୟେ, ନ ଉପତିଟ୍ଠନ୍ତି ଗୁରୁଦସ୍ସନେପି ଅନତ୍ଥକାୟା ସାନ୍ତରୀତ, ୱିସୟୋ ପଭୋଗସୁଖାତି ଅପହସନ୍ତି ୟତିନୋ ? ଜରାଭି ଭୱପଲପିମିତି ନ ସୁଣନ୍ତି ୱୁଦ୍ଧଜନୁପଦେସଂ, ଅତ୍ତନୋ ପଞ୍ଞା ପରିଭୱୋତି ଉସୁସନ୍ତି ସଚିୱୋ ପହେସସ୍ସ,କୁଞ୍ଜନ୍ତି ଏକନ୍ତ ହିତୱାଦିନଂ ଏୱମାଦିନା କାକଣେନ ବହୁନ୍ନଂ ଦୋସାନଂ ମାକର ଭୂତଂରଜ୍ଜୀୱିଭୱଂ ଅୟଂ ନ ଇଚ୍ଛାମୀ’ତି ଅୱୋଚ ।
୩୯. ଅଥ ମହାଜନେନ ସାଦର ମଜ୍ଝେସିତୋ ମହାସଙ୍ଘୋ କୁମାରଭିମୁଖୋ ହୁତ୍ୱା ‘‘ମହାଭାଗଧେୟ୍ୟ ! ଥନଚୁଚୁକେ ଲଗ୍ଗିତାଜଲୁକ ତିକ୍ଖଡସନେନତତ୍ଥ ୱେଦନୁପ୍ପାଦୟନ୍ତି ଲୋହିତମେୱ ଆକଡ୍ଢତି, ଦାରକୋ ପନ କୋମଲେନ ମୁଖପୁଟେନମାତୁ ସୁଖସଞ୍ଞଂ ଉପ୍ପାଦୟନ୍ତୋ ଖୀରମେୱ ଅୱ୍ହେତି ।
୪୦. ଏୱମେୱ ରଜ୍ଜୱିଭୱଂ ପତ୍ତୋ ଅଧୀରୋ ବାଲୋ ବହୁଂ ଅପୁଞ୍ଞମେୱ ସଞ୍ଚିଣାନି, ମେଧାୱି ଧିରପୁରିସୋ ପନ ଆୟୁସଙ୍ଖାରସ୍ସ ଦୁବ୍ବଲତ୍ତଞ୍ଚ ଧନସଞ୍ଚୟସ୍ସ ନିସ୍ସାରତ୍ତଞ୍ଚ ପଞ୍ଞାୟ ଉପ ପରିକ୍ଖିତ୍ୱା ଦସ କୁସଲକମ୍ମାନି ପୂରେନ୍ତୋ ତାଦିସେନ ମହତା ଭୋଗକ୍ଖଣ୍ଧେନ ମହନ୍ତଂ କୁସଲରାସିଂ ଉପଚିଣାତି, ତ୍ୱମସିକତାଧି କାରୋ ମହାସତ୍ତଧୁରଣ୍ଧରୋ, ଏତାଦିସଂ ପୁଞ୍ଞାୟତନଟ୍ଠାନଂ ଲଦ୍ଧା ଧମ୍ମେନ ସମେନ ଲୋକଂ ପରିପାଲେନ୍ତୋ ସୁଗତସାସନଂ ପଗ୍ଗଣ୍ହନ୍ତୋ ଦାନପାରମିକୋଟିପ୍ପତ୍ତଂ କତ୍ୱା ପଚ୍ଛା ଅଭିନିକ୍ଖମଣଞ୍ଚ କରୋନ୍ତୋ ବୋଧିପକ୍ଖିୟଧମ୍ମେ ପରିପାଚେହୀ’’ତି ଅନୁସାସି ।
୪୧. ଅଥ ସୋ ମହଜ୍ଝାସୟୋ ପୁରିସୱରୋ ମହାସଙ୍ଘସ୍ସ ଅନୁସାସନିଂ ମଦ୍ଦିତୁ ମସମଣ୍ଥୋ ଅଧିୱାସେସୀ । ଅନନ୍ତରଞ୍ଚ ମହାଜନକାୟୋ ସଙ୍ଘସ୍ସ ଅନୁଞ୍ଞାୟ ସକଲଂ ସୀଲଦୀପଂ ଏକଚ୍ଛତ୍ତଂ କତ୍ୱା ଅଭିସିଞ୍ଚିୟ ଧମ୍ମିକ ସିରିସଙ୍ଘବୋଧିରାଜାତି ୱୋହାରଂ ପଟ୍ଠପେସି ଗୋଠାଭୟଞ୍ଚ ସେନାପତିଟ୍ଠାନେ ଠପେସି ।
ଦାନଂ ଅଦା ଧାରୟି ନିଚ୍ଚସୀଲଂ,
ୱହୀ ତିତିକ୍ଖଂ ଭଜି ଅପ୍ପମାଦଂ ।
ପଜା ହିତଜ୍ଝାସୟ ସୋମ୍ମରୂପୋ,
ଧମ୍ମୋ ଚ ସୋ ୱିଗ୍ଗଭୱା ୱିରୋଚୀ ॥
ୱିଞ୍ଞାୟ ଲୋକସ୍ସ ହି ସୋ ସଭାୱଂ,
ପଧାନୱତ୍ତାନୁ ଗତିପ୍ପଧାନଂ ।
ନିଧାତୁକାମୋ ଜନ୍ତାସୁ ଧମ୍ମଂ,
ସୟମ୍ପି ଧମ୍ମା ୱରଣମ୍ହି ସତ୍ତୋ ॥
ଇତି ରଜ୍ଜାଭିସେକ ପରିଚ୍ଛେଦୋ ଚତୁତ୍ଥୋ ।
୪୪. ସୋ ରାଜା ମହା ୱିହାରେ ମହଗ୍ଘ ମହାୱିସାଲଂ ସଲାକଗ୍ଗଂ କାରାପେତ୍ୱା ଅନେକସହସ୍ସାନଂ ଭିକ୍ଖୂନଂ ନିଚ୍ଚଂ ସଲାକ ଭତ୍ତଂ ପଟ୍ଠପେସି । ମାତୁଲମହାଥେରସ୍ସଂଚ ସକନାମ ଧେୟ୍ୟେନ ମହନ୍ତଂ ପରିୱେଣ ୱିହାରଂ କାରାପେତ୍ୱା ଅନେକେହି କପ୍ପିୟଭଣ୍ଡେହି ସଦ୍ଧିଂ ସପରିୱାର ୱେଣା କାନି ଗାମକ୍ଖେତ୍ତାନି ସଙସପରିଭୋଗାରହାନି କତ୍ୱା ଦାପେସି ସତ୍ତମେୱ ନିସୀଥକାଲେ ରହୋଗତୋ ମହାବୋଧିସତ୍ତସ୍ସ ଦୁକ୍କରଚରିତାନି ସଲ୍ଲକ୍ଖେନ୍ତୋ ତାଦିସାପଦାନଂ ଅତ୍ତନି ସମ୍ପାଦେତୁମାସିଂସି । ତଥା ହି
ଦେହୀତି ୱତ୍ଥୁମସୁକଂ ଗଦିତୋତ୍ଥିକେହି,
ନାଲଂ କଥେତୁମ୍ହ ନତ୍ଥି ନ ଦେମିଚାତି ।
ଚିତ୍ତେ ମହାକରୁଣାୟ ପହଟାୱକାସାୱ,
ଦୁରଂଜଗାମ ୱିୟ ତସ୍ସ ଭୱତ୍ଥୁ ତଣ୍ହା ॥
ଏୱମମ୍ହାକଂ ବୋଧିସତ୍ତସ୍ସ ୱିୟ ବାହିର ୱତ୍ଥୁପରିଚ୍ଚାଗମହୁସ୍ସୱୋ କଦା ମେ ଭୱିସ୍ସତିତି ଚ,
ଆନୀୟତେ ନିସିତ ସତ୍ଥନିପାତନେନ,
ନିକ୍କଡ୍ଢତେ ଚ ମୁହୁ ଦାନ୍ହୱାୟରତ୍ୟା ।
ଏୱଂ ପୁନପ୍ପୁନ ଗତାଗତୱେଗଖିନ୍ନଂ,
ଦୁକ୍ଖଂ ନ ତସ୍ସ ହଦୟଂ ୱତ ପୀଳୟିତ୍ଥ ॥
ଏୱଂ କିରସ୍ସ ମହାସତ୍ତସ୍ସ ମଂସ ଲୋହିତାଦି ଅଜ୍ଝତ୍ତିକୱତ୍ଥୁଦାନସମୟେ ଦୁକ୍ଖୱେଦନା ମନଂ ନ ସମ୍ବାଧେସି । ମମାପି ଈଦିସଂ ଅଜ୍ଝତ୍ତିକ ଦାନମହାମଙ୍ଗଲଂ କଦା ଭୱିସ୍ସତୀତି ଚ ।
ସୋ ସଂଖପାଲଭୂଜଗୋ ୱିସୱେଗୱାପି,
ସୀଲସ୍ସ ଭେଦନଭୟେନ ଅକୁପ୍ପମାନୋ ।
ଇଚ୍ଛଂ ସଦେହହରୱାଭିଜନେ ଦୟାୟ,
ଗନ୍ତୁଂ ସୟଂ ଅପଦତାୟ ସୁସୋଚନୂନଂ ॥
ଏୱଂ ସୀଲ ରକ୍ଖନାପଦାନସିରିଂ କଦା ୱିନ୍ଦାମୀତି ଚ,
ପିୱେୟ୍ୟ ଥଞ୍ଞଂ ଅମତଞ୍ଚ ବାଲୋ,
ୱୁଦ୍ଧିଂ ଗତୋ ସୋୱ ଜିଗୁଚ୍ଛିତେ ତଂ ।
ସ ଜାତୁ ଏୱଂ ଅନୁଭୂୟ ରଜ୍ଜଂ,
ଞାଣସ୍ସ ପାକେ ସତତଂ ଜହାତି ॥
ଏୱଂ ମୟାପି ଅଚିରସ୍ସେୱ ଅୱସ୍ସଂ ଅଭିନିକ୍ଖମନଂ କାତବ୍ବନ୍ତି ଚ,
ସୋ ସେନକୋ ଦ୍ୱିଜପସିବ୍ବକସାୟିସପ୍ପଂ,
ଅଞ୍ଞାସି ଦୋସକଲୁସାୟ ଧିୟାବ୍ଭୁତଂତଂ ।
କା ୱଣ୍ଣନାସ୍ସ ଖଲୁ ଦୋସୱିନିଗ୍ଗତାୟ,
ସବ୍ବଞ୍ଞୁତାୟ ଦସପାରମିସାଧିତାୟ ॥
ଏୱଂୱିଧା କଲ୍ୟାନଞାଣସମ୍ପତ୍ତି କଦା ମେ ସମିଜ୍ଝିସ୍ସତୀତି ଚ,
ୱାଲେନ ସୋ କିସକଲଣ୍ଦକଜାତିୟମ୍ପି,
ଉସ୍ସିଞ୍ଚିତୁଂ ସଲିଲମୁସ୍ସହି ସାଗରସ୍ସ ।
ତଂ ମୁଦ୍ଧତାୟ ନ ଭୱେ ମତିୟା ମହନ୍ୟା,
ସମ୍ପାଦନାୟ ଭିମତସ୍ସ ସମତ୍ଥତାୟ ॥
ଏୱଂ ୱିଧାୟ ୱୀରିୟପାରମିୟା କଦା ଭାଜନଂ ଭୱିସ୍ସାମିତି ଚ
କଲାବୁରାଜେନ ହି ଖନ୍ତିୱାଦି,
ୱଧଂ ୱିଧାୟାପି ଅତିତ୍ତକେନ ।
ହତେ ପଦେନୋରସି ଖନ୍ତିସୋଧେ,
ସୋ କୂଟସଣ୍ଧିଗ୍ଗହଣଂ ବୁବୋଧ ॥
ଏୱଂ ୱିଧାୟ ଖତ୍ତିପାରମିୟା ଅତ୍ତାନଂ କଦା ଅଲଂକରିସ୍ସାମିତି ଚ
ମିଚ୍ଛାଭିୟୋଗଂ ନ ସହିଂସୁ ତସ୍ସ,
ରାମାଭିଧାନସ୍ସପି ପାଦୁକାୟୋ ।
ସଚ୍ଚଞ୍ଚୟା ନାଞ୍ଞମଭାସିଧୀରୋ,
ସୋ ସଚ୍ଚସନ୍ଧୋ ଚତୁସଚ୍ଚୱାଦୀ ॥
ଅହମ୍ପି ଈଦିସେନ ସଚ୍ଚପାରମିତାବଲେନ ସବ୍ବଲୋକସ୍ସ ଚତୁ ସଚ୍ଚାୱ ବୋଧନ ସମତ୍ଥୋ କଦା ଭୱିସ୍ସାମିତି ଚ
ସୋ ମୁଗପକ୍ଖ ୱିଦିତୋ ସିରିଭୀରୁକାୟ,
ମୁକାଦିକଂ ୱତୱିଧିଂ ସମଧିଟ୍ଠହିତ୍ୱା ।
ତଂ ତାଦିସ ଅନୁଭୱଂ ଅସହମ୍ପି ଦୁକ୍ଖଂ,
ୟାୱାଭିନିକ୍ଖମ୍ମଭେଦି ଅଧିଟ୍ଠିତଂନୋ ॥
ଏୱଂ ମ ମାପି ଅଧିଟ୍ଠାନ ପାରମିତାୟ ପାରିପୂରୀ କଦା ଭୱିସ୍ସତୀତି ଚ
ମେତ୍ତାନୁଭାୱେନ ସ ଲୋମହଂସୋ,
ପେମାନୁବଦ୍ଧେନ ସବୀକରୋନ୍ତୋ ।
ସତ୍ତେ ସମତ୍ତେପି ଚ ନିଚ୍ଚୱେରୀ,
ସଦ୍ଦଂ ୱିରୁଦ୍ଧତ୍ଥମକାସି ଧୀରୋ ॥
ଅହମ୍ପି ଏୱଂୱିଧାୟ ମେତ୍ତାପାରମିତାୟ କୋଟିପ୍ପତ୍ତୋ କଦା ଭୱିସ୍ସାମୀତି ଚ ।
ସୋ ଏକରାଜା ୱିଦିତୋ ସମଚିତ୍ତତାୟ,
ମାନାୱମାନ ନକରେସୁ ତୁଲାସରୂପୋ ।
ତୋସଞ୍ଚ ରୋସମନୁପେଚ୍ଚ ଭଜୀ ଉପେକ୍ଖଂ,
ସବ୍ବତ୍ଥ ପୀତିୱିକତୀ ହତଚେତନୋୱ ॥
ଏୱଂ ଅହପ୍ପି ଉପକ୍ଖାପାରମିତାୟ କଦା ସବ୍ବସାଧାରଣୋଭୱିସ୍ସାମିତି ଚ ନିଚ୍ଚଂ ଚିନ୍ତେସି ।
ଇତି ପାରମିତାସିଂସନ ପରିଚ୍ଛେଦୋ ପଞ୍ଚମୋ ।
୫୬. ଏୱମନୱଜ୍ଜଧମ୍ମେନ ରଜ୍ଜଂ କାରେନ୍ତେ ତସ୍ମିଂ କଦାଚି କେନଚିପଜାନଂ ଅକୁସଲ ୱିପାକେନ-
ଜଠର ପିଠରଭାରକ୍କନ୍ତୱଙ୍କୋରୁଜାଣୁ,
ସଜଲ ଜଲଦ କୁଟାକାରଘୋରୋରୁକାୟୋ ।
କୁଟିଲକଠିନଦାଠାକୋଟିସଣ୍ଦଟ୍ଠହଣ୍ଡୋ,
ନୱଦିୱସକରକ୍ଖୋ ରକ୍ଖସୋଦିପମାଗ ॥
୫୭. ସୋ ତେସୁ ତେସୁ ଗାମପରିୟନ୍ତେସୁ ନିସୀଦତି, ୟେ ୟେ ମନୁସ୍ସା ତମାଗମ୍ମ ତଂ ରତ୍ତକ୍ଖମୁଦିକ୍ଖନ୍ତି ତେସଂ ଅକ୍ଖିନି ରତ୍ତାନି ଭୱନ୍ତି । ତଂ ଖଣେୟେୱ ରତ୍ତକ୍ଖମାରକୋ ନାମ ଜରରୋଗୋ ପାତୁଭୱିତ୍ୱା ମାରେତି ।
୫୮. ସୋ ୟକ୍ଖୋ ମତମତେ ନିରାସଙ୍କେ ଖାଦତି । ତଂ ୟକ୍ଖଂ ଅଦସ୍ୱାପି ୟେ ୟେ ନରା ତେନାତୁରା ତେ ତେ ପସ୍ସନ୍ତି, ତେପି ସୋ ରୋଗୋ ଆୱିସତି । ଏୱଂ ନ ଚିରୋନୱୟକ୍ଖଭୟେନ ରୋଗେନ ଚ ଜନପଦୋ ୱିରଲଜନୋ ଜାତୋ ।
୫୯. ରାଜା ତଂ ପୱତ୍ତିଂ ସୁତ୍ୱାମୟି ରଜ୍ଜଂ କାରେନ୍ତେ ପଜାନଂ ଈଦିସସ୍ସ ଭୟସ୍ସ ଉପ୍ପଜ୍ଜନ ଅନନୁଚ୍ଛୱିକନ୍ତି ମଞ୍ଞମାନୋ ତଦହେୱ ଅଟ୍ଠଂଗ ସୀଲଂ ସ୍ୱାଦିୟିତ୍ୱା ଅତ୍ତନା ନିଚ୍ଚଂ କରୀୟମାନାନି ଦସକୁସଲକମ୍ମାନି ଅନୁସ୍ସରିତ୍ୱା ଅହଂ ଧମ୍ମୱିଜୟି ଭୱିସ୍ସାମୀତି ତଂରକ୍ଖସଂ ଆଦିସ୍ୱା ନ ଉଟ୍ଠହିସ୍ସାମୀତି ଦଳ୍ହତରଂ ଅଧିଟ୍ଠାୟ ୱାସଗବ୍ଭେ ସୟି । ତସ୍ସ ତେନ ଆଚାର ଧମ୍ମତେଜେନ ରାଜାନୁଭାୱେନ ଚ ସୋ ରକ୍ଖସୋ ସନ୍ତତ୍ତୋ ଉତ୍ତସିତ୍ୱା ଖଣମ୍ପି ଠାତୁଂ ଅସହନ୍ତୋ ଆକାସେନା ଗନ୍ତ୍ୱା ବଲୱପଚ୍ଚୁସ ସମୟେ ଅନ୍ତୋଗବ୍ଭଂ ପୱିସିତୁମସକ୍କୋନ୍ତୋ ବାହିରେ ଠତ୍ୱା ରଞ୍ଞୋ ଅତ୍ତାନଂ ଦସ୍ସେସି । ରଞ୍ଞା ଚ କୋସିତ୍ୱନ୍ତି ପୁଟ୍ଠୋ ଆହ । ରତ୍ତକ୍ଖୋ ନାମାହଂ ରକ୍ଖସୋ ଦୁରଜନପଦେସ୍ମିଠିତୋ, ଅହଂ ଖଣମ୍ପି ଠାତୁଂ ଅସକ୍କୋନ୍ତୋ ତୱାନୁଭାୱେନ ବଦ୍ଧୋୱିୟହୁତ୍ୱା ଇଧାନୀତୋ ? ଭାୟାମି ଦେୱ ତୱ ଦସ୍ସନନ୍ତି ।’’
୬୦. ଅଥ ରାଜା ସୟନତୋ ୱୁଟ୍ଠହିତ୍ୱା ସୀହପଞ୍ଜରଂ ୱିୱରିତ୍ୱା ଓଲୋକେତ୍ୱା ଅରେ ! ଜମ୍ମ ! ମ୍ମ ୱିସୟଗତେ ମନୁସ୍ସେ କସ୍ମା ? ଖାଦୟୀତି । ମହାରାଜ ତୱ ୱିସୟେ ମୟା ମାରେତ୍ୱା ଏକୋପି ଖାଦିତୋ ନତ୍ଥି, ଅପିତୁମତକଲେବରଂ ସୋନସିଗାଲାଦୀନଂ ସାଧାରଣ ଭକ୍ଖଭୂତଂ ଖାଦାମି, ନ ମେ କୋଚି ଅପରାଧୋ ଅତ୍ଥି, ଅତ୍ଥି ଚେ ରାଜଦଣ୍ଡୋ ମୟି ୱିଧୀୟତୂ’ତି ୱତ୍ୱା ପୱେଧମାନୋ ନିଚ୍ଚଲଭାୱେନ ଠାତୁଂ ଅସକ୍କୋନ୍ତୋ ଭୟୱେଗେନ ଜାତଲୋମହଂସୋ ସାନୁନୟମେୱ ମାହ । ‘‘ଦେୱସ୍ସ ରଟ୍ଠଂଥିତଂ ଧନଧଞ୍ଞ ସମିଦ୍ଧିସମ୍ପୁଣ୍ଣଂ ଦେୱସ୍ସ ଧନ ୱସ୍ସେନ ସମ୍ପୁଣ୍ଣମାନୋ ରଥା ମନୁସ୍ସା, ଇଦାନି ୟାଚକାପି ବହୁତରା ନ ହୋନ୍ତି, ଅହ ମୀଦିସଂ ରଟ୍ଠଂ ପତ୍ୱାପି ଅଲଦ୍ଧଗୋଚରୋ ଅପରିପୁଣ୍ଣମନୋରଥୋ ଜତୋ ପିପାସିତୋୱ ହୁତ୍ୱା ଦୀନ ଭାୱେନ ଜୀୱିକଂ କପ୍ପେମି, ତଥା ଈଦିସଂ ଭୟଂ ପତ୍ତୋମ୍ହି ଅଭୟଂ ମେ ଦେହି ମହାରାଜା’ତି ।
୬୧. ଅଥ ରାଜା ତସ୍ସ ଦୀନୱଚନଂ ସୁତ୍ୱା କରୁଣାୟ କମ୍ପିତହଦୟୋ ‘‘ମା ଭାୟିତ୍ୱଂ ରକ୍ଖସ ! ଅଭୟଂ ତେ ଦମ୍ମି ଇଚ୍ଛିତଂ ତେୱଦା’’ତି ଆହ । ଏୱଂ ରଞ୍ଞୋଚ ରକ୍ଖସ୍ସଚ ଅଞ୍ଞମଞ୍ଞେହି ସଦ୍ଧିଂ ସଲ୍ଲପନ୍ନାନଂ ସଦ୍ଦଂ ସୁତ୍ୱା ଅନ୍ତୋଗତା ଅନୁଚରା ରାଜାନଂ ପରିୱାରେସୁଂ, ଅଥ କଥାନୁକଥାୟ ରକ୍ଖସୋ ‘‘ଅଗତୋ ରଞ୍ଞା ସଦ୍ଧିଂ ସଲ୍ଲପତୀ’’ତି ସୁତ୍ୱା ସବ୍ବେ ଅମଚ୍ଚା ଚ ନାଗରା ଚ ସେନା ଚ ସନ୍ନିପତିତ୍ୱା ରାଜଙ୍ଗଣଞ୍ଚ ରାଜ ଭୱନଞ୍ଚ ପୂରେତ୍ୱା ଅରୁଣେ ଉଗ୍ଗଚ୍ଛନ୍ତେ ମହନ୍ତଂ କୋଲାହଲମକଂସୁ ।
୬୨. ଅଥ ସୋରକ୍ଖସୋ ସନ୍ନିପତିତଂଚତୁରଙ୍ଗବଲଞ୍ଚ ଆୟୁଧ ହତ୍ଥଂ ଅନେକ ସହସ୍ସୟୋଧବଲଞ୍ଚ ଦିସ୍ୱା ଅତିୱିୟଭୀତୋ ଠାତୁଞ୍ଚ ରଞ୍ଞୋ ଆଣତ୍ତିବଲେନ ଗତ୍ତୁଞ୍ଚ କିମପି ଭାଣିତୁଞ୍ଚ ନ ସକ୍କୋତି, ରାଜା ତଦୱତ୍ଥଂ ତଂ ଦିସ୍ୱା ଲଦ୍ଧାଭୟୋସି ଇମଚ୍ଛିତଂ ତେ କଥେହୀ’ତି ଆହ, ଧମ୍ମିକୋ ରାଜା ନ ମେ କିଞ୍ଚି ଭୟଂ ଉପ୍ପାଦେସ୍ସତିତି ଞତ୍ୱା ରାଜାନମେୱ ମାହ ‘‘ଦେୱୋ ଜାନାତିୟେୱ ସବ୍ବେସଂ ସତ୍ତାନଂ ଆହରଟ୍ଠିତିକତଂ, ତଥାହି ଉଦ୍ଧଲୋକୱାସିନୋ ଦେୱ ସୁଧାଭୋଜନେନ ପୀଣିତା ଜୀୱନ୍ତି, ଅଧେ ଲୋକୱାସିନେ ନାଗା ଭେକଭୋଜନେନ ସୁହିତା ୱସନ୍ତି ମନୁସ୍ସା ଖଜ୍ଜକାଦିନାନାୱିଧେନ ଆହାରଜାତେନ ପୀଣିତା ଜୀୱନ୍ତି । ଅମ୍ହାଦିସା ୟକ୍ଖ ରକ୍ଖସାଦୟୋ ପନ ମଂସଲୋହି ସସ୍ସାଦତୋ ତୁସ୍ସନ୍ତି ? ତେସ୍ୱହ ମଞ୍ଞତରୋ ଛାତେ ଚ ପିପାସିତେ ଚ ତାଦିସଂ କରୁଣାପରାୟଣଂ ମହାପୁରିସଂ ଦିସ୍ୱାପି ଅପରିପୁଣ୍ଣମନୋରତୋ ମଣ୍ଦଭାଗଧେୟ୍ୟୋ ସୋଚାମୀ’’ତି ଆହ ।
୬୩. ତନୁତ୍ଚମୱୋଚ ‘‘ମତକଲେବରାନି ଖାଦିତ୍ୱା ୱସାମି‘‘ତି ସଚ୍ଚଂ ମହାରାଜ ! ମତସରୀରଂ ସୁକ୍ଖପଣ୍ଣଂ ୱିୟ ନୀରସଂ କିଂ ମେତାୟ ଦୁଜ୍ଜୱିକାୟ ପସୀଦ ଦେୱ ! ୱରଂ ମେ ଦେହି ନୱ ୱିସୟେଥିତ ମନୁସ୍ସୋ ଏକୋ ଜନପଦୋ ଗୋଚରତ୍ଥାୟ ମେ ଦୀୟତୁ, ତତ୍ଥ ମନୁସ୍ସାନଂ ଅନପଗତୁଣ୍ହୱେଗଂ ଜୀୱରୁଧିରଞ୍ଚ ଜୀୱମଂ ସଞ୍ଚ ଖାଦିତ୍ୱା ଚିରଂ ସୁଖେନ ଜୀୱିତୁଂ ସକ୍କା’ତି ଆହ । ଅଥ ରାଜା ଅରେପାପିମ ! ରକ୍ଖସ ! ନାହଂ ପାଣୱଧଂ ଅନୁଜାନିସ୍ସାମି ଚଜେତଂ ତୱ ଗାହୱିକାରନ୍ତି । ‘‘ତେନହି ଦିନେ ଦିନେ ଏକଂ ମନୁସ୍ସବଲିଂଦେହି’’ତି । ଜୀୱବଲିମେକମ୍ପି ନ ଦେମୀତି ୱୁତ୍ତେ ‘‘ସଚ୍ଚ ମେନଂ ମଂଦିସାନ କପ୍ପ ରୁକ୍ଖାପି ଅୱକେସିନୋ ଜାୟନ୍ତୀତି ହା ହତୋସ୍ମି କିମହଂ କରୋମୀ’’ତି ୱିସାଦ ଦିନ୍ନୟନୋ ଦୁମ୍ମୁଖୋ ଦୋମନସ୍ସପ୍ପତ୍ତୋ ଅପ୍ପଟିହାନୋ ଅଟ୍ଠାସି ।
୬୪. ଅଥ ତସ୍ସ ନରିଣ୍ଦସ୍ସ କରୁଣାଭୂୟସି ତହିଂ ଜାୟମାନା ମନୋତସ୍ସ ୱିରତ୍ୟା ୱ୍ୟାକୁଲଂ ଅକାସି । ଅଥ ରାଜା ଏୱଂ ପରି ୱିତକ୍କେସି ।
ନାନୁସ୍ସରାମି ୱତ ୟାଚିତୁ ମାଗତାନଂ,
ଇଚ୍ଛାୱିଘାତ ପରିତାପ ହତଜ୍ଜୁତୀତି ।
ହେମନ୍ତ ନିବ୍ବହିମମାରୁତ ନିସ୍ସିରୀକ,
ପଙ୍କେରୁଭେହି ସଦିସାନି ମୁଖାନି ଜାତୁ ॥
୬୬. ଏତସ୍ସ ରକ୍ଖସ୍ସ ପରେସଂ ଦୁକ୍ଖମା ପାଦୟିତୁଂ ନ କଦାଚି ସକ୍କା, ଅହଞ୍ଚ ଅଜ୍ଝତ୍ତିକ ଦାନଂ କଦାଦସ୍ସାମିତି ପତ୍ଥେମି, ତଦିଦଂ ପତ୍ତକକାଲଂ ଜାତଂ, ସକ ସରୀରସ୍ସ ଅହମେୱ ଇସ୍ସରୋ, ମମ ମଂସଲୋହିତେନ ଏତଂ ସନ୍ତପ୍ପୟାମୀତି କତ ନିଚ୍ଛୟୋ ଅମଚ୍ଚେ ଆମନ୍ତେତ୍ୱା ଏୱମାହ ।
ଇମଂ ସରତ୍ତଂ ପିୟିତଂ ସରୀରଂ,
ଧାରେମି ଲୋକସ୍ସ ହିତତ୍ଥ ମେୱ ।
ଅଜ୍ଜାତିଥେୟ୍ୟତ୍ତ ମୁପେତି ତଞ୍ଚେ,
ଅତୋ ପରଂ କିଂ ପିୟ ମତ୍ଥି ମୟ୍ହଂ ॥
ଅମଚ୍ଚା ଏୱମାହଂସୁ ଏକସ୍ସ ରକ୍ଖସ୍ସ ଅତ୍ଥାୟ ସକଲ ଲୋକଂ ଅନାଥିକତ୍ତୁ ମିଚ୍ଛତୋ କୋୟଂ ଧମ୍ମ ମଗ୍ଗୋ ଦେୱସ୍ସ ଅଥ ରାଜା ଏୱମାହ ।
ନିଚ୍ଚୋ ପହୋଗସ୍ସ ଧନସ୍ସ ଚାପି,
ନ ୟାଚକେ ଦଟ୍ଠୁ ମହଂ ଲଭାମି ।
ଏୱଂ ୱିଧଂ ଅତ୍ଥି ଜନନ୍ତୁ ଲଦ୍ଧୁଂ,
ନ ଦେୱତା ରାଧନାୟପି ସକ୍କା ॥
୬୯. ଅପେଥ ତୁମ୍ହେ ନ ମେ ଦାନନ୍ତରାୟଂ କରୋଥା’ତି ଆହ । ଅଥ ଅମଚ୍ଚା ୟଦିଚାୟଂ ନିଚ୍ଛୟୋ ଅପରିଚ୍ଚଜନୀୟୋ ଅମ୍ହେସୁ ଏକେକ ମେୱ ଦିନେ ଦିନେ ରକ୍ଖସ୍ସ ବଲିକମ୍ମାୟ ହୋତୂତି ଆହଂସୁ । ଅଥ ରାଜା ‘‘ଅହମେୱ ଜୀୱନ୍ତୋ ଏୱଂ ନାନାଜାନିସ୍ସାମି’’ତି ସଲ୍ଲକତ୍ତଂ ସୀଘଂ ଏତ୍ଥ ଆନେହୀତି ସଂୱିଧହି । ଅଥ ତତ୍ଥ ସମାଗତା ସବ୍ବେ ଜନା ତଂ ପୱତ୍ତିଂ ସୁତ୍ୱା ତସ୍ସ ଗୁଣେ ଅନୁରତ୍ତା ସୋକେନ କମ୍ପମାନା ତହିଂ ପତିଟ୍ଠିତେନ ପଟିଘେନ ଅତି କୁଦ୍ଧା ୱିସୁଂ ୱିସୁଂ ଏୱମାହଂସୁ ।
୭୦. ଏସୋ ରକ୍ଖସୋ ସୀସଚ୍ଛେଦମରହତିତି କେଚି, କାଲ ମେଘ ସଦିସ ମେତସ୍ସ ମହା ସରୀରଂ ଅନେକ ସତାନଂ ସରାନଂ ତୁଣିରଭାୱଂ ନେତୁମରହତୀତି କେଚି, ଅନେକେସଂ ଖେପନ ସତ୍ଥାନଂ ଲକ୍ଖଭାୱଂ ମୁପନେତୁଂ ୟୁତ୍ତମିତି ଚ ପରେ, ଅସିକଦଲିକୀଲାୟ ୱଜ୍ଝୋୟମିତି ଅଞ୍ଞ୍ଞୋ ତେଲଚୋଲେନ ୱେଠେତ୍ୱା ମହତା ପାୱକେନ ଉଜ୍ଜାଲେତ୍ୱା ଦହିତବ୍ବୋୟମିତି ଅପରେ, ଇଦଂ ସବ୍ବଂ ରାଜାନାନୁ ଜାନାତି । ଇମଂ ଅସପ୍ପୁରିସଂ ଜୀୱଗାହଂ ଗହେତ୍ୱା ରଜ୍ଜୂହି ଗୁଳପିଣ୍ଡୱେଠନଂ ୱେଠେତ୍ୱା ବଣ୍ଧନାଗାରେ ପକ୍ଖିପି ତବ୍ବନ୍ତି ଅଞ୍ଞେ ଏୱମେୱଂ ତତ୍ଥ ବହୁଧା କଥେନ୍ତାନଂ କଟୁକତରଂ ୱଧୱିଧାନଂ ୟକ୍ଖୋ ସୁତ୍ୱା ତସିତୋ ମିଲିତକ୍ଖମତଦେହୋ ୱିୟ ନିଚ୍ଚଲୋୱ ଠିତୋ, ଅଥ ସୋ ରାଜା ‘‘ଏହି ସଖେ ରକ୍ଖସ ! ମହୋପକାର କରଣ ଭୂତ !
ଦେୟ୍ୟଞ୍ଚ ଦାନପ୍ପୱନଞ୍ଚଚିତ୍ତଂ,
ଅତ୍ଥି ତୁୱଂ ଲୋହିତ ମଂସକାମୀ ।
ସମେତୁ ମେତଂ ହିତାୟ ଦୁରାପଂ,
ମନୋ ରଥୋ ସିଜ୍ଝତୁ ନୋ ଉଭିନ୍ନନ୍ତି ॥
ୱତ୍ୱା ‘‘ମମ ସରୀରତୋ ଦୀୟମାନଂ ଜୀୱମଂସଂ ଜୀୱରୁଧିରଞ୍ଚ ମୟି ଅନୁଗ୍ଗହେନ ସମ୍ପଟିଚ୍ଛା’ତି ରକ୍ଖସ୍ସ ୱତ୍ୱା ସଲ୍ଲକତ୍ତାଭିମୁଖଂ ଦକ୍ଖିଣବାହୁଂ ପସାରେସି ମଂସକତ୍ତନାୟ ।
୭୨. ଅଥ ସୋ ୟକ୍ଖୋ ଉଭୋ କଣ୍ଣେ ପିଧାୟ ସନ୍ତଂ ପାପଂ ପଟିହତମମଂଗଲଂ ରଞ୍ଞୋ ସୋତ୍ଥି ଭୱତୁ, କିମିଦମାପତିତଂ ମହତା ମେ ପାପ ୱିପାକେନ ଜୀୱତୁ ମିଚ୍ଛତୋ ୱିସଭୋଜନମିଚ୍ଚ, ଆତପତିଲନ୍ତସ୍ସ ଦାୱଗ୍ଗି ପରିକ୍ଖେପୋ ୱିୟ ଚ ୟଦି ଈଦିସୋ ମେ ସଂକପ୍ପ ମହାରାଜେ ସମୁଜ୍ଜୋ ୟେୟ୍ୟ ଦେୱ ଦଣ୍ଡୋ ମେ ସିରସି ଅଦ୍ଧା ପତତୂତି, ଲୋକପାଲାପି ମେ ସୀସଂ ଛିଣ୍ଦନ୍ତି ନାହ ମେୱଂ ୱିଧମପରାଧଂ କରିସ୍ସାମୀ’ତି ନ ସମ୍ପଟିଚ୍ଛି,
୭୩. ଅଥ ରାଜା ତେନ ହି ୟକ୍ଖ ! ‘‘କିଂ ତେ ମୟା କାତବ୍ବନ୍ତୀ’ତି ଆହ । ଅଥ ସୋ ରକ୍ଖସୋ ମହାଜନାନଂ ୱଧ ୱିଧାନେନ ରଞ୍ଞୋ ଆନାୟ ଚ ଭୀତୋ ସନ୍ତତ୍ତୋ ‘‘ଦେୱ ! ନାହ ମଞ୍ଞଂ ପତ୍ଥୟାମି କିନ୍ତୁ ଇତୋପ୍ପଭୂତି ରାଜାରହେନ ଭୋଜନେନ ଗାମେ ଗାମେ ଉପହାରବଲିଂ ଲଦ୍ଧୁକାମୋମ୍ହି’ତି ଆହ ଅଥ ରାଜା ‘‘ଏୱଂ କରୋନ୍ତୁ ରଟ୍ଠୱାସିନୋ’’ତି ନଗରେୱ ସକଲ ରଟ୍ଠେ ଚ ଭେରିଂ ଚରାପେତ୍ୱା ପାନାତିପାତ ୱିରମଣାୟ ଓୱଦିତ୍ୱା ନଂ ୟକ୍ଖଂ ଉୟ୍ୟୋଜେସି ।
ଇତି ରତ୍ତକ୍ଖିଦମନ ପରିଚ୍ଛେଦୋ ଛଟ୍ଠୋ ।
ଅଥ କଦାଚି ୱସ୍ସାଧିକତାନଂ ଦେୱତାନଂ ପମାଦେନ ଅୱଗ୍ଗହୋ ପାତୁରହୋସି ।
ନିଦାଘୱେଗେନ ରୱି ପତାପି,
ଉଣ୍ହାଭିତତ୍ତା ପଚନୋ ବରୋ ଚ ।
ଜରାତୁରେୱାସିସିରା ଧରା ଚ,
ପିୱିଂସୁ ତେ ସବ୍ବଧି ସବ୍ବିମ ମ୍ବୁ ॥
ଅନେତାଭୁସୁଣେହନ ୱିପଚ୍ଚମାନ,
ସନୀସ୍ସନମେଭାହରିତେୱ ୱାଟୀ ।
ତିବ୍ବାତପକ୍କତ୍ତୱନନ୍ତରାଜୀ,
ରୁନାକୁଲା ଖାୟତି ୱୀରିକାନଂ ॥
ୱସ୍ସାନକାଲେପି ପଭାକରସ୍ସ,
ପତାପସନ୍ତାପିତମନ୍ତଲିକ୍ଖଂ ।
ସମାଚିତଂ ପଣ୍ଡରୱାରିଦେହି,
ସୱଣ୍ଦନାଲେପମିୱାତିରୋଚୀ ॥
୭୭. ଏୱଂ ମହତା ଗିମ୍ହୱିପ୍ଫୁରଣେନ ନଦୀତଳାକସୋବ୍ଭାଦୀସୁ ସିକତାକଦ୍ଦମାୱସେସଂ ସୋସିତେସୁ କେଦାରେସୁ ମତ ସସ୍ସେସୁ ବହୁଧା ଏଳିତଭୂମିଭାଗେସୁ ସଲିଲଭାୱେନ କିଲନ୍ତେସୁ ମିଗପକ୍ଖିସୁ ତଂ ପୱତ୍ତିଂ ସୁତ୍ୱା ରାଜ କରୁଣାୟ କମ୍ପିତହଦୟୋ ଅଟ୍ଠଙ୍ଗସୀଲଂ ସମାଦିୟିତ୍ୱା ମହାଚେତିୟଙ୍ଗଣମାଗମ୍ମ ୟାୱ ଦେୱୋ ସବ୍ବତ୍ଥ ୱିତ୍ଥ ତାହି ସଲିଲଧାରାହି ସକଲ ଲଙ୍କାଦୀପଂ ପିନେନ୍ତୋ ୱସ୍ସଂ ୱସ୍ସିତ୍ୱା ମହତା ଉଦକପ୍ପୱାହେନ ମଂ ନ ପ୍ଲୱୟିସ୍ସତି ମରମାନୋପି ତାୱ ନ ଉଟ୍ଠହିସ୍ସାମୀତି ଦଳ୍ହତରଂ ଅଧିଟ୍ଠାୟ ତତ୍ଥ ସିଲାପତ୍ଥରେ ସୟି ।
୭୮. ତଂଖଣେ ତସ୍ସ ରଞ୍ଞେ ଧମ୍ମତେଜେନ ଚକିତାନଂ ଗୁଣପ୍ପବଣ୍ଧେନ ଚ ପସନ୍ତାନଂ ଦେୱନାଗୟକ୍ଖାନଂ ଆନୁଭାୱେନ ସମନ୍ତତୋ ୱସ୍ସୱଲାହକା ଉଟ୍ଠହିଂସୁ ତଥା ହି ।
ଦୀଘାମିନନ୍ତାୱ ଦିସାପୟାମଂ,
ୱିତ୍ଥାରୟନ୍ତାୱ ତମଂ ସିଖାହୀ ।
ଛାୟା ଗିରୀନଂ ୱିୟ କାଳମେଘା ॥
ଗମ୍ଭୀରଧୀରତ୍ଥନିତା ପୟୋଦା,
ତହିଂ ତହିଂ ୱସ୍ସିତୁମାରଭିଂସୁ ।
ସମୁନ୍ନଦତ୍ତା ସିଖିନୋ କଲାପଂ,
ସନ୍ଧାରୟୁଂ ଜତ୍ତମିଚୁତ୍ତମଙିଗେ ॥
ମୁତ୍ତାକଲାପା ୱିୟ ତେହି ମୁତ୍ତା,
ଲମ୍ବିଂସୁ ଧାରା ପସମିଂସୁ ରେଣୁ ।
ଗଣ୍ଧୋ ସୁଭୋ ମେଦିନିୟାୱଚାର,
ୱିତଞ୍ଞମାନୋ ଜଲଦାନିଲେନ ॥
ଜୁତୀହି ଜମ୍ବୁନଦପିପ୍ଫରାହି,
ମୁହୁଂ ଦିସନ୍ତେ ଅନୁର ଜୟନ୍ତି ।
ମେଘସ୍ସନାଳିତୁରିୟାନୁୟାତା,
ୱିଜ୍ଜୁଲ୍ଲତା ନଚ୍ଚମିୱାଚରିଂସୁ ॥
କୋଧେନ ରତ୍ତା ୱିୟ ତମ୍ବୱଣ୍ଣା,
ନିନାଦୱନ୍ତୋ ଜୟପୀତିୟାୱ ।
ଗୱେସମାନା ୱିୟ ଗିମ୍ହୱେରିଂ,
ୱ୍ୟାପିଂସୁ ସବ୍ବତ୍ଥ ତଦା ମହୋଘା ॥
୮୪. ଏୱଂୱିଧେ ୱସ୍ସେ ପୱତ୍ତେସି ରାଜା ନମଂ ମହୋଘୋ ଉପ୍ପିଲାପଧୀତି ନ ଉଟ୍ଠାସିୟେୱ ଅଥ ଅମଚ୍ଚା ଚେତିୟଙ୍ଗଣେ ଜଲନିଗ୍ଗମପଣାଲିୟୋ ଥକେସେଂ ଅନ୍ତୋ ସମ୍ପୁଣ୍ଣୱାରିପୂରୋ ରାଜାନଂ ଉପ୍ପିଲାପେସି । ଅଥ ସୋ ଉଟ୍ଠାୟ ଚେତିୟସ୍ସ ମହୁସ୍ସୱା ୱିଧାୟ ରାଜଭୱନମେୱ ଗତୋ ।
୮୫. ତତୋ ଅଦଣ୍ଡେନ ଅସତ୍ଥେନ ରଜ୍ଜମନୁସାସତୋ ରଞ୍ଞୋ ଅଚ୍ଚନ୍ତମୁଦ୍ରମାନସତ୍ତଂ ୱିଦିତ୍ୱା ଉନ୍ନଳା କେଚି ମନୁସ୍ସା ଗାମୱିଲୋପାଦିକଂ ଆଚରନ୍ତା ଚୋରା ଅହେସୁଂ ତଂ ସୁତ୍ୱା ରାଜା ତେ ଚୋରେ ଜୀୱଗାହଂ ଗାହାପେତ୍ୱା ବଣ୍ଧନାଗାରେ ଖିପିତ୍ୱା ରହସି ତେସଂ ରତନହିରଞ୍ଞାଦିକଂ ଦତ୍ୱା ମା ଏୱଂ କରୋଥାତି ଓୱଦିତ୍ୱା ପଲାପେତ୍ୱା ରତ୍ତିୟଂ ଆମକସୁସାନତୋ ଛୱରୂପେ ଆନେତ୍ୱା ଚୋରହିଂସଂକାରେନ୍ତୋ ୱିୟ ଅଗ୍ଗିନା ଉତ୍ତାପେତ୍ୱା ନଗରତୋ ବହି ଖିପାପେସି ଏୱଂ ଚୋରଭୟଦ୍ୱ ଅପନେତ୍ୱା ଏକଦା ଏୱଂ ଚିନ୍ତେସି ।
୮୬. କିମନେନ ରଜ୍ଜୱିଭୱେନ, ଇନ୍ଦଂ ପରିପୁଣ୍ଣଂ ସକୋସଂ ସପରଜନଂ ସହୋରୋଧଂ ସାମଚ୍ଚଂ ସଖୱାହନଂ ରଜ୍ଜଂ କସ୍ସଚି ଦାନରୂପେନ ଦତ୍ୱା ୱନଂ ପୱିସିତ୍ୱା ସୀଲଂ ସମାଦାୟ କାୟୱିୱେକଂ ଚିତ୍ତୱିୱେକଦ୍ୱ ସମ୍ପାଦେତୁଂ ୱଟ୍ଟତୀତି ଅଭିନିକ୍ଖମନେ ରତିଂ ଜନେସି । ତଦା ଗୋଠାଭୟୋପି ଏୱରୂପଂ ପାପୱିତକ୍କଂ ଉପ୍ପାଦେସି । ଏସ ରାଜା ଧମ୍ମିକୋ ସଦାଚାରକୁସଲୋ ପତିଦିୱସଂ ୱୀଧୀୟମାନେହି ଦସୱିଧକୁସଲକମ୍ମେହି ଆୟୁସଂଖାରୋପିସ୍ସ ୱଡ୍ଢତି ଉପପୀଳକକମ୍ମାନିଚ ଦୂରମପୟନ୍ତି । ତତୋୟେୱ ଚିରତରଂ ଜୀୱିସ୍ସତି ଏତସ୍ସ ଅଚ୍ଚୟେନ କଦାହଂ ରଜ୍ଜଂ ଲଭିସ୍ସାମି ରଜ୍ଜଂ ପତ୍ୱାପି ୱଡତରୋ ଆହଂ ୟୁୱଜନସେୱନୀୟଂ ୱିସୟସୁଖଂ କଥମନୁଭୱିସ୍ସାମି ସୀଘମିମଂ ଇତୋ ପଲାପେତ୍ୱା ରଜ୍ଜେ ପତିଠହିସ୍ସାମୀତି ଚିନ୍ତେତ୍ୱା ବହୁଂ ସାରଧନମାଦାୟ ଉତ୍ତରଦ୍ୱାରତୋ ନିକ୍ଖମିତ୍ୱା ପୁବ୍ବଚୋରେ ସନ୍ନିପାତେତ୍ୱା ବଲକାୟଂ ଗହେତ୍ୱା ଆଗମ୍ମ ନଗରଦ୍ୱାରଂ ଗଣ୍ହି ତଂ ପୱତ୍ତିଂ ସୁତ୍ୱା ରାଜା ‘‘ରଜ୍ଜଂ କସ୍ସଚିଦତ୍ୱା ଅଭିନିକ୍ଖମନଂ କରିସ୍ସାମିତି କତସନ୍ନିଟ୍ଠାନସ୍ସ ମମ ଅୟଂ କେନଚି ଦେୱାନୁଭାୱେନ ସନ୍ନିଧାପିତୋ ମଞ୍ଞେ ଅମଚ୍ଚା ମୟଂ ଅନନୁମତାପି ପୁରାୟୁଜ୍ଝିତୁମାର ଭନ୍ତି ଏୱଂ ସତି ମଂ ନିସ୍ସାୟ ଉଭୟପକ୍ଖଗତସ୍ସ ମହାଜନସ୍ସ ୱିପୁଲଂ ଦୁକ୍ଖଂ ‘‘ଭୱିସ୍ସତି କିମନେନ ରଜ୍ଜେନ ଫଲଂ ରଜ୍ଜଂ ତସ୍ସେୱ ଦିନ୍ନଂ ହୋତୁ’’ତି ୱତ୍ୱା କଂଚି ଅଜାନାପେତ୍ୱା ପରିସ୍ସାୱନମତ୍ତଂ ଗହେତ୍ୱା ଦୁଲ୍ଲକ୍ଖିୟମାନୱେସୋ ଦକ୍ଖିଣଦ୍ୱାରେନ ନିକ୍ଖମିତ୍ୱା ମଲୟଦେସଂ ଗଚ୍ଛନ୍ତୋ
ସଦାସନ୍ତୁଟ୍ଠଚିତ୍ତାନଂ ସକ୍କା ସବ୍ବତ୍ଥ ଜୀୱିତୁ ।
କୁତ୍ର ନାମ ନ ୱିଜ୍ଜନ୍ତି ଫଲମୂଲଜଲ୍ଲାୟା ॥
୮୮. ଇତି ଚିନ୍ତୟନ୍ତୋ କମେନ ଗନ୍ତ୍ୱା ହତ୍ଥୱନଗଲ୍ଲଂ ନାମ ମହନ୍ତଂ ଅରଞ୍ଞାୟନ୍ତଂ ପାୱିସି, ଅୱିରଲପୱାଲକୁସୁମଫଲସଂଜନ୍ନୱିସାଲସାଖାମଣ୍ଡଲେହି ଉଚ୍ଚାୱଚେହି ପନସ୍ସହକାରକପିତ୍ଥ ତିମ୍ବରୁଜମ୍ବିରଜମ୍ବୁୱିଭିତ କାମଲକ ଭରୀତ କତିରୀଟକସାଲସରଲୱକୁଲ ପୁନ୍ନାଗ ନାଗକନ୍ଦମ୍ବକାସୋକ ନୀପଚମ୍ପକ ଭିନ୍ତାଲତାଲପ୍ପଭୂତିହି ୱିୱିଧତରୁଗଣେହି ସମାକିଣ୍ଣଂ ୱିପୁଲୱିମଲସିଲୁଚ୍ଚୟପରିୟପରିୟନ୍ତସଙ୍ହତନଦୀସମ୍ଭେଦତିତ୍ଥୋପସଂକନ୍ତ ୱିୱିଧମିଗୟୁଥୱିହଗୱଗ୍ଗନିସେୱିତଂ ମହେସକ୍ଖ ଦେୱତାଧିଗ୍ଗହୀତଂ ନଣ୍ଦନୱନକମନୀୟଂ ସୁଳଭମୂଲଫଲସଲିଲ ସୁଖୋପଭୋଗରମଣୀୟ ତଂ ମହା କାନ୍ନଂ ଓଲୋକେତ୍ୱା ଇଦଂ ମେ ତପୋୱନଂ ଭୱିତୁମରହତିତି କତାଲୟୋ କାୟୱିୱେକଚିତ୍ତୱିୱେକାନଂ ଲାଭେନ ଏକଗ୍ଗମାନସୋ ମେତ୍ତାୱିହାରମନୁୟୁଜନ୍ତୋୱଞ୍ଞଜୀୱିକାୟ ସଂଜନିତସନ୍ତୋସୱିପ୍ଫରଣପିନୀତକାୟୋ ୱାସଂ କପ୍ପେତି ।
ଇତି ଅଭିନିକ୍ଖମନପରିଚ୍ଛେଦୋ ସତ୍ତମୋ ।
୮୯. ଗୋଠାଭୟୋପି ରଜ୍ଜଂ ପତ୍ୱା କତିପାହଚ୍ଚୟେନ ‘‘ମମ ଚଣ୍ଡତାୟ ୱୀରତ୍ତୋ ପଜାୱଗ୍ଗୋ ମନଂ ପୱିଟ୍ଠଂ ସଙ୍ଘବୋଧିଂ ଆନେତ୍ୱା ରଜ୍ଜଂ କାରେତୁଂ କଦାଚି ଉସ୍ସହତୀ’’ତି ସଂଜାତପରିସଙ୍କୋ ତଂ ମାରାପେତୁଂ ୱଟ୍ଟତୀତି ଅଭିସଣ୍ଧାୟ ‘‘ସଙ୍ଘବୋଧିରଞ୍ଞୋ ୟୋ ସୀସଂ ଆନେସ୍ସତି ତସ୍ସ ସହସ୍ସଂ ପାରିତୋସିକଧନନ୍ତି ନଗରେ ଭେରିଂ ଚରାପେସି । ତତୋ ମଲୟଦେସସିକୋ କୋଚି ଦୁଗ୍ଗତପୁରିସୋ ଅତ୍ତନୋ କଚ୍ଚେନ ପୁଟଭତ୍ତ ଆଦାୟ ୱନ ମଗ୍ଗେନ ଗଚ୍ଛନ୍ତୋ ଭୋଜନ ୱେଲାୟ ସୋଣ୍ଡିସମୀପେ ନିସିନ୍ନଂ ସଙ୍ଘବୋଧିରାଜାନଂ ଦିସ୍ୱା ତସ୍ସ ଆକପ୍ପେନ ପସନ୍ନହଦୟୋ ଭତ୍ତେନ ତଂ ନିମନ୍ତେସି ରାଜା ତଂ ନସମ୍ପଟିଚ୍ଛି । ସୋ ପୁରିସୋନାହଂ ନିହୀନ ଜାତିୟଂ ଜାତୋ ନ ପାଣୱଧଂ ଜିୱିକାୟ ଜୀୱନ୍ତୋ କେୱଟ୍ଟୋ ୱା ଲୁଦ୍ଦକୋ ୱା ଭୱାମି ଅଥ କୋ ଉତ୍ତମ ୱଣ୍ଣେହି ପରିଭୋଗାରହେ ୱଂସେ ସଞ୍ଜାତୋମ୍ହି ମମ ସନ୍ତକମିଦଂ ଭତ୍ତଂ ଭୋତ୍ତୁମରଭତି କଲ୍ଲ୍ୟାଣ ଧମ୍ମିକୋତି ତଂ ପୁନପ୍ପୁନ ୟାଚି । ଅଥ ରାଜା
ଛାୟୟ ଗେହଂ ସାଧାୟ ସେୟ୍ୟଂ ୱତ୍ଥଂ ତଚେନଚ ।
ଅସନଂ ଥଲପତ୍ତେହି ସାଧେନ୍ତି ତରୱୋ ମମ ॥
ଏୱଂ ସମ୍ପନ୍ନ ଭୋଗସ୍ସ ନ ତଣ୍ହା ପରସନ୍ତକେ ।
ତୱ ଜଚ୍ଚାଦିମୁଦ୍ଦିସ୍ସ ଗରହା ମମ ନ ୱିଜ୍ଜତୀତି ॥
ୱତ୍ୱା ନ ଇଚ୍ଛି ଏୱ ।
୯୨. ଅଥ ସୋ ପୁରିସୋ ଭୂମିୟଂ ନିପଜ୍ଜନମସ୍ସମାନୋ ନିବନ୍ଧିତ୍ୱ ୟାଚି । ତତୋ ତସ୍ସ ନିବଣ୍ଧନଂ ନିୱାରେତୁମସକ୍କୋନ୍ତୋ ସଗାରୱଂ ସୋପଚାରଂ ଦୀୟମାନଂ ଭତ୍ତଞ୍ଚ ସକପରୀସ୍ସାୱନପରୀପୁତପାନୀୟଞ୍ଚା ପରିଭୁଞ୍ଜିତ୍ୱା ହତ୍ଥମୁଖଧୋୱନେନ ପରିସମତ୍ତ ଭତ୍ତ କିଚ୍ଚୋ ଅନ୍ନୋହଂ କତୁପକାରୋ କୀଦିସମସ୍ସ ପଚ୍ଚୁପକାରଂ କରିସ୍ସାମିତି ଚିନ୍ତୟନ୍ତୋୱ ତଂ ଅଭିମୁଖୀକରିୟ ‘‘ଅନୁରାଧପୁରେ କା ପୱତ୍ତୀ’’ତି ପୁଚ୍ଛି, ଅଥ ସୋ ପୁରିସୋ ପୁବ୍ବରାଜାନଂ ପଲାପେତ୍ୱା ଗୋଠାଭୟୋ ନାମ ରାଜା ରଜ୍ଜେପତିଟ୍ଠହିତ୍ୱା ସିରି ସଙ୍ଘବୋଧିରଞ୍ଞୋ ୟୋ ସୀସଂ ଆଦାୟ ଦସ୍ସେତି ତସ୍ହ ସହସ୍ସଂ ପାରିତୋସିକଧନନ୍ତି ନଗରେ ଭେରିଂ ଚରାପେସି କିରାତି ସୁୟତି’’ତି ।
ତସ୍ସ ୱଚନ ସମନନ୍ତରମେୱ ତୁଟ୍ଠପହଟ୍ଠହଦୟୋ ମମ ସହସ୍ସାରହସୀସଦାନେନ ଇଦାନି ଏତସ୍ସ ପଚ୍ଚୁପକାରୋ କତୋ ଭୱିସ୍ସତି ଅଜ୍ଝତ୍ତିକଦାନତ୍ତା ଦାନପାରମିତାୱ କୋଟିପ୍ପତ୍ତା ଭୱିସ୍ସତି ଇଦଞ୍ଚ ୱତରେ-
ନ ପୁତି ପୁଗୀଫଲମତ୍ତକମ୍ପି,
ଅଗ୍ଘନ୍ତି ସୀସାନି ଚିଛିୱିତାନଂ ।
ସୀସନ୍ତୁ ମେ ୱତ୍ତତି ବୋଧିୟା ଚ,
ଧନସ୍ସ ଲାଭାୟ ଚ ଅଦ୍ଧିକସ୍ସ ॥
ନାଳିୱନସ୍ସେୱ ରୁଜାକରସ୍ସ,
ପୁତିପ୍ପଧାନସ୍ସ କଲେବରସ୍ସ ।
ଦୁକ୍ଖନ୍ନୁଭୁତ ପଟିଜଗ୍ଗନ୍ନେ,
ସଦତ୍ଥୟୋଗା ସଫଲଂ କରୋମୀତି-
ଚିନ୍ତେତ୍ୱା କତତିଚ୍ଛୟୋ ‘‘ଭୋ ପୁରିସ ସୋଭଂ ପିରୀ ସିରିସଙ୍ଘବୋଧି ରାଜାନାମ, ମମ ସୀସଂ ଗହେତ୍ୱା ଗନ୍ତ୍ୱା ରଞ୍ଞୋ ଦସ୍ସେହୀ’’ତି ଆହ । ସୋ ତଂ ସୁତ୍ୱା ‘‘ଦେୱ ନାହମେୱଂ ୱିଧଂ ମହାପାତକ କମ୍ମଂ ଆୱଜିସ୍ସାମ ଭାୟାମି’’ତି ଆହ ।
୯୫. ଅଥ ରାଜା ‘‘ମା ଭାୟି କହାପଣସଗ୍ଗସ୍ସଲାଭାୟ ଅହମେୱ ତେ ଉପାସଂ କରିସ୍ସାମି କେୱଲଂ ତ୍ୱଂ ମୟା ୱୁତ୍ତନିୟାମେୱ ପଟିପଜ୍ଜା’’ତି ୱତ୍ୱା ସହସ୍ସଲାଭଗିଦ୍ଧେନ ତେନ ପଥିକପୁରିସେନ ଅଧିୱାସିତେ ସୀସଚ୍ଛେଦାୟ ସତ୍ଥଂ ଅଲଭମାନୋ ଧମ୍ମାଧିଟ୍ଠାନତେଜ ସା ସୀସଂ ସନ୍ଧିତୋ ୱିସୁଂ କରିତ୍ୱା ଦସ୍ସାମୀତି ଚିନ୍ତେତ୍ୱା ପଲ୍ଲଙ୍କଂ ସୁଣ୍ଥିରଂ ବଣ୍ଧିତ୍ୱା ମମେଦଂ ସୀସଦାନଂ ସବ୍ବଞ୍ଞୁତଞାଣ ପଟିଲାଭାୟ ପଚ୍ଚୟୋ ଭୱତୂତି ସୋମନସ୍ସପୁବ୍ବକଂପତ୍ଥନଂ କତ୍ୱା ତଂ ପୁରିସଂ ଅତ୍ତନୋ ସମୀପଂ ଆମନ୍ତେସି । ସୋ ଅଧିକପୁରିସୋ ପୁବ୍ବେ ଅଦିଟ୍ଠାସୁତପୁବ୍ବଦୁକ୍କରକମ୍ମ ଦିନ୍ନଂ ସୀସଂ ଗହେତ୍ୱା ଅନୁରାଧପୁରଂ ଗନ୍ତ୍ୱା ଦିସ୍ସେମି କୋତଂ ସଞ୍ଜାନାତି କୋତଂ ସଦ୍ଦହିସ୍ସତୀତି, ଅଥ ସୋ ଗୋଠାଭୟୋ ସଚେ ତେନ ସଦ୍ଦହିସ୍ସତି ଅହୱେତ୍ଥ ସକ୍ଖିହୁତ୍ୱା ସହସ୍ସଂ ଦାପେସ୍ସାମି ତୟାତୁ ତତ୍ଥ ଏୱଂ କତ୍ତବ୍ବ’’ନ୍ତି ପଟିପଜ୍ଜିତବ୍ବା କରଂ ଉପଦିସିତ୍ୱା ଏହିସପ୍ପୁରିସ ମ୍ମ ସନ୍ତିକେ ମ୍ବଣତୋ ହୁତ୍ୱା ଉଭୟର୍ତ୍ଥଲାନଂ ଏକୀକରଣୱସେନ ଅଞ୍ଜଲିଂ କତ୍ୱା ବାହୁଂ ପସାରେହୀତି ୱତ୍ୱାଉଭୋସୁ ପସ୍ସେସୁ ନୀଲମଞ୍ଞାସମଞ୍ଞାନଂ ନାଲିନଂ ଉଜୁଭାୱାପାଦନେନ କଣ୍ଢନାଳଂ ସମ୍ମା ଠପେତ୍ୱା ସଲିଲପରିସ୍ସାୱନ୍ନେ ସୀସସଣ୍ଧିଂ ଜଲ ଲେଖାୟ ପରିଚ୍ଛଣ୍ଦିତ୍ୱା ସକେନ ଦକ୍ଖିଣ ହତ୍ଥମୁଟ୍ଠିନା ଚୁଲାବଦ୍ଧଂ ଦଳ୍ହଂ ଗଣ୍ହିତ୍ୱା ୟାୱ ମମ ସୀରଂ ଆଦାୟ ଅଦ୍ଧିକଂ ପୁରିସସ୍ସ ହତ୍ଥେ ସମପ୍ପେମି ତାୱ ମମ ଚିତ୍ତକିରିୟ ୱାୟୋ ଧାତୁୱେଗୋ ଅୱିଚ୍ଛିନ୍ନୋ ପୱତ୍ତତୂତି ଅଧିଟ୍ଠାୟ ଚୁଳାବଦ୍ଧଂ ଉଦ୍ଧାଭିମୁଖଂ ଉକ୍ଖିପି । ତାୱଦେୱ ସୀସବଣ୍ଧୋ ପୁଥୁଭୂତୋ ହୁତ୍ୱା ତେନ ଦକ୍ଖିଣ ହତ୍ଥ ମୁଟ୍ଠିନାଗହିତୋୟେୱ ପଗ୍ଘରନ୍ତିୟା ଲୋହିତଧାରାୟ ସଦ୍ଧି ଅଦ୍ଧିକସ୍ସହତ୍ଥତାଲେ ପତିଟ୍ଠାସି, ତସ୍ମିଂୟେୱ ଖଣେ ୱନାଧିୱତ୍ଥା ଦେୱତା ସାଧୁୱାଦମୁଖରା ପୁପ୍ଫୱସ୍ସଂ ୱସ୍ସାପେତ୍ୱା ସୀସସ୍ସ ଆରକ୍ଖଂ ଗଣ୍ହିଂସୁ ।
ସଂସତ୍ତରତ୍ତ କଲଲେ ଦ୍ଧିକପାଣିଖେତ୍ତେତ,
ନିକ୍ଖିତ୍ତ ସୀସ ୱରବୀଜ ସମୁବ୍ଭୱାୟ ।
ଏତସ୍ସ ଦାନମୟ ପାରମିତାଲତାୟ,
ସବ୍ବଞ୍ଞୁତା ଫଲରସୋ ଜନତଂ ଧିନୋତୁଂ ॥
୯୭. ଅଥ ସୋ ଅଦ୍ଧିକପୁରିସୋ ସୁଗଣ୍ଧୱନ କୁସୁମ ମାଲାହି ତଂ ସୀସଂ ଅଲଂକରିତ୍ୱା ପୁଗକୁହୁଲିକାପୁଟେ ପକ୍ଖିପିତ୍ୱା ସୀଘଗତି ୱେଗେନ ଅନୁରାଧପୁରଂ ଗନ୍ତ୍ୱା ଗୋଠାଭୟସ୍ସ ଦସ୍ସେସି, ସୋ ତଂ ଦିସ୍ୱା ସଞ୍ଜନିତୁ ମସକ୍କୋନ୍ତୋ ସଂସୟପ୍ପତ୍ତୋ ଅଟ୍ଠାସି । ଅଥ ଅଦ୍ଧିକପୁରିସୋ ରଞ୍ଞା ୱୁତ୍ତୱିଧି ମନୁସ୍ସରନ୍ତୋ ତଂ ସୀସଂ ଗହେତ୍ୱା ଆକାସେ ଖିପିତ୍ୱା ‘‘ସାମି ! ସିରିସଙ୍ଘବୋଧିମହାରାଜ ! ତ୍ୱ ମେତ୍ଥ ମେ ସକ୍ଖିଭୱା’’ତି ଅଞ୍ଜଲିମ୍ପଗ୍ଗହେତ୍ୱା ଆକାସ ମୁଦ୍ଦିକ୍ଖମାନୋ ୟାଚି, ଅଥ ତଂ ଦେୱତାଧିଗ୍ଗହିତଂ ସୀସଂ ନିରାଲମ୍ବେ ଅମ୍ବରେ ଲଦ୍ଧ ପତିଟ୍ଠଂ ଗୋଠାଭୟସ୍ସ ଅଭିମୁଖଂ ହୁତ୍ୱା ।
ରାଜା ହମେୱ ସୁହଦୋ ସିରିସଙ୍ଘବୋଧି,
ସୀସପ୍ପଦାନ ୱିଧିନାସ୍ମି ସମିଦ୍ଧିଚିତ୍ତୋ ।
ତ୍ୱଂ ଚାସି ରଜ୍ଜ ସିରିଲାଭ ସୁଖେନ ଦେୱ,
ଏସୋୱ ହୋତୁ ପଟିପନ୍ନ ସହସ୍ସଲାଭୋ’ତି ଆହ ॥
୯୯. ତଂ ସୁତ୍ୱା ଗୋଠାଭୟୋ ସାମଚ୍ଚୋ ୱିମ୍ଭୀତହଦୟୋ ସୀହାସନଂ ସଜ୍ଜେତ୍ୱା ଉପରି ସେତଚ୍ଛତ୍ତଂ କାରେତ୍ୱା ଇଧ ଦେୱ ! ଓତରାତି ୟାଚିତ୍ୱା ତତ୍ଥ ଓତିଣ୍ଣଂ ତଂ ସୀସଂ ନାନାୱିଧାହି ପୂଜାହି ଆରାଧେତ୍ୱା ନମସ୍ସମାନୋ ଖମାପେତ୍ୱା ମହତା ମହେନ ଆଳାହନକିଚ୍ଚଂ କାରେତ୍ୱା ଅଙିକଂ କହାପଣସହସ୍ସେନ ତୋସେତ୍ୱା ଉୟ୍ୟୋଜେସି ।
ଇତି ଅଜ୍ଝତ୍ତିକଦାନ ପରିଚ୍ଛେଦୋ ଅଟ୍ଠମୋ ।
୧୦୦. ସିରିସଙ୍ଘବୋଧି ରଞ୍ଞୋ ମହେସୀ ପନ ରଞ୍ଞୋ ପଲାତଭାୱଂ ଞତ୍ୱା ‘‘ଅହଞ୍ଚ ତଂ ଅନୁବ୍ବଜାମି’’ତି ଅଞ୍ଞତର ୱେସେନ ଦକ୍ଖିଣଦ୍ୱାରେନ ନିକ୍ଖମିତ୍ୱା ମଗ୍ଗଂ ଅଜାନନ୍ନି ଉଜୁକମଗ୍ଗଂ ପହାୟ ତଂ ତଂ ଗାମଂ ପୱିସିତ୍ୱା ସାମିକଂ ଅପସ୍ସନ୍ତୀ ଭୟେନ ସାଲିନ୍ତାୟ ଚ ପଚ୍ଛିତୁମ୍ପି ଅସହମାନା ମଲୟ ଦେସ ମେୱ ଗତୋତି ଚିନ୍ତେତ୍ୱା ୱଙ୍କମଗ୍ଗେନ ଗଚ୍ଛନ୍ତୀ କୋମଲତାୟ ସୀଘଂ ଗନ୍ତୁମସକ୍କୋନ୍ତି କାଲଂ ୟାପେତ୍ୱା ତସ୍ସ ଅରଞ୍ଞାୟତନସ୍ସ ସମୀପଗାମସ୍ମିଂ ରଞ୍ଞୋସିସଦାନପ୍ପୱତ୍ତିଂ ସୁତ୍ୱା ‘‘ସା ହଂ ୱରାକୀ ଦସ୍ସନମତ୍ତମ୍ପି ନାଲତ୍ଥ’’ନ୍ତି ସୋକ ପରିପୁଣ୍ଣହଦୟା ତମେୱ ୱନସଣ୍ଡଂ ଅଧିରୁୟ୍ହ ଭତ୍ତୁନୋ କଲେବରଂ ୱିଚିନନ୍ତୀ ସମୀପଗାମେସୁ ମହଜନଂ ପୁଚ୍ଛନ୍ତି ଅୱନ୍ଦିନସଙିକେତତ୍ତା ତତ୍ଥ ତତ୍ଥ ୱିଚରନ୍ତୀ ସମୀପଗାମୱାସିନୋ ବାଲକା ଗୋପାଲକା କଟ୍ଠଭାରିକା ଇତ୍ଥିୟୋ ଚ ଏତିସ୍ସା ୱିଲାପଂ ସୁତ୍ୱା କମ୍ପିତ ହଦୟା ତାୟ ସଦ୍ଧିଂ ୱିଚରନ୍ତୀ । ସା ଏୱଂ ଚିଲୂପମାନା ଭୀମିୟଂ ସୁପୁପ୍ଫିତଂ ୱିମଲୱାଲୁକଂ ୱନଗୁମ୍ବଂ ଦିସ୍ୱା ତତ୍ଥ ନିପତିତ୍ୱା ଭୂମିୟଂ ପରିୱନ୍ତମାନା ଅତିକରୁଣଂ ୱିଲାପମକାସି, ସୋ ପଦେସୋ ଅଜ୍ଜାପି ୱିଧୱାଚନ’’ନ୍ତି ୱୋହାରୀୟତି ।
୧୦୧. ସା ମହତା ରୋଦନ୍ତେ ରୋଦନେନ ତଂରତ୍ତିଂତ ତ୍ଥେୱ ଖେପେତ୍ୱା ପୁନ ଦିୱସେ ଇତୋ ଚିତୋ ଚ ୱିଚରନ୍ତି ମହତା ସୋକଗ୍ଗିନା ଡୟ୍ହମାନା ସନ୍ତାପଂ ଅଧିୱାସେତୁଂ ଅସକ୍କୋନ୍ତି ଏକସ୍ମିଂ ଖୁଦ୍ଦକ ଜଲାସୟେ ନିପତିତ୍ୱା ନିମୁଗ୍ଗଂୟେୱ ମୁଚ୍ଛାୱେଗେନ ଦ୍ୱେ ତୟୋ ମୁହୁତ୍ତେ ଅତିୱାହେତ୍ୱା ଉପଲଦ୍ଧପଟିବୋଧା ପରିଳାହଂ ନିବ୍ବାପେସି, ତଂ ଠାନମେତରହି ଚ ‘‘ନିବ୍ବାଣ ପୋକ୍ଖରଣୀ’’ତି ଚ ସମଞ୍ଞଂ ଅଲଭି ।
୧୦୨. ତତୋ ଉଟ୍ଠହିତ୍ୱା ଅନୁଭୂମିଂ ଅନୁରୁକ୍ଖଂ ଅନୁସିଲା ତଲଂ ଗୱେସମାନା ସୋଣ୍ଡି ସମୀପେ ସୟମାନଂ ଦେୱତାଧିଗ୍ଗହେନ ସିଗାଲାଦୀହଅନୁପହତଂ ସୁକ୍ଖଂ କୱଣ୍ଧରୂପଂ ଦିସ୍ୱା ସୋକୱେଗ ଫଲିପତନେୱ ହଦୟେନ ଦଳ୍ହତରଂ ତଂ ଅଲିଂଗିତ୍ୱା ସୟି, ତାୱ ଭୋନେ ୱେକଲ୍ଲେନ ଦୁରାଗମନେନ ତତ୍ଥ ତତ୍ଥ ନିପତିତ ସରୀର ଘାତେନ ଚ ନିଲନ୍ତ ରୂପା ମୁଚ୍ଛା ସମକାଲମେୱ କାଲମକାସି ।
୧୦୩. ସମୀପଗାମ ୱାସିନୋ ସନ୍ନିପତିତ୍ୱା ମୁଦ୍ଧାଭି ସିତ୍ତସ୍ସ ରଞ୍ଞୋ ଚ ମହେସିୟା ଚ ସରୀରଂ ଅମ୍ହାଦିସେହି ଫୁସିତୁଞ୍ଚ ନ ୟୋଗ୍ଗଂ, ୱତ୍ତମାନସ୍ସ ରଞ୍ଞୋ ଅନିୱେଦୟିତ୍ୱା ଆଳାହନ କିଚ୍ଚଂ କାତୁମ୍ପି ନ ୟୁତ୍ତନ୍ତି ସମ୍ମନେତତ୍ୱା ୱସ୍ସାତପ ନିୱାରଣାୟ କୁଟିଂ କତ୍ୱା ତିରଚ୍ଛାନପ୍ପୱେସନିସେଧାୟ ୱତିଞ୍ଚ କତ୍ୱା ପକ୍କମିଂସୁ ।
୧୦୪. ଗୋଠାଭୟୋ ସିରିସଙ୍ଘବୋଧିରାଜସ୍ସ ଅନଞ୍ଞ ସାଧାରଣ ଗୁଣପ୍ପବଣ୍ଧଂ ଅନୁସ୍ସରନ୍ତୋ ଦହରକାଲତୋ ପଟ୍ଠାୟ ୱତ୍ଥୁତ୍ତୟ ସରଣପରାୟଣତଂ ନିଚ୍ଚଂ ସୀଲରକ୍ଖଣଂ ସୁଗତାଗମ ୱିଚିକ୍ଖଣତ୍ତଂ ସକଲକଲାକୋସଲ୍ଲଂ ରଜ୍ଜେ ଅନତ୍ଥିକତଂ ଦାନସୋଣ୍ଡ ତଂ ରକ୍ଖସଦମନାଦିକଂ ଦୁକ୍କରଚରିତକଞ୍ଚ ତସ୍ସ ନାମ ସଚେତନସ୍ସ ନ ପିତିମାୱହତି ୱିସେସତୋ ‘‘ଅଦ୍ଧିକଦୁଗ୍ଗତସ୍ସ ସହସ୍ସ ଲାଭାୟ ସହତ୍ଥେନ ସୀସଂ କଣ୍ଠନାଲତୋ ଉଦ୍ଧରିତ୍ୱା ଦାନଂ ସୀସସ୍ସାପି ନିରାଲମ୍ବେ ଆକାସେ ଅୱଟ୍ଠାନଂୱ୍ୟତ୍ତତରାୟ ଗିରାୟ ସାଧିପ୍ପାୟଞ୍ଚେତଂ ନିୱେଦନଞ୍ଚେତି ଅଚ୍ଛରିୟଂ ଅବ୍ଭୁତଂ ଅଧିଟ୍ଠପୁବ୍ବଂ ଅସ୍ସୁତ ପୁବ୍ବଞ୍ଚ ନିମ୍ମଲଚରିତଂ ମମ ମହାପରାଧକଲଙିକେ ନେୱ ସଦ୍ଧିଂ ଚିରକାଲଂ ପୱତ୍ତୀସ୍ସତି, ଅହୋ ଅହଂ ସୁଚିରଟ୍ଠାୟିନା ଈଦିସେନ ଅକିତ୍ତୀସଦ୍ଦେନ ସାଧୁହି ନିଣ୍ଦନିୟୋ ଭୱିସ୍ସାମି ୱିସେସତୋ ପନ ନିଚ୍ଚକାଲଂ କଲ୍ୟାଣ ମିତ୍ତଭୂତସ୍ସ ଈଦିସସ୍ସ ମହାନୁଭାୱସ୍ସ ଅନପରେଧସ୍ସ ମହାପୁରିସସ୍ସ ରଜ୍ଜଂ ଅଚ୍ଛିଣ୍ଦିତ୍ୱା ୱଧଂ କାରେସିଂ ଅଞ୍ଞଦତ୍ଥୁ ମିତ୍ତଦୁଭିକମ୍ମେନ ଅହଂ ପଳିୱେଠିତୋ ଭୱିସ୍ସାମି’’ତି ଚିନ୍ତେତ୍ତୋୟେୱ ଭୟସନ୍ତା ପେହି ନିକ୍ଖନ୍ତ ସେଦୋ ପୱେଧମାନୋ କଥମିଦିସା ମହାପାପା ମୋଚେସ୍ସାମୀତି ଉପ ପରିକ୍ଖୀ ।
୧୦୫. ଅଥ ତସ୍ସ ଦଣ୍ଡକମ୍ମସ୍ସ କରଣୱସେନ ଉଳାରଂ ତରଂ କୁସଲକମ୍ମଂ କାତବ୍ବନ୍ତି ପଟିଭାୟି । ଅଥ ସୋ ଅମଚ୍ଚେ ସନ୍ନିପାତେତ୍ୱା ତେହି ସଦ୍ଧିଂ ସମ୍ମନ୍ତେତ୍ୱା କତ ନିଚ୍ଛୟୋ ମହା ସଙ୍ଘେନେୱ ତଥେୱ ଅନୁସିଟ୍ଠୋ ମହତା ବଲକାୟେନ ସଦ୍ଧିଂ ଗନ୍ତ୍ୱା ତସ୍ସ ଅରଞ୍ଞାୟତନସ୍ସ ଅୱିଦୂରେ ସେନାସନ୍ନିୱେସଂ କାରେତ୍ୱା ତସ୍ସ ମହାପୁରିସସ୍ସ ଦୁକ୍କରପଦାନ ସକ୍ଖୀଭୂତଂ ପୁଞ୍ଞଟ୍ଠାନଂ ସୟମେୱ ଗନ୍ତ୍ୱା ସୋଣ୍ଡିକା ସମୀପେ ଅନୁରୂପଟ୍ଠାନଂ ସଲ୍ଲକ୍ଖେତ୍ୱା ଅତ୍ତନୋ ରାଜାନୁଭାୱଂ ଦସ୍ସେନ୍ତୋ ଆଳାହନଟ୍ଠାନଂ ଦେୱନଗରମିୱ ଅଲଙ୍କାରାପେତ୍ୱା କେୱଲେହି ମହନ୍ତେହି ଚଣ୍ଦନଦାରୁହି ଉଚ୍ଚତରଂ ଚିତକଂ କାରେତ୍ୱା ଭାରେନ ପମାଣେନ ଚ ରଞ୍ଞୋ ସୀସସଦିସଂ ଜମ୍ବୋନଦକନକେହି ସକଣ୍ଠ ନାଳଂ ସୀସାକାରଂ ସିପ୍ପିହି କାରେତ୍ୱା କୱଣ୍ଧରୂପେ ସଙ୍ଘଟିତ୍ୱା ୱିୱିଧ ରତନ ସମୁଜ୍ଜଲଂ ସୁୱଣ୍ଣକିରୀଟଂ ପିଲଣ୍ଧାପେତ୍ୱା ମହେସିଞ୍ଚ ତଥେୱ ଅଲଂକରିତ୍ୱା ତେ ଉଭୋପି କାଘିକୱତ୍ଥସଦିସେହି ମହଗ୍ଘ ଦୁକୁଲେହି ଅଚ୍ଛାଦେତ୍ୱା ଅନେକରତନଖଚିତଂ ସୁୱଣ୍ଣସୟନଂ ଆରୋପେତ୍ୱା ଚଣ୍ଦନ ଚିତକମତ୍ଥକେ ଠପେତ୍ୱା ପରିସୁଦ୍ଧଜୋତି ପାୱକଂ ଜାଲେତ୍ୱା ଅନେକ ଖତ୍ତିୟକୁମାରପରିୱାରିତୋ ସୟମେୱ ତତ୍ଥ ଠତ୍ୱା ଅନେକସପ୍ପିଘଟସତେହି ସିଞ୍ଚିତ୍ୱା ଆଳାହନ ମହୁସ୍ସୱଂ କାରେସି ।
୧୦୬. ତଥେୱ ଦୂତିୟ ଦିୱସେପି ମହତା ଜଣେନ ଆଳାହନଂ ନିବ୍ବାପେତ୍ୱା ତସ୍ମିଂ ଠନେ ଚେତିୟ ଭୱନଂ ୱଟ୍ଟୁଲାକାରେତୁଂ ୱଟ୍ଟତୀତି ଚିନ୍ତେତ୍ୱା ଅମଚ୍ଚେ ଆମନ୍ତେତ୍ୱା ଏତରହି ଅନେକଭୂମିକଂ ଅତିୱିସାଲଂ କନକମୟ ୱଟ୍ଟୁଲଘରଂ କାରେତୁଂ ସକତା ଆୟତି ପରିହାରକାନଂ ଅଭାୱେନ ନପ୍ପୱତ୍ତତି ରଟ୍ଠୱିଲେପକାପି ସୁୱଣ୍ଣଲୋଭେନ ନାସେନ୍ତି ତସ୍ମା ଅଲୋହନୀୟଂ ସୁଖପରିହାରାରହଂ ପମାଣୟୁତ୍ତଂ ୱଟ୍ଟୁଲଘରଞ୍ଚ ଚେତିୟଞ୍ଚ ନଚିରସ୍ସେୱ କାତୁଂ ୟୁତ୍ତନ୍ତି ମନ୍ତେତ୍ୱା ମହାବଲକାୟଂ ନିୟୋଜେତ୍ୱା ୱୁତ୍ତନିୟାମେନେୱ ଦ୍ୱିଭୁମକଂ ୱଟ୍ଟୁଲ ଭୱନଂ ନିମ୍ମାପେତ୍ୱା ତସ୍ସ ଅବ୍ଭନ୍ତରେ ସୁଗତଧାତୁନିଧାନଂ ପୂଜନୀୟଂ ଚେତିୟଞ୍ଚ କାରାପେତ୍ୱା ମହୁସ୍ସଦିୱସେ ମହାସଙ୍ଘସ୍ସ ତଂ ଦସ୍ସେତ୍ୱା ‘‘ଏସୋ ଭନ୍ତେ ସିରିସଙ୍ଘବୋଧି ମହାରାଜା ପୁବ୍ବେ ଏକଚ୍ଛତ୍ତେନ ଲଙ୍କାତଲେ ରଜ୍ଜଂ କାରେସି, ଇଦାନି ମୟା ତସ୍ସ ରଞ୍ଞୋ ଚେତିୟରୂପସ୍ସ କିତ୍ତିମୟ ସରୀରସ୍ସ ଛତ୍ତାଧିଛତ୍ତଂ ୱିୟ ଦ୍ୱିଭୁମକଂ ୱଟ୍ଟୁଲୱିମାନଂ କାରେତ୍ୱା ଚେତିୟସୀସେ କିରୀଟଂ ୱିୟ କନକମୟଂ ଥୂପିକଞ୍ଚ ୟୋଜେତ୍ୱା ସବ୍ବେହି ଦେୱମନୁସ୍ସେହି ମାନ ନୀୟତଂ ଚଣ୍ଦନୀୟତଂୱ ପାପିତୋ’’ତି ୱତ୍ୱା ଚେତିୟଘରସ୍ସ ଅନେକାନି ଗାମକ୍ଖେତ୍ତାନି ପରୋସହସ୍ସଂ ପରିୱାରଜନଂଚ ନିୟାଦେତ୍ୱା ପବ୍ବତପାଦେ ଅନେକସତପାସାଦ ପରିୱେଣଚଙ୍କମନ ରତ୍ତିଟ୍ଠାନ ଦିୱାଟ୍ଠାନ ଧମ୍ମସାଲାଗୋପୁରପାକାରାଦି ଅୱୟୱସହିତେ ୱିୱିଧେ ସଙ୍ଘାରାମେ କାରେତ୍ୱା ତତ୍ଥ ୱସନ୍ତସ୍ସ ଅନେକାନି ସହସ୍ସସ୍ସ ଭିକ୍ଖୁସଙ୍ଘସ୍ସ ନିଚ୍ଚଂ ପଚ୍ଚୟଲାଭାୟ ଅନେକାନି ସପରିଜନାନି ଗାମକ୍ଖେତ୍ତାନି ଦତ୍ୱା ‘‘ମହା ଲେଖରଟ୍ଠସ୍ସ ସମୁସ୍ସିତଧଜାୟମାନୋ ଅୟଂ ମହାୱିହାରୋଲଙ୍କା ଭୂମିସାମିକାନଂ ଖତ୍ତିୟ ଜନାନଂ କୁଲଧନଭୂତୋ ସବ୍ବେହି ଖତ୍ତିୟେହି ଅପରିହାପନିୟ ୱିଭୱୋ ନିଚ୍ଚଂ ପାଲନୀୟୋ’’ତି ମହାଜନକାୟସ୍ସ ମଜ୍ଝେ ଖତ୍ତିୟ କୁମାରାନଂ ଆଦିସିତ୍ୱା ଅନୁରୁଧପୁରଂ ଗତୋପି ତସ୍ସେ ଚ ପାପକମ୍ମସ୍ସ ନିରାକରନାୟ ତେସୁ ତେସୁ ୱିହାରେସୁ ମହନ୍ତାନି ପୁଞ୍ଞକମ୍ମାନି କାରୋପେସି, ତତୋପ୍ପଭୂତି ଲଙ୍କାଧିପଚ୍ଚାମୁପଗତେ ହି ଖତ୍ତିୟେହି ମହା ମଚ୍ଚାଦୀହି ଚ ସୋ ହତ୍ଥୱନଗଲ୍ଲମହାୱିହାରୋ ଅନ୍ତରତ୍ତରା ପଟିସଙ୍ଖରୀୟମାନୋ ଅପରିହୀନ ପରିହାରୋ ପୱତ୍ତତକି ।
ଇତି ୱଟ୍ଟୁଲୱିମାନୁପ୍ପତ୍ତି ପରିଚ୍ଛେଦୋ ନୱମୋ ।
୧୦୭. ଅଥାପରେନ ସମୟେନ କଦାଚି କସ୍ମିଂ ୱିହାରେ ନିୱସତୋ ମହା ଭିକ୍ଖୁସଙ୍ଘସ୍ସ ଅନ୍ତରେ କେଚି ମହାଥେରୋ ଅମ୍ଭୋକାସିକୋ ହୁତ୍ୱା ଅନ୍ତୋୱିହାରେ ଏକସ୍ମିଂ ପଦେସେ ନିସିଦିତ୍ୱା ଭାୱନମନୁୟୁଜନ୍ତୋ ୱିପସ୍ସନଂ ୱଡ୍ଢେତ୍ୱା ମହାମେଦନିୟା ନିଗ୍ଘୋସେନ ଆକାସଂ ପୂରେନ୍ତୋ ଅରହତ୍ତଂ ପାପୁଣି ।
୧୦୮. ତଦା ଉପତିସ୍ସୋ ନାମ ରାଜା ରଜ୍ଜଂ କାରେନ୍ତୋ ନିସୀଥସମୟେ ଭୟାୱହଂ ତଂ ପଥୱିସଦ୍ଦଂ ସୁତ୍ୱା କିଂ ୱା ମେଭୱିସ୍ସତିତି ସନ୍ତାପେନ ନିଦ୍ଦଂ ଅଲଭମାନୋ ସୋକେନ ସନ୍ତପ୍ପେତି, ଅଥ ତଂ ସେତଚ୍ଛତ୍ତା ଧିୱତ୍ଥା ଦେୱତା ‘‘ମହାୟି ମହାରାଜ ! ଇତୋ କାରଣାକିଦ୍ୱିତେ ଅୱମଙ୍ଗଲଂ ନତ୍ଥି ହତ୍ଥୱନଗଲ୍ଲମହାୱିହାରେ କେଚି ମହାଥେରୋ ଅରହତ୍ତଂ ପାପୁଣୀ’’ତି ଆହ, ତସ୍ସ ଅରହତ୍ତପ୍ପତ୍ତିକାଲେ ପଥୱିନିଗ୍ଗୋସସ୍ସ କାରଣଂ କିଂତୁ ୱୁତ୍ତେ ସୋ ଥେରୋ ପୁବ୍ବେ ପୁଞ୍ଞକମ୍ମଂ କରେନ୍ତୋ ଆକାସେନ ସଦ୍ଧିଂ ପଥୱିଂ ଉନ୍ନାଦେତ୍ୱା ଅରହା ଭୱେୟ୍ୟନ୍ତି ପତ୍ଥନଂ ଠପେସି ତସ୍ସ ଫଲମିଦନ୍ତି ସମସ୍ସାସେସି ।
୧୦୯. ତଂ ସୁତ୍ୱା ରାଜା ଅୱସେସଭିକ୍ଖୂନଂ ଅରହତ୍ଥପ୍ପତ୍ତିତୋ ୱିସିଟ୍ଠତରୋ ତସ୍ସ କିଲେସୱିଜୟୋତି ପସନ୍ନହଦୟୋ ତଂ ମହାଥେରଂ ନମସ୍ସିତ୍ୱା ତସ୍ସ ଅସୱକ୍ଖୟସ୍ସ ମହୁସ୍ସୱେ ଆସନଭୂତଂ ଭୁମିପ୍ପଦେସଦ୍ୱ ପାସାଦକରଣୱସେନ ସମ୍ମାନିସ୍ସାମୀତି ଚିନ୍ତେତ୍ୱା ମହାବଲକାୟମାଦାୟ ତତ୍ଥ ଗନ୍ତ୍ୱା ତସ୍ମିଂ ପଦେସେ ପଞ୍ଚଭୂମକଂ ମହାପାସଂ କାରେତ୍ୱା ୱିୱିଧ ଚିତ୍ତକମ୍ମେହି ସମଲଙ୍କାରାପେତ୍ୱା କନକ ଖଚିତ ତମ୍ବମୟ ପତ୍ଥରେହି ଛାଦେତ୍ୱା ଦେୱୱିମାନଂ ୱିୟ ସଜ୍ଜେତ୍ୱା ତଂ ଖୀଣାସୱ ମହାତେରଂ ସଭିକ୍ଖୁସଙ୍ଘଂ ତତ୍ଥ ୱାସେତ୍ୱା ଚତୂହି ପଚ୍ଚୟେହି ଉପଟ୍ଠାପେତ୍ୱା ସପରିଜନାତି ଗାମକ୍ଖେତ୍ତାନି ପାସାଦସନ୍ତିକାନି କତ୍ୱା ପକ୍କାମି ।
୧୧୦. ତତୋ ଦୀଘସ୍ସ ଅଦ୍ଧୁନୋ ଅଚ୍ଚୟେନ ମଲୟଦେସୱାସିନୋ କେଚି ଚୋରା ଏକତୋ ହୁତ୍ୱା ଗାମୱିଲୋପଂ କତ୍ୱା ମହନ୍ତେନ ଧନଲାଭେନମତ୍ତା ଧନଂ ଦତ୍ୱା ବଲକାୟଂ ଉପ୍ପାଦେତ୍ୱା ୟେଭୁୟ୍ୟେ ସେରିନୋ ହୁତ୍ୱା ମହନ୍ତ ମହନ୍ତେ ୱିହାରେୱ ୱିଲୁମ୍ପନ୍ନା ସୁୱଣ୍ଣପତ୍ଥରଚ୍ଛଦନଂ ଗଣ୍ହନ୍ତା ମହାପାସାଦଂ ୱିଦ୍ଧଂସିତ୍ୱା ପାତୟିଂସୁ ।
୧୧୧. ତଦା ମୋଗ୍ଗଲ୍ଲାନୋ ନାମ ରାଜା ରଜ୍ଜଂ କାରେନ୍ତୋ ତଂ ପୱତ୍ତିଂ ସୁତ୍ୱା ତେସଂ ସନ୍ତିକେ ଚରେ ପସେତ୍ୱା ଦାନସାମଭେଦେହି ଅଞ୍ଞମଞ୍ଞଂ ଭିଣ୍ଦି, ତେ ଚୋରା ଭିଣ୍ଦନ୍ତା ଇତରେତରେହି ୟୁଜ୍ଝିତ୍ୱା ସୟମେୱ ଦୁବ୍ବଲା ଅହେସୁଂ, ଅଥସୋ ରାଜା ତେ ଅସମଗ୍ଗେ ଞତ୍ୱା ଅତ୍ତନୋ ସେନଂ ଗହେତ୍ୱା ତତ୍ଥ ଗନ୍ତ୍ୱା ତେ ୱିସୁଂ ୱିସୁଂ ଗହେତ୍ୱା ନିଗ୍ଗୟ୍ହ ରଟ୍ଠେ ଅଭୟଭେରିଂ ଚରାପେତ୍ୱା ଜନପଦଂ ସୁପ୍ପତିଟ୍ଠିତଂ କତ୍ୱା ତେହି ଅପୱିଦ୍ଧୱିହାରେ ପାକତିକେ କାରେତ୍ୱା ମହାପାସାଦଂ ସୁୱଣ୍ଣ ଗଣ୍ହନକାଲେ ପାତେସୁଂ ତୀ ସୁତ୍ୱା ‘‘ପୁବ୍ବେୱିୟ ସୁୱଣ୍ଣପତ୍ଥରେହି ଛାଦିତୋ ପଚ୍ଛାପି ଈଦିସି ୱିପତ୍ତିଜାୟିସ୍ସତୀ’’ତି ଞତ୍ୱା ତେଭୂମକଂ କାରେତ୍ୱା ୟଥାପୁରେ ପାସାଦଂ ନିମ୍ମାପେତ୍ୱା ମତ୍ତିକା ପତ୍ଥରେହି ଛାଦେତ୍ୱା ୱଟ୍ଟୁଲଭୱନଂ ପଟିସଂଖାରେତ୍ୱା ସବ୍ବସଙ୍ଘାରାମଞ୍ଚ ପାକତିକଂ କାରେତ୍ୱା ପକ୍କାମି ।
ଇତି ପାସାଦୁପ୍ପତ୍ତି ପରିଚ୍ଛେଦୋ ଦସମୋ ।
୧୧୨. ଅଥ ଲଙ୍କାଲଙ୍କାରଭୂତେସୁ ୱିସାଲପୁଞ୍ଞିଦ୍ଧିୱିକ୍କମେସୁ ରତନତ୍ତୟମାମକେସୁ ଅନେକେସୁ ଲଙ୍କାନାଥେସୁ କିତ୍ତିପୁଞ୍ଜାୱସେସେସୁ ଜାତେସୁ ଅପେତନୀତିମଗ୍ଗେସୁ ରଜ୍ଜପରିପାନୋଚିତୱିଧାନୱିରହିତେସୁ ମୁଦୁଭୂକେସ୍ୱେୱାମଚ୍ଚଜନେସୁଚ ୟେଭୁୟ୍ୟେନ ଅଞ୍ଞମଞ୍ଞଂ ୱିରୁଦ୍ଧେସୁ ୱତ୍ତମାନେସୁ ଲଙ୍କାୱାସୀନଂ ପୁରାକତେନ କେନାପି ଦାରୁଣେନ ପାପକମ୍ମୁନା ନାନାଦେସୱାସିନୀ ଅୱିଦିତସତ୍ଥୁସମୟା ପୱିଟ୍ଠମିଚ୍ଛାଦିଠିଗହଣା ପଚ୍ଚତ୍ଥିସେନା ଜମ୍ବୁଦୀପା ଇଧାଗମ୍ମ ସକଲଲଙ୍କାଦୀପଂ ଅନେକାତଙ୍କ ସଙ୍କୁଲମକାସି ।
୧୧୩. ତଦାତାୟ ପଚ୍ଚତ୍ଥିସେନାୟ ଗାଲ୍ହତରଂ ନିପ୍ପିଳିୟମାନା ରାଜ ରାଜ ମହାମତ୍ତାଦୟୋ ଅନେକସହସ୍ସଜନକାୟା ଚ ଭୟୱକିତହଦୟାସକତାଣ ଗୱେସିନୋ ଜଡ୍ଡିତଗାମନିଗମନଗରା ତତ୍ଥ ତତ୍ଥ ଗରିଦୁଗ୍ଗାଦୋ କିଚ୍ଛେନ ୱାସଂ କପ୍ପେସୁଂ ତତୋ ସୁଗତଦସନଧାତୁରକ୍ଖାଧିକତା ଉତ୍ତରମୂଳୱାୟିନୋ ମହାୟତୟୋ ଦନ୍ତଧାତୁଦ୍ୱ ପତ୍ତଧାତୁୱରଦ୍ୱ ଗହେତ୍ୱା କୁନ୍ନମଲୟାଭିଧାନଂ ଗିରିଦୁଗ୍ଗଂ ଦୁପ୍ପୱେସଂଜନପଦମୁପାଗମ୍ମ ତତ୍ଥାପି ତମ୍ପଟିଜଗ୍ଗିତୁମସମତ୍ଥା ଭୂମିୟଂ ନିଦଭିତ୍ୱା ୟଥାକାମଂ ଗତା ।
୧୧୪. ତତୋ ପୁବ୍ବେ ଜୟମହାବୋଧିଦୁମିଣ୍ଦେନ ସହ ସକଲଜମ୍ବୁଦୀପାଧିପତିନା ଦିନକରକୁଲତିଲକେନ ଧମ୍ମାସୋକନରିଣ୍ଦେନ ପେସିତାନଂ ଅତ୍ତନା ସମାନ ଗୋତ୍ତାନଂ ରାଜପୁତ୍ତାନଂ ନତ୍ତପନ୍ନତାଦିପରମ୍ପରାଗତସ୍ସ ୱିଜୟମଲ୍ଲନରାଧିପସ୍ସ ଓରସପୁତ୍ତୋ ୱିଜୟବାହୁ ନରିଣ୍ଦା ନାମ ରାଜା ସୁଚିଞ୍ଞାତବ୍ବସମୟନ୍ତରୋ ସତ୍ତସମାଚିଣ୍ଣ ସୁନୀତିପଥୋ ସମ୍ପନ୍ନବଲୱାହନୋ ଜମ୍ବୁଦ୍ଦୋଣିଂ ନାମ ପୁରୱରଂମାପେତ୍ୱା ତତ୍ଥ ୱସନ୍ତୋ ମହତା ବଲକାୟେନ କତସକଲପଚ୍ଚତ୍ଥିୱିଜୟୋକୁନ୍ତ ମଲୟଭୂମିପ୍ପଦେସତୋ ଭଗୱତୋ ଦନ୍ତଧାତୁଭଟ୍ଟାରକଂ ପତ୍ତଧାତୁୱରଞ୍ଚ ଆହରାପେତ୍ୱା ସୁରସନ୍ଦନସଦିସମତିୱିରୋଚମାନଂ ୱିମାନଂ ମାପେତ୍ୱା ତସ୍ମିଂ ତଂ ଧାତୁୟୁଗଳଂ ନିୱେସେତ୍ୱା ମହତା ଉପହାରୱିଧାନା ସାଦରମୁପଟ୍ଠହନ୍ତୋ ଭଗୱତୋ ଚତୁରାସୀତିଧମ୍ମକ୍ଖଣ୍ଧନେ ମହନ୍ତଂ ପ୍ରଞ୍ଞାପଦାନଂ ଜନୟନ୍ତୋ ଧମ୍ମିକସିରିସଙ୍ଘବୋଧିମହାରାଜସିରୋଦାନାପଦାନସିଦ୍ଧକ ଖତ୍ତଭୁତେ ଅନେକଖୀଣାସୱସହସ୍ସ ଚରଣରଜୋପରିପୂତମନୋହରଭୂମିଭାଗେ ଗୋଠାଭୟମହାରାଜେନ କାରିତେ ହତ୍ଥୱନଗଲ୍ଲମହାୱିହାରମଣ୍ଡନାୟମାନେ ୱଟ୍ଟୁଲୱିମାନେପୁରା ରଟ୍ଠ ୱିଲୋପାଗତାୟ ଚୋଲକେ ରଳାଦିକାୟ ତିତ୍ଥିୟସେନାୟମହାଚେତିୟଂ ଉଦରେ ଭିନ୍ନମତ୍ତେ ଜୀୱିତେ ୱିୟ ଧାତୁଭଟ୍ଟାରକେ ଅନ୍ତରହିତେ ହଦୟୱତ୍ଥୁମଂସମୀୱ ସୁୱଣ୍ଣରନ୍ତାଦିକମ ପହରିତ୍ୱା ୱିଦ୍ଧସ୍ତଂ ପିଣ୍ଣୁଧାରୱିଧୀନା ପଟିସଂୱରୋନ୍ତୋ ପୁପ୍ଫାଧାନତ୍ତ ୟତୋ ପଟ୍ଠାୟ ସକ୍କଚ୍ଚଂ ୱିନାପେତ୍ୱା ମହନ୍ତଂ ସୁୱଣ୍ଣ ଥୂପିକାମଭଦ୍ୱ କାରେତ୍ୱା ସପରିଜନାନି ଗାମକ୍ଖେତ୍ତାଦୀନି ଚ ଦତ୍ୱା ତତ୍ଥ ନିୱସନ୍ତାନଂ ଭିକ୍ଖୂନଂ ନିବଦ୍ଧଦାନୱଟ୍ଟଂ ପଟ୍ଠପେତ୍ୱା ତଂ ହତ୍ଥୱନଗଲ୍ଲ ମହା ୱିହାରଂ ସବ୍ବଥା ସମିଦ୍ଧମକାସି ।
୧୧୫. ଅଥ ତସ୍ମିଂ ଲଙ୍କାନାଥେ କିତ୍ତିସରୀରାୱସେସେ ଜାତେ ତସ୍ସ ତୁଜୱରୋ ପରକ୍କମଭୁଜୋ ନାମରାଜା ଅମ୍ହାକଂ ଭଗୱତୋ ଅରହତୋ ସମ୍ମାସମ୍ବୁଦ୍ଧସ୍ସ ବୋଧିମୂଲେ ନିସୀଦିତ୍ୱା ମାରବଲଂ ୱିଧମେତ୍ୱା ସମ୍ବୋଧିରଜ୍ଜପ୍ପତ୍ତିତୋ ପଟ୍ଠାୟ ଅଟ୍ଠସତାଧିକୱସ୍ସସହସ୍ସେ ଚତୁୱୀସତିୟା ଚ ୱଚ୍ଛରେସୁ ଅତିକ୍କନ୍ତେସୁ ସମ୍ପତ୍ତରଜ୍ଜାଭିସେକୋ ଅନେକୱିଧସଙ୍ଗହୱତ୍ଥୁହି ସଙ୍ଗହିତମହାଜନୋ ଚତୁପଚ୍ଚୟଦାନେନ ସତତସମାରାଧିତା ନେକସହସ୍ସଭିକ୍ଖୁସଙ୍ଘୋ ଭୁଜବଲୱିଧୁତାରାତିରାଜକୁଲାୱଲେପୋ ଅନେକ ମଣି ରତ୍ତସମୁବ୍ଭାସିତରତନକରଣ୍ଡକଞ୍ଚ ପଞ୍ଚହି ସୁୱଣ୍ଣସହସ୍ସେହି ସୋୱଣ୍ଣକରଣ୍ଡକଞ୍ଚ ପଞ୍ଚୱୀସତିୟା ରଜତସହସ୍ସେହି ରଜତକଣ୍ଡକଞ୍ଚ ଦାଠାଧାତୁଭଦନ୍ତସ୍ସ କାରାପେତ୍ୱା ଅତୀଚ ପସନ୍ନହଦୟୋ ସୁହୁମୁତ୍ତେନ ତତ୍ଥ ସମ୍ପୟନ୍ତୋ ଅତ୍ତନୋନଗରଞ୍ଚ ଧନ୍ତଧାତୁମଣ୍ଦିରଞ୍ଚ ସକ୍କଞ୍ଚଂ ସମଲଙ୍କାରାପେତ୍ୱା ବହୁମାନ ପୁରସ୍ସରୋଦସନଧାତୁୱରମାଦାୟ ଅନେକାନି ଭଗୱତୋ ଚରିୟାପଦାନାନୀ ସମନୁସ୍ସରିତ୍ୱା ପୁରା ନେକଭୁପତୟୋ ପାଟିହୀରସଣ୍ଦସ୍ସନେନ ପସାଦିତା ଇତି ପୱତ୍ତକଥାମତରସେନେୱ ମେ ସୱନୟୁଗଳଂ ପରିପୀନିତମଧୁନାପି କେନଚି ପାଟିହାରିୟୱିସେସେନ ମମ ଚକ୍ଖୁପଟିଲାଭୋ ସଫଲୋ କାତବ୍ବୋତି ସାଦରମାରାଧନମକାସି ।
୧୧୬. ତସ୍ମିଂ ଖଣେ ସା ଦସନଧାତୁ ତସ୍ସ କରପଙକଜେ ରାଜହଂସିୱିଲାସମାତନ୍ୱତୀ ପାଟିହୀରମକାସି । କଥନ୍ତି ଚେ ? ୟଥା ଅନ୍ତିମଭୱେ ମାତୁ ତୁଚ୍ଛିତୋ ଜାତମତ୍ତୋୱ ବୋଧିସତ୍ତୋ ନରୱରକରତୋପନୀତଦୁକୁଲଚୁମ୍ବଟକତୋ ଓତରନ୍ତୋୱ ବାଲୋ ସମାନୋପି ସୋଳସୱସ୍ସୁଦ୍ଦେସିକୋ ୱିୟ ଅମଣ୍ଡିତୋପି ଅନେକୱତ୍ଥାଭରଣୱିଭୁସିତୋ ୱିୟ ଭୂମିୟା ଗଚ୍ଛନ୍ତୋପି ଆକାସେନ ଗଚ୍ଛନ୍ତୋ ୱିୟ ସବ୍ବେସଂ ଜନାନଂ ପଟିହାସି, ତଥେୱ ତତ୍ଥ ତଦା ଦନ୍ତଧାତୁଭଟ୍ଟାରକୋ ସୁଗବିମ୍ବା କାର ସଲକ୍ଖଣାୱୟୱେନ ରୂପେନ ଭାସମାନୋ ଅନେକୱିଧରଂସିନିକରେ ୱିକିରନ୍ତୋ ତତ୍ଥ ସନ୍ତିପତିତାନଂ ଜନାନଂ ମାନନଂ ଜାନେସି । ୱୁତ୍ତଞ୍ହି ।
‘‘ଲଙ୍କାଧିନାଥକରପଙ୍କଜ ରାଜହଂସି,
ନିମ୍ମାୟ ସା ଦସନଧାତୁ ମୁନିଣ୍ଦରୂପଂ ।
ନେକେହି ରଂସିୱିସରେହି ସମୁଜ୍ଜଲନ୍ତୀ,
ସବ୍ବାଦିସା ଚ ୱିଦିସା ସମଲଙ୍କରିତ୍ଥ ॥
ଦିସ୍ୱା ତମବ୍ଭୂତମତୀଚ ପସନ୍ନଚିତ୍ତୋ,
ସମ୍ପତ୍ତଚକ୍କରତନୋ ୱିୟ ଚକ୍କୱତ୍ତି ।
ସେଟ୍ଠେହି ନେକରତନାଭରଣାଦିକେହି,
ପୂଜେସି ଧାତୁମସମଂ ମନୁଜାଧିନାଥୋ ॥
୧୧୯. ତତୋ ଜିନଦନ୍ତଧାତୁୱରପ୍ପସାଦକାଲମ୍ହି ତେଜୋବଲପରକ୍କମମହିମୋ ପରକ୍କମବାହୁମହାନରିଣ୍ଦୋ ପୁଲତ୍ଥିପୁରନିୱାସିନିଂ କତଲୋକ ସାସନୱିଲୋପଂ ସରାଜିକମନେକସହସ୍ସସଂଖ ଚୋଲକେରଳୱାହିନିଚ ନେକଦେସମହିପାଲମତ୍ତମାତଙ୍ଗକେସରିୱିକ୍କମଂ ଦୁରତିକ୍କମଂ ଲୋକସାସନସଙ୍ଗହକରଣୱସେନ ୱଚିତସକଲଲୋକଂ ସମ୍ପନ୍ନବଲୱାହନଂ ଲଙ୍କାରଜ୍ଜଗହଣତ୍ଥିନଂ ତମ୍ବଲିଙ୍ଗୱିସୟାଗତମତିସାହସଂ ୱନ୍ଦଭାନୁମନୁଜାଧିପଂୱ ସସାମନ୍ତକଭୱନମୁପନୀୟ ସକଲ ଲଙ୍କାଦୀପମେକଚ୍ଛତ୍ତଂୱିଧାୟ ଅତ୍ତନୋପିତୁମହାରାଜତୋ ଦିଗୁଣଂଲୋକସାସନସଙ୍ଗହଂ କରୋନ୍ତୋ କଦାଚି ସଙ୍ଘସ୍ସ କଠିନଚୀୱରାନିଦାତୁକାମୋ କପ୍ପାସପରିକମ୍ମକନ୍ତନାଦିକାନି ସବ୍ବକରଣୀୟାନି ଏକାହେନେୱ ନଟ୍ଠପେତ୍ୱା ପଚ୍ଚେକମନେକମହଗ୍ଘ ଗରୁଭଣ୍ଡମଣ୍ଡିତାନି ସସାମଣିକପରିକ୍ଖାରାନି ଅସୀତିମତ୍ତାନି କଠିନଚୀୱରାନି ଦାପେତ୍ୱା ଲୋକସ୍ସ ସାଧୁୱାଦେନ ଦସଦିସଂ ପୂରେସି ।
୧୨୦. ଏୱମଞ୍ଞାନିପି ବହୂନି ଲୋକୱିମ୍ଭୟକରାନି ପୁଞ୍ଞପଦାନାନି ସମ୍ପାଦେନ୍ତୋ ସୋ ପରକ୍କମବାହୁମହାନରିଣ୍ଦୋ ହତ୍ଥୱନଗଲ୍ଲ ୱିହାରେ ଅତ୍ତନୋ ପିତୁମହାରଞ୍ଞୋ ଆଳାହନଟ୍ଠାନେ ମହାଚେତିୟଂ ବଣ୍ଧାପେତ୍ୱା ତତ୍ଥେୱ ଅଣେକଖୀଣାସୱସହସ୍ସପରିଭୁତ୍ତଂ ପାସାଦୱରଂ ଚିରକାଲ ଚିନଟ୍ଠଂ ସୁତ୍ୱା ଧନୁକେତକିୱତ୍ଥୁୱଂସେ ଜାତଂ ସଦ୍ଧାଦିଗୁଣସମ୍ପତ୍ତି ସମୁଦିତଂ ପତିରାଜଦେୱ ନାମକଂ ଅମଚ୍ଚୱରଂ ପେସେତ୍ୱା ତେନ ଅନେକସହସ୍ସଧନପରିଚ୍ଚାଗେନ ଭୁମିତ୍ତିତୟମଣ୍ଡିତଂ ସୁମନୋଭରଂ ପୁରେ ପିୟତଂ ପାସାଦଂ କାରାପେତ୍ୱା ତତ୍ଥ ନିୱସନ୍ତାନଂ ଅନେକସଂ ଭିକ୍ଖୁନଂ ନିବଦ୍ଧ ପଚ୍ଚୟଦାନଂ ପୱତ୍ତେସି ।
୧୨୧. ତତ୍ଥେୱ ୱଟ୍ଟୁଲୱିମାନସ୍ସ ହେଟ୍ଠିମତଲେ ଗୋପାନସିୟୋ ଠପେତ୍ୱା ସମନ୍ତା ଛଦନରୂପଂ କାରେତ୍ୱା ଦ୍ୱିଭୁମକଂ ୱିମାନଂ ତିଭୁମକମକାସି ତତ୍ଥେୱଲଙ୍କାଦୀପେ ଅଭୂତପୁବ୍ବଂ ଜିନମଣ୍ଦିରଂ କାରାପେତୁକାମୋ ୱଟ୍ଟୁଲୱିମାନତୋ ଉତ୍ତରଦିସାଭାଗେ ପଠମଂ ପୋରିସପ୍ପମାଣଂ ସିଲାତଲପରିୟନ୍ତଂ ଖଣିତ୍ୱା ପଂସୂନି ଅପନେତ୍ୱା ନଦୀୱାଲୁକାହି ପୂରେତ୍ୱା କୁଞ୍ଜରରାଜୱିରାଜିତଆଧାରବଣ୍ଧକତୋ ପଟ୍ଠାୟ ୟାୱ ଫୁପିକଂ ଅଟ୍ଠଂସୱିଭାଗେନ ଭିତ୍ତିଚ୍ଛଦନାନି ୱିଭତ୍ତାନି କତ୍ୱା ପଚ୍ଚେକଂ ନାନାୱଣ୍ଣୱିଚିତ୍ତାନମଟ୍ଠୱିଧାନଂ ଭିତ୍ତୀଭାଗାନମୁପରି କେଲିପରିହାସରସଜନକନାନାୱେସୱିଲାସଭୂସିତପହୂତଭୂତକିଂକରପରିଗତୱିଟଦ୍ଧକମଣ୍ଡଲମଣ୍ଡିତଂ ପମୁଖପରିୟନ୍ତେ ୱିୱିଧଚିତ୍ତରୂପମନୋହରମୁଚ୍ଚତରଂ ଇଢିକାହି ନିୱିତଂ କତସୁଧାପରିକମ୍ମଂ ମକରତୋରଣମଣ୍ଡଲଞ୍ଚ ନିମ୍ମିନିତ୍ୱା ଅନ୍ତୋୱିରଚିତାତି ମନୋହରମାଲାକମ୍ମଲତା କମ୍ମାଦି ନାନାୱିଧ ଚିତ୍ତକମ୍ମ ସମୁଜ୍ଜଲଂ ସୁୱିହିତସୋପାନଦ୍ୱାରକୱାଟଂ ସମଲଙ୍କତଟ୍ଠାନଲୀଳ୍ହମନୋହର ସଜୀୱଜିନସଂ କାସପଟିବିମ୍ବରୂପୱିଭୂସିତଂ ପଟିବିମ୍ବସ୍ସ ଦକ୍ଖିଣତୋ ଘନସିଲାୱିହିତ ସୁଗତରୂପପତିମଣ୍ଡିତଂ ତିଭୂମକଂ ମହା ୱିମାନଂ କାରେସି ।
ଇତି ଅଟ୍ଠଂସ ୱିମାନୁପ୍ପତ୍ତିପରିଚ୍ଛେଦୋ ଏକାଦସମୋ ।
ୱିଦ୍ଧସ୍ତସଂଖରଣତୋ ନୱକମ୍ମୁନାୱା,
ଖେତ୍ତାଦିଦାନୱିଧିନାଚ ଅନାଗତେପି ।
ୟେ ସାଧୱୋ ପରିହରନ୍ତି ଇମଂ ୱିହାରଂ,
ନାମଦ୍ୱ କାରମ୍ପି ତେସମିହାଲିଖନ୍ତୁ ॥