ଅଭିଧାନପ୍ପଦୀପିକା
॥ନମୋ ତସ୍ସ ଭଗୱତୋ ଅରହତୋ ସମ୍ମାସମ୍ବୁଦ୍ଧସ୍ସ ॥
ଅଭିଧାନପ୍ପଦୀପିକା
ବୁଦ୍ଧପ୍ପଣାମୋ
ପୟାତ’ମୋସଜ୍ଜ ସୁଖପ୍ପଦଂ ପଦଂ ।
ଅକା ପରତ୍ଥଂ କଲିସମ୍ଭୱେ ଭୱେ,
ନମାମି ତଂ କେୱଲଦୁକ୍କରଂ କରଂ ॥
ଧମ୍ମପ୍ପଣାମୋ
ଅପୂଜୟୁଂ ୟଂ ମୁନିକୁଞ୍ଜରା ଜରା,
ରୁଜାଦିମୁତ୍ତା ୟହିମୁତ୍ତରେ ତରେ ।
ଠିତା ତିୱଟ୍ଟମ୍ବୁନିଧିଂ ନରାନରା,
ତରିଂସୁ ତଂ ଧମ୍ମମଘପ୍ପହଂ ପହଂ ॥
ସଙ୍ଘପ୍ପଣାମୋ
ଗତଂ ମୁନିନ୍ଦୋ’ରସସୂନୁତଂ ନୁତଂ,
ସୁପୁଞ୍ଞଖେତ୍ତଂ ଭୁୱନେ ସୁତଂ ସୁତଂ ।
ଗଣମ୍ପି ପାଣୀକତସଂୱରଂ ୱରଂ,
ସଦା ଗୁଣୋଘେନ ନିରନ୍ତର’ନ୍ତରଂ ॥
ପଟିଞ୍ଞା
ନାମଲିଙ୍ଗେସୁ କୋସଲ୍ଲ, ମତ୍ଥନିଚ୍ଛୟକାରଣଂ ।
ୟତୋ ମହବ୍ବଲଂ ବୁଦ୍ଧ, ୱଚନେ ପାଟୱତ୍ଥିନଂ ॥
ନାମଲିଙ୍ଗାନ୍ୟ’ତୋ ବୁଦ୍ଧ, ଭାସିତସ୍ସା’ରହାନ୍ୟ’ହଂ ।
ଦସ୍ସୟନ୍ତୋ ପକାସେସ୍ସ, ମଭିଧାନପ୍ପଦୀପିକଂ ॥
ପରିଭାସା
ଭିୟ୍ୟୋ ରୂପନ୍ତରା ସାହ, ଚରିୟେନ ଚ କତ୍ଥଚି ।
କ୍ୱଚା’ ହଚ୍ଚୱିଧାନେନ ଞେୟ୍ୟଂ ଥୀପୁନ୍ନପୁଂସକଂ ॥
ଅଭିନ୍ନଲିଙ୍ଗାନଂୟେୱ, ଦ୍ୱନ୍ଦୋ ଚ, ଲିଙ୍ଗୱାଚକା ।
ଗାଥାପାଦନ୍ତମଜ୍ଝଟ୍ଠା, ପୁବ୍ବଂ ୟନ୍ତ୍ୟପରେ ପରଂ ॥
ପୁମିତ୍ଥିୟଂ ପଦଂ ଦ୍ୱୀସୁ, ସବ୍ବଲିଙ୍ଗେ ଚ ତୀସ୍ୱିତି ।
ଅଭିଧାନନ୍ତରାରମ୍ଭେ, ଞେୟ୍ୟଂ ତ୍ୱ’ନ୍ତ ମଥାଦି ଚ ॥
ଭିୟ୍ୟୋ ପୟୋଗ ମାଗମ୍ମ, ସୋଗତେ ଆଗମେ କ୍ୱଚି ।
ନିଘଣ୍ଡୁ ୟୁତ୍ତି ଞ୍ଚାନୀୟ, ନାମଲିଙ୍ଗଂ କଥୀୟତୀତି ॥
୧. ସଗ୍ଗକଣ୍ଡ
ବୁଦ୍ଧୋ ଦସବଲୋ ସତ୍ଥା, ସବ୍ବଞ୍ଞୂ ଦ୍ୱିପଦୁତ୍ତମୋ ।
ମୁନିନ୍ଦୋ ଭଗୱା ନାଥୋ, ଚକ୍ଖୁମ’ଙ୍ଗୀରସୋ ମୁନି ॥
ଲୋକନାଥୋ’ ନଧିୱରୋ, ମହେସି ଚ ୱିନାୟକୋ ।
ସମନ୍ତଚକ୍ଖୁ ସୁଗତୋ, ଭୂରିପଞ୍ଞୋ ଚ ମାରଜି ॥
ନରସୀହୋ ନରୱରୋ, ଧମ୍ମରାଜା ମହାମୁନି ।
ଦେୱଦେୱୋ ଲୋକଗରୁ, ଧମ୍ମସ୍ସାମୀ ତଥାଗତୋ ॥
ସୟମ୍ଭୂ ସମ୍ମାସମ୍ବୁଦ୍ଧୋ, ୱରପଞ୍ଞୋ ଚ ନାୟକୋ ।
ଜିନୋ, ସକ୍କୋ ତୁ ସିଦ୍ଧତ୍ଥୋ, ସୁଦ୍ଧୋଦନି ଚ ଗୋତମୋ ॥
ସକ୍ୟସୀହୋ ତଥା ସକ୍ୟ, ମୁନି ଚାଦିଚ୍ଚବନ୍ଧୁ ଚ ।
ମୋକ୍ଖୋ ନିରୋଧୋ ନିବ୍ବାନଂ, ଦୀପୋ ତଣ୍ହକ୍ଖୟୋ ପରଂ ।
ତାଣଂ ଲେଣ ମରୂପଞ୍ଚ, ସନ୍ତଂ ସଚ୍ଚ ମନାଲୟଂ ॥
ଅସଙ୍ଖତଂ ସିୱ ମମତଂ ସୁଦୁଦ୍ଦସଂ,
ପରାୟଣଂ ସରଣ ମନୀତିକଂ ତଥା ।
ଅନାସୱଂ ଧୁୱ ମନିଦସ୍ସନା’ କତା,
ପଲୋକିତଂ ନିପୁଣ ମନନ୍ତ ମକ୍ଖରଂ ॥
ଦୁକ୍ଖକ୍ଖୟୋ ବ୍ୟାବଜ୍ଝଞ୍ଚ [ବ୍ୟାପଜ୍ଜଂ (ଟୀକା)], ୱିୱଟ୍ଟଂ ଖେମ କେୱଲଂ ।
ଅପୱଗ୍ଗୋ ୱିରାଗୋ ଚ, ପଣୀତ ମଚ୍ଚୁତଂ ପଦଂ ॥
ୟୋଗକ୍ଖେମୋ ପାର ମପି, ମୁତ୍ତି ସନ୍ତି ୱିସୁଦ୍ଧିୟୋ ।
ୱିମୁତ୍ୟ’ ସଙ୍ଖତଧାତୁ, ସୁଦ୍ଧି ନିବ୍ବୁତିୟୋ ସିୟୁଂ ॥
ଖୀଣାସୱୋ ତ୍ୱ’ସେକ୍ଖୋ ଚ, ୱୀତରାଗୋ ତଥା’ ରହା ।
ଦେୱଲୋକୋ ଦିୱୋ ସଗ୍ଗୋ [ନାକୋ (ସୀ॰)],
ତିଦିୱୋ ତିଦସାଲୟୋ ॥
ତିଦସା ତ୍ୱ’ମରା ଦେୱା, ୱିବୁଧା ଚ ସୁଧାସିନୋ ।
ସୁରା ମରୂ ଦିୱୋକା ଚା, ମତପା ସଗ୍ଗୱାସିନୋ ॥
ନିଜ୍ଜରା’ ନିମିସା ଦିବ୍ବା, ଅପୁମେ ଦେୱତାନି ଚ [ଦେୱତା ଏୱ ଦେୱତାନି, ସକତ୍ଥେ ନିପଚ୍ଚୟୋ (ଟୀକା)]।
ସିଦ୍ଧୋ ଭୂତୋ ଚ ଗନ୍ଧବ୍ବୋ, ଗୁୟ୍ହକୋ ୟକ୍ଖ ରକ୍ଖସା ।
କୁମ୍ଭଣ୍ଡୋ ଚ ପିସାଚା’ଦୀ, ନିଦ୍ଦିଟ୍ଠା ଦେୱୟୋନିୟୋ ॥
ପୁବ୍ବଦେୱା ସୁରରିପୂ, ଅସୁରା ଦାନୱା ପୁମେ ।
ତବ୍ବିସେସା ପହାରାଦୋ, ସମ୍ବରୋ ବଲିଆଦୟୋ ॥
ପିତାମହୋ ପିତା ବ୍ରହ୍ମା, ଲୋକେସୋ କମଲାସନୋ ।
ତଥା ହିରଞ୍ଞଗବ୍ଭୋ ଚ, ସୁରଜେଟ୍ଠୋ ପଜାପତି ॥
ୱାସୁଦେୱୋ ହରି [ହରୀ (ଟୀକା)] କଣ୍ହୋ, କେସୱୋ ଚକ୍କପାଣ୍ୟ’ଥ ।
ମହିସ୍ସରୋ ସିୱୋ ସୂଲୀ, ଇସ୍ସରୋ ପସୁପତ୍ୟ’ପି ॥
ହରୋ ୱୁତ୍ତୋ କୁମାରୋ ତୁ, ଖନ୍ଧୋ ସତ୍ତିଧରୋ ଭୱେ ।
ସକ୍କୋ ପୁରିନ୍ଦଦୋ ଦେୱ, ରାଜା ୱଜିରପାଣି ଚ ।
ସୁଜମ୍ପତି ସହସ୍ସକ୍ଖୋ, ମହିନ୍ଦୋ ୱଜିରାୱୁଧୋ ॥
ୱାସୱୋ ଚ ଦସସତ, ନୟନୋ ତିଦିୱାଧିଭୂ ।
ସୁରନାଥୋ ଚ ୱଜିର, ହତ୍ଥୋ ଚ ଭୂତପତ୍ୟ’ପି ॥
ମଘୱା କୋସିୟୋ ଇନ୍ଦୋ, ୱତ୍ରଭୂ ପାକସାସନୋ ।
ୱିଡୋଜୋ ଥ ସୁଜା ତସ୍ସ [ସୁଜାତା’ସ୍ସ (ଟୀକା)], ଭରିୟା ଥ ପୁରଂ ଭୱେ ॥
ମସକ୍କସାରା [ମସକ୍କସାରୋ (ସୀ॰)] ୱସ୍ସୋକ, ସାରା ଚେୱା’ ମରାୱତୀ ।
ୱେଜୟନ୍ତୋ ତୁ ପାସାଦୋ,
ସୁଧମ୍ମା ତୁ ସଭା ମତା ॥
ୱେଜୟନ୍ତୋ ରଥୋ ତସ୍ସ,
ୱୁତ୍ତୋ ମାତଲି ସାରଥି ।
ଏରାୱଣୋ ଗଜୋ ପଣ୍ଡୁ, କମ୍ବଲୋ ତୁ ସିଲାସନଂ ॥
ସୁୱୀରୋଚ୍ଚାଦୟୋ ପୁତ୍ତା, ନନ୍ଦା ପୋକ୍ଖରଣୀ ଭୱେ ।
ନନ୍ଦନଂ ମିସ୍ସକଂ ଚିତ୍ତ, ଲତା ଫାରୁସକଂ ୱନା ॥
ଅସନି ଦ୍ୱୀସୁ କୁଲିସଂ, ୱଜିରଂ ପୁନ୍ନପୁଂସକେ ।
ଅଚ୍ଛରାୟୋତ୍ଥିୟଂ ୱୁତ୍ତା, ରମ୍ଭା ଅଲମ୍ବୁସାଦୟୋ ।
ଦେୱିତ୍ଥିୟୋ ଥ ଗନ୍ଧବ୍ବା, ପଞ୍ଚସିଖୋତି ଆଦୟୋ ॥
ୱିମାନୋ ନିତ୍ଥିୟଂ ବ୍ୟମ୍ହଂ, ପୀୟୂସଂ ତ୍ୱମତଂ ସୁଧା ।
ସିନେରୁ ମେରୁ ତିଦିୱା, ଧାରୋ ନେରୁ ସୁମେରୁ ଚ ॥
ୟୁଗନ୍ଧରୋ ଈସଧରୋ, କରୱୀକୋ ସୁଦସ୍ସନୋ ।
ନେମିନ୍ଧରୋ ୱିନତକୋ, ଅସ୍ସକଣ୍ଣୋ କୁଲାଚଲା ॥
ମନ୍ଦାକିନୀ ତଥା’କାସ, ଗଙ୍ଗା ସୁରନଦୀ ପ୍ୟଥ ।
କୋୱିଳାରୋ ତଥା ପାରି, ଚ୍ଛତ୍ତକୋ ପାରିଜାତକୋ ।
କପ୍ପରୁକ୍ଖୋ ତୁ ସନ୍ତାନା, ଦୟୋ ଦେୱଦ୍ଦୁମା ସିୟୁଂ ॥
ପାଚୀ ପତୀଝୁ’ ଦୀଚି’ତ୍ଥୀ, ପୁବ୍ବ ପଚ୍ଛିମ ଉତ୍ତରା ।
ଦିସାଥ ଦକ୍ଖିଣା’ ପାଚୀ, ୱିଦିସା’ନୁଦିସା ଭୱେ ॥
ଏରାୱତୋ [ଏରାୱଣୋ (ସୀ॰), ଅମରକୋସେ ପନ ଏରାୱତୋ ଏୱ ଅତ୍ଥି] ପୁଣ୍ଡରୀକୋ, ୱାମନୋ କୁମୁଦୋ’ ଞ୍ଜନୋ ।
ପୁପ୍ଫଦନ୍ତୋ ସବ୍ବଭୁମ୍ମୋ, ସୁପ୍ପତୀକୋ ଦିସାଗଜା ॥
ଧତରଟ୍ଠୋ ଚ ଗନ୍ଧବ୍ବା, ଧିପୋ, କୁମ୍ଭଣ୍ଡସାମି ତୁ ।
ୱିରୁଳ୍ହକୋ, ୱିରୂପକ୍ଖୋ, ତୁ ନାଗାଧିପତୀରିତୋ ॥
ୟକ୍ଖାଧିପୋ ୱେସ୍ସୱଣୋ, କୁୱେରୋ ନରୱାହନୋ ।
ଅଳକା[ଅଲକା (ଅମରକୋସ)]ଳକମନ୍ଦାସ୍ସ, ପୁରୀ, ପହରଣଂ ଗଦା ।
ଚତୁଦ୍ଦିସାନ ମଧିପା, ପୁବ୍ବାଦୀନଂ କମା ଇମେ ॥
ଜାତୱେଦୋ ସିଖୀ ଜୋତି, ପାୱକୋ ଦହନୋ’ ନଲୋ ।
ହୁତାୱହୋ’ ଚ୍ଚିମା ଧୂମ, କେତ୍ୱ’ଗ୍ଗି ଗିନି ଭାନୁମା ॥
ତେଜୋ ଧୂମସିଖୋ ୱାୟୁ, ସଖୋ ଚ କଣ୍ହୱତ୍ତନୀ ।
ୱେସ୍ସାନରୋ ହୁତାସୋ ଥ, ସିଖାଜାଲ’ଚ୍ଚି ଚାପୁମେ ॥
ୱିପ୍ଫୁଲିଙ୍ଗଂ ଫୁଲିଙ୍ଗଞ୍ଚ, ଭସ୍ମା [‘ଭସ୍ମା’ ତିପଦଂ ରାଜାଦିଗଣେ ପରିୟାପନ୍ନଂ (ରୂପସିଦ୍ଧି-ଉଣାଦି), ଭସ୍ମଂ (ସୀ॰)] ତୁ ସେଟ୍ଠି ଛାରିକା ।
କୁକ୍କୁଳୋ ତୁ’ଣ୍ହଭସ୍ମସ୍ମି, ମଙ୍ଗାରୋ’ଲାତ ମୁମ୍ମୁକଂ [ତିକଂ ଦିତ୍ତକଟ୍ଠାଦିନ୍ଧନେ (ଟୀକା)]।
ସମିଧା ଇଧୁମଂ ଚେ’ଧୋ, ଉପାଦାନଂ ତଥିନ୍ଧନଂ ॥
ଅଥୋ’ଭାସୋ ପକାସୋ ଚା,
'ଲୋକୋ’ଜ୍ଜୋତା’ତପା ସମା ।
ମାଲୁତୋ ପୱନୋ ୱାୟୁ, ୱାତୋ’ନିଲ ସମୀରଣା ।
ଗନ୍ଧୱାହୋ ତଥା ୱାୟୋ, ସମୀରୋ ଚ ସଦାଗତି ॥
ୱାୟୁଭେଦା ଇମେ ଛୁ’ଦ୍ଧ, ଙ୍ଗମୋ ଚାଧୋଗମୋ ତଥା ।
କୁଚ୍ଛିଟ୍ଠୋ ଚ କୋଟ୍ଠାସୟୋ, ଅସ୍ସାସଙ୍ଗାନୁସାରିନୋ ॥
ଅଥୋ ଅପାନଂ ପସ୍ସାସୋ,
ଅସ୍ସାସୋ ଆନ ମୁଚ୍ଚତେ ॥
ୱେଗୋ ଜୱୋ ରୟୋ ଖିପ୍ପଂ, ତୁ ସୀଘଂ ତୁରିତଂ ଲହୁ ।
ଆସୁ ତୁଣ୍ଣ ମରଂ ଚାୱି, ଲମ୍ବିତଂ ତୁୱଟଂପି ଚ ॥
ସତତଂ ନିଚ୍ଚ ମୱିରତା, ନାରତ ସନ୍ତତ ମନୱରତଞ୍ଚ ଧୁୱଂ ।
ଭୁସ ମତିସୟୋ ଚ ଦଳ୍ହଂ, ତିବ୍ବେ’କନ୍ତା’ତିମତ୍ତ, ବାଳ୍ହାନି ।
ଖିପ୍ପାଦୀ ପଣ୍ଡକେ ଦବ୍ବେ, ଦବ୍ବଗା ତେସୁ ୟେ ତିସୁ ॥
ଅୱିଗ୍ଗହୋ ତୁ କାମୋ ଚ, ମନୋଭୂ ମଦନୋ ଭୱେ ।
ଅନ୍ତକୋ ୱସୱତ୍ତୀ ଚ, ପାପିମା ଚ ପଜାପତି ॥
ପମତ୍ତବନ୍ଧୁ କଣ୍ହୋ ଚ, ମାରୋ ନମୁଚି, ତସ୍ସ ତୁ ।
ତଣ୍ହା’ରତୀ ରଗା ଧୀତୂ, ହତ୍ଥୀ ତୁ ଗିରିମେଖଲୋ ॥
ୟମରାଜା ଚ ୱେସାୟୀ, ୟମୋ’ସ୍ସ ନୟନାୱୁଧଂ ।
ୱେପଚିତ୍ତି ପୁଲୋମୋ ଚ, କିମ୍ପୁରିସୋ ତୁ କିନ୍ନରୋ ॥
ଅନ୍ତଲିକ୍ଖଂ ଖ’ମାଦିଚ୍ଚ, ପଥୋ’ବ୍ଭଂ ଗଗନ’ମ୍ବରଂ ।
ୱେହାସୋ ଚାନିଲପଥୋ, ଆକାସୋ ନିତ୍ଥିୟଂ ନଭଂ ॥
ପଥୋ ସୁରପଥୋ ଅଘଂ ॥
ମେଘୋ ୱଲାହକୋ ଦେୱୋ, ପଜ୍ଜୁନ୍ନୋ’ମ୍ବୁଧରୋ ଘନୋ ।
ଧାରାଧରୋ ଚ ଜୀମୂତୋ, ୱାରିୱାହୋ ତଥା’ମ୍ବୁଦୋ ॥
ଅବ୍ଭଂ ତୀସ୍ୱଥ ୱସ୍ସଞ୍ଚ, ୱସ୍ସନଂ ୱୁଟ୍ଠି ନାରିୟଂ ।
ସତେରତା’କ୍ଖଣା ୱିଜ୍ଜୁ, ୱିଜ୍ଜୁତା ଚାଚିରପ୍ପଭା ॥
ମେଘନାଦେ ତୁ ଧନିତଂ, ଗଜ୍ଜିତଂ ରସିତାଦି ଚ ।
ଇନ୍ଦାୱୁଧଂ ଇନ୍ଦଧନୁ, ୱାତକ୍ଖିତ୍ତମ୍ବୁ ସୀକରୋ ॥
ଆସାରୋ ଧାରା ସମ୍ପାତୋ,
କରକା ତୁ ଘନୋପଲଂ ।
ଦୁଦ୍ଦିନଂ ମେଘଚ୍ଛନ୍ନାହେ, ପିଧାନଂ ତ୍ୱପଧାରଣଂ ॥
ତିରୋଧାନ’ନ୍ତରଧାନା, ପିଧାନ ଛାଦନାନି ଚ ।
ଇନ୍ଦୁ ଚନ୍ଦୋ ଚ ନକ୍ଖତ୍ତ, ରାଜା ସୋମୋ ନିସାକରୋ ॥
ଓସଧୀସୋ ହିମରଂସି, ସସଙ୍କୋ ଚନ୍ଦିମା ସସୀ ।
ସୀତରଂସି ନିସାନାଥୋ, ଉଳୁରାଜା ଚ ମା ପୁମେ ॥
କଲା ସୋଳସମୋ ଭାଗୋ, ବିମ୍ବଂ ତୁ ମଣ୍ଡଲଂ ଭୱେ ।
ଅଡ୍ଢୋ ତ୍ୱଦ୍ଧୋ ଉପଡ୍ଢୋ ଚ, ୱା ଖଣ୍ଡଂ ସକଲଂ ପୁମେ ॥
ଅଦ୍ଧଂ ୱୁତ୍ତଂ ସମେ ଭାଗେ, ପସାଦୋ ତୁ ପସନ୍ନତା ।
କୋମୁଦୀ ଚନ୍ଦିକା ଜୁଣ୍ହା, କନ୍ତି ସୋଭା ଜୁତି ଚ୍ଛୱି ॥
କଲଙ୍କୋ ଲଞ୍ଛନଂ ଲକ୍ଖଂ, ଅଙ୍କୋ’ଭିଞ୍ଞାଣ ଲକ୍ଖଣଂ ।
ଚିହନଂ ଚାପି ସୋଭା ତୁ, ପରମା ସୁସମା ଥ ଚ ॥
ସୀତଂ ଗୁଣେ, ଗୁଣିଲିଙ୍ଗା, ସୀତ ସିସିର ସୀତଲା ।
ହିମଂ ତୁହିନ ମୁସ୍ସାୱୋ, ନୀହାରୋ ମହିକା ପ୍ୟଥ ॥
ନକ୍ଖତ୍ତଂ ଜୋତି ଭଂ ତାରା, ଅପୁମେ ତାରକୋ’ଳୁ ଚ ।
ଅସ୍ସୟୁଜୋ ଭରଣିତ୍ଥୀ, ସକତ୍ତିକା ରୋହିଣୀ ପିଚ ।
ମିଗସିର [ମଗସିର (ସୀ॰)] ମଦ୍ଦା ଚ ପୁନବ୍ବସୁ, ଫୁସ୍ସୋ [ପୁସ୍ସୋ (ଟୀ॰)] ଚାସିଲେସ’ପି ॥
ମାଘା [ମଘ (ସୀ॰)] ଚ ଫଗ୍ଗୁନୀ ଦ୍ୱେ ଚ, ହତ୍ଥା ଚିତ୍ତା ଚ ସ୍ୱାତିପି ।
ୱିସାଖା’ ନୁରାଧା ଜେଟ୍ଠା, ମୂଲା’ ସାଳ୍ହା ଦୁୱେ ତଥା ॥
ସୱଣୋ ଚ ଧନିଟ୍ଠା ଚ, ସତଭିସଜୋ ପୁବ୍ବୁ’ତ୍ତରଭଦ୍ଦପଦା ।
ରେୱତ୍ୟପୀତି କମତୋ, ସତ୍ତାଧିକୱୀସନକ୍ଖତ୍ତା ॥
ସୋବ୍ଭାନୁ କଥିତୋ ରାହୁ, ସୂରାଦୀ ତୁ ନୱଗ୍ଗହା ।
ରାସି ମେସାଦିକୋ ଭଦ୍ଦ, ପଦା ପୋଟ୍ଠପଦା ସମା ॥
ଆଦିଚ୍ଚୋ ସୂରିୟୋ ସୂରୋ, ସତରଂସି ଦିୱାକରୋ ।
ୱେରୋଚନୋ ଦିନକରୋ, ଉଣ୍ହରଂସି ପଭଙ୍କରୋ ॥
ଅଂସୁମାଲୀ ଦିନପତି, ତପନୋ ରୱି ଭାନୁମା ।
ରଂସିମା ଭାକରୋ ଭାନୁ, ଅକ୍କୋ ସହସ୍ସରଂସି ଚ ॥
ରଂସି ଆଭା ପଭା ଦିତ୍ତି, ରୁଚି ଭା ଜୁତି ଦୀଧିତି ।
ମରୀଚି ଦ୍ୱୀସୁ ଭାନ୍ୱଂ’ସୁ, ମୟୂଖୋ କିରଣୋ କରୋ ॥
ପରିଧି ପରିୱେସୋ ଥ, ମରୀଚି ମିଗତଣ୍ହିକା ।
ସୂରସ୍ସୋଦୟତୋ ପୁବ୍ବୁ’, ଟ୍ଠିତରଂସି ସିୟା’ ରୁଣୋ ॥
କାଲୋ’ଦ୍ଧା ସମୟୋ ୱେଲା,
ତବ୍ବିସେସା ଖଣାଦୟୋ ।
ଖଣୋ ଦସଚ୍ଛରାକାଲୋ,
ଖଣା ଦସ ଲୟୋ ଭୱେ ॥
ଲୟା ଦସ ଖଣଲୟୋ,
ମୁହୁତ୍ତୋ ତେ ସିୟା ଦସ ।
ଦସ ଖଣମୁହୁତ୍ତୋ ତେ, ଦିୱସୋ ତୁ ଅହଂ ଦିନଂ ॥
ପଭାତଞ୍ଚ ୱିଭାତଞ୍ଚ, ପଚ୍ଚୂସୋ କଲ୍ଲ ମପ୍ୟଥ ।
ଅଭିଦୋସୋ ପଦୋସୋ ଥ,
ସାୟୋ ସଞ୍ଝା ଦିନଚ୍ଚୟୋ ॥
ନିସା ଚ ରଜନୀ ରତ୍ତି, ତିୟାମା ସଂୱରୀ ଭୱେ ।
ଜୁଣ୍ହା ତୁ ଚନ୍ଦିକାୟୁତ୍ତା, ତମୁସ୍ସନ୍ନା ତିମିସିକା ॥
ନିସୀଥୋ ମଜ୍ଝିମା ରତ୍ତି, ଅଡ୍ଢରତ୍ତୋ ମହାନିସା ।
ଅନ୍ଧକାରୋ ତମୋ ନିତ୍ଥୀ, ତିମିସଂ ତିମିରଂ ମତଂ ॥
ଚତୁରଙ୍ଗତମଂ ଏୱଂ, କାଳପକ୍ଖଚତୁଦ୍ଦସୀ ।
ୱନସଣ୍ଡୋ ଘନୋ ମେଘ, ପଟଲଂ ଚା’ଡ୍ଢରତ୍ତି ଚ ॥
ଅନ୍ଧତମଂ ଘନତମେ, ପହାରୋ ୟାମ, ସଞ୍ଞିତୋ ।
ପାଟିପଦୋ ତୁ ଦୁତିୟା, ତତିୟାଦୀ ତିଥୀ[ତିଥି], ତାୟତି ପାଲେତୀତି ତିଥି, ତା+ଇତି (ଣ୍ୱାଦି) ଦ୍ୱିସୁ ॥
ପନ୍ନରସୀ ପଞ୍ଚଦସୀ, ପୁଣ୍ଣମାସୀ ତୁ ପୁଣ୍ଣମା ।
ଅମାୱସୀ ପ୍ୟମାୱାସୀ, ଥିୟଂ ପନ୍ନରସୀ’ ପରା ॥
ଘଟିକା ସଟ୍ଠ୍ୟ’ ହୋରତ୍ତୋ, ପକ୍ଖୋ ତେ ଦସ ପଞ୍ଚ ଚ ।
ତେ ତୁ ପୁବ୍ବାପରା ସୁକ୍କ,
କାଳା, ମାସୋ ତୁ ତେ ଦୁୱେ ॥
ଚିତ୍ତୋ ୱେସାଖ, ଜେଟ୍ଠୋ ଚା, ସାଳ୍ହୋ ଦ୍ୱୀସୁ ଚ ସାୱଣୋ ।
ପୋଟ୍ଠପାଦ’ସ୍ସୟୁଜା ଚ, ମାସା ଦ୍ୱାଦସ କତ୍ତିକୋ ॥
ମାଗସିରୋ ତଥା ଫୁସ୍ସୋ, କମେନ ମାଘ ଫଗ୍ଗୁଣା ।
କତ୍ତିକ’ସ୍ସୟୁଜା ମାସା, ପଚ୍ଛିମ ପୁବ୍ବକତ୍ତିକା ॥
ସାୱଣୋ ନିକ୍ଖମନୀୟୋ,
ଚିତ୍ତମାସୋ ତୁ ରମ୍ମକୋ ॥
ଚତୁରୋ ଚତୁରୋ ମାସା, କତ୍ତିକକାଳପକ୍ଖତୋ ।
କମା ହେମନ୍ତ ଗିମ୍ହାନ, ୱସ୍ସାନା ଉତୁୟୋ ଦ୍ୱିସୁ ॥
ହେମନ୍ତୋ ସିସିର ମୁତୂ,
ଛ ୱା ୱସନ୍ତୋ ଚ ଗିମ୍ହ ୱସ୍ସାନା ।
ସରଦୋତି କମା ମାସା, ଦ୍ୱେ ଦ୍ୱେ ୱୁତ୍ତାନୁସାରେନ ॥
ଉଣ୍ହୋ ନିଦାଘୋ ଗିମ୍ହୋଥ,
ୱସ୍ସୋ ୱସ୍ସାନ ପାୱୁସା ।
ଉତୂହି ତୀହି ୱସ୍ସାନା, ଦିକେହି ଦକ୍ଖିଣାୟନଂ ॥
ଉତ୍ତରାୟନ ମଞ୍ଞେହି, ତୀହି ୱସ୍ସାୟନଦ୍ୱୟଂ ।
ୱସ୍ସ ସଂୱଚ୍ଛରା ନିତ୍ଥୀ, ସରଦୋ ହାୟନୋ ସମା ॥
କପ୍ପକ୍ଖୟୋ ତୁ ସଂୱଟ୍ଟୋ, ୟୁଗନ୍ତ ପଲୟା ଅପି ।
ଅଲକ୍ଖୀ କାଲକଣ୍ଣିତ୍ଥୀ, ଅଥ ଲକ୍ଖୀ ସିରି’ତ୍ଥିୟଂ ॥
ଦନୁ ଦାନୱମାତା ଥ, ଦେୱମାତା ପନା’ଦିତି ।
ପାପଞ୍ଚ କିବ୍ବିସଂ ୱେରା, ଘଂ ଦୁଚ୍ଚରିତ ଦୁକ୍କଟଂ ।
ଅପୁଞ୍ଞା’କୁସଲଂ କଣ୍ହଂ, କଲୁସଂ ଦୁରିତା’ଗୁ ଚ ॥
କୁସଲଂ ସୁକତଂ ସୁକ୍କଂ, ପୁଞ୍ଞଂ ଧମ୍ମ ମନିତ୍ଥିୟଂ ।
ସୁଚରିତ ମଥୋ ଦିଟ୍ଠ, ଧମ୍ମିକଂ ଇହଲୋକିକଂ ॥
ସନ୍ଦିଟ୍ଠିକ ମଥୋ ପାର, ଲୋକିକଂ ସମ୍ପରାୟିକଂ ।
ତକ୍କାଲଂ ତୁ ତଦାତ୍ୱଂ ଚୋ,
ତ୍ତରକାଲୋ ତୁ ଆୟତି ॥
ହାସୋ’ ତ୍ତମନତା ପୀତି, ୱିତ୍ତି ତୁଟ୍ଠି ଚ ନାରିୟଂ ।
ଆନନ୍ଦୋ ପମୁଦା’ମୋଦୋ, ସନ୍ତୋସୋ ନନ୍ଦି ସମ୍ମଦୋ ॥
ପାମୋଜ୍ଜଞ୍ଚ ପମୋଦୋ ଥ, ସୁଖଂ ସାତଞ୍ଚ ଫାସ୍ୱ’ଥ ।
ଭଦ୍ଦଂ ସେୟ୍ୟୋ ସୁଭଂ ଖେମଂ, କଲ୍ୟାଣଂ ମଙ୍ଗଲଂ ସିୱଂ ॥
ଦୁକ୍ଖଞ୍ଚ କସିରଂ କିଚ୍ଛଂ, ନୀଘୋ ଚ ବ୍ୟସନଂ ଅଘଂ ।
ଦବ୍ବେ ତୁ ପାପପୁଞ୍ଞାନି, ତୀସ୍ୱାକିଚ୍ଛଂ ସୁଖାଦି ଚ ॥
ଭାଗ୍ୟଂ ନିୟତି ଭାଗୋ ଚ, ଭାଗଧେୟ୍ୟଂ ୱିଧୀ’ରିତୋ ।
ଅଥୋ ଉପ୍ପତ୍ତି ନିବ୍ବତ୍ତି, ଜାତି ଜନନ ମୁବ୍ଭୱୋ ॥
ନିମିତ୍ତଂ କାରଣଂ ଠାନଂ, ପଦଂ ବୀଜଂ ନିବନ୍ଧନଂ ।
ନିଦାନଂ ପଭୱୋ ହେତୁ, ସମ୍ଭୱୋ ସେତୁ ପଚ୍ଚୟୋ ॥
କାରଣଂ ୟଂ ସମାସନ୍ନଂ, ପଦଟ୍ଠାନନ୍ତି ତଂ ମତଂ ।
ଜୀୱୋ ତୁ ପୁରିସୋ’ତ୍ତା ଥ, ପଧାନଂ ପକତିତ୍ଥିୟଂ ॥
ପାଣୋ ସରୀରୀ ଭୂତଂ ୱା, ସତ୍ତୋ ଦେହୀ ଚ ପୁଗ୍ଗଲୋ ।
ଜୀୱୋ ପାଣୀ ପଜା ଜନ୍ତୁ,
ଜନୋ ଲୋକୋ ତଥାଗତୋ ॥
ରୂପଂ ସଦ୍ଦୋ ଗନ୍ଧ ରସା, ଫସ୍ସୋ ଧମ୍ମୋ ଚ ଗୋଚରା ।
ଆଲମ୍ବା ୱିସୟା ତେ ଛା, ରମ୍ମଣା ଲମ୍ବଣାନି ଚ ॥
ସୁକ୍କୋ ଗୋରୋ ସିତୋ’ଦାତା,
ଧୱଲୋ ସେତ, ପଣ୍ଡରା ।
ସୋଣୋ ତୁ ଲୋହିତୋ ରତ୍ତୋ,
ତମ୍ବ ମଞ୍ଜିଟ୍ଠ ରୋହିତା ॥
ନୀଲୋ କଣ୍ହା’ସିତା କାଳୋ,
ମେଚକୋ ସାମ ସାମଲା ।
ସିତପୀତେତୁ ପଣ୍ଡୁ’ତ୍ତୋ, ଈସଂପଣ୍ଡୁତୁ ଧୂସରୋ ॥
ପାଟଲୋ ସେତଲୋହିତୋ ।
ଅଥୋ ପୀତୋ ହଲିଦ୍ୟାଭୋ,
ପଲାସୋ ହରିତୋ ହରି ॥
କଳାରୋ କପିଲୋ ନୀଲ, ପୀତେ ଥ ରୋଚନପ୍ପଭେ ।
ପିଙ୍ଗୋ ପିସଙ୍ଗୋ ପ୍ୟଥୱା, କଳାରାଦୀ ତୁ ପିଙ୍ଗଲେ ॥
କମ୍ମାସୋ ସବଲୋ ଚିତ୍ତୋ,
ସାୱୋ ତୁ କଣ୍ହପୀତକେ ।
ୱାଚ୍ଚଲିଙ୍ଗା ଗୁଣିନ୍ୟେତେ, ଗୁଣେ ସୁକ୍କାଦୟୋ ପୁମେ ॥
ନଚ୍ଚଂ ନଟ୍ଟଞ୍ଚ ନଟନଂ, ନତ୍ତନଂ ଲାସନଂ ଭୱେ ।
ନଚ୍ଚଂ ତୁ ୱାଦିତଂ ଗୀତ, ମିତି ନାଟୁମିଦଂ ତୟଂ ॥
ନଚ୍ଚଟ୍ଠାନଂ ସିୟା ରଙ୍ଗୋ, ଭିନୟୋ ସୂଚ୍ୟସୂଚନଂ ।
ଅଙ୍ଗହାରୋ’ଙ୍ଗୱିକ୍ଖେପୋ, ନଟ୍ଟକୋ ନଟକୋ ନଟୋ ॥
ସିଙ୍ଗାରୋ କରୁଣୋ ୱୀର, ବ୍ଭୁତ ହସ୍ସ ଭୟାନକା ।
ସନ୍ତୋ ବୀଭଚ୍ଛ ରୁଦ୍ଦାନି, ନୱ ନାଟ୍ୟରସା ଇମେ ॥
ପୋସସ୍ସ ନାରିୟଂ ପୋସେ, ଇତ୍ଥିୟା ସଙ୍ଗମଂ ପତି ।
ୟା ପିହା ଏସ ସିଙ୍ଗାରୋ, ରତିକୀଳାଦିକାରଣୋ ॥
ଉତ୍ତମ ପ୍ପକତିପ୍ପାୟୋ, ଇତ୍ଥିପୁରିସହେତୁକୋ ।
ସୋ ସମ୍ଭୋଗୋ ୱିୟୋଗୋତି,
ସିଙ୍ଗାରୋ ଦୁୱିଧୋ ମତୋ ॥
ଭାସିତଂ ଲପିତଂ ଭାସା, ୱୋହାରୋ ୱଚନଂ ୱଚୋ ।
ଉତ୍ତି ୱାଚା ଗିରା ୱାଣୀ, ଭାରତୀ କଥିତା [କଥା (କତ୍ଥଚି)] ୱଚୀ ॥
ଏକାଖ୍ୟାତୋ ପଦଚୟୋ, ସିୟା ୱାକ୍ୟଂସକାରକୋ ।
ଆମେଡିତନ୍ତି ୱିଞ୍ଞେୟ୍ୟଂ, ଦ୍ୱତ୍ତିକ୍ଖତ୍ତୁ ମୁଦୀରଣଂ ॥
ଭୟେ କୋଧେ ପସଂସାୟଂ, ତୁରିତେ କୋତୂହଲେ’ଚ୍ଛରେ ।
ହାସେ ସୋକେ ପସାଦେ ଚ, କରେ ଆମେଡିତଂ ବୁଧୋ ॥
ଇରୁ ନାରୀ ୟଜୁ ସାମ, ମିତି ୱେଦା ତୟୋ ସିୟୁଂ ।
ଏତେ ଏୱ ତୟୀ ନାରୀ, ୱେଦୋ ମନ୍ତୋ ସୁତିତ୍ଥିୟଂ ॥
ଅଟ୍ଠକୋ ୱାମକୋ ୱାମ, ଦେୱୋ ଚଙ୍ଗୀରସୋ ଭଗୁ ।
ୟମଦଗ୍ଗି ଚ ୱାସିଟ୍ଠୋ, ଭାରଦ୍ୱାଜୋ ଚ କସ୍ସପୋ ।
ୱେସ୍ସାମିତ୍ତୋତି ମନ୍ତାନଂ, କତ୍ତାରୋ ଇସୟୋ ଇମେ ॥
କପ୍ପୋ ବ୍ୟାକରଣଂ ଜୋତି, ସତ୍ଥଂ ସିକ୍ଖା ନିରୁତ୍ତି ଚ ।
ଛନ୍ଦୋୱିଚିତି ଚେତାନି, ୱେଦଙ୍ଗାନି ୱଦନ୍ତି ଛ ॥
ଇତିହାସୋ ପୁରାୱୁତ୍ତ, ପ୍ପବନ୍ଧୋ ଭାରତାଦିକୋ ।
ନାମପ୍ପକାସକଂ ସତ୍ଥଂ, ରୁକ୍ଖାଦୀନଂ ନିଘଣ୍ଡୁ ସୋ ॥
ୱିତଣ୍ଡସତ୍ଥଂ ୱିଞ୍ଞେୟ୍ୟଂ, ୟଂ ତଂ ଲୋକାୟତଂ ଇତି ।
କେଟୁଭଂ ତୁ କ୍ରିୟାକପ୍ପ, ୱିକପ୍ପୋ କୱିନଂ ହିତୋ ॥
ଆଖ୍ୟାୟିକୋପଲଦ୍ଧତ୍ଥା, ପବନ୍ଧକପ୍ପନା କଥା ।
ଦଣ୍ଡନୀତ୍ୟ’ତ୍ଥସତ୍ଥସ୍ମିଂ, ୱୁତ୍ତନ୍ତୋ ତୁ ପୱତ୍ତି ଚ ॥
ସଞ୍ଞା, ଖ୍ୟା, ୱ୍ହା ସମଞ୍ଞା ଚା, ଭିଧାନଂ ନାମ ମୱ୍ହୟୋ ।
ନାମଧେୟ୍ୟା’ ଧିୱଚନଂ, ପଟିୱାକ୍ୟଂ ତୁ ଉତ୍ତରଂ ॥
ପଞ୍ହୋ ତୀସ୍ୱ ନୁୟୋଗୋ ଚ, ପୁଚ୍ଛା ପ୍ୟଥ ନିଦସ୍ସନଂ ।
ଉପୋଗ୍ଘାତୋ ଚ ଦିଟ୍ଠନ୍ତୋ, ତଥୋ’ଦାହରଣଂ ଭୱେ ॥
ସମା ସଙ୍ଖେପ ସଂହାରା, ସମାସୋ ସଙ୍ଗହୋ ପ୍ୟଥ ।
ସତଂ ଧାରୟସୀ ତ୍ୟାଦ୍ୟ, ବ୍ଭକ୍ଖାନଂ ତୁଚ୍ଛଭାସନଂ ॥
ୱୋହାରୋ ତୁ ୱିୱାଦୋ ଥ, ସପନଂ ସପଥୋପି ଚ ।
ୟସୋ ସିଲୋକୋ କିତ୍ତିତ୍ଥୀ,
ଘୋସନା ତୁ’ଚ୍ଚସଦ୍ଦନଂ ॥
ପଟିଘୋସୋ ପଟିରୱୋ, ଥୋ’ ପଞ୍ଞାସୋ ୱଚୀମୁଖଂ ।
କତ୍ଥନା ଚ ସିଲାଘା ଚ, ୱଣ୍ଣନା ଚ ନୁତି ତ୍ଥୁତି ॥
ଥୋମନଞ୍ଚ [ଥୋମନଂ ୱା (କତ୍ଥଚି ଥୋମନଂ ଥୋମନା ଦ୍ୱିଲିଙ୍ଗେ)] ପସଂସାଥ, କେକା ନାଦୋ ସିଖଣ୍ଡିନଂ ।
ଗଜାନଂ କୋଞ୍ଚନାଦୋ ଥ,
ମତା ହେସା ହୟଦ୍ଧନି ॥
ପରିୟାୟୋ ୱେୱଚନଂ, ସାକଚ୍ଛା ତୁ ଚ ସଂକଥା ।
ଉପୱାଦୋ ଚୁ’ପକ୍କୋସା, ୱଣ୍ଣୱାଦା’ନୁୱାଦୋ ଚ ।
ଜନୱାଦା’ପୱାଦାପି, ପରିୱାଦୋ ଚ ତୁଲ୍ୟତ୍ଥା ॥
ଖେପୋ ନିନ୍ଦା ତଥା କୁଚ୍ଛା, ଜିଗୁଚ୍ଛା ଗରହା ଭୱେ ।
ନିନ୍ଦାପୁବ୍ବୋ ଉପାରମ୍ଭୋ, ପରିଭାସନ ମୁଚ୍ଚତେ ॥
ଅଟ୍ଠାନରିୟୱୋହାର, ୱସେନ ୟା ପୱତ୍ତିତା ।
ଅଭିୱାକ୍ୟଂ ସିୟା ୱାଚା, ସା ୱୀତିକ୍କମଦୀପନୀ ॥
ମୁହୁଂଭାସା ନୁଲାପୋଥ, ପଲାପୋ ନତ୍ଥିକା ଗିରା ।
ଆଦୋଭାସନ ମାଲାପୋ,
ୱିଲାପୋ ତୁ ପରିଦ୍ଦୱୋ ॥
ୱିପ୍ପଲାପୋ ୱିରୋଧୋତ୍ତି, ସନ୍ଦେସୋତ୍ତି ତୁ ୱାଚିକଂ ।
ସମ୍ଭାସନଂ ତୁ ସଲ୍ଲାପୋ, ୱିରୋଧରହିତଂ ମିଥୁ ॥
ଫରୁସଂ ନିଟ୍ଠୁରଂ ୱାକ୍ୟଂ, ମନୁଞ୍ଞଂ ହଦୟଙ୍ଗମଂ ।
ସଂକୁଲଂ ତୁ କିଲିଟ୍ଠଞ୍ଚ, ପୁବ୍ବାପରୱିରୋଧିନୀ ॥
ସମୁଦାୟତ୍ଥରହିତଂ, ଅବଦ୍ଧମିତି [ଅବନ୍ଧ (କ॰)] କିତ୍ତିତଂ ।
ୱିତଥଂ ତୁ ମୁସା ଚାଥ [ଆହତଂ ତୁ ମୁସାତ୍ଥକଂ (କତ୍ଥଚି, ଅମରକୋସେ)], ଫରୁସାଦୀ ତିଲିଙ୍ଗିକା ॥
ସମ୍ମା ବ୍ୟୟଞ୍ଚା ୱିତଥଂ, ସଚ୍ଚଂ ତଚ୍ଛଂ ୟଥାତଥଂ ।
ତବ୍ବନ୍ତା ତୀସ୍ୱ ଲୀକଂ ତ୍ୱ, ସଚ୍ଚଂ ମିଚ୍ଛା ମୁସା ବ୍ୟୟଂ ॥
ରୱୋ ନିନାଦୋ ନିନଦୋ ଚ ସଦ୍ଦୋ,
ନିଗ୍ଘୋସ ନାଦ ଦ୍ଧନୟୋ ଚ ରାୱୋ ।
ଆରାୱ ସଂରାୱ ୱିରାୱ ଘୋସା,
ରୱା ସୁତିତ୍ଥୀ ସର ନିସ୍ସନା ଚ ॥
ୱିସ୍ସଟ୍ଠ ମଞ୍ଜୁ ୱିଞ୍ଞେୟ୍ୟା, ସୱନୀୟା ୱିସାରିନୋ ।
ବିନ୍ଦୁ ଗମ୍ଭୀର ନିନ୍ନାଦୀ, ତ୍ୟେୱ ମଟ୍ଠଙ୍ଗିକୋ ସରୋ ॥
ତିରଚ୍ଛାନଗତାନଞ୍ହି, ରୁତଂ ୱସ୍ସିତ ମୁଚ୍ଚତେ ।
କୋଲାହଲୋ କଲହଲୋ,
ଗୀତଂ ଗାନଞ୍ଚ ଗୀତିକା ॥
ସରା ସତ୍ତ ତୟୋ ଗାମା, ଚେକୱୀସତି ମୁଚ୍ଛନା ।
ତାନା [ଠାନାନି (ବହୂସୁ)] ଚେକୂନପଞ୍ଞାସ, ଇଚ୍ଚେତଂ ସରମଣ୍ଡଲଂ ॥
ଉସଭୋ ଧେୱତୋ ଚେୱ, ଛଜ୍ଜ ଗନ୍ଧାର ମଜ୍ଝିମା ।
ପଞ୍ଚମୋ ଚ ନିସାଦୋତି, ସତ୍ତେ’ତେ ଗଦିତା ସରା ॥
ନଦନ୍ତି ଉସଭଂ ଗାୱୋ, ତୁରଗା ଧେୱତଂ ତଥା ।
ଛଜ୍ଜଂ ମୟୂରା ଗନ୍ଧାର, ମଜା କୋଞ୍ଚା ଚ ମଜ୍ଝିମଂ ॥
ପଞ୍ଚମଂ ପରପୁଟ୍ଠାଦୀ, ନିସାଦମ୍ପି ଚ ୱାରଣା ।
ଛଜ୍ଜୋ ଚ ମଜ୍ଝିମୋ ଗାମା,
ତୟୋ ସାଧାରଣୋତି ଚ ॥
ସରେସୁ ତେସୁ ପଚ୍ଚେକେ, ତିସ୍ସୋ ତିସ୍ସୋ ହି ମୁଚ୍ଛନା ।
ସିୟୁଂ ତଥେୱ ତାନାନି [ଠାନାନି (ବହୂସୁ)], ସତ୍ତ ସତ୍ତେୱ ଲବ୍ଭରେ ॥
ତିସ୍ସୋ ଦୁୱେ ଚତସ୍ସୋ ଚ, ଚତସ୍ସୋ କମତୋ ସରେ ।
ତିସ୍ସୋ ଦୁୱେ ଚତସ୍ସୋତି, ଦ୍ୱାୱୀସତି ସୁତୀ ସିୟୁଂ ॥
ଉଚ୍ଚତରେ ରୱେ ତାରୋ, ଥାବ୍ୟତ୍ତେ ମଧୁରେ କଲୋ ।
ଗମ୍ଭୀରେ ତୁ ରୱେ ମନ୍ଦୋ, ତାରାଦୀ ତୀସ୍ୱଥୋ କଲେ ।
କାକଲୀ ସୁଖୁମେ ୱୁତ୍ତୋ,
କ୍ରିୟାଦିସମତା ଲୟୋ ॥
ୱୀଣା ଚ ୱଲ୍ଲକୀ ସତ୍ତ, ତନ୍ତୀ ସା ପରିୱାଦିନୀ ।
ପୋକ୍ଖରୋ ଦୋଣି ୱୀଣାୟ,
ଉପୱୀଣୋ ତୁ ୱେଠକୋ ॥
ଆତତଞ୍ଚେୱ ୱିତତ, ମାତତୱିତତଂ ଘନଂ ।
ସୁସିରଂ ଚେତି ତୂରିୟଂ, ପଞ୍ଚଙ୍ଗିକ ମୁଦୀରିତଂ ॥
ଆତତଂ ନାମ ଚମ୍ମାୱ, ନଦ୍ଧେସୁ ଭେରିୟାଦିସୁ ।
ତଲେ’କେକୟୁତଂ କୁମ୍ଭ, ଥୁଣ ଦଦ୍ଦରିକାଦିକଂ ॥
ୱିତତଂ ଚୋ’ଭୟତଲଂ, ତୂରିୟଂ ମୁରଜାଦିକଂ ।
ଆତତୱିତତଂ ସବ୍ବ, ୱିନଦ୍ଧଂ ପଣୱାଦିକଂ ॥
ସୁସିରଂ ୱଂସସଙ୍ଖାଦି, ସମ୍ମତାଲାଦିକଂ ଘନଂ ।
ଆତୋଜ୍ଜଂ ତୁ ଚ ୱାଦିତ୍ତଂ, ୱାଦିତଂ ୱଜ୍ଜ ମୁଚ୍ଚତେ ॥
ଭେରୀ (ଭେରି) ଦୁନ୍ଦୁଭି ୱୁତ୍ତୋ ଥ,
ମୁଦିଙ୍ଗୋ ମୁରଜୋସ୍ସ ତୁ ।
ଆଲିଙ୍ଗ, ଙ୍କ୍ୟୋ, ଦ୍ଧକା ଭେଦା,
ତିଣୱୋ ତୁ ଚ ଡିଣ୍ଡିମୋ ॥
ଆଲମ୍ବରୋ ତୁ ପଣୱୋ, କୋଣୋ ୱୀଣାଦିୱାଦନଂ ।
ଦଦ୍ଦରୀ ପଟହୋ ଭେରି, ପ୍ପଭେଦା ମଦ୍ଦଲାଦୟୋ ॥
ଜନପ୍ପିୟେ ୱିମଦ୍ଦୁଟ୍ଠେ, ଗନ୍ଧେ ପରିମଲୋ ଭୱେ ।
ସୋ ତ୍ୱା ମୋଦୋ ଦୂରଗାମୀ, ୱିସ୍ସନ୍ତା ତୀସ୍ୱିତୋ ପରଂ ॥
ଇଟ୍ଠଗନ୍ଧୋ ଚ ସୁରଭି, ସୁଗନ୍ଧୋ ଚ ସୁଗନ୍ଧି ଚ ।
ପୂତିଗନ୍ଧି ତୁ ଦୁଗ୍ଗନ୍ଧୋ, ଥ ୱିସ୍ସଂ ଆମଗନ୍ଧି ୟଂ ॥
କୁଙ୍କୁମଞ୍ଚେୱ ୟୱନ, ପୁପ୍ଫଞ୍ଚ ତଗରଂ ତଥା ।
ତୁରୁକ୍ଖୋତି ଚତୁଜ୍ଜାତି, ଗନ୍ଧା ଏତେ ପକାସିତା ॥
କସାୱୋ ନିତ୍ଥିୟଂ ତିତ୍ତୋ, ମଧୁରୋ ଲୱଣୋ ଇମେ ।
ଅମ୍ବିଲୋ କଟୁକୋ ଚେତି, ଛ ରସା ତବ୍ବତୀ ତିସୁ ॥
ସିୟା ଫସ୍ସୋ ଚ ଫୋଟ୍ଠବ୍ବୋ,
ୱିସୟୀ ତ୍ୱକ୍ଖ ମିନ୍ଦ୍ରିୟଂ ।
ନୟନଂ ତ୍ୱକ୍ଖି ନେତ୍ତଞ୍ଚ, ଲୋଚନଂ ଚ’ଚ୍ଛି ଚକ୍ଖୁ ଚ ॥
ସୋତଂ ସଦ୍ଦଗ୍ଗହୋ କଣ୍ଣୋ, ସୱନଂ ସୁତି ନତ୍ଥୁ ତୁ ।
ନାସା ଚ ନାସିକା ଘାନଂ, ଜିୱ୍ହାତୁ ରସନା ଭୱେ ॥
ସରୀରଂ ୱପୁ ଗତ୍ତଞ୍ଚା, ତ୍ତଭାୱୋ ବୋନ୍ଦି ୱିଗ୍ଗହୋ ।
ଦେହଂ ୱା ପୁରିସେ କାୟୋ, ଥିୟଂ ତନୁ କଳେୱରଂ ॥
ଚିତ୍ତଂ ଚେତୋ ମନୋ ନିତ୍ଥୀ, ୱିଞ୍ଞାଣଂ ହଦୟଂ ତଥା ।
ମାନସଂ ଧୀ ତୁ ପଞ୍ଞା ଚ, ବୁଦ୍ଧି ମେଧା ମତି ମୁତି ॥
ଭୂରୀ ମନ୍ତା ଚ ପଞ୍ଞାଣଂ, ଞାଣଂ ୱିଜ୍ଜା ଚ ୟୋନି ଚ ।
ପଟିଭାନ ମମୋହୋ ଥ, ପଞ୍ଞାଭେଦା ୱିପସ୍ସନା ॥
ସମ୍ମାଦିଟ୍ଠି ପଭୁତିକା, ୱୀମଂସା ତୁ ୱିଚାରଣା ।
ସମ୍ପଜଞ୍ଞଂ ତୁ ନେପକ୍କଂ, ୱେଦୟିତଂ ତୁ ୱେଦନା ॥
ତକ୍କୋ ୱିତକ୍କୋ ସଙ୍କପ୍ପୋ,
ପ୍ପନୋ’ ହା’ ୟୁ ତୁ ଜୀୱିତଂ ।
ଏକଗ୍ଗତା ତୁ ସମଥୋ, ଅୱିକ୍ଖେପୋ ସମାଧି ଚ ॥
ଉସ୍ସାହା’ ତପ୍ପ ପଗ୍ଗାହା, ୱାୟାମୋ ଚ ପରକ୍କମୋ ।
ପଧାନଂ ୱୀରିୟଂ ଚେହା, ଉୟ୍ୟାମୋ ଚ ଧିତି ତ୍ଥିୟଂ ॥
ଚତ୍ତାରି ୱୀରିୟଙ୍ଗାନି, ତଚସ୍ସ ଚ ନହାରୁନୋ ।
ଅୱସିସ୍ସନ ମଟ୍ଠିସ୍ସ, ମଂସଲୋହିତସୁସ୍ସନଂ ॥
ଉସ୍ସୋଳ୍ହୀ ତ୍ୱ ଧିମତ୍ତେହା, ସତି ତ୍ୱ ନୁସ୍ସତି ତ୍ଥିୟ ।
ଲଜ୍ଜା ହିରୀ ସମାନା ଥ, ଓତ୍ତପ୍ପଂ ପାପଭୀରୁତା ॥
ମଜ୍ଝତ୍ତତା ତୁ’ପେକ୍ଖା ଚ, ଅଦୁକ୍ଖମସୁଖା ସିୟା ।
ଚିତ୍ତାଭୋଗୋ ମନକ୍କାରୋ,
ଅଧିମୋକ୍ଖୋ ତୁ ନିଚ୍ଛୟୋ ॥
ଦୟା’ ନୁକମ୍ପା କାରୁଞ୍ଞଂ, କରୁଣା ଚ ଅନୁଦ୍ଦୟା ।
ଥିୟଂ ୱେରମଣୀ ଚେୱ, ୱିରତ୍ୟା’ ରତି ଚାପ୍ୟଥ ॥
ତିତିକ୍ଖା ଖନ୍ତି ଖମନଂ, ଖମା ମେତ୍ତା ତୁ ମେତ୍ୟ’ଥ ।
ଦସ୍ସନଂ ଦିଟ୍ଠି ଲଦ୍ଧିତ୍ଥୀ, ସିଦ୍ଧନ୍ତୋ ସମୟୋ ଭୱେ ॥
ତଣ୍ହା ଚ ତସିଣା ଏଜା, ଜାଲିନୀ ଚ ୱିସତ୍ତିକା ।
ଛନ୍ଦୋ ଜଟା ନିକନ୍ତ୍ୟା’ସା, ସିବ୍ବିନୀ ଭୱନେତ୍ତି ଚ ॥
ଅଭିଜ୍ଝା ୱନଥୋ ୱାନଂ, ଲୋଭୋ ରାଗୋ ଚ ଆଲୟୋ ।
ପିହା ମନୋରଥୋ ଇଚ୍ଛା, ଭିଲାସୋ କାମ ଦୋହଳା ।
ଆକଙ୍ଖା ରୁଚି ୱୁତ୍ତା ସା, ତ୍ୱଧିକା ଲାଲସା ଦ୍ୱିସୁ ॥
ୱେରଂ ୱିରୋଧୋ ୱିଦ୍ଦେସୋ, ଦୋସୋ ଚ ପଟିଘଞ୍ଚ ୱା ।
କୋଧା’ ଘାତା କୋପ ରୋସା,
ବ୍ୟାପାଦୋ’ ନଭିରଦ୍ଧି ଚ ॥
ବଦ୍ଧୱେର ମୁପନାହୋ, ସିୟା ସୋକୋ ତୁ ସୋଚନଂ ।
ରୋଦିତଂ କନ୍ଦିତଂ ରୁଣ୍ଣଂ, ପରିଦେୱୋ ପରିଦ୍ଦୱୋ ॥
ଭୀତିତ୍ଥି ଭୟ ମୁତ୍ତାସୋ, ଭେରୱଂ ତୁ ମହବ୍ଭୟଂ ।
ଭେରୱଂ ଭୀସନଂ ଭୀମଂ, ଦାରୁଣଞ୍ଚ ଭୟାନକଂ ।
ଘୋରଂ ପଟିଭୟଂ ଭେସ୍ମଂ, ଭୟଙ୍କର ମିମେ ତୀସୁ ॥
ଇସ୍ସା ଉସୂୟା ମଚ୍ଛେରଂ, ତୁ ମଚ୍ଛରିୟ ମଚ୍ଛରଂ ।
ମୋହୋ’ୱିଜ୍ଜା ତଥା’ଞାଣଂ, ମାନୋ ୱିଧା ଚ ଉନ୍ନତି ॥
ଉଦ୍ଧଚ୍ଚ ମୁଦ୍ଧଟଂ ଚାଥ [ଉଦ୍ଧୱଂଉଦ୍ଧଂ ଧାୱତି ଚିତ୍ତ ମେତେନାତି ଉଦ୍ଧୱଂ (ଟୀକା)], ତାପୋ କୁକ୍କୁଚ୍ଚମେୱ ଚ ।
ପଚ୍ଛାତାପୋ ନୁତାପୋ ଚ, ୱିପ୍ପଟିସାରୋ ପକାସିତୋ ॥
ମନୋୱିଲେଖ ସନ୍ଦେହା, ସଂସୟୋ ଚ କଥଂକଥା ।
ଦ୍ୱେଳ୍ହକଂ ୱିଚିକିଚ୍ଛା ଚ, କଙ୍ଖା ସଙ୍କା ୱିମତ୍ୟପି ॥
ଗବ୍ବୋ ଭିମାନୋ’ହଂକାରୋ, ଚିନ୍ତାତୁ ଝାନ ମୁଚ୍ଚତେ ।
ନିଚ୍ଛୟୋ ନିଣ୍ଣୟୋ ୱୁତ୍ତୋ, ପଟିଞ୍ଞା ତୁ ପଟିସ୍ସୱୋ ॥
ଅୱମାନଂ ତିରକ୍କାରୋ, ପରିଭୱୋ ପ୍ୟ’ ନାଦରୋ ।
ପରାଭୱୋ ପ୍ୟ’ ୱଞ୍ଞା ଥ, ଉମ୍ମାଦୋ ଚିତ୍ତୱିବ୍ଭମୋ ॥
ପେମଂ ସିନେହୋ ସ୍ନେହୋ ଥ, ଚିତ୍ତପୀଳା ୱିସଞ୍ଞିତା ।
ପମାଦୋ ସତିୱୋସ୍ସଗ୍ଗୋ, କୋତୂହଲଂ କୁତୂହଲଂ ॥
ୱିଲାସୋ ଲଲିତଂ ଲୀଲା, ହାୱୋ ହେଳା ଚ ୱିବ୍ଭମୋ ।
ଇଚ୍ଚାଦିକା ସିୟୁଂ ନାରି, ସିଙ୍ଗାରଭାୱଜା କିରିୟା ॥
ହସନଂ ହସିତଂ ହାସୋ, ମନ୍ଦୋ ସୋ ମିହିତଂ ସିତଂ ।
ଅଟ୍ଟହାସୋ ମହାହାସୋ,
ରୋମଞ୍ଚୋ ଲୋମହଂସନଂ ॥
ପରିହାସୋ ଦୱୋ ଖିଡ୍ଡା, କେଳି କୀଳା ଚ କୀଳିତଂ ।
ନିଦ୍ଦା ତୁ ସୁପିନଂ ସୋପ୍ପଂ, ମିଦ୍ଧଞ୍ଚ ପଚଲାୟିକା ॥
ଥିୟଂ ନିକତି କୂଟଞ୍ଚ, ଦମ୍ଭୋ ସାଠ୍ୟଞ୍ଚ କେତୱଂ ।
ସଭାୱୋ ତୁ ନିସ୍ସଗ୍ଗୋ ଚ, ସରୂପଂ ପକତିତ୍ଥିୟଂ ॥
ସୀଲଞ୍ଚ ଲକ୍ଖଣଂ ଭାୱୋ,
ଉସ୍ସୱୋ ତୁ ଛଣୋ ମହୋ [ମତୋ (ଟୀ॰)]॥
ଧାରେନ୍ତୋ ଜନ୍ତୁ ସସ୍ନେହ, ମଭିଧାନପ୍ପଦୀପିକଂ ।
ଖୁଦ୍ଦକାଦ୍ୟତ୍ଥଜାତାନି [ଖୁଦ୍ଦକାନ୍ୟତ୍ଥଜାତାନି (କ॰)], ସମ୍ପସ୍ସତି ୟଥାସୁଖଂ ॥
ସଗ୍ଗକଣ୍ଡୋ ନିଟ୍ଠିତୋ ।
୨. ଭୂକଣ୍ଡ
୧. ଭୂମିୱଗ୍ଗ
ୱଗ୍ଗା ଭୂମି, ପୁରୀ, ମଚ୍ଚ, ଚତୁବ୍ବଣ୍ଣ, ୱନାଦିହି ।
ପାତାଲେନ ଚ ୱୁଚ୍ଚନ୍ତେ, ସଙ୍ଗୋ’ପଙ୍ଗେହି’ଧ’କ୍କମା ॥
ୱସୁନ୍ଧରା ଛମା ଭୂମି, ପଥୱୀ ମେଦନୀ ମହୀ ।
ଉବ୍ବୀ ୱସୁମତୀ ଗୋ କୁ, ୱସୁଧା ଧରଣୀ ଧରା ।
ପୁଥୱୀ ଜଗତୀ ଭୂରୀ, ଭୂ ଚ ଭୂତଧରା’ ୱନୀ ॥
ଖାରା ତୁ ମତ୍ତିକା ଊସୋ, ଊସୱା ତୂସରୋ ତିସୁ ।
ଥଲଂ ଥଲୀତ୍ଥୀ ଭୂଭାଗେ, ଥଦ୍ଧଲୂଖମ୍ହି ଜଙ୍ଗଲୋ ॥
ପୁବ୍ବୱିଦେହୋ ଚାପର, ଗୋୟାନଂ ଜମ୍ବୁଦୀପୋ ଚ ।
ଉତ୍ତରକୁରୁ ଚେତି ସିୟୁଂ, ଚତ୍ତାରୋମେ ମହାଦୀପା ॥
ପୁମ୍ବହୁତ୍ତେ କୁରୂ ସକ୍କା, କୋସଲା ମଗଧା ସିୱୀ ।
କଲିଙ୍ଗା’ୱନ୍ତି ପଞ୍ଚାଲା, ୱଜ୍ଜୀ ଗନ୍ଧାର ଚେତୟୋ ॥
ୱଙ୍ଗା ୱିଦେହା କମ୍ବୋଜା, ମଦ୍ଦା ଭଗ୍ଗ’ଙ୍ଗ ସୀହଳା ।
କସ୍ମୀରା କାସି ପଣ୍ଡୱାଦୀ, ସିୟୁଂ ଜନପଦନ୍ତରା ॥
ଲୋକୋ ଚ ଭୁୱନଂ ୱୁତ୍ତଂ, ଦେସୋ ତୁ ୱିସୟୋ ପ୍ୟଥ ।
ମିଲକ୍ଖଦେସୋ ପଚ୍ଚନ୍ତୋ, ମଜ୍ଝଦେସୋ ତୁ ମଜ୍ଝିମୋ ॥
ଅନୂପୋ ସଲିଲପ୍ପାୟୋ, କଚ୍ଛଂ ପୁମ ନପୁଂସକେ ।
ସଦ୍ଦଲୋ ହରିତେ ଦେସେ, ତିଣେନା, ଭିନୱେନ ହି ॥
ନଦ୍ୟମ୍ବୁଜୀୱନୋ ଦେସୋ, ୱୁଟ୍ଠିନିପ୍ପଜ୍ଜସସ୍ସକୋ ।
ୟୋ ନଦୀମାତିକୋ ଦେୱ,
ମାତିକୋ ଚ କମେନ ସୋ ॥
ତୀସ୍ୱନୂପାଦ୍ୟଥୋ ଚନ୍ଦ, ସୂରାଦୋ ସସ୍ସତୀରିତୋ ।
ରଟ୍ଠଂ ତୁ ୱିଜିତଞ୍ଚାଥ, ପୁରିସେ ସେତୁ ଆଲିୟଂ ॥
ଉପାନ୍ତଭୂ ପରିସରୋ, ଗୋଟ୍ଠଂ ତୁ ଗୋକୁଲଂ ୱଜୋ ।
ମଗ୍ଗୋ ପନ୍ଥୋ ପଥୋ ଅଦ୍ଧା, ଅଞ୍ଜସଂ ୱଟୁମଂ ତଥା ॥
ପଜ୍ଜୋ [ପଜ୍ଜା…. (କ॰)], ୟନଞ୍ଚ ପଦୱୀ, ୱତ୍ତନୀ ପଦ୍ଧତିତ୍ଥିୟଂ ।
ତବ୍ଭେଦା ଜଙ୍ଘ, ସକଟ, ମଗ୍ଗା ତେ ଚ ମହଦ୍ଧନି ॥
ଏକପଦ୍ୟେକପଦିକେ, କନ୍ତାରୋ ତୁ ଚ ଦୁଗ୍ଗମେ ।
ପଟିମଗ୍ଗୋ ପଟିପଥୋ, ଅଦ୍ଧାନଂ ଦୀଘ ମଞ୍ଜସଂ ।
ସୁପ୍ପଥୋ ତୁ ସୁପନ୍ଥୋ ଚ, ଉପ୍ପଥଂ ତ୍ୱପଥଂ ଭୱେ ॥
ଛତ୍ତିଂସପରମାଣୂନ, ମେକୋ ଣୁ ଚ ଛତ୍ତିଂସ ତେ ।
ତଜ୍ଜାରୀ ତାପି ଛତ୍ତିଂସ, ରଥରେଣୁ ଛତ୍ତିଂସ ତେ ॥
ଲିକ୍ଖାତା ସତ୍ତ ଊକା ତା, ଧଞ୍ଞମାସୋତି ସତ୍ତ ତେ ।
ସତ୍ତ ଙ୍ଗୁଲ’ ମମୁ ଦ୍ୱିଚ୍ଛ, ୱିଦତ୍ଥି ତା ଦୁୱେ ସିୟୁଂ ॥
ରତନଂ ତାନି ସତ୍ତେୱ, ୟଟ୍ଠି ତା ୱୀସତୂ ସଭଂ ।
ଗାୱୁତ ମୁସଭାସୀତି, ୟୋଜନଂ ଚତୁଗାୱୁତଂ ॥
ଧନୁପଞ୍ଚସତଂ କୋସୋ, କରୀସଂ ଚତୁରମ୍ବଣଂ ।
ଅବ୍ଭନ୍ତରଂ ତୁ ହତ୍ଥାନ, ମଟ୍ଠୱୀସ ପମାଣତୋ ॥
ଭୂମିୱଗ୍ଗୋ ନିଟ୍ଠିତୋ ।
୨. ଭୂକଣ୍ଡ
୨. ପୁରୱଗ୍ଗ
ପୁରଂ ନଗର ମିତ୍ଥୀ ୱା, ଠାନୀୟଂ ପୁଟଭେଦନଂ ।
ଥିୟଂ ତୁ ରାଜଧାନୀ [ରାଜଠାନୀ (ଟୀ॰)] ଚ, ଖନ୍ଧାୱାରୋ ଭୱେ ଥ ଚ ॥
ସାଖାନଗର ମଞ୍ଞତ୍ର, ୟଂ ତଂ ମୂଲପୁରା ପୁରଂ ।
ବାରାଣସୀ ଚ ସାୱତ୍ଥି, ୱେସାଲୀ ମିଥିଲା, ଳୱୀ ॥
କୋସମ୍ବୁ, ଜ୍ଜେନିୟୋ ତକ୍କ, ସିଲା ଚମ୍ପା ଚ ସାଗଲଂ ।
ସୁସୁମାରଗିରଂ [ସଂସୁମାର (ଟୀକା)] ରାଜ, ଗହଂ କପିଲୱତ୍ଥୁ ଚ ॥
ସାକେତ, ମିନ୍ଦପତ୍ଥଞ୍ଚୋ, କ୍କଟ୍ଠା ପାଟଲିପୁତ୍ତକଂ ।
ଜେତୁତ୍ତରଞ୍ଚ ସଙ୍କସ୍ସଂ, କୁସିନାରାଦୟୋ ପୁରୀ ॥
ରଚ୍ଛା ଚ ୱିସିଖା ୱୁତ୍ତା, ରଥିକା ୱୀଥି ଚାପ୍ୟଥ ।
ବ୍ୟୂହୋ ରଚ୍ଛା ଅନିବ୍ବିଦ୍ଧା, ନିବ୍ବିଦ୍ଧା ତୁ ପଥଦ୍ଧି ଚ ॥
ଚତୁକ୍କଂ ଚଚ୍ଚରେ ମଗ୍ଗ, ସନ୍ଧି ସିଙ୍ଘାଟକଂ ଭୱେ ।
ପାକାରୋ ୱରଣୋ ଚାଥ, ଉଦାପୋ [ଉଦ୍ଦାପ, ଉଦ୍ଦାପ] ଉପକାରିକା ॥
କୁଟ୍ଟଂ ତୁ ଭିତ୍ତି ନାରୀ ଥ, ଗୋପୁରଂ ଦ୍ୱାରକୋଟ୍ଠକୋ ।
ଏସିକା ଇନ୍ଦଖୀଲୋ ଚ, ଅଟ୍ଟୋ ତ୍ୱଟ୍ଟାଲକୋ ଭୱେ ॥
ତୋରଣଂ ତୁ ବହିଦ୍ୱାରଂ, ପରିଖାତୁ ଚ ଦୀଘିକା ।
ମନ୍ଦିରଂ ସଦନା, ଗାରଂ, ନିକାୟୋ ନିଲୟା, ଲୟୋ ॥
ଆୱାସୋ ଭୱନଂ ୱେସ୍ମଂ, ନିକେତନଂ ନିୱେସନଂ ।
ଘରଂ ଗହଞ୍ଚା, ୱସଥୋ, ସରଣଞ୍ଚ ପତିସ୍ସୟୋ ॥
ଓକଂ ସାଲା ଖୟୋ ୱାସୋ, ଥିୟଂ କୁଟି ୱସତ୍ୟ’ପି ।
ଗେହଞ୍ଚା, ନିତ୍ଥି ସଦୁମଂ, ଚେତିୟା, ୟତନାନି ତୁ ॥
ପାସାଦୋ ଚେୱ ୟୂପୋ ଥ, ମୁଣ୍ଡଚ୍ଛଦୋ ଚ ହମ୍ମିୟଂ ।
ୟୂପୋତୁ ଗଜକୁମ୍ଭମ୍ହି, ହତ୍ଥିନଖୋ ପତିଟ୍ଠିତୋ ॥
ସୁପଣ୍ଣୱଙ୍କଚ୍ଛଦନ, ମଡ୍ଢୟୋଗୋ ସିୟା ଥ ଚ ।
ଏକକୂଟୟୁତୋ ମାଳୋ,
ପାସାଦୋ ଚତୁରସ୍ସକୋ ॥
ସଭାୟଞ୍ଚ ସଭା ଚାଥ, ମଣ୍ଡପଂ ୱା ଜନାଲୟୋ ।
ଅଥୋ ଆସନସାଲାୟଂ, ପଟିକ୍କମନ ମୀରିତଂ ॥
ଜିନସ୍ସ ୱାସଭୱନ, ମିତ୍ଥୀ ଗନ୍ଧକୁଟି ପ୍ୟଥ ।
ଥିୟଂ ରସୱତୀ ପାକ, ଟ୍ଠାନଞ୍ଚେୱ ମହାନସଂ ॥
ଆୱେସନଂ ସିପ୍ପସାଲା, ସୋଣ୍ଡା ତୁ ପାନମନ୍ଦିରଂ ।
ୱଚ୍ଚଟ୍ଠାନଂ ୱଚ୍ଚକୁଟି, ମୁନୀନଂ ଠାନ ମସ୍ସମୋ ॥
ପଣ୍ୟୱିକ୍କୟସାଲା କୁ, ଆପଣୋ ପଣ୍ୟୱୀଥିକା ।
ଉଦୋସିତୋ ଭଣ୍ଡସାଲା, ଚଙ୍କମନଂ ତୁ ଚଙ୍କମୋ ॥
ଜନ୍ତାଘରଂ ତ୍ୱଗ୍ଗିସାଲା, ପପା ପାନୀୟସାଲିକା ।
ଗବ୍ଭୋ ଓୱରକୋ ୱାସା, ଗାରଂ ତୁ ସୟନିଗ୍ଗହଂ ॥
ଇତ୍ଥାଗାରଂ ତୁ ଓରୋଧୋ, ସୁଦ୍ଧନ୍ତୋ’ ନ୍ତେପୁରମ୍ପି ଚ ।
ଅସବ୍ବୱିସୟଟ୍ଠାନଂ, ରଞ୍ଞଂ କଚ୍ଛନ୍ତରଂ ମତଂ ॥
ସୋପାନୋ ୱା’ରୋହଣଞ୍ଚ,
ନିସ୍ସେଣୀ ସା, ଧିରୋହିଣୀ ।
ୱାତପାନଂ ଗୱକ୍ଖୋ ଚ, ଜାଲଞ୍ଚ ସୀହପଞ୍ଜରଂ ॥
ଆଲୋକସନ୍ଧି ୱୁତ୍ତୋ ଥ, ଲଙ୍ଗୀ’ତ୍ଥୀ ପଲିଘୋ ଭୱେ ।
କପିସୀସୋ, ଗ୍ଗଲତ୍ଥମ୍ଭୋ, ନିବ୍ବଂ ତୁ ଛଦ୍ଦକୋଟିୟଂ ॥
ଛଦନଂ ପଟଲଂ ଛଦ୍ଦ, ମଜିରଂ ଚଚ୍ଚରୋ, ଙ୍ଗଣଂ ।
ପଘାନୋ ପଘନା, ଲିନ୍ଦୋ, ପମୁଖଂ ଦ୍ୱାରବନ୍ଧନଂ ॥
ପିଟ୍ଠସଙ୍ଘାଟକଂ ଦ୍ୱାର, ବାହା କୂଟଂ ତୁ କଣ୍ଣିକା ।
ଦ୍ୱାରଞ୍ଚ ପଟିହାରୋ ଥ, ଉମ୍ମାରୋ ଦେହନୀ, ତ୍ଥିୟଂ ॥
ଏଳକୋ ଇନ୍ଦଖୀଲୋ ଥ, ଥମ୍ଭୋ ଥୂଣୋ ପୁମିତ୍ଥିୟଂ ।
ପାଟିକା, ଡ୍ଢେନ୍ଦୁପାସାଣେ, ଗିଞ୍ଜକା ତୁ ଚ ଇଟ୍ଠକା ॥
ୱଲଭିଚ୍ଛାଦିଦାରୁମ୍ହି, ୱଙ୍କେ ଗୋପାନସୀ, ତ୍ଥିୟଂ ।
କପୋତପାଲିକାୟଂ ତୁ, ୱିଟଙ୍କୋ ନିତ୍ଥିୟଂ ଭୱେ ॥
କୁଞ୍ଚିକାୱିୱରଂ ତାଳ, ଚ୍ଛିଗ୍ଗଲୋ ପ୍ୟଥ କୁଞ୍ଚିକା ।
ତାଳୋ’ୱାପୁରଣଂ ଚାଥ, ୱେଦିକା ୱେଦି କଥ୍ୟତେ ॥
ସଙ୍ଘାତୋ ପକ୍ଖପାସୋ ଚ, ମନ୍ଦିରଙ୍ଗା ତୁଲା ଅପି ।
ଥିୟଂ ସମ୍ମୁଜ୍ଜନୀ ଚେୱ, ସମ୍ମଜ୍ଜନୀ ଚ ସୋଧନୀ ॥
ସଙ୍କଟୀରଂ ତୁ ସଙ୍କାର, ଟ୍ଠାନଂ ସଙ୍କାରକୂଟକଂ ।
ଅଥୋ କଚୱରୋ, କ୍ଲାପୋ, ସଙ୍କାରୋ ଚ କସମ୍ବୁପି ॥
ଘରାଦିଭୂମି ତଂ ୱତ୍ଥୁ, ଗାମୋ ସଂୱସଥୋ ଥ ସୋ ।
ପାକଟୋ ନିଗମୋ ଭୋଗ, ମଚ୍ଚାଦିଭ୍ୟୋ ଧି ତୂଦିତୋ [‘ଅଧିଭୂ’ତି ଈରିତୋ କଥିତୋ (ଟୀ॰)]॥
ସୀମା ଚ ମରିୟାଦା ଥ,
ଘୋସୋ ଗୋପାଲଗାମକୋତି ॥
ପୁରୱଗ୍ଗୋ ନିଟ୍ଠିତୋ ।
୩. ନରୱଗ୍ଗ
ମନୁସ୍ସୋ ମାନୁସୋ ମଚ୍ଚୋ, ମାନୱୋ ମନୁଜୋ ନରୋ ।
ପୋସୋ ପୁମା ଚ ପୁରିସୋ,
ପୋରିସୋ ପ୍ୟଥ ପଣ୍ଡିତୋ ॥
ବୁଧୋ ୱିଦ୍ୱା ୱିଭାୱୀ ଚ, ସନ୍ତୋ ସପ୍ପଞ୍ଞ କୋୱିଦା ।
ଧୀମା ସୁଧୀ କୱି ବ୍ୟତ୍ତୋ, ୱିଚକ୍ଖଣୋ ୱିସାରଦୋ ॥
ମେଧାୱୀ ମତିମା ପଞ୍ଞୋ, ୱିଞ୍ଞୂ ଚ ୱିଦୂରୋ ୱିଦୂ ।
ଧୀରୋ ୱିପସ୍ସୀ ଦୋସଞ୍ଞୂ, ବୁଦ୍ଧୋ ଚ ଦବ୍ବ ୱିଦ୍ଦସୁ ॥
ଇତ୍ଥୀ ସୀମନ୍ତିନୀ ନାରୀ, ଥୀ ୱଧୂ ୱନିତା, ଙ୍ଗନା ।
ପମଦା ସୁନ୍ଦରୀ କନ୍ତା, ରମଣୀ ଦୟିତା, ବଲା ॥
ମାତୁଗାମୋ ଚ ମହିଲା, ଲଲନା ଭୀରୁ କାମିନୀ ।
କୁମାରିକା ତୁ କଞ୍ଞା ଥ, ୟୁୱତୀ ତରୁଣୀ ଭୱେ ॥
ମହେସୀ ସାଭିସେକାଞ୍ଞା,
ଭୋଗିନୀ ରାଜନାରିୟୋ ।
ଧୱତ୍ଥିନୀ ତୁ ସଙ୍କେତଂ, ୟାତି ୟା ସା, ଭିସାରିକା ॥
ଗଣିକା ୱେସିୟା ୱଣ୍ଣ, ଦାସୀ ନଗରସୋଭିନୀ ।
ରୂପୂପଜୀୱିନୀ ୱେସୀ, କୁଲଟା ତୁ ଚ ବନ୍ଧକୀ ॥
ୱରାରୋହୋ, ତ୍ତମା ମତ୍ତ, କାସିନୀ ୱରୱଣ୍ଣିନୀ ।
ପତିବ୍ବତା ତ୍ୱପି ସତୀ, କୁଲିତ୍ଥୀ କୁଲପାଲିକା ॥
ୱିଧୱା ପତିସୁଞ୍ଞା ଥ, ପତିମ୍ବରା ସୟମ୍ବରା ।
ୱିଜାତା ତୁ ପସୂତା ଚ, ଜାତାପଚ୍ଚା ପସୂତିକା ॥
ଦୂତୀ ସଞ୍ଚାରିକା ଦାସୀ, ତୁ ଚେଟୀ କୁଟଧାରିକା ।
ୱାରୁଣୀ, କ୍ଖଣିକା ତୁଲ୍ୟା, ଖତ୍ତିୟାନୀ ତୁ ଖତ୍ତିୟା ॥
ଦାରୋ ଜାୟା କଲତ୍ତଞ୍ଚ, ଘରଣୀ ଭରିୟା ପିୟା,
ପଜାପତୀ ଚ ଦୁତିୟା, ସା ପାଦପରିଚାରିକା ॥
ସଖୀ ତ୍ୱା’ଲୀ ୱୟସ୍ସା ଥ, ଜାରୀ ଚେୱା’ତିଚାରିନୀ ।
ପୁମେ ତୂ’ତୁ ରଜୋ ପୁପ୍ଫଂ, ଉତୁନୀ ତୁ ରଜସ୍ସଲା ॥
ପୁପ୍ଫୱତୀ ଗରୁଗବ୍ଭା, ପନ୍ନସତ୍ତା ଚ ଗବ୍ଭିନୀ ।
ଗବ୍ଭାସୟୋ ଜଲାବୁପି, କଲଲଂ ପୁନ୍ନପୁଂସକେ ॥
ଧୱୋତୁ ସାମିକୋ ଭତ୍ତା, କନ୍ତୋ ପତି ୱରୋ ପିୟୋ ।
ଅଥୋ ପପତି ଜାରୋ ଥା,
ପଚ୍ଚଂ ପୁତ୍ତୋ’ତ୍ରଜୋ ସୁତୋ ॥
ତନୁଜୋ ତନୟୋ ସୂନୁ, ପୁତ୍ତାଦୀ ଧୀତରି’ତ୍ଥିୟଂ ।
ନାରିୟଂ ଦୁହିତା ଧୀତା,
ସଜାତୋ ତ୍ୱୋ’ରସୋ ସୁତୋ ॥
ଜାୟାପତୀ ଜନିପତୀ, ଜୟମ୍ପତୀ ତୁ ଦମ୍ପତୀ [ଦମ୍ପତୀତି ପଦଂ ପୁଲ୍ଲିଙ୍ଗ ବହୁୱଚନନ୍ତଂ ଇକାରନ୍ତଂ, ତୁଦମ୍ପତି (ଟୀ॰)]।
ଅଥ ୱସ୍ସୱରୋ ୱୁତ୍ତୋ, ପଣ୍ଡକୋ ଚ ନପୁଂସକଂ ॥
ବନ୍ଧୱୋ ବନ୍ଧୁ ସଜନୋ, ସଗୋତ୍ତୋ ଞାତି ଞାତକୋ ।
ସାଲୋହିତୋ ସପିଣ୍ଡୋ ଚ,
ତାତୋ ତୁ ଜନକୋ ପିତା ॥
ଅମ୍ମ, ମ୍ବା ଜନନୀ ମାତା, ଜନେତ୍ତି ଜନିକା ଭୱେ ।
ଉପମାତା ତୁ ଧାତି’ତ୍ଥୀ,
ସାଲୋ ଜାୟାୟ ଭାତିକୋ ॥
ନନନ୍ଦା ସାମିଭଗିନୀ, ମାତାମହୀ ତୁ ଅୟ୍ୟିକା ।
ମାତୁଲୋ ମାତୁଭାତା,ସ୍ସ, ମାତୁଲାନୀ ପଜାପତି ॥
ଜାୟାପତୀନଂ ଜନନୀ, ସସ୍ସୁ ୱୁତ୍ତାଥ ତପ୍ପିତା ।
ସସୁରୋ ଭାଗିନେୟ୍ୟୋତୁ, ପୁତ୍ତୋ ଭଗିନିୟା ଭୱେ ॥
ନତ୍ତା ୱୁତ୍ତୋ ପପୁତ୍ତୋ ଥ, ସାମିଭାତା ତୁ ଦେୱରୋ ।
ଧୀତୁପତି ତୁ ଜାମାତା,
ଅୟ୍ୟକୋ ତୁ ପିତାମହୋ ॥
ମାତୁଚ୍ଛା ମାତୁଭଗିନୀ, ପିତୁଚ୍ଛା ଭଗିନୀ ପିତୁ ।
ପପିତାମହୋ ପୟ୍ୟକୋ,
ସୁଣ୍ହା ତୁ ସୁଣିସା ହୁସା ॥
ସୋଦରିୟୋ ସଗବ୍ଭୋ ଚ, ସୋଦରୋ ସହଜୋ ପ୍ୟଥ ।
ମାତାପିତୂ ତେ ପିତରୋ, ପୁତ୍ତା ତୁ ପୁତ୍ତଧୀତରୋ ॥
ସସୁରା ସସ୍ସୁସସୁରା, ଭାତୁଭଗିନୀ ଭାତରୋ ।
ବାଲତ୍ତଂ ବାଲତା ବାଲ୍ୟଂ, ୟୋବ୍ବଞ୍ଞଂତୁ ଚ ୟୋବ୍ବନଂ ॥
ସୁକ୍କା ତୁ ପଲିତଂ କେସା, ଦୟୋ ଥ ଜରତା ଜରା ।
ପୁଥୁକୋ ପିଲ୍ଲକୋ ଛାପୋ, କୁମାରୋ ବାଲ ପୋତକା ॥
ଅଥୁ’ ତ୍ତାନସୟୁ’ତ୍ତାନ, ସେୟ୍ୟକା ଥନପୋପି ଚ ।
ତରୁଣୋ ଚ ୱୟଟ୍ଠୋ ଚ, ଦହରୋ ଚ ୟୁୱା ସୁସୁ ।
ମାଣୱୋଦାରକୋଚାଥ, ସୁକୁମାରୋ ସୁଖେଧିତୋ ॥
ମହଲ୍ଲକୋ ଚ ୱୁଦ୍ଧୋ ଚ, ଥେରୋ ଜିଣ୍ଣୋ ଚ ଜିଣ୍ଣକୋ ।
ଅଗ୍ଗଜୋ ପୁବ୍ବଜୋ ଜେଟ୍ଠୋ, କନିୟୋ କନିଟ୍ଠୋ ନୁଜୋ ॥
ୱଲିତ୍ତଚୋ ତୁ ୱଲିନୋ । ତୀସୁ’ତ୍ତାନସୟାଦୟୋ ।
ସୀସୋ’ତ୍ତମଙ୍ଗାନି ସିରୋ, ମୁଦ୍ଧା ଚ ମତ୍ଥକୋ ଭୱେ ।
କେସୋ ତୁ କୁନ୍ତଲୋ ୱାଲୋ, ତ୍ତମଙ୍ଗରୁହ ମୁଦ୍ଧଜା ॥
ଧମ୍ମିଲ୍ଲୋ ସଂୟତା କେସା,
କାକପକ୍ଖୋ ସିଖଣ୍ଡକୋ ।
ପାସୋ ହତ୍ଥୋ କେସଚୟେ ।
ତାପସାନଂ ତହିଂ ଜଟା ॥
ଥିୟଂ ୱେଣୀ ପୱେଣୀ ଚ ।
ଅଥୋ ଚୂଳା ସିଖା ସିୟା ।
ସୀମନ୍ତୋ ତୁ ମତୋ ନାରି, କେସମଜ୍ଝମ୍ହି ପଦ୍ଧତି ॥
ଲୋମଂ ତନୁରୁହଂ ରୋମଂ, ପମ୍ହଂ ପଖୁମ ମକ୍ଖିଗଂ ।
ମସ୍ସୁ ୱୁତ୍ତଂ ପୁମମୁଖେ, ଭୂ ତ୍ୱିତ୍ଥୀ ଭମୁକୋ ଭମୁ ॥
ବପ୍ପୋ [ଖପ୍ପୋ (ଟୀ॰)] ନେତ୍ତଜଲ’ସ୍ସୂନି, ନେତ୍ତତାରା କନୀନିକା ।
ୱଦନଂ ତୁ ମୁଖଂ ତୁଣ୍ଡଂ, ୱତ୍ତଂ ଲପନ ମାନନଂ ॥
ଦ୍ୱିଜୋ ଲପନଜୋ ଦନ୍ତୋ, ଦସନୋ ରଦନୋ ରଦୋ ।
ଦାଠା ତୁଦନ୍ତଭେଦସ୍ମିଂ, ଅପାଙ୍ଗୋ ତ୍ୱକ୍ଖିକୋଟିସୁ ॥
ଦନ୍ତାୱରଣ ମୋଟ୍ଠୋ ଚା, ପ୍ୟ’ଧରୋ ଦସନଚ୍ଛଦୋ ।
ଗଣ୍ଡୋ କପୋଲୋ ହନ୍ୱିତ୍ଥୀ [ଗଣ୍ଡତ୍ଥୀ (ଟୀ॰) ହନ୍ୱତ୍ଥୀ=ହନୁ+ଇତ୍ଥୀ । ହନ+ଉ (ଣ୍ୱାଦି)],
ଚୁବୁକଂ ତ୍ୱ’ ଧରା ଅଧୋ ॥
ଗଲୋ ଚ କଣ୍ଠୋ ଗୀୱା ଚ, କନ୍ଧରା ଚ ସିରୋଧରା ।
କମ୍ବୁଗୀୱା ତୁ ୟା ଗୀୱା, ସୁୱଣ୍ଣାଲିଙ୍ଗସନ୍ନିଭା ।
ଅଙ୍କିତା ତୀହି ଲେଖାହି, କମ୍ବୁଗୀୱା ଥୱା ମତା ॥
ଅଂସୋ ନିତ୍ଥୀ ଭୁଜସିରୋ, ଖନ୍ଧୋ ତସ୍ସନ୍ଧି ଜତ୍ତୁ ତଂ ।
ବାହୁମୂଲଂ ତୁ କଚ୍ଛୋ, ଧୋ, ତ୍ୱ’ସ୍ସ ପସ୍ସ ମନିତ୍ଥିୟଂ ॥
ବାହୁ ଭୁଜାଦ୍ୱୀସୁ ବାହା, ହତ୍ଥୋ ତୁ କର ପାଣୟୋ ।
ମଣିବନ୍ଧୋ ପକୋଟ୍ଠନ୍ତୋ, କପ୍ପରୋ ତୁ କପୋଣ୍ୟ’ଥ ॥
ମଣିବନ୍ଧ କନିଟ୍ଠାନଂ, ପାଣିସ୍ସ କରଭୋ,ନ୍ତରଂ ।
କରସାଖା, ଙ୍ଗୁଲୀ ତା ତୁ, ପଞ୍ଚ, ଙ୍ଗୁଟ୍ଠୋ ଚ ତଜ୍ଜନୀ ।
ମଜ୍ଝିମା ନାମିକା ଚାପି, କନିଟ୍ଠା’ତି କମା ସିୟୁଂ ॥
ପଦେସୋ ତାଲଗୋକଣ୍ଣା, ୱିଦତ୍ଥି,ତ୍ଥୀ କମା ତତେ ।
ତଜ୍ଜନ୍ୟାଦିୟୁତେ’ଙ୍ଗୁଟ୍ଠେ, ପସତୋ ପାଣି କୁଞ୍ଚିତୋ ॥
ରତନଂ କୁକ୍କୁ ହତ୍ଥୋ ଥ, ପୁମେ କରପୁଟୋ,ଞ୍ଜଲି ।
କରଜୋ ତୁ ନଖୋ ନିତ୍ଥୀ, ଖଟକୋ ମୁଟ୍ଠି ଚ ଦ୍ୱୀସୁ ॥
ବ୍ୟାମୋ ସହକରା ବାହୁ, ଦ୍ୱେ ପସ୍ସଦ୍ୱୟୱିତ୍ଥତା ।
ଉଦ୍ଧନ୍ତତ ଭୁଜପୋସ, ପ୍ପମାଣେ ପୋରିସଂ ତିସୁ ॥
ଉରୋ ଚ ହଦୟଂ ଚାଥ, ଥନୋ କୁଚ ପୟୋଧରା ।
ଚୂଚୁକଂ ତୁ ଥନଗ୍ଗସ୍ମିଂ, ପିଟ୍ଠଂ ତୁ ପିଟ୍ଠି ନାରିୟଂ ॥
ମଜ୍ଝୋ’ନିତ୍ଥୀ ୱିଲଗ୍ଗୋ ଚ, ମଜ୍ଝିମଂ କୁଚ୍ଛି [ଚତୁକ୍କଂ ଉଦରେ । ୯୪୪-ଗାଥାପି ପସ୍ସିତବ୍ବା] ତୁ ଦ୍ୱିସୁ ।
ଗହଣୀତ୍ଥ୍ୟୁଦରଂ ଗବ୍ଭୋ, କୋଟ୍ଠୋନ୍ତୋ କୁଚ୍ଛିସମ୍ଭୱେ ॥
ଜଘନଂ ତୁ ନିତମ୍ବୋ ଚ, ସୋଣୀ ଚ କଟି ନାରିୟଂ ।
ଅଙ୍ଗଜାତଂ ରହସ୍ସଙ୍ଗଂ, ୱତ୍ଥଗୁୟ୍ହଞ୍ଚ ମେହନଂ ॥
ନିମିତ୍ତଞ୍ଚ ୱରଙ୍ଗଞ୍ଚ, ବୀଜଞ୍ଚ ଫଲମେୱ ଚ ।
ଲିଙ୍ଗଂ ଅଣ୍ଡଂ ତୁ କୋସୋ ଚ,
ୟୋନି ତ୍ୱିତ୍ଥୀପୁମେଭଗଂ ॥
ଅସୁଚି ସମ୍ଭୱୋ ସୁକ୍କଂ, ପାୟୁ ତୁ ପୁରିସେ ଗୁଦଂ ।
ୱା ପୁମେ ଗୂଥ କରୀସ, ୱଚ୍ଚାନି ଚ ମଲଂ ଛକଂ ॥
ଉଚ୍ଚାରୋ ମୀଳ୍ହ ମୁକ୍କାରୋ, ପସ୍ସାୱୋ ମୁତ୍ତ ମୁଚ୍ଚତେ ।
ପୂତିମୁତ୍ତଞ୍ଚ ଗୋମୁତ୍ତେ, ସ୍ସାଦୀନଂ ଛକଣଂ ମଲେ ॥
ଦ୍ୱୀସ୍ୱଧୋ ନାଭିୟା ୱତ୍ଥି, ଉଚ୍ଛଙ୍ଗ’ଙ୍କା ତୁ’ଭୋ ପୁମେ ।
ଊରୁ ସତ୍ଥି ପୁମେ ଊରୁ, ପବ୍ବଂ ତୁ ଜାଣୁ ଜଣ୍ଣୁ ଚ ॥
ଗୋପ୍ଫକୋ ପାଦଗଣ୍ଠିପି, ପୁମେ ତୁ ପଣ୍ହି ପାସଣି ।
ପାଦଗ୍ଗଂ ପପଦୋ ପାଦୋ, ତୁ ପଦୋ ଚରଣଞ୍ଚ ୱା ॥
ଅଙ୍ଗଂତ୍ୱ’ୱୟୱୋ ୱୁତ୍ତୋ, ଫାସୁଲିକା ତୁ ଫାସୁକା ।
ପଣ୍ଡକେ ଅଟ୍ଠି ଧାତ୍ୱିତ୍ଥୀ, ଗଲନ୍ତଟ୍ଠି ତୁ ଅକ୍ଖକୋ ॥
କପ୍ପରୋ ତୁ କପାଲଂ ୱା, କଣ୍ଡରା ତୁ ମହାସିରା ।
ପୁମେ ନ୍ହାରୁ ଚିତ୍ଥୀ ସିରା, ଧମନୀ ଥ ରସଗ୍ଗସା ॥
ରସହରଣ୍ୟ’ଥୋ ମଂସ, ମାମିସଂ ପିସିତଂ ଭୱେ ।
ତିଲିଙ୍ଗିକଂ ତୁ ୱଲ୍ଲୂର, ମୁତ୍ତତ୍ତଂ ଅଥ ଲୋହିତଂ ॥
ରୁଧିରଂ ସୋଣିତଂ ରତ୍ତଂ, ଲାଲା ଖେଳୋ ଏଲା ଭୱେ ।
ପୁରିସେ ମାୟୁ ପିତ୍ତଞ୍ଚ, ସେମ୍ହୋ ନିତ୍ଥୀ ସିଲେସୁମୋ ॥
ୱସା ୱିଲୀନସ୍ନେହୋ ଥ, ମେଦୋ ଚେୱ ୱପା ଭୱେ ।
ଆକପ୍ପୋ ୱେସୋ ନେପଚ୍ଛଂ, ମଣ୍ଡନଂ ତୁ ପସାଧନଂ ॥
ୱିଭୂସନଂ ଚାଭରଣଂ, ଅଲଙ୍କାରୋ ପିଲନ୍ଧନଂ ।
କିରୀଟ ମକୁଟା’ନିତ୍ଥୀ, ଚୂଳାମଣି ସିରୋମଣି ॥
ସିରୋୱେଠନ ମୁଣ୍ହୀସଂ, କୁଣ୍ଡଲଂ କଣ୍ଣୱେଠନଂ ।
କଣ୍ଣିକା କଣ୍ଣପୂରୋ ଚ, ସିୟା କଣ୍ଣୱିଭୂସନଂ ॥
କଣ୍ଠଭୂସା ତୁ ଗୀୱେୟ୍ୟଂ, ହାରୋ ମୁତ୍ତାୱଲି’ତ୍ଥିୟଂ ।
ନିୟୁରୋ ୱଲୟୋ ନିତ୍ଥୀ, କଟକଂ ପରିହାରକଂ ॥
କଙ୍କଣଂ କରଭୂସା ଥ, କିଙ୍କିଣୀ [କିଂକଣୀ କିଂ କଣିକା (କ॰)] ଖୁଦ୍ଦଘଣ୍ଟିକା ।
ଅଙ୍ଗୁଲୀୟକ ମଙ୍ଗୁଲ୍ୟା, ଭରଣଂ, ସାକ୍ଖରଂ ତୁ ତଂ ॥
ମୁଦ୍ଦିକା’ଙ୍ଗୁଲିମୁଦ୍ଦା ଥ, ରସନା ମେଖଲା ଭୱେ ।
କେୟୂର ମଙ୍ଗଦଞ୍ଚେୱ, ବାହୁମୂଲୱିଭୂସନଂ ॥
ପାଦଙ୍ଗଦଂ ତୁ ମଞ୍ଜୀରୋ, ପାଦକଟକ ନୂପୁରା ।
ଅଲଙ୍କାରପ୍ପଭେଦା ତୁ, ମୁଖଫୁଲ୍ଲଂ ତଥୋ’ଣ୍ଣତଂ ।
ଉଗ୍ଗତ୍ଥନଂ ଗିଙ୍ଗମକ, ମିଚ୍ଚେୱମାଦୟୋ ସିୟୁଂ ॥
ଚେଲ ମଚ୍ଛାଦନଂ ୱତ୍ଥଂ, ୱାସୋ ୱସନ ମଂସୁକଂ ।
ଅମ୍ବରଞ୍ଚ ପଟୋ ନିତ୍ଥୀ, ଦୁସ୍ସଂ ଚୋଲୋ ଚ ସାଟକୋ ॥
ଖୋମଂ ଦୁକୂଲଂ କୋସେୟ୍ୟଂ, ପତ୍ତୁଣ୍ଣଂ କମ୍ବଲୋ ଚ ୱା ।
ସାଣଂ କୋଟମ୍ବୁରଂ ଭଙ୍ଗ, ନ୍ତ୍ୟାଦି ୱତ୍ଥନ୍ତରଂ ମତଂ ॥
ନିୱାସନ ନ୍ତରୀୟାନ୍ୟ, ନ୍ତରମନ୍ତରୱାସକୋ ।
ପାୱାରୋ ତୁ’ତ୍ତରାସଙ୍ଗୋ, ଉପସଂବ୍ୟାନ ମୁତ୍ତରଂ ॥
ଉତ୍ତରୀୟ ମଥୋ ୱତ୍ଥ, ମହତନ୍ତି ମତଂ ନୱଂ ।
ନନ୍ତକଂ କପ୍ପଟୋ ଜିଣ୍ଣ, ୱସନଂ ତୁ ପଟଚ୍ଚରଂ ॥
କଞ୍ଚୁକୋ ୱାରୱାଣଂ ୱା, ଥ ୱତ୍ଥାୱୟୱେ ଦସା ।
ନାଲିପଟ୍ଟୋତି କଥିତୋ, ଉତ୍ତମଙ୍ଗମ୍ହି କଞ୍ଚୁକୋ ॥
ଆୟାମୋ ଦୀଘତା ରୋହୋ,
ପରିଣାହୋ ୱିସାଲତା ॥
ଅରହଦ୍ଧଜୋ ଚ କାସାୟ, କାସାୱାନି ଚ ଚୀୱରଂ ।
ମଣ୍ଡଲଂ ତୁ ତଦଙ୍ଗାନି, ୱିୱଟ୍ଟ କୁସିଆଦୟୋ ॥
ଫଲ,ତ୍ତଚ, କିମି, ରୋମା, ନ୍ୟେତା ୱତ୍ଥସ୍ସ ୟୋନିୟୋ ।
ଫାଲଂ କପ୍ପାସିକଂ ତୀସୁ, ଖୋମାଦୀ ତୁ ତଚବ୍ଭୱା ॥
କୋସେୟ୍ୟଂ କିମିଜଂ, ରୋମ, ମୟଂ ତୁ କମ୍ବଲଂ ଭୱେ ।
ସମାନତ୍ଥା ଜୱନିକା, ସା ତିରୋକରଣୀ ପ୍ୟଥ ॥
ପୁନ୍ନପୁଂସକ ମୁଲ୍ଲୋଚଂ, ୱିତାନଂ ଦ୍ୱୟ ମୀରିତଂ ।
ନହାନଞ୍ଚ ସିନାନେ ଥୋ, ବ୍ବଟ୍ଟନୁ’ମ୍ମଜ୍ଜନଂ ସମଂ ॥
ୱିସେସକୋ ତୁ ତିଲକୋ, ତ୍ୟୂଭୋ ନିତ୍ଥୀ ଚ ଚିତ୍ତକଂ ।
ଚନ୍ଦନୋ ନିତ୍ଥିୟଂ ଗନ୍ଧ, ସାରୋ ମଲୟଜୋ ପ୍ୟଥ ॥
ଗୋସୀସଂ ତେଲପଣ୍ଣିକଂ, ପୁମେ ୱା ହରିଚନ୍ଦନଂ ।
ତିଲପଣ୍ଣୀ ତୁ ପତ୍ତଙ୍ଗ, ରଞ୍ଜନଂ ରତ୍ତଚନ୍ଦନଂ ॥
କାଳାନୁସାରୀ କାଳିୟଂ, ଲୋହଂ ତ୍ୱା’ଗରୁ ଚା’ଗଳୁ ।
କାଳାଗରୁତୁ କାଳେ’ସ୍ମିଂ, ତୁରୁକ୍ଖୋତୁ ଚ ପିଣ୍ଡକୋ ॥
କତ୍ଥୂରିକା ମିଗମଦୋ, କୁଟ୍ଠଂ ତୁ ଅଜପାଲକଂ ।
ଲୱଙ୍ଗଂ ଦେୱକୁସୁମଂ, କସ୍ମୀରଜଂ ତୁ କୁଙ୍କୁମଂ ॥
ୟକ୍ଖଧୂପୋ ସଜ୍ଜୁଲସୋ, ତକ୍କୋଲଂ ତୁ ଚ କୋଲକଂ ।
କୋସଫଲ ମଥୋ ଜାତି, କୋସଂ ଜାତିଫଲଂ ଭୱେ ॥
ଘନସାରୋ ସିତବ୍ଭୋ ଚ, କପ୍ପୂରଂ ପୁନ୍ନପୁଂସକେ ।
ଅଲତ୍ତକୋ ୟାୱକୋ ଚ, ଲାଖା ଜତୁ ନପୁଂସକେ ॥
ସିରିୱାସୋ ତୁ ସରଲ, ଦ୍ଦୱୋ’ ଞ୍ଜନଂ ତୁ କଜ୍ଜଲଂ ।
ୱାସଚୁଣ୍ଣଂ ୱାସୟୋଗୋ, ୱଣ୍ଣକଂ ତୁ ୱିଲେପନଂ ॥
ଗନ୍ଧମାଲ୍ୟାଦିସଙ୍ଖାରୋ, ୟୋ ତଂ ୱାସନ ମୁଚ୍ଚତେ ।
ମାଲା ମାଲ୍ୟଂ ପୁପ୍ଫଦାମେ [ପୁପ୍ଫଂ ଦାମଂ (କ॰)], ଭାୱିତଂ ୱାସିତଂ ତିସୁ ॥
ଉତ୍ତଂସୋ ସେଖରା’ ୱେଳା, ମୁଦ୍ଧମାଲ୍ୟେ ୱଟଂସକୋ ।
ସେୟ୍ୟା ଚ ସୟନଂ ସେନଂ, ପଲ୍ଲଙ୍କୋ ତୁ ଚ ମଞ୍ଚକୋ ॥
ମଞ୍ଚାଧାରୋ ପଟିପାଦୋ, ମଞ୍ଚଙ୍ଗେ ତ୍ୱଟନୀ ତ୍ଥିୟଂ,
କୁଳୀରପାଦୋ ଆହଚ୍ଚ, ପାଦୋ ଚେୱ ମସାରକୋ ।
ଚତ୍ତାରୋ ବୁନ୍ଦିକାବଦ୍ଧୋ, ତିମେ ମଞ୍ଚନ୍ତରା ସିୟୁଂ ॥
ବିବ୍ବୋହନଂ ଚୋ’ ପଧାନଂ, ପୀଠିକା ପୀଠ ମାସନଂ ।
କୋଚ୍ଛଂ ତୁ ଭଦ୍ଦପୀଠେ ଥା, ସନ୍ଦୀ ପୀଠନ୍ତରେ ମତା ॥
ଲୋମକୋ ଗୋନକୋ ମତୋ ।
ଉଣ୍ଣାମୟଂ ତ୍ୱତ୍ଥରଣଂ, ଚିତ୍ତକଂ ୱାନଚିତ୍ତକଂ ॥
ଘନପୁପ୍ଫଂ ପଟଲିକା, ସେତଂ ତୁ ପଟିକା ପ୍ୟଥ ।
ଦ୍ୱିଦସେକଦସାନ୍ୟୁ’ ଦ୍ଦ,ଲୋମି ଏକନ୍ତଲୋମିନୋ ॥
ତଦେୱ ସୋଳସିତ୍ଥୀନଂ, ନଚ୍ଚୟୋଗ୍ଗଞ୍ହି କୁତ୍ତକଂ ।
ସୀହବ୍ୟଗ୍ଘାଦିରୂପେହି, ଚିତ୍ତଂ ୱିକତିକା ଭୱେ ॥
କଟ୍ଟିସ୍ସଂ କୋସେୟ୍ୟଂ ରତନ, ପରିସିବ୍ବିତ ମତ୍ଥରଣଂ କମା ।
କୋସିୟକଟ୍ଟିସ୍ସମୟଂ, କୋସିୟସୁତ୍ତେନ ପକତଞ୍ଚ ॥
ଦୀପୋ ପଦୀପୋ ପଜ୍ଜୋତୋ, ପୁମେ ତ୍ୱାଦାସ ଦପ୍ପଣା ।
ଗେଣ୍ଡୁକୋ କଣ୍ଡୁକୋ ତାଲ, ୱଣ୍ଟଂ ତୁ ବୀଜନୀତ୍ଥିୟଂ ॥
ଚଙ୍କୋଟକୋ କରଣ୍ଡୋ ଚ, ସମୁଗ୍ଗୋ ସମ୍ପୁଟୋ ଭୱେ ।
ଗାମଧମ୍ମୋ ଅସଦ୍ଧମ୍ମୋ, ବ୍ୟୱାୟୋ ମେଥୁନଂ ରତି ॥
ୱିୱାହୋ ପୟମା ପାଣି, ଗ୍ଗହୋ ପରିଣୟୋ ପ୍ୟଥ ।
ତିୱଗ୍ଗୋ ଧମ୍ମ, କାମ,ତ୍ଥା, ଚତୁୱଗ୍ଗୋ ସମୋକ୍ଖକା ॥
ଖୁଜ୍ଜୋ ଚ ଗଣ୍ଡୁଲୋ ରସ୍ସ, ୱାମନା ତୁ ଲକୁଣ୍ଡକୋ ।
ପଙ୍ଗୁଲୋ ପୀଠସପ୍ପୀ ଚ, ପଙ୍ଗୁ ଛିନ୍ନିରିୟାପଥୋ ॥
ପକ୍ଖୋ ଖଞ୍ଜୋ ତୁ ଖୋଣ୍ଡୋ ଥ,
ମୂଗୋ ସୁଞ୍ଞୱଚୋ ଭୱେ ।
କୁଣୀ ହତ୍ଥାଦିୱଙ୍କୋ ଚ, ୱଲିରୋ ତୁ ଚ କେକରୋ ॥
ନିକ୍କେସସୀସୋ ଖଲ୍ଲାଟୋ,
ମୁଣ୍ଡୋ ତୁ ଭଣ୍ଡୁ ମୁଣ୍ଡିକୋ ।
କାଣୋ ଅକ୍ଖୀନ ମେକେନ,
ସୁଞ୍ଞୋ ଅନ୍ଧୋ ଦ୍ୱୟେନ ଥ ॥
ବଧିରୋ ସୁତିହୀନୋ ଥ, ଗିଲାନୋ ବ୍ୟାଧିତା’ତୁରା ।
ଉମ୍ମାଦୱତି ଉମ୍ମତ୍ତୋ, ଖୁଜ୍ଜାଦୀ ୱାଚ୍ଚଲିଙ୍ଗିକା ॥
ଆତଙ୍କୋ ଆମୟୋ ବ୍ୟାଧି, ଗଦୋ ରୋଗୋ ରୁଜାପି ଚ ।
ଗେଲଞ୍ଞାକଲ୍ଲ ମାବାଧୋ,
ସୋସୋ ତୁ ଚ ଖୟୋ ସିୟା ॥
ପୀନସୋ [ପୀନାସୋତିପି ପାଠୋ] ନାସିକାରୋଗୋ,
ଘାନେ ସିଙ୍ଘାନିକା ସ୍ସୱୋ ।
ଞେୟ୍ୟଂ ତ୍ୱ’ରୁ ୱଣୋ ନିତ୍ଥୀ, ଫୋଟୋ ତୁ ପିଳକା ଭୱେ ॥
ପୁବ୍ବୋ ପୂୟୋ ଥ ରତ୍ତାତି, ସାରୋ ପକ୍ଖନ୍ଦିକା ପ୍ୟଥ ।
ଅପମାରୋ ଅପସ୍ମାରୋ, ପାଦଫୋଟୋ ୱିପାଦିକା ॥
ୱୁଡ୍ଢିରୋଗୋ ତୁ ୱାତଣ୍ଡଂ, ସୀପଦଂ ଭାରପାଦତା ।
କଣ୍ଡୂ କଣ୍ଡୂତି କଣ୍ଡୂୟା, ଖଜ୍ଜୁ କଣ୍ଡୂୱନଂ ପ୍ୟଥ ॥
ପାମଂ ୱିତଚ୍ଛିକା କଚ୍ଛୁ, ସୋଥୋ ତୁ ସୟଥୂ’ଦିତୋ ।
ଦୁନ୍ନାମକଞ୍ଚ ଅରିସଂ, ଛଦ୍ଦିକା ୱମଥୂ’ଦିତୋ ॥
ଦୱଥୁ ପରିତାପୋ ଥ, ତିଲକୋ ତିଲକାଳକୋ ।
ୱିସୂଚିକା ଇତି ମହା, ୱିରେକୋ ଥ ଭଗନ୍ଦଲୋ [ଭଗନ୍ଦରୋ (କ॰)]॥
ମେହୋ ଜରୋ କାସ ସାସା, କୁଟ୍ଠଂ ସୂଲାମୟନ୍ତରା ।
ୱୁତ୍ତୋ ୱେଜ୍ଜୋ ଭିସକ୍କୋ ଚ, ରୋଗହାରୀ ତିକିଚ୍ଛକୋ ॥
ସଲ୍ଲୱେଜ୍ଜୋ ସଲ୍ଲକତ୍ତୋ, ତିକିଚ୍ଛା ତୁ ପତିକ୍ରିୟା ।
ଭେସଜ୍ଜ ମଗଦୋ ଚେୱ, ଭେସଜଂ ମୋ’ସଧଂ ପ୍ୟଥ ॥
କୁସଲା ନାମୟା ରୋଗ୍ୟଂ,
ଅଥ କଲ୍ଲୋ ନିରାମୟୋତି,
ନରୱଗ୍ଗୋ ନିଟ୍ଠିତୋ ।
୪. ଚତୁବ୍ବଣ୍ଣୱଗ୍ଗ
ଖତ୍ତିୟୱଗ୍ଗ
କୁଲଂ ୱଂସୋ ଚ ସନ୍ତାନା, ଭିଜନା ଗୋତ୍ତ ମନ୍ୱୟୋ ।
ଥିୟଂ ସନ୍ତତ୍ୟ ଥୋ ୱଣ୍ଣା, ଚତ୍ତାରୋ ଖତ୍ତିୟାଦୟୋ ॥
କୁଲୀନୋ ସଜ୍ଜନୋ ସାଧୁ,
ସଭ୍ୟୋ ଚାୟ୍ୟୋ ମହାକୁଲୋ ।
ରାଜା ଭୂପତି ଭୂପାଲୋ, ପତ୍ଥିୱୋ ଚ ନରାଧିପୋ ॥
ଭୂନାଥୋ ଜଗତିପାଲୋ, ଦିସମ୍ପତି ଜନାଧିପୋ ।
ରଟ୍ଠାଧିପୋ ନରଦେୱୋ, ଭୂମିପୋ ଭୂଭୁଜୋ ପ୍ୟଥ ॥
ରାଜଞ୍ଞୋ ଖତ୍ତିୟୋ ଖତ୍ତଂ, ମୁଦ୍ଧାଭିସିତ୍ତ ବାହୁଜା ।
ସବ୍ବଭୁମ୍ମୋ ଚକ୍କୱତ୍ତୀ, ଭୂପୋଞ୍ଞୋ ମଣ୍ଡଲିସ୍ସରୋ ॥
ପୁମେ ଲିଚ୍ଛୱି ୱଜ୍ଜୀ ଚ, ସକ୍ୟୋ ତୁ ସାକିୟୋ ଥ ଚ ।
ଭଦ୍ଦକଚ୍ଚାନା [ଭଦ୍ଦା କଚ୍ଚାନା (ଟୀ॰)] ରାହୁଲ, ମାତା ବିମ୍ବା ୟସୋଧରା ॥
କୋଟୀନଂ ହେଟ୍ଠିମନ୍ତେନ, ସତଂ ୟେସଂ ନିଧାନଗଂ ।
କହାପଣାନଂ ଦିୱସ, ୱଳଞ୍ଜୋ ୱୀସତମ୍ବଣଂ ॥
ତେ ଖତ୍ତିୟମହାସାଲା, ସୀତି କୋଟିଧନାନି ତୁ ।
ନିଧାନଗାନି ଦିୱସ, ୱଳଞ୍ଜୋ ଚ ଦସମ୍ବଣଂ ॥
ୟେସଂ ଦ୍ୱିଜମହାସାଲା, ତଦୁପଡ୍ଢେ ନିଧାନଗେ ।
ୱଳଞ୍ଜେ ଚ ଗହପତି, ମହାସାଲା ଧନେ ସିୟୁଂ ॥
ମହାମତ୍ତୋ ପଧାନଞ୍ଚ, ମତିସଜୀୱୋ ମନ୍ତିନୀ ।
ସଜୀୱୋ ସଚିୱା, ମଚ୍ଚୋ, ସେନାନୀ ତୁ ଚମୂପତି ॥
ନ୍ୟାସାଦୀନଂ ୱିୱାଦାନଂ, ଅକ୍ଖଦସ୍ସୋ ପଦଟ୍ଠରି ।
ଦୋୱାରିକୋ ପତୀହାରୋ, ଦ୍ୱାରଟ୍ଠୋ ଦ୍ୱାରପାଲକୋ ॥
ଅନୀକଟ୍ଠୋତି ରାଜୂନଂ, ଅଙ୍ଗରକ୍ଖଗଣୋ ମତୋ ।
କଞ୍ଚୁକୀ ସୋୱିଦଲ୍ଲୋ ଚ, ଅନୁଜୀୱୀ ତୁ ସେୱକୋ ॥
ଅଜ୍ଝକ୍ଖୋ ଧିକତୋ ଚେୱ,
ହେରଞ୍ଞିକୋ ତୁ ନିକ୍ଖିକୋ ।
ସଦେସାନନ୍ତରୋ ସତ୍ତୁ, ମିତ୍ତୋରାଜା ତତୋ ପରଂ ॥
ଅମିତ୍ତୋ ରିପୁ ୱେରୀ ଚ, ସପତ୍ତା ରାତି ସତ୍ୱ’ରି । (ସତ୍ତୁ+ଅରି)
ପଚ୍ଚତ୍ଥିକୋ ପରିପନ୍ଥୀ, ପଟିପକ୍ଖା ହିତାପରୋ ॥
ପଚ୍ଚାମିତ୍ତୋ ୱିପକ୍ଖୋ ଚ, ପଚ୍ଚନୀକ ୱିରୋଧିନୋ ।
ୱିଦ୍ଦେସୀ ଚ ଦିସୋ ଦିଟ୍ଠୋ,ଥା ନୁରୋଧୋ ନୁୱତ୍ତନଂ ॥
ମିତ୍ତୋ ନିତ୍ଥୀ ୱୟସ୍ସୋ ଚ, ସହାୟୋ [ସୁହଜ୍ଜୋ (ଟୀ॰)] ସୁହଦୋ ସଖା ।
ସମ୍ଭତ୍ତୋ ଦଳ୍ହମିତ୍ତୋ ଥ, ସନ୍ଦିଟ୍ଠୋ ଦିଟ୍ଠମତ୍ତକୋ ॥
ଚରୋ ଚ ଗୁଳ୍ହପୁରିସୋ, ପଥାୱୀ ପଥିକୋ’ଦ୍ଧଗୂ ।
ଦୂତୋ ତୁ ସନ୍ଦେସହରୋ, ଗଣକୋ ତୁ ମୁହୁତ୍ତିକୋ ॥
ଲେଖକୋ ଲିପିକାରୋ ଚ, ୱଣ୍ଣୋ ତୁ ଅକ୍ଖରୋ ପ୍ୟଥ ।
ଭେଦୋ ଦଣ୍ଡୋ ସାମ ଦାନା, ନ୍ୟୁପାୟା ଚତୁରୋ ଇମେ ॥
ଉପଜାପୋତୁ ଭେଦୋ ଚ, ଦଣ୍ଡୋ ତୁ ସାହସଂ ଦମୋ ।
ସାମ୍ୟ’ ମଚ୍ଚୋ ସଖା କୋସୋ, ଦୁଗ୍ଗଞ୍ଚ ୱିଜିତଂ ବଲଂ ।
ରଜ୍ଜଙ୍ଗାନୀତି ସତ୍ତେତେ, ସିୟୁଂ ପକତିୟୋ ପିଚ ॥
ପଭାୱୁ’ସ୍ସାହ, ମନ୍ତାନଂ, ୱସା ତିସ୍ସୋ ହି ସତ୍ତିୟୋ ।
ପଭାୱୋ ଦଣ୍ଡଜୋ ତେଜୋ,
ପତାପୋ ତୁ ଚ କୋସଜୋ ॥
ମନ୍ତୋ ଚ ମନ୍ତନଂ ସୋ ତୁ, ଚତୁକ୍କଣ୍ଣୋ ଦ୍ୱିଗୋଚରୋ ।
ତିଗୋଚରୋ ତୁ ଛକ୍କଣ୍ଣୋ, ରହସ୍ସଂ ଗୁୟ୍ହ ମୁଚ୍ଚତେ ॥
ତୀସୁ ୱିୱିତ୍ତ ୱିଜନ, ଛନ୍ନା, ରହୋ ରହୋ ବ୍ୟୟଂ ।
ୱିସ୍ସାସୋ ତୁ ଚ ୱିସ୍ସମ୍ଭୋ,
ୟୁତ୍ତଂ ତ୍ୱୋ’ପାୟିକଂ ତିସୁ ॥
ଓୱାଦୋ ଚାନୁସିଟ୍ଠିତ୍ଥୀ, ପୁମୱଜ୍ଜେ ନୁସାସନଂ ।
ଆଣା ଚ ସାସନଂ ଞେୟ୍ୟଂ, ଉଦ୍ଦାନଂ ତୁ ଚ ବନ୍ଧନଂ ॥
ଆଗୁ ୱୁତ୍ତ [ମନ୍ତୁ (କ॰)] ମପରାଧୋ, କରୋ ତୁ ବଲି ମୁଚ୍ଚତେ ।
ପୁଣ୍ଣପତ୍ତୋ ତୁଟ୍ଠିଦାୟୋ, ଉପଦା ତୁ ଚ ପାଭତଂ ॥
ତଥୋ’ପାୟନ ମୁକ୍କୋଚୋ, ପଣ୍ଣାକାରୋ ପହେଣକଂ ।
ସୁଙ୍କଂ ତ୍ୱନିତ୍ଥୀ ଗୁମ୍ବାଦି, ଦେୟ୍ୟେ ଥା’ୟୋ ଧନାଗମୋ ॥
ଆତପତ୍ତଂ ତଥା ଛତ୍ତଂ, ରଞ୍ଞଂ ତୁ ହେମମାସନଂ ।
ସୀହାସନଂ ଅଥୋ ୱାଳ, ବୀଜନୀତ୍ଥୀ ଚ ଚାମରଂ ॥
ଖଗ୍ଗୋ ଚ ଛତ୍ତ ମୁଣ୍ହୀସଂ, ପାଦୁକା ୱାଲବୀଜନୀ ।
ଇମେ କକୁଧଭଣ୍ଡାନି, ଭୱନ୍ତି ପଞ୍ଚ ରାଜୁନଂ ॥
ଭଦ୍ଦକୁମ୍ଭୋ ପୁଣ୍ଣକୁମ୍ଭୋ, ଭିଙ୍କାରୋ ଜଲଦାୟକୋ ।
ହତ୍ଥି,ସ୍ସ,ରଥ,ପତ୍ତୀ ତୁ, ସେନା ହି ଚତୁରଙ୍ଗିନୀ ॥
କୁଞ୍ଜରୋ ୱାରଣୋ ହତ୍ଥୀ, ମାତଙ୍ଗୋ ଦ୍ୱିରଦୋ ଗଜୋ ।
ନାଗୋ ଦ୍ୱିପୋ ଇଭୋ ଦନ୍ତୀ,
ୟୂଥଜେଟ୍ଠୋ ତୁ ୟୂଥପୋ ॥
କାଳାୱକ ଗଙ୍ଗେୟ୍ୟା, ପଣ୍ଡର ତମ୍ବା ଚ ପିଙ୍ଗଲୋ ଗନ୍ଧୋ ।
ମଙ୍ଗଲ ହେମୋ’ପୋସଥ,
ଛଦ୍ଦନ୍ତା ଗଜକୁଲାନି ଏତାନି ॥
କଲଭୋ ଚେୱ ଭିଙ୍କୋଥ, ପଭିନ୍ନୋ ମତ୍ତ ଗଜ୍ଜିତା ।
ହତ୍ଥିଘଟା ତୁ ଗଜତା, ହତ୍ଥୀନୀ ତୁ କରେଣୁକା ॥
କୁମ୍ଭୋ ହତ୍ଥିସିରୋପିଣ୍ଡା, କଣ୍ଣମୂଲଂ ତୁ ଚୂଲିକା ।
ଆସନଂ ଖନ୍ଧଦେସମ୍ହି, ପୁଚ୍ଛମୂଲଂ ତୁ ମେଚକୋ ॥
ଆଲାନ ମାଳ୍ହକୋ ଥମ୍ଭୋ, ନିତ୍ଥୀତୁ ନିଗଳୋ’ନ୍ଦୁକୋ ।
ସଙ୍ଖଲଂ ତୀସ୍ୱଥୋ ଗଣ୍ଡୋ,
କଟୋ ଦାନଂ ତୁ ସୋ ମଦୋ ॥
ସୋଣ୍ଡୋ ତୁ ଦ୍ୱୀସୁ ହତ୍ଥୋ ଥ,
କରଗ୍ଗଂ ପୋକ୍ଖରଂ ଭୱେ ।
ମଜ୍ଝମ୍ହି ବନ୍ଧନଂ କଚ୍ଛା, କପ୍ପନୋ ତୁ କୁଥାଦୟୋ ॥
ଓପୱୟ୍ହୋ ରାଜୱୟ୍ହୋ, ସଜ୍ଜିତୋ ତୁ ଚ କପ୍ପିତୋ ।
ତୋମରୋ ନିତ୍ଥିୟଂ ପାଦେ, ସିୟା ୱିଜ୍ଝନକଣ୍ଟକୋ ॥
ତୁତ୍ତଂ ତୁ କଣ୍ଣମୂଲମ୍ହି, ମତ୍ଥକମ୍ହି ତୁ ଅଙ୍କୁସୋ ।
ହତ୍ଥାରୋହୋ ହତ୍ଥିମେଣ୍ଡୋ,
ହତ୍ଥିପୋ ହତ୍ଥିଗୋପକୋ ॥
ଗାମଣୀୟୋ ତୁ ମାତଙ୍ଗ, ହୟାଦ୍ୟାଚରିୟୋ ଭୱେ ।
ହୟୋ ତୁରଙ୍ଗୋ ତୁରଗୋ,
ୱାହୋ ଅସ୍ସୋ ଚ ସିନ୍ଧୱୋ ॥
ଭେଦୋ ଅସ୍ସତରୋ ତସ୍ସା,
ଜାନିୟୋ ତୁ କୁଲୀନକୋ ।
ସୁଖୱାହୀ ୱିନୀତୋ ଥ,
କିସୋରୋ ହୟପୋତକୋ ॥
ଘୋଟକୋ ତୁ ଖଳୁଙ୍କୋ ଥ, ଜୱନୋ ଚ ଜୱାଧିକୋ ।
ମୁଖାଧାନଂ ଖଲୀନୋ ୱା, କସା ତ୍ୱ ସ୍ସାଭିତାଳିନୀ ॥
କୁସା ତୁ ନାସରଜ୍ଜୁମ୍ହି, ୱଳୱା’ସ୍ସା ଖୁରୋ ସଫଂ ।
ପୁଚ୍ଛ ମନିତ୍ଥୀ ନଙ୍ଗୁଟ୍ଠଂ, ୱାଲହତ୍ଥୋ ଚ ୱାଲଧି ॥
ସନ୍ଦନୋ ଚ ରଥୋ ଫୁସ୍ସ, ରଥୋ ତୁ ନରଣାୟ ସୋ ।
ଚମ୍ମାୱୁତୋ ଚ ୱେୟଗ୍ଘୋ,
ଦେପ୍ପୋ ବ୍ୟଗ୍ଘସ୍ସ ଦୀପିନୋ ॥
ସିୱିକା ୟାପ୍ୟୟାନଞ୍ଚା, ନିତ୍ଥୀ ତୁ ସକଟୋ ପ୍ୟ’ନଂ [(ସକଟୋ ପି+ଅନଂ)]।
ଚକ୍କଂ ରଥଙ୍ଗ ମାଖ୍ୟାତଂ, ତସ୍ସନ୍ତୋ ନେମି ନାରିୟଂ ॥
ତମ୍ମଜ୍ଝେ ପିଣ୍ଡିକା ନାଭି, କୁବ୍ବରୋ ତୁ ୟୁଗନ୍ଧରୋ ।
ଅକ୍ଖଗ୍ଗକୀଲେ ଆଣୀତ୍ଥୀ, ୱରୁଥୋ ରଥଗୁତ୍ୟ’ଥ ॥
ଧୁରୋ ମୁଖେ ରଥସ୍ସଙ୍ଗା, ତ୍ୱ କ୍ଖୋ ପକ୍ଖରଆଦୟୋ ।
ୟାନଞ୍ଚ ୱାହନଂ ୟୋଗ୍ଗଂ, ସବ୍ବହତ୍ଥ୍ୟାଦିୱାହନେ ॥
ରଥଚାରୀ ତୁ ସୂତୋ ଚ, ପାଜିତା ଚେୱ ସାରଥୀ ।
ରଥାରୋହୋ ଚ ରଥିକୋ,
ରଥୀ ୟୋଧୋ ତୁ ୟୋ ଭଟୋ ॥
ପଦାତି ପତ୍ତୀ ତୁ ପୁମେ, ପଦଗୋ ପଦିକୋ ମତୋ ।
ସନ୍ନାହୋ କଙ୍କଟୋ ୱମ୍ମଂ, କୱଚୋ ୱା ଉରଚ୍ଛଦୋ ॥
ଜାଲିକା ଥ ଚ ସନ୍ନଦ୍ଧୋ, ସଜ୍ଜୋ ଚ ୱମ୍ମିକୋ ଭୱେ ।
ଆମୁକ୍କୋ ପଟିମୁକ୍କୋ ଥ, ପୁରେଚାରୀ ପୁରେଚରୋ ॥
ପୁବ୍ବଙ୍ଗମୋ ପୁରେଗାମୀ, ମନ୍ଦଗାମୀ ତୁ ମନ୍ଥରୋ ।
ଜୱନୋ ତୁରିତୋ ୱେଗୀ, ଜେତବ୍ବଂ ଜେୟ୍ୟ ମୁଚ୍ଚତେ ॥
ସୂର ୱୀରା ତୁ ୱିକ୍କନ୍ତୋ, ସହାୟୋ ନୁଚରୋ ସମା ।
ସନ୍ନଦ୍ଧପ୍ପଭୁତୀ ତୀସୁ, ପାଥେୟ୍ୟଂ ତୁ ଚ ସମ୍ବଲଂ ॥
ୱାହିନୀ ଧଜିନୀ ସେନା, ଚମୂ ଚକ୍କଂ ବଲଂ ତଥା ।
ଅନୀକୋ ୱା ଥ ୱିନ୍ୟାସୋ,
ବ୍ୟୂହୋ ସେନାୟ କଥ୍ୟତେ ॥
ହତ୍ଥୀ ଦ୍ୱାଦସପୋସୋ,ତି,
ପୁରିସୋ ତୁରଗୋ, ରଥୋ ।
ଚତୁପୋସୋତି ଏତେନ, ଲକ୍ଖଣେନା ଧମନ୍ତତୋ ॥
ହତ୍ଥାନୀକଂ ହୟାନୀକଂ, ରଥାନୀକଂ ତୟୋ ତୟୋ ।
ଗଜାଦୟୋ ସସତ୍ଥା ତୁ, ପତ୍ତାନୀକଂ ଚତୁଜ୍ଜନା ॥
ସଟ୍ଠିୱଂସକଲାପେସୁ, ପଚ୍ଚେକଂ ସଟ୍ଠିଦଣ୍ଡିସୁ ।
ଧୂଲୀକତେସୁ ସେନାୟ, ୟନ୍ତିୟା କ୍ଖୋଭନୀ[ଅକ୍ଖୋଭିଣୀ (କ॰)] ତ୍ଥିୟଂ ॥
ସମ୍ପତ୍ତି ସମ୍ପଦା ଲକ୍ଖୀ, ସିରୀ ୱିପତ୍ତି ଆପଦା ।
ଅଥା ୱୁଧଞ୍ଚ [ଆୟୁଧନ୍ତିପି ପାଠୋ] ହେତି’ତ୍ଥୀ, ସତ୍ଥଂ ପହରଣଂ ଭୱେ ॥
ମୁତ୍ତାମୁତ୍ତ ମମୁତ୍ତଞ୍ଚ, ପାଣିତୋ ମୁତ୍ତମେୱ ଚ ।
ୟନ୍ତମୁତ୍ତନ୍ତି ସକଲଂ, ଆୟୁଧଂ ତଂ ଚତୁବ୍ବିଧଂ ॥
ମୁତ୍ତାମୁତ୍ତଞ୍ଚ ୟଟ୍ଠ୍ୟାଦି, ଅମୁତ୍ତଂ ଛୁରିକାଦିକଂ ।
ପାଣିମୁତ୍ତଂ ତୁ ସତ୍ୟାଦି, ୟନ୍ତମୁତ୍ତଂ ସରାଦିକଂ ॥
ଇସ୍ସାସୋ ଧନୁ କୋଦଣ୍ଡଂ, ଚାପୋ ନିତ୍ଥୀ ସରାସନଂ ।
ଅଥୋ ଗୁଣୋ ଜିୟା ଜ୍ୟା ଥ,
ସରୋ ପତ୍ତି ଚ ସାୟକୋ ॥
ୱାଣୋ କଣ୍ଡ ମୁସୁ ଦ୍ୱୀସୁ, ଖୁରପ୍ପୋ [ଉରପ୍ପୋ (କ॰)] ତେଜନା’ସନଂ ।
ତୂଣୀତ୍ଥିୟଂ କଲାପୋ ଚ, ତୂଣୋ ତୂଣୀର ୱାଣଧି ॥
ପକ୍ଖୋ ତୁ ୱାଜୋ ଦିଦ୍ଧୋ ତୁ, ୱିସପ୍ପିତୋ ସରୋ ଭୱେ ।
ଲକ୍ଖଂ ୱେଜ୍ଝଂ ସରବ୍ୟଞ୍ଚ, ସରାଭ୍ୟାସୋ ତୁ’ପାସନଂ ॥
ମଣ୍ଡଲଗ୍ଗୋ ତୁ ନେତ୍ତିଂସୋ, ଅସି ଖଗ୍ଗୋ ଚ ସାୟକୋ ।
କୋସିତ୍ଥୀ ତବ୍ବିଧାନେ ଥୋ, ଥରୁ ଖଗ୍ଗାଦିମୁଟ୍ଠିୟଂ ॥
ଖେଟକଂ ଫଲକଂ ଚମ୍ମଂ, ଇଲ୍ଲୀ ତୁ କରପାଲିକା ।
ଛୁରିକା ସତ୍ୟ’ସିପୁତ୍ତୀ, ଲଗୁଳୋ ତୁ ଚ ମୁଗ୍ଗରୋ ॥
ସଲ୍ଲୋ ନିତ୍ଥି ସଙ୍କୁ ପୁମେ, ୱାସୀ ତୁ ତଚ୍ଛନୀତ୍ଥିୟଂ ।
କୁଠାରୀ [କୁଧାରୀ (ଟୀ॰)] ତ୍ଥୀଫରସୁସୋ, ଟଙ୍କୋ ପାସାଣଦାରଣୋ ॥
କଣୟୋ ଭିନ୍ଦିୱାଳୋ ଚ, ଚକ୍କଂ କୁନ୍ତୋ ଗଦା ତଥା ।
ସତ୍ୟା’ଦୀ ସତ୍ଥଭେଦା ଥ,
କୋଣୋ’ସ୍ସୋ କୋଟି ନାରିୟଂ ॥
ନିୟ୍ୟାନଂ ଗମନଂ ୟାତ୍ରା, ପଟ୍ଠାନଞ୍ଚ ଗମୋ ଗତି ।
ଚୁଣ୍ଣୋ ପଂସୁ ରଜୋ ଚେୱ, ଧୂଲୀ’ତ୍ଥୀ ରେଣୁ ଚ ଦ୍ୱିସୁ ॥
ମାଗଧୋ ମଧୁକୋ ୱୁତ୍ତୋ, ୱନ୍ଦୀ ତୁ ଥୁତିପାଠକୋ ।
ୱେତାଳିକୋ ବୋଧକରୋ,
ଚକ୍କିକୋ ତୁ ଚ ଘଣ୍ଟିକୋ ॥
କେତୁ ଧଜୋ ପଟାକା ଚ, କଦଲୀ କେତନଂ ପ୍ୟଥ ।
ୟୋ’ହଂକାରୋ’ଞ୍ଞମଞ୍ଞସ୍ସ, ସା’ ହମହମିକା ଭୱେ ॥
ବଲଂ ଥାମୋ ସହଂ ସତ୍ତି, ୱିକ୍କମୋ ତ୍ୱତିସୂରତା ।
ରଣେ ଜିତସ୍ସ ୟଂ ପାନଂ, ଜୟପାନନ୍ତି ତଂ ମତଂ ॥
ସଙ୍ଗାମୋ ସମ୍ପହାରୋ ଚା, ନିତ୍ଥିୟଂ ସମରଂ ରଣଂ ।
ଆଜିତ୍ଥୀ ଆହୱୋ ୟୁଦ୍ଧ, ମାୟୋଧନଞ୍ଚ ସଂୟୁଗଂ ॥
ଭଣ୍ଡନଂ ତୁ ୱିୱାଦୋ ଚ, ୱିଗ୍ଗହୋ କଲହ ମେଧଗା ।
ମୁଚ୍ଛା ମୋହୋ ଥ ପସୟ୍ହୋ,
ବଲକ୍କାରୋ ହଠୋ ଭୱେ ॥
ଉପ୍ପାଦୋ[ଉପ୍ପାତୋ (କ॰)୧୦୨୭-ଗାଥା ପସ୍ସିତବ୍ବା] ଭୂତୱିକତି, ୟା ସୁଭାସୁଭସୂଚିକା ।
ଈତି ତ୍ୱିତ୍ଥୀ ଅଜଞ୍ଞଞ୍ଚ, ଉପସଗ୍ଗୋ ଉପଦ୍ଦୱୋ ॥
ନିବ୍ବୁଦ୍ଧଂ[ନିୟୁଦ୍ଧଂ (କ॰)] ମଲ୍ଲୟୁଦ୍ଧମ୍ହି, ଜୟୋ ତୁ ୱିଜୟୋ ଭୱେ ।
ପରାଜୟୋ ରଣେ ଭଙ୍ଗୋ, ପଲାୟନ ମପକ୍କମୋ ॥
ମାରଣଂ ହନନଂ ଘାତୋ, ନାସନଞ୍ଚ ନିସୂଦନଂ ।
ହିଂସନଂ ସରଣଂ ହିଂସା, ୱଧୋ ସସନ ଘାତନଂ ॥
ମରଣଂ କାଲକିରିୟା, ପଲୟୋ ମଚ୍ଚୁ ଅଚ୍ଚୟୋ ।
ନିଧନୋ ନିତ୍ଥିୟଂ ନାସୋ, କାଲୋ’ନ୍ତୋ ଚୱନଂ ଭୱେ ॥
ତୀସୁ ପେତୋ ପରେତୋ ଚ,
ମତୋ ଥ ଚିତକୋ ଚିତୋ ।
ଆଳହନଂ ସୁସାନଞ୍ଚା, ନିତ୍ଥିୟଂ କୁଣପୋ ଛୱୋ ॥
କବନ୍ଧୋ ନିତ୍ଥିୟଂ ଦେହୋ, ସିରୋସୁଞ୍ଞୋ ସହକ୍ରିୟୋ ।
ଅଥ ସିୱଥିକା ୱୁତ୍ତା, ସୁସାନସ୍ମିଞ୍ହି ଆମକେ ॥
ୱନ୍ଦୀତ୍ଥିୟଂ କରମରୋ, ପାଣୋ ତ୍ୱ’ସୁ ପକାସିତୋ ।
କାରା ତୁ ବନ୍ଧନାଗାରଂ, କାରଣା ତୁ ଚ ୟାତନା ॥
ଇତି ଖତ୍ତିୟୱଗ୍ଗୋ ।
ବ୍ରହ୍ମବନ୍ଧୁ ଦ୍ୱିଜୋ ୱିପ୍ପୋ, ବ୍ରହ୍ମା ଭୋୱାଦୀ ବ୍ରାହ୍ମଣୋ ।
ସୋତ୍ତିୟୋ ଛନ୍ଦସୋ ସୋ ଥ,
ସିସ୍ସ’ ନ୍ତେୱାସିନୋ ପୁମେ ॥
ବ୍ରହ୍ମଚାରୀ ଗହଟ୍ଠୋ ଚ, ୱନପ୍ପତ୍ଥୋ ଚ ଭିକ୍ଖୁତି ।
ଭୱନ୍ତି ଚତ୍ତାରୋ ଏତେ, ଅସ୍ସମା ପୁନ୍ନପୁଂସକେ ॥
ଚରନ୍ତା ସହ ସୀଲାଦୀ, ସବ୍ରହ୍ମଚାରିନୋ ମିଥୁ ।
ଉପଜ୍ଝାୟୋ ଉପଜ୍ଝା ଥା, ଚରିୟୋ ନିସ୍ସୟଦାଦିକୋ [ନିସ୍ସୟଦାୟକୋ (ଟୀ॰)]॥
ଉପନୀୟା ଥୱା ପୁବ୍ବଂ, ୱେଦ ମଜ୍ଝାପୟେ ଦ୍ୱିଜୋ ।
ୟୋ ସଙ୍ଗଂ ସରହସ୍ସଞ୍ଚା, ଚରିୟୋ ବ୍ରାହ୍ମଣେସୁ ସୋ ॥
ପାରମ୍ପରିୟ ମେତିହ୍ୟଂ, ଉପଦେସୋ ତଥେ’ତିହା ।
ୟାଗୋ ତୁ କତୁ ୟଞ୍ଞୋ ଥ, ୱେଦୀତ୍ଥୀ ଭୂ ପରିକ୍ଖତା ॥
ଅସ୍ସମେଧୋ ଚ ପୁରିସ, ମେଧୋ ଚେୱ ନିରଗ୍ଗଳୋ ।
ସମ୍ମାପାସୋ ୱାଜପେୟ୍ୟ, ମିତି ୟାଗା ମହା ଇମେ ॥
ଇତ୍ୱିଜୋ [ଇଦିତ୍ୱିଜୋ (ଟୀ॰)] ୟାଜକୋ ଚାଥ,
ସଭ୍ୟୋ ସାମାଜିକୋ ପ୍ୟଥ ।
ପରିସା ସଭା ସମଜ୍ଜା ଚ, ତଥା ସମିତି ସଂସଦୋ ॥
ଚତସ୍ସୋ ପରିସା ଭିକ୍ଖୁ, ଭିକ୍ଖୁନୀ ଚ ଉପାସକା ।
ଉପାସିକାୟୋତି ଇମା, ଥୱା ଟ୍ଠ ପରିସା ସିୟୁଂ ॥
ତାୱତିଂସ,ଦ୍ୱିଜ,କ୍ଖତ୍ତ,ମାର,ଗ୍ଗହପତିସ୍ସ ଚ ।
ସମଣାନଂ ୱସା ଚାତୁ, ମହାରାଜିକ, ବ୍ରହ୍ମୁନଂ ॥
ଗାୟତ୍ତିପ୍ପମୁଖଂ ଛନ୍ଦଂ, ଚତୁୱୀସ’କ୍ଖରଂ ତୁ ୟଂ ।
ୱେଦାନ ମାଦିଭୂତଂ ସା, ସାୱିତ୍ତୀ ତିପଦଂ ସିୟା ॥
ହବ୍ୟପାକେ ଚରୁ ମତୋ, ସୁଜା ତୁ ହୋମଦବ୍ବିୟଂ ।
ପରମନ୍ନଂ ତୁ ପାୟାସୋ, ହବ୍ୟଂ ତୁ ହୱି କଥ୍ୟତେ ॥
ୟୂପୋ ଥୂଣାୟଂ ନିମ୍ମନ୍ତ୍ୟ, ଦାରୁମ୍ହି ତ୍ୱ’ରଣୀ ଦ୍ୱିସୁ ।
ଗାହପ୍ପଚ୍ଚା’ହୱନୀୟୋ, ଦକ୍ଖିଣଗ୍ଗି ତୟୋ’ ଗ୍ଗୟୋ ॥
ଚାଗୋ ୱିସ୍ସଜ୍ଜନଂ ଦାନଂ, ୱୋସ୍ସଗ୍ଗୋ ଚାପଦେସନଂ ।
ୱିସ୍ସାଣନଂ ୱିତରଣଂ, ୱିହାୟିତା ପୱଜ୍ଜନଂ ॥
ପଞ୍ଚ ମହାପରିଚ୍ଚାଗୋ, ୱୁତ୍ତୋ ସେଟ୍ଠ, ଧନସ୍ସ ଚ ।
ୱସେନ ପୁତ୍ତ ଦାରାନଂ, ରଜ୍ଜସ୍ସ’ ଙ୍ଗାନ ମେୱ ଚ ॥
ଅନ୍ନଂ ପାନଂ ଘରଂ ୱତ୍ଥଂ, ୟାନଂ ମାଲା ୱିଲେପନଂ ।
ଗନ୍ଧୋ ସେୟ୍ୟା ପଦୀପେୟ୍ୟଂ, ଦାନୱତ୍ଥୂ ସିୟୁଂ ଦସ ॥
ମତତ୍ଥଂ ତଦହେ ଦାନଂ, ତୀସ୍ୱେତ ମୁଦ୍ଧଦେହିକଂ ।
ପିତୁଦାନଂ ତୁ ନିୱାପୋ, ସଦ୍ଧଂ ତୁ ତଂୱ ସାତ୍ଥତୋ ॥
ପୁମେ ଅତିଥି ଆଗନ୍ତୁ, ପାହୁନା ୱେସିକା ପ୍ୟଥ ।
ଅଞ୍ଞତ୍ଥ ଗନ୍ତୁ ମିଚ୍ଛନ୍ତୋ, ଗମିକୋ ଥା ଗ୍ଘ ମଗ୍ଘିୟଂ ॥
ପଜ୍ଜଂ ପାଦୋଦକାଦୋ ଥ, ସତ୍ତା’ଗନ୍ତ୍ୱାଦୟୋ ତିସୁ ।
ଅପଚିତ୍ୟ’ଚ୍ଚନା ପୂଜା, ପହାରୋ ବଲି ମାନନା ॥
ନମସ୍ସା ତୁ ନମକ୍କାରୋ, ୱନ୍ଦନା ଚାଭିୱାଦନଂ ।
ପତ୍ଥନା ପଣିଧାନଞ୍ଚ, ପୁରିସେ ପଣିଧୀରିତୋ ॥
ଅଜ୍ଝେସନା ତୁ ସକ୍କାର, ପୁବ୍ବଙ୍ଗମନିୟୋଜନଂ ।
ପରିୟେସନା ନ୍ୱେସନା, ପରିୟେଟ୍ଠି ଗୱେସନା ।
ଉପାସନଂ ତୁ ସୁସ୍ସୂସା, ସା ପାରିଚରିୟା ଭୱେ ॥
ମୋନ ମଭାସନଂ ତୁଣ୍ହୀ, ଭାୱୋ ଥ ପଟିପାଟି ସା ।
ଅନୁକ୍କମୋ ପରିୟାୟୋ, ଅନୁପୁବ୍ବ୍ୟ’ପୁମେ କମୋ ॥
ତପୋ ଚ ସଂୟମୋ ସୀଲଂ, ନିୟମୋ ତୁ ୱତଞ୍ଚ ୱା ।
ୱୀତିକ୍କମୋ’ ଜ୍ଝଚାରୋ ଥ, ୱିୱେକୋ ପୁଥୁଗତ୍ତତା ॥
ଖୁଦ୍ଦାନୁଖୁଦ୍ଦକଂ ଆଭି, ସମାଚାରିକ ମୁଚ୍ଚତେ ।
ଆଦିବ୍ରହ୍ମଚରିୟଂ ତୁ, ତଦଞ୍ଞଂ ସୀଲ ମୀରିତଂ ॥
ୟୋ ପାପେହି ଉପାୱତ୍ତୋ, ୱାସୋ ସଦ୍ଧିଂ ଗୁଣେହି ସୋ ।
ଉପୱାସୋତି ୱିଞ୍ଞେୟ୍ୟୋ, ସବ୍ବଭୋଗୱିୱଜ୍ଜିତୋ ॥
ତପସ୍ସୀ ଭିକ୍ଖୁ ସମଣୋ, ପବ୍ବଜିତୋ ତପୋଧନୋ ।
ୱାଚଂୟମୋ ତୁ ମୁନି ଚ, ତାପସୋ ତୁ ଇସୀ ରିତୋ ॥
ୟେସଂୟତିନ୍ଦ୍ରିୟଗଣା, ୟତୟୋ ୱସିନୋ ଚ ତେ ।
ସାରିପୁତ୍ତୋ’ପତିସ୍ସୋ ତୁ, ଧମ୍ମସେନାପତୀ ରିତୋ ॥
କୋଲିତୋ ମୋଗ୍ଗଲ୍ଲାନୋ ଥ,
ଅରିୟୋ ଧିଗତୋ ସିୟା ।
ସୋତାପନ୍ନାଦିକା ସେଖା, ନରିୟୋ ତୁ ପୁଥୁଜ୍ଜନୋ ॥
ଅଞ୍ଞା ତୁ ଅରହତ୍ତଞ୍ଚ, ଥୂପୋ ତୁ ଚେତିୟଂ ଭୱେ ।
ଧମ୍ମଭଣ୍ଡାଗାରିକୋ ଚ, ଆନନ୍ଦୋ ଦ୍ୱେ ସମା ଥ ଚ ॥
ୱିସାଖା ମିଗାରମାତା, ସୁଦତ୍ତୋ’ ନାଥପିଣ୍ଡିକୋ ।
ଭିକ୍ଖୁପି ସାମଣେରୋ ଚ, ସିକ୍ଖମାନା ଚ ଭିକ୍ଖୁନୀ ।
ସାମଣେରୀତି କଥିତା, ପଞ୍ଚେତେ ସହଧମ୍ମିକା ॥
ପତ୍ତୋ ତିଚୀୱରଂ କାୟ, ବନ୍ଧନଂ ୱାସି ସୂଚି ଚ ।
ପରିସ୍ସାୱନ ମିଚ୍ଚେତେ, ପରିକ୍ଖାରା’ଟ୍ଠ ଭାସିତା ॥
ସାମଣେରୋ ଚ ସମଣୁ, ଦ୍ଦେସୋ ଚାଥ ଦିଗମ୍ବରୋ ।
ଅଚେଳକୋ ନିଗଣ୍ଠୋ ଚ, ଜଟିଲୋ ତୁ ଜଟାଧରୋ ॥
କୁଟୀସକାଦିକା ଚତୁ, ତ୍ତିଂସ ଦ୍ୱାସଟ୍ଠି ଦିଟ୍ଠିୟୋ ।
ଇତି ଛନ୍ନୱୁତି ଏତେ, ପାସଣ୍ଡା ସମ୍ପକାସିତା ॥
ପୱିତ୍ତୋ ପୟତୋ ପୂତୋ, ଚମ୍ମଂ ତୁ ଅଜିନଂ ପ୍ୟଥ ।
ଦନ୍ତପୋଣୋ ଦନ୍ତକଟ୍ଠଂ, ୱକ୍କଲୋ ୱା ତିରୀଟକଂ ॥
ପତ୍ତୋ ପାତିତ୍ଥିୟଂନିତ୍ଥୀ, କମଣ୍ଡଲୁ ତୁ କୁଣ୍ଡିକା ।
ଅଥାଲମ୍ବଣଦଣ୍ଡସ୍ମିଂ, କତ୍ତରୟଟ୍ଠି ନାରିୟଂ ॥
ୟଂ ଦେହସାଧନାପେକ୍ଖଂ, ନିଚ୍ଚଂ କମ୍ମମୟଂ ୟମୋ ।
ଆଗନ୍ତୁସାଧନଂ କମ୍ମଂ, ଅନିଚ୍ଚଂ ନିୟମୋ ଭୱେ ॥
ଇତି ବ୍ରାହ୍ମଣୱଗ୍ଗୋ ।
ୱେସ୍ସୋ ଚ ୱେସିୟାନୋ ଥ, ଜୀୱନଂ ୱୁତ୍ତି ଜୀୱିକା ।
ଆଜୀୱୋ ୱତ୍ତନଂ ଚାଥ, କସିକମ୍ମଂ କସିତ୍ଥିୟଂ ॥
ୱାଣିଜ୍ଜଞ୍ଚ ୱଣିଜ୍ଜା ଥ, ଗୋରକ୍ଖା ପସୁପାଲନଂ ।
ୱେସ୍ସସ୍ସ ୱୁତ୍ତିୟୋ ତିସ୍ସୋ, ଗହଟ୍ଠା’ଗାରିକା ଗିହି ॥
ଖେତ୍ତାଜୀୱୋ କସ୍ସକୋ ଥ, ଖେତ୍ତଂ କେଦାର ମୁଚ୍ଚତେ ।
ଲେଡ୍ଡୁ’ତ୍ତୋ ମତ୍ତିକାଖଣ୍ଡୋ, ଖଣିତ୍ତି’ତ୍ଥ୍ୟ’ୱଦାରଣଂ ॥
ଦାତ୍ତଂ ଲୱିତ୍ତ ମସିତଂ [‘‘ଅସିତ’’ ସଦ୍ଦୋ ପୁଂନପୁଂସକେ-୧୦୦୫-ଗାଥା ପସ୍ସିତବ୍ବା], ପତୋଦୋ ତୁତ୍ତ ପାଜନଂ ।
ୟୋତ୍ତଂ ତୁ ରଜ୍ଜୁ ରସ୍ମିତ୍ଥୀ, ଫାଲୋ ତୁ କସକୋ ଭୱେ ॥
ନଙ୍ଗଲଞ୍ଚ ହଲଂ ସୀରୋ, ଈସା ନଙ୍ଗଲଦଣ୍ଡକୋ ।
ସମ୍ମା ତୁ ୟୁଗକୀଲସ୍ମିଂ, ସୀତା ତୁ ହଲପଦ୍ଧତି ॥
ମୁଗ୍ଗାଦିକେ ପରଣ୍ଣଞ୍ଚ, ପୁବ୍ବଣ୍ଣଂ ସାଲିଆଦିକେ ।
ସାଲି ୱୀହି ଚ କୁଦ୍ରୂସୋ, ଗୋଧୁମୋ ୱରକୋ ୟୱୋ ।
କଙ୍ଗୂତି ସତ୍ତ ଧଞ୍ଞାନି, ନୀୱାରାଦୀ ତୁ ତବ୍ଭିଦା ॥
ଚଣକୋ ଚ କଳାୟୋ ଥ,
ସିଦ୍ଧତ୍ଥୋ ସାସପୋ ଭୱେ ॥
ଅଥ କଙ୍ଗୁ ପିୟଙ୍ଗୁ’ତ୍ଥୀ, ଉମ୍ମା ତୁ ଅତସୀ ଭୱେ ।
କିଟ୍ଠଞ୍ଚ ସସ୍ସଂ ଧଞ୍ଞଞ୍ଚ [ୱିଞ୍ଞେୟ୍ୟଂ (ଟୀ॰)], ୱୀହି ଥମ୍ବକରୀ [ଥମ୍ଭକରୀ (କ॰)] ରିତୋ ॥
କଣ୍ଡୋ ତୁ ନାଳ ମଥ ସୋ, ପଲାଲଂ ନିତ୍ଥି ନିପ୍ଫଲୋ ।
ଭୁସଂ କଲିଙ୍ଗରୋ ଚାଥ, ଥୁସୋ ଧଞ୍ଞତ୍ତଚେ ଥ ଚ ॥
ସେତଟ୍ଟିକା ସସ୍ସରୋଗୋ,
କଣୋ ତୁ କୁଣ୍ଡକୋ ଭୱେ ।
ଖଲୋ ଚ ଧଞ୍ଞକରଣଂ, ଥମ୍ବୋ[ଥମ୍ଭୋ (କ॰)] ଗୁମ୍ବୋ ତିଣାଦିନଂ ॥
ଅୟୋଗ୍ଗୋ ମୁସଲୋ ନିତ୍ଥୀ, କୁଲ୍ଲୋ ସୁପ୍ପ ମନିତ୍ଥିୟଂ ।
ଅଥୋ’ଦ୍ଧନଞ୍ଚ ଚୁଲ୍ଲି’ତ୍ଥୀ, କିଲଞ୍ଜୋ ତୁ କଟୋ ଭୱେ ॥
କୁମ୍ଭୀ’ତ୍ଥୀ ପିଠରୋ କୁଣ୍ଡଂ, ଖଳୋପ୍ୟୁ’କ୍ଖଲି ଥାଲ୍ୟୁ’ଖା ।
କୋଲମ୍ବୋ ଚାଥ ମଣିକଂ, ଭାଣକୋ ଚ ଅରଞ୍ଜରୋ ॥
ଘଟୋ ଦ୍ୱୀସୁ କୁଟୋ ନିତ୍ଥୀ, କୁମ୍ଭୋ କଲସ, ୱାରକା ।
କଂସୋ ଭୁଞ୍ଜନପତ୍ତୋ ଥା, ମତ୍ତଂ ପତ୍ତୋ ଚ ଭାଜନଂ ॥
ଅଣ୍ଡୁପକଂ ଚୁମ୍ବଟକଂ, ସରାୱୋ ତୁ ଚ ମଲ୍ଲକୋ ।
ପୁମେ କଟଚ୍ଛୁଦବ୍ବି’ତ୍ଥୀ, କୁସୂଲୋ କୋଟ୍ଠ ମୁଚ୍ଚତେ ॥
ସାକୋ ଅନିତ୍ଥିୟଂ ଡାକୋ, ସିଙ୍ଗୀୱେରଂତୁ ଅଦ୍ଦକଂ ।
ମହୋସଧଂ ତୁ ତଂ ସୁକ୍ଖଂ, ମରିଚଂ ତୁ ଚ କୋଲକଂ ॥
ସୋୱୀରଂ କଞ୍ଜିୟଂ ୱୁତ୍ତଂ, ଆରନାଳଂ ଥୁସୋଦକଂ ।
ଧଞ୍ଞମ୍ବିଲଂ ବିଳଙ୍ଗୋ ଥ, ଲୱଣଂ ଲୋଣ ମୁଚ୍ଚତେ ॥
ସାମୁଦ୍ଦଂ ସିନ୍ଧୱୋ ନିତ୍ଥୀ, କାଳଲୋଣଂ ତୁ ଉବ୍ଭିଦଂ ।
ବିଳକଂ [ବିଳାଲ (କ॰)] ଚେତି ପଞ୍ଚେତେ, ପଭେଦା ଲୱଣସ୍ସ ହି ॥
ଗୁଳୋ ଚ ଫାଣିତଂ ଖଣ୍ଡୋ, ମଚ୍ଛଣ୍ଡୀ ସକ୍ଖରା ଇତି ।
ଇମେ ଉଚ୍ଛୁୱିକାରା ଥ, ଗୁଳସ୍ମିଂ ୱିସକଣ୍ଟକଂ ॥
ଲାଜା ସିୟା’କ୍ଖତଂ ଚାଥ, ଧାନା ଭଟ୍ଠୟୱେ ଭୱେ ।
ଅବଦ୍ଧସତ୍ତୁ ମନ୍ଥୋ ଚ, ପୂପା’ ପୂପା ତୁ ପିଟ୍ଠକୋ ॥
ଭତ୍ତକାରୋ ସୂପକାରୋ, ସୂଦୋ ଆଳାରିକୋ ତଥା ।
ଓଦନିକୋ ଚ ରସକୋ, ସୂପୋ ତୁ ବ୍ୟଞ୍ଜନଂ ଭୱେ ॥
ଓଦନୋ ୱା କୁରଂ ଭତ୍ତଂ, ଭିକ୍ଖା ଚା’ନ୍ନ ମଥା ସନଂ ।
ଆହାରୋ ଭୋଜନଂ ଘାସୋ,
ତରଲଂ ୟାଗୁ ନାରିୟଂ ॥
ଖଜ୍ଜଂ ତୁ ଭୋଜ୍ଜ ଲେୟ୍ୟାନି, ପେୟ୍ୟନ୍ତି ଚତୁଧା’ସନଂ ।
ନିସ୍ସାୱୋ ଚ ତଥା’ଚାମୋ,
ଆଲୋପୋ କବଳୋ ଭୱେ ॥
ମଣ୍ଡୋ ନିତ୍ଥୀରସଗ୍ଗସ୍ମିଂ, ୱିଘାସୋ ଭୁତ୍ତସେସକେ ।
ୱିଘାସାଦୋ ଚ ଦମକୋ, ପିପାସା ତୁ ଚ ତସ୍ସନଂ ॥
ଖୁଦ୍ଦା ଜିଘଚ୍ଛା, ମଂସସ୍ସ, ପଟିଚ୍ଛାଦନିୟଂ ରସୋ ।
ଉଦ୍ରେକୋ ଚେୱ ଉଗ୍ଗାରୋ, ସୋହିଚ୍ଚଂ ତିତ୍ତି ତପ୍ପନଂ ॥
କାମଂ ତ୍ୱିଟ୍ଠଂ ନିକାମଞ୍ଚ, ପରିୟତ୍ତଂ ୟଥଚ୍ଛିତଂ ।
କୟୱିକ୍କୟିକୋ ସତ୍ଥ,ୱାହା’ ପଣିକ ୱାଣିଜା ॥
ୱିକ୍କୟିକୋ ତୁ ୱିକ୍କେତା,
କୟିକୋ ତୁ ଚ କାୟିକୋ ।
ଉତ୍ତମଣ୍ଣୋ ଚ ଧନିକୋ, ଧମଣ୍ଣୋ ତୁ ଇଣାୟିକୋ ॥
ଉଦ୍ଧାରୋ ତୁ ଇଣଂ ୱୁତ୍ତଂ, ମୂଲଂ ତୁ ପାଭତଂ ଭୱେ ।
ସଚ୍ଚାପନଂ ସଚ୍ଚଂକାରୋ, ୱିକ୍କେୟ୍ୟଂ ପଣିୟ୍ୟଂ ତିସୁ ॥
ପଟିଦାନଂ ପରିୱତ୍ତୋ, ନ୍ୟାସୋ ତୂ’ପନିଧୀ ରିତୋ ।
ଅଟ୍ଠାରସନ୍ତା ସଙ୍ଖ୍ୟେୟ୍ୟେ, ସଙ୍ଖ୍ୟା ଏକାଦୟୋ ତିସୁ ।
ସଙ୍ଖ୍ୟାନେ ତୁ ଚ ସଙ୍ଖ୍ୟେୟ୍ୟେ, ଏକତ୍ତେ ୱୀସତାଦୟୋ ।
ୱଗ୍ଗଭେଦେ ବହୁତ୍ତେପି, ତା ଆନୱୁତି ନାରିୟଂ ॥
ସତଂ ସହସ୍ସଂ ନିୟୁତଂ [ନହୁତଂ-ନୟୁତଂ (କତ୍ଥଚି)], ଲକ୍ଖଂ କୋଟି ପକୋଟିୟୋ ।
କୋଟିପକୋଟି ନହୁତଂ, ତଥା ନିନ୍ନହୁତମ୍ପି ଚ ॥
ଅକ୍ଖୋଭନୀତ୍ଥିୟଂ [ଅକ୍ଖୋଭିଣୀ (କ॰)] ବିନ୍ଦୁ, ଅବ୍ବୁଦଞ୍ଚ ନିରବ୍ବୁଦଂ ।
ଅହହଂ ଅବବଂ ଚେୱା, ଟଟଂ ସୋଗନ୍ଧି କୁପ୍ପଲଂ ॥
କୁମୁଦଂ ପୁଣ୍ଡରୀକଞ୍ଚ, ପଦୁମଂ କଥାନମ୍ପି ଚ ।
ମହାକଥାନା’ସଙ୍ଖ୍ୟେୟ୍ୟା, ନି’ଚ୍ଚେତାସୁ ସତାଦି ଚ ॥
କୋଟ୍ୟାଦିକଂ ଦସଗୁଣଂ, ସତଲକ୍ଖଗୁଣଂ କମା ।
ଚତୁତ୍ଥୋ’ଡ୍ଢେନ ଅଡ୍ଢୁଡ୍ଢୋ,
ତତିୟୋ ଡ୍ଢତିୟୋ ତଥା ॥
ଅଡ୍ଢତେୟ୍ୟୋ ଦିୟଡ୍ଢୋ ତୁ,
ଦିୱଡ୍ଢୋ ଦୁତିୟୋ ଭୱେ ।
ତୁଲା, ପତ୍ଥ, ଙ୍ଗୁଲି, ୱସା, ତିଧା ମାନ ମଥୋ ସିୟା ॥
ଚତ୍ତାରୋ ୱିହୟୋ ଗୁଞ୍ଜା,
ଦ୍ୱେ ଗୁଞ୍ଜା ମାସକୋ ଭୱେ ।
ଦ୍ୱେ ଅକ୍ଖା ମାସକା ପଞ୍ଚ, କ୍ଖାନଂ ଧରଣମଟ୍ଠକଂ ॥
ସୁୱଣ୍ଣୋ ପଞ୍ଚଧରଣଂ, ନିକ୍ଖଂ ତ୍ୱନିତ୍ଥି ପଞ୍ଚ ତେ ।
ପାଦୋ ଭାଗେ ଚତୁତ୍ଥେ ଥ, ଧରଣାନି ପଲଂ ଦସ ॥
ତୁଲା ପଲସତଂ ଚାଥ, ଭାରୋ ୱୀସତି ତା ତୁଲା ।
ଅଥୋ କହାପଣୋ ନିତ୍ଥୀ, କଥ୍ୟତେ କରିସାପଣୋ ॥
କୁଡୁୱୋ ପସତୋ ଏକୋ,
ପତ୍ଥୋ ତେ ଚତୁରୋ ସିୟୁଂ ।
ଆଳ୍ହକୋ ଚତୁରୋ ପତ୍ଥା, ଦୋଣଂ ୱାଚତୁରା’ଳ୍ହକଂ ॥
ମାନିକା ଚତୁରୋ ଦୋଣା, ଖାରୀତ୍ଥୀ ଚତୁମାନିକା ।
ଖାରିୟୋ ୱୀସ ୱାହୋ ଥ,
ସିୟା କୁମ୍ଭୋ ଦସମ୍ବଣଂ ॥
ଆଳ୍ହକୋ ନିତ୍ଥିୟଂ ତୁମ୍ଭୋ, ପତ୍ଥୋତୁ ନାଳି ନାରିୟଂ ।
ୱାହୋ ତୁ ସକଟୋ ଚେକା,
ଦସ ଦୋଣା ତୁ ଅମ୍ବଣଂ ॥
ପଟିୱୀସୋ ଚ କୋଟ୍ଠାସୋ,
ଅଂସୋ ଭାଗୋ ଧନଂ ତୁ ସୋ ।
ଦବ୍ବଂ ୱିତ୍ତଂ ସାପତେୟ୍ୟଂ, ୱସ୍ୱ’ତ୍ଥୋ ୱିଭୱୋ ଭୱେ ॥
କୋସୋ ହିରଞ୍ଞଞ୍ଚ କତା, କତଂ କଞ୍ଚନ, ରୂପିୟଂ ।
କୁପ୍ପଂ ତଦଞ୍ଞଂ ତମ୍ବାଦି, ରୂପିୟଂ ଦ୍ୱୟ ମାହତଂ ॥
ସୁୱଣ୍ଣଂ କନକଂ ଜାତ, ରୂପଂ ସୋଣ୍ଣଞ୍ଚ କଞ୍ଚନଂ ।
ସତ୍ଥୁୱଣ୍ଣୋ ହରୀ କମ୍ବୁ, ଚାରୁ ହେମଞ୍ଚ ହାଟକଂ ॥
ତପନିୟଂ ହିରଞ୍ଞଂ ତ, ବ୍ଭେଦା ଚାମୀକରମ୍ପି ଚ ।
ସାତକୁମ୍ଭଂ ତଥା ଜମ୍ବୁ, ନଦଂ ସିଙ୍ଗୀ ଚ ନାରିୟଂ ॥
ରୂପିୟଂ ରଜତଂ ସଜ୍ଝୁ, ରୂପୀ ସଜ୍ଝଂ ଅଥୋ ୱସୁ ।
ରତନଞ୍ଚ ମଣି ଦ୍ୱୀସୁ, ପୁପ୍ଫରାଗାଦୀ ତବ୍ଭିଦା ॥
ସୁୱଣ୍ଣଂ ରଜତଂ ମୁତ୍ତା, ମଣି ୱେଳୁରିୟାନି ଚ ।
ୱଜିରଞ୍ଚ ପୱାଳନ୍ତି, ସତ୍ତା’ହୁ ରତନାନି’ ମେ ॥
ଲୋହିତଙ୍କୋ ଚ ପଦୁମ, ରାଗୋ ରତ୍ତମଣି ପ୍ୟଥ ।
ୱଂସୱଣ୍ଣୋ ୱେଳୁରିୟଂ, ପୱାଳଂ ୱା ଚ ୱିଦ୍ଦୁମୋ ॥
ମସାରଗଲ୍ଲଂ କବରମଣି, ଅଥ ମୁତ୍ତା ଚ ମୁତ୍ତିକଂ ।
ରୀତି [ରୀରୀ (ଟୀ॰)] ତ୍ଥୀ ଆରକୂଟୋ ୱା, ଅମଲଂ ତ୍ୱ’ବ୍ଭକଂ ଭୱେ ॥
ଲୋହୋ ନିତ୍ଥୀ ଅୟୋ କାଳା,
ୟସଞ୍ଚ ପାରଦୋ ରସୋ ।
କାଳତିପୁ ତୁ ସୀସଞ୍ଚ, ହରିତାଲଂ ତୁ ପୀତନଂ ॥
ଚିନପିଟ୍ଠଞ୍ଚ ସିନ୍ଦୂରଂ, ଅଥ ତୂଲୋ ତଥା ପିଚୁ ।
ଖୁଦ୍ଦଜଂ ତୁ ମଧୁ ଖୁଦ୍ଦଂ, ମଧୁଚ୍ଛିଟ୍ଠଂ ତୁ ସିତ୍ଥକଂ ॥
ଗୋପାଲୋ ଗୋପ ଗୋସଙ୍ଖ୍ୟା,
ଗୋମା ତୁ ଗୋମିକୋ ପ୍ୟଥ ।
ଉସଭୋ ବଲୀବଦ୍ଧୋ [ବଲିବଦ୍ଦ (କ॰)] ଚ, ଗୋଣୋ ଗୋୱସଭୋ ୱୁସୋ ॥
ୱୁଦ୍ଧୋ ଜରଗ୍ଗୱୋ ସୋ ଥ, ଦମ୍ମୋ ୱଚ୍ଛତରୋ ସମା ।
ଧୁରୱାହୀ ତୁ ଧୋରୟ୍ହୋ, ଗୋୱିନ୍ଦୋ ଧିକତୋ ଗୱଂ ॥
ୱହୋ ଚ ଖନ୍ଧଦେସୋ ଥ, କକୁଧୋ [କକୁଦୋ (କ॰)] କକୁ ୱୁଚ୍ଚତେ ।
ଅଥୋ ୱିସାଣଂ ସିଙ୍ଗଞ୍ଚ, ରତ୍ତଗାୱୀ ତୁ ରୋହିଣୀ ॥
ଗାୱୀ ଚ ସିଙ୍ଗିନୀ ଗୋ ଚ, ୱଞ୍ଝା ତୁ କଥ୍ୟତେ ୱସା ।
ନୱପ୍ପସୂତିକା ଧେନୁ, ୱଚ୍ଛକାମା ତୁ ୱଚ୍ଛଲା ॥
ଗଗ୍ଗରୀ ମନ୍ଥନୀତ୍ଥୀ ଦ୍ୱେ, ସନ୍ଦାନଂ ଦାମମୁଚ୍ଚତେ ।
ଗୋମିଳ୍ହୋ ଗୋମୟୋ ନିତ୍ଥୀ, ଅଥୋ ସପ୍ପି ଘତଂ ଭୱେ ॥
ନୱୁଦ୍ଧଟଂ ତୁ ନୋନୀତଂ, ଦମିମଣ୍ଡଂ ତୁ ମତ୍ଥୁ ଚ,
ଖୀରଂ ଦୁଦ୍ଧଂ ପୟୋ ଥଞ୍ଞଂ, ତକ୍କଂ ତୁ ମଥିତଂ ପ୍ୟଥ ॥
ଖୀରଂ ଦଧି ଘତଂ ତକ୍କଂ, ନୋନୀତଂ ପଞ୍ଚ ଗୋରସା ।
ଉରବ୍ଭୋ ମେଣ୍ଡ ମେସା ଚ, ଉରଣୋ ଅୱି ଏଳକୋ ॥
ୱସ୍ସୋ ତ୍ୱଜୋ ଛଗଲକୋ,
ଓଟ୍ଠୋ ତୁ କରଭୋ ଭୱେ ।
ଗଦ୍ରଭୋ ତୁ ଖରୋ ୱୁତ୍ତୋ, ଉରଣୀ ତୁ ଅଜୀ ଅଜା ॥
ଇତି ୱେସ୍ସୱଗ୍ଗୋ ।
ସୁଦ୍ଦୋ’ନ୍ତୱଣ୍ଣୋ ୱସଲୋ, ସଂକିଣ୍ଣା ମାଗଧାଦୟୋ ।
ମାଗଧୋ ସୁଦ୍ଦଖତ୍ତାଜୋ, ଉଗ୍ଗୋ ସୁଦ୍ଦାୟ ଖତ୍ତଜୋ ॥
ଦ୍ୱିଜାଖତ୍ତିୟଜୋ ସୂତୋ, କାରୁତୁ ସିପ୍ପିକୋପୁମେ ।
ସଙ୍ଘାତୋତୁ ସଜାତୀନଂ, ତେସଂ ସେଣୀ ଦ୍ୱିସୁଚ୍ଚତେ ॥
ତଚ୍ଛକୋ ତନ୍ତୱାୟୋ ଚ, ରଜକୋ ଚ ନହାପିତୋ ।
ପଞ୍ଚମୋ ଚମ୍ମକାରୋତି, କାରୱୋ ପଞ୍ଚିମେ ସିୟୁଂ ॥
ତଚ୍ଛକୋ ୱଡ୍ଢକୀ ମତୋ, ପଲଗଣ୍ଡୋ ଥପତ୍ୟପି ।
ରଥକାରୋ ଥ ସୁୱଣ୍ଣ, କାରୋ ନାଳିନ୍ଧମୋ ଭୱେ ॥
ତନ୍ତୱାୟୋ ପେସକାରୋ,
ମାଲାକାରୋ ତୁ ମାଲିକୋ ।
କୁମ୍ଭକାରୋ କୁଲାଲୋ ଥ,
ତୁନ୍ନୱାୟୋ ଚ ସୂଚିକୋ ॥
ଚମ୍ମକାରୋ ରଥକାରୋ, କପ୍ପକୋ ତୁ ନହାପିତୋ ।
ରଙ୍ଗାଜୀୱୋ ଚିତ୍ତକାରୋ, ପୁକ୍କୁସୋ ପୁପ୍ଫଛଡ୍ଡକୋ ॥
ୱେନୋ ୱିଲୀୱକାରୋ ଚ, ନଳକାରୋ ସମା ତୟୋ ।
ଚୁନ୍ଦକାରୋ ଭମକାରୋ,
କମ୍ମାରୋ ଲୋହକାରକୋ ॥
ନିନ୍ନେଜକୋ ଚ ରଜକୋ, ନେତ୍ତିକୋ ଉଦହାରକୋ ।
ୱୀଣାୱାଦୀ ୱେଣିକୋ ଥ, ଉସୁକାରୋ’ ସୁୱଡ୍ଢକୀ ॥
ପାଣିୱାଦୋ ତୁ ପାଣିଘୋ [ପାଣିୟୋ (କତ୍ଥଚି)]।
ପୂପିୟୋ ପୂପପଣିୟୋ, ସୋଣ୍ଡିକୋ ମଜ୍ଜୱିକ୍କୟୀ ॥
ମାୟା ତୁ ସମ୍ବରୀ ମାୟା, କାରୋ ତୁ ଇନ୍ଦଜାଲିକୋ ।
ଓରବ୍ଭିକା ସୂକରିକା, ମାଗୱିକା ତେ ଚ ସାକୁଣିକା ।
ହନ୍ତ୍ୱା ଜୀୱନ୍ତେ’ଳକ, ସୂକର, ମିଗ, ପକ୍ଖିନୋ କମତୋ ॥
ୱାଗୁରିକୋ ଜାଲିକୋ ଥ,
ଭାରୱାହୋ ତୁ ଭାରିକୋ ।
ୱେତନିକୋ ତୁ ଭତକୋ, କମ୍ମକରୋ ଥ କିଂ କରୋ ।
ଦାସୋ ଚ ଚେଟକୋ ପେସ୍ସୋ, ଭଚ୍ଚୋ ଚ ପରିଚାରିକୋ ॥
ଅନ୍ତୋଜାତୋ ଧନକ୍କୀତୋ, ଦାସବ୍ୟୋ’ପଗତୋ ସୟଂ ।
ଦାସା କରମରାନୀତୋ, ଚ୍ଚେୱଂ ତେ ଚତୁଧା ସିୟୁଂ ॥
ଅଦାସୋ ତୁ ଭୁଜିସ୍ସୋ ଥ,
ନୀଚୋ ଜମ୍ମୋ ନିହୀନକୋ ।
ନିକ୍କୋସଜ୍ଜୋ ଅକିଲାସୁ,
ମନ୍ଦୋ ତୁ ଅଲସୋ ପ୍ୟଥ ॥
ସପାକୋ ଚେୱ ଚଣ୍ଡାଲୋ, ମାତଙ୍ଗୋ ସପଚୋ ଭୱେ ।
ତବ୍ଭେଦା ମିଲକ୍ଖଜାତୀ, କିରାତ, ସୱରାଦୟୋ ॥
ନେସାଦୋ ଲୁଦ୍ଦକୋ ବ୍ୟାଧୋ,
ମିଗୱୋ ତୁ ମିଗବ୍ୟଧୋ ।
ସାରମେୟ୍ୟୋ ଚ ସୁନଖୋ, ସୁନୋ ସୋଣୋ ଚ କୁକ୍କୁରୋ ॥
ସ୍ୱାନୋ ସୁୱାନୋ ସାଳୂରୋ,
ସୂନୋ ସାନୋ ଚ ସା ପୁମେ ।
ଉମ୍ମତ୍ତାଦିତ ମାପନ୍ନୋ, ଅଳକ୍କୋତି ସୁନୋ ମତୋ ॥
ସାବନ୍ଧନଂ ତୁ ଗଦ୍ଦୂଲୋ, ଦୀପକୋ ତୁ ଚ ଚେତକୋ ।
ବନ୍ଧନଂ ଗଣ୍ଠି ପାସୋ ଥ, ୱାଗୁରା [ୱାକରା (ସୀ॰ ଟୀ॰)] ମିଗବନ୍ଧନୀ ॥
ଥିୟଂ କୁୱେଣୀ କୁମୀନଂ, ଆନୟୋ ଜାଲ ମୁଚ୍ଚତେ ।
ଆଘାତନଂ ୱଧଟ୍ଠାନଂ, ସୂନା ତୁ ଅଧିକୋଟ୍ଟନଂ ॥
ଥେନେ’କାଗାରିକୋ ସମା ।
ଥେୟ୍ୟଞ୍ଚ ଚୋରିକା ମୋସୋ,
ୱେମୋ ୱାୟନଦଣ୍ଡକୋ ॥
ସୁତ୍ତଂ ତନ୍ତୁ ପୁମେ ତନ୍ତଂ, ପୋତ୍ଥଂ ଲେପ୍ୟାଦିକମ୍ମନି ।
ପଞ୍ଚାଲିକା ପୋତ୍ଥଲିକା, ୱତ୍ଥଦନ୍ତାଦିନିମ୍ମିତା ॥
ଉଗ୍ଘାଟନଂ ଘଟୀୟନ୍ତଂ, କୂପମ୍ବୁବ୍ବାହନଂ ଭୱେ ।
ମଞ୍ଜୂସା ପେଳା ପିଟକୋ, ତ୍ୱିତ୍ଥିୟଂ ପଚ୍ଛି ପେଟକୋ ॥
ବ୍ୟାଭଙ୍ଗୀ ତ୍ୱିତ୍ଥିୟଂ କାଜୋ, ସିକ୍କା ତ୍ୱତ୍ରା’ୱଲମ୍ବନଂ ।
ଉପାହନୋ ୱା ପାଦୁ’ତ୍ଥୀ, ତବ୍ଭେଦା ପାଦୁକା ପ୍ୟଥ ॥
ୱରତ୍ତା ୱଦ୍ଧିକା ନଦ୍ଧି, ଭସ୍ତା ଚମ୍ମପସିବ୍ବକଂ ।
ସୋଣ୍ଣାଦ୍ୟାୱତ୍ତନୀ ମୂସା,
ଥ କୂଟଂ ୱା ଅୟୋଘନୋ ॥
କମ୍ମାରଭଣ୍ଡା ସଣ୍ଡାସୋ, ମୁଟ୍ଠ୍ୟା’ଧିକରଣୀତ୍ଥୀୟଂ ।
ତବ୍ଭସ୍ତା ଗଗ୍ଗରୀ ନାରୀ, ସତ୍ତଂ ତୁ ପିପ୍ଫଲଂ ଭୱେ ॥
ସାଣୋ ତୁ ନିକସୋ ୱୁତ୍ତୋ,
ଆରା ତୁ ସୂଚିୱିଜ୍ଝନଂ ।
ଖରୋ ଚ କକଚୋ ନିତ୍ଥୀ, ସିପ୍ପଂ କମ୍ମଂ କଲାଦିକଂ ॥
ପଟିମା ପଟିବିମ୍ବଞ୍ଚ, ବିମ୍ବୋ ପଟିନିଧୀରିତୋ ।
ତୀସୁ ସମୋ ପଟିଭାଗୋ, ସନ୍ନିକାସୋ ସରିକ୍ଖକୋ ॥
ସମାନୋ ସଦିସୋ ତୁଲ୍ୟୋ,
ସଙ୍କାସୋ ସନ୍ନିଭୋ ନିଭୋ ।
ଓପମ୍ମ ମୁପମାନଂ ଚୁ, ପମା ଭତି ତୁ ନାରିୟଂ ॥
ନିବ୍ବେସୋ ୱେତନଂ ମୂଲ୍ୟଂ, ଜୂତଂ ତ୍ୱନିତ୍ଥି କେତୱଂ ।
ଧୁତ୍ତୋ’କ୍ଖଧୁତ୍ତୋ କିତୱୋ, ଜୂତକାର, କ୍ଖଦେୱିନୋ ॥
ପାଟିଭୋଗୋତୁ ପଟିଭୂ, ଅକ୍ଖୋ ତୁ ପାସକୋ ଭୱେ ।
ପୁମେୱା’ ଟ୍ଠପଦଂ[ଅଟ୍ଠାପଦଂ (ଟୀ॰ ସୀ॰)] ସାରି, ଫଲକେ ଥ ପଣୋ, ବ୍ଭୁତୋ ॥
କିଣ୍ଣଂ ତୁ ମଦିରାବୀଜେ, ମଧୁ ମଧ୍ୱାସୱେ ମତଂ ।
ମଦିରା ୱାରୁଣୀ ମଜ୍ଜଂ, ସୁରା ଭୱୋ ତୁ ମେରୟଂ ॥
ସରକୋ ଚସକୋ ନିତ୍ଥୀ, ଆପାନଂ ପାନମଣ୍ଡଲଂ ।
ୟେ’ତ୍ର ଭୂରିପ୍ପୟୋଗତ୍ତା, ୟୋଗିକେକସ୍ମି ମୀରିତା ।
ଲିଙ୍ଗନ୍ତରେପି ତେ ଞେୟ୍ୟା, ତଦ୍ଧମ୍ମତ୍ତା’ଞ୍ଞୱୁତ୍ତିୟନ୍ତି ॥
ଇତି ସୁଦ୍ଦୱଗ୍ଗୋ ।
ଚତୁବ୍ବଣ୍ଣୱଗ୍ଗୋ ନିଟ୍ଠିତୋ ।
୫. ଅରଞ୍ଞୱଗ୍ଗ
ଅରଞ୍ଞଂ କାନନଂ ଦାୟୋ, ଗହନଂ ୱିପିନଂ ୱନଂ ।
ଅଟୱୀ’ତ୍ଥୀ ମହାରଞ୍ଞଂ, ତ୍ୱ, ରଞ୍ଞାନୀତ୍ଥିୟଂ ଭୱେ ॥
ନଗରା ନାତିଦୂରସ୍ମିଂ, ସନ୍ତେହି ୟୋ ଭିରୋପିତୋ ।
ତରୁସଣ୍ଡୋ ସ ଆରାମୋ, ତଥୋ ପୱନ ମୁଚ୍ଚତେ ॥
ସବ୍ବସାଧାରଣା’ରଞ୍ଞଂ, ରଞ୍ଞ ମୁୟ୍ୟାନ ମୁଚ୍ଚତେ ।
ଞେୟ୍ୟଂ ତଦେୱ ପମଦ, ୱନ ମନ୍ତେପୁରୋଚିତଂ ॥
ପନ୍ତି ୱୀଥ୍ୟା’ୱଲି ସେଣୀ, ପାଳି ଲେଖା ତୁ ରାଜି ଚ ।
ପାଦପୋ ୱିଟପୀ ରୁକ୍ଖୋ, ଅଗୋ ସାଲୋ ମହୀରୁହୋ ॥
ଦୁମୋ ତରୁ କୁଜୋ ସାଖୀ, ଗଚ୍ଛୋ ତୁ ଖୁଦ୍ଦପାଦପୋ ।
ଫଲନ୍ତି ୟେ ୱିନା ପୁପ୍ଫଂ, ତେ ୱୁଚ୍ଚନ୍ତି ୱନପ୍ପତୀ ॥
ଫଲପାକାୱସାନେ ୟୋ,
ମରତ୍ୟୋ ସଧି ସା ଭୱେ ।
ତୀସୁ ୱଞ୍ଚ୍ୟା’ଫଲା ଚାଥ, ଫଲିନୋ ଫଲୱା ଫଲୀ ॥
ସମ୍ଫୁଲ୍ଲିତୋ ତୁ ୱିକଚୋ, ଫୁଲ୍ଲୋ ୱିକସିତୋ ତିସୁ ।
ସିରୋ’ଗ୍ଗଂ ସିଖରୋ ନିତ୍ଥୀ, ସାଖା ତୁ କଥିତା ଲତା ॥
ଦଲଂ ପଲାସଂ ଛଦନଂ, ପଣ୍ଣଂ ପତ୍ତଂ ଛଦୋ ପ୍ୟଥ ।
ପଲ୍ଲୱୋ ୱା କିସଲୟଂ, ନୱୁବ୍ଭିନ୍ନେ ତୁ ଅଙ୍କୁରୋ ॥
ମକୁଲଂ ୱା କୁଟୁମଲୋ, ଖାରକୋ ତୁ ଚ ଜାଲକଂ ।
କଲିକା କୋରକୋ ନିତ୍ଥୀ, ୱଣ୍ଟଂ ପୁପ୍ଫାଦିବନ୍ଧନଂ ॥
ପସୱୋ କୁସୁମଂ ପୁପ୍ଫଂ, ପରାଗୋ ପୁପ୍ଫଜୋ ରଜୋ ।
ମକରନ୍ଦୋ ମଧୁ ମତଂ, ଥୱକୋ ତୁ ଚ ଗୋଚ୍ଛକୋ ॥
ଫଲେ ତ୍ୱା’ମେ ସଲାଟୁ’ତ୍ତୋ,
ଫଲଂ ତୁ ପକ୍କ ମୁଚ୍ଚତେ ।
ଚମ୍ପକ’ମ୍ବାଦିକୁସୁମ, ଫଲନାମଂ ନପୁଂସକେ ॥
ମଲ୍ଲିକାଦୀ ତୁ କୁସୁମେ, ସଲିଙ୍ଗା ୱୀହୟୋ ଫଲେ ।
ଜମ୍ବୂ’ତ୍ଥୀ ଜମ୍ବୱଂ ଜମ୍ବୂ, ୱିଟପୋ ୱିଟଭୀ’ତ୍ଥିୟଂ ॥
ମୂଲ ମାରବ୍ଭ ସାଖନ୍ତୋ, ଖନ୍ଧୋ ଭାଗୋ ତରୁସ୍ସ ଥ ।
କୋଟରୋ ନିତ୍ଥିୟଂ ରୁକ୍ଖ, ଚ୍ଛିଦ୍ଦେ କଟ୍ଠଂ ତୁ ଦାରୁ ଚ ॥
ବୁନ୍ଦୋ ମୂଲଞ୍ଚ ପାଦୋ ଥ, ସଙ୍କୁ’ତ୍ତୋ ଖାଣୁନିତ୍ଥିୟଂ ।
କରହାଟଂ ତୁ କନ୍ଦୋ ଥ, କଳୀରୋ ମତ୍ଥକୋ ଭୱେ ॥
ୱଲ୍ଲରୀ ମଞ୍ଜରୀ ନାରୀ, ୱଲ୍ଲୀ ତୁ କଥିତା ଲତା ।
ଥମ୍ଭୋ ଗୁମ୍ବୋ ଚ ଅକ୍ଖନ୍ଧେ, ଲତା ୱିରୂ ପତାନିନୀ ॥
ଅସ୍ସତ୍ଥୋ ବୋଧି ଚ ଦ୍ୱୀସୁ, ନିଗ୍ରୋଧୋ ତୁ ୱଟୋ ଭୱେ ।
କବିଟ୍ଠୋ ଚ କପିତ୍ଥୋ ଚ, ୟଞ୍ଞଙ୍ଗୋ ତୁ ଉଦୁମ୍ବରୋ ॥
କୋୱିଳାରୋ ୟୁଗପତ୍ତୋ, ଉଦ୍ଦାଲୋ ୱାତଘାତକୋ ।
ରାଜରୁକ୍ଖୋ କତମାଲୀ, ନ୍ଦୀୱରୋ ବ୍ୟାଧିଘାତକୋ ॥
ଦନ୍ତସଠୋ ଚ ଜମ୍ଭୀରୋ, ୱରଣୋ ତୁ କରେରି ଚ ।
କିଂ ସୁକୋ ପାଲିଭଦ୍ଦୋଥ, ୱଞ୍ଜୁଲୋ ତୁ ଚ ୱେତସୋ ॥
ଅମ୍ବାଟକୋପୀତନକୋ, ମଧୁକୋ ତୁ ମଧୁଦ୍ଦୁମୋ ।
ଅଥୋ ଗୁଳଫଲୋ ପୀଲୁ, ସୋଭଞ୍ଜନୋ ଚ ସିଗ୍ଗୁ ଚ ॥
ସତ୍ତପଣ୍ଣି ଛତ୍ତପଣ୍ଣୋ, ତିନିସୋ ତ୍ୱ ତିମୁତ୍ତକୋ ।
କିଂ ସୁକୋ ତୁ ପଲାସୋ ଥ,
ଅରିଟ୍ଠୋ ଫେନିଲୋ ଭୱେ ॥
ମାଲୂର ବେଲୁୱାବିଲ୍ଲୋ, ପୁନ୍ନାଗୋ ତୁ ଚ କେସରୋ ।
ସାଲୱୋ ତୁ ଚ ଲୋଦ୍ଦୋ ଥ, ପିୟାଲୋ ସନ୍ନକଦ୍ଦୁ ଚ ॥
ଲିକୋଚକୋ ତଥା’ଙ୍କୋଲୋ,
ଅଥ ଗୁଗ୍ଗୁଲୁ କୋସିକୋ ।
ଅମ୍ବୋ ଚୂତୋ ସହୋ ତ୍ୱେସୋ,
ସହକାରୋ ସୁଗନ୍ଧୱା ॥
ପୁଣ୍ଡରୀକୋ ଚ ସେତମ୍ବୋ, ସେଲୁ ତୁ ବହୁୱାରକୋ ।
ସେପଣ୍ଣୀ କାସ୍ମିରୀ ଚାଥ, କୋଲୀ ଚ ବଦରୀତ୍ଥିୟଂ ॥
କୋଲଂ ଚାନିତ୍ଥୀ ବଦରୋ, ପିଲକ୍ଖୋ ପିପ୍ପଲୀ’ତ୍ଥିୟଂ ।
ପାଟଲୀ କଣ୍ହୱନ୍ତା ଚ, ସାଦୁକଣ୍ଟୋ ୱିକଙ୍କତୋ ॥
ତିନ୍ଦୁକୋ କାଳକ୍ଖନ୍ଧୋ ଚ, ତିମ୍ବରୂସକ ତିମ୍ବରୂ ।
ଏରାୱତୋ ତୁ ନାରଙ୍ଗୋ, କୁଲକୋ କାକତିନ୍ଦୁକୋ ॥
କଦମ୍ବୋ ପିୟକୋ ନୀପୋ, ଭଲ୍ଲୀ ଭଲ୍ଲାତକୋ ତିସୁ ।
ଝାୱୁକୋ ପିଚୁଲୋ ଚାଥ, ତିଲକୋ ଖୁରକୋ ଭୱେ ॥
ଚିଞ୍ଚା ଚ ତିନ୍ତିଣୀ ଚାଥ, ଗଦ୍ଦଭଣ୍ଡୋ କପୀତନୋ ।
ସାଲୋ’ସ୍ସକଣ୍ଣୋ ସଜ୍ଜୋ ଥ,
ଅଜ୍ଜୁନୋ କକୁଧୋ ଭୱେ ॥
ନିଚୁଲୋ ମୁଚଲିନ୍ଦୋ ଚ, ନୀପୋ ଥ ପିୟକୋ ତଥା ।
ଅସନୋ ପୀତସାଲୋ ଥ,
ଗୋଲୀସୋ ଝାଟଲୋ ଭୱେ ॥
ଖୀରିକା ରାଜାୟତନଂ, କୁମ୍ଭୀ କୁମୁଦିକା ଭୱେ ।
ୟୂପୋ [ପୂଗୋ (କ॰)] ତୁ କମୁକୋ ଚାଥ, ପଟ୍ଟି ଲାଖାପସାଦନୋ ॥
ଇଙ୍ଗୁଦୀ ତାପସତରୁ, ଭୁଜପତ୍ତୋ ତୁ ଆଭୁଜୀ ।
ପିଚ୍ଛିଲା ସିମ୍ବଲୀ ଦ୍ୱୀସୁ, ରୋଚନୋ କୋଟସିମ୍ବଲୀ ॥
ପକିରିୟୋ ପୂତିକୋ ଥ, ରୋହୀ ରୋହିତକୋ ଭୱେ ।
ଏରଣ୍ଡୋ ତୁ ଚ ଆମଣ୍ଡୋ, ଅଥ ସତ୍ତୁଫଲା ସମୀ ॥
ନତ୍ତମାଲୋ କରଞ୍ଜୋ ଥ, ଖଦିରୋ ଦନ୍ତଧାୱନୋ ।
ସୋମୱକ୍କୋ ତୁ କଦରୋ, ସଲ୍ଲୋତୁ ମଦନୋ ଭୱେ ॥
ଅଥାପି ଇନ୍ଦସାଲୋ ଚ, ସଲ୍ଲକୀ ଖାରକୋ ସିୟା ।
ଦେୱଦାରୁ ଭଦ୍ଦଦାରୁ, ଚମ୍ପେୟ୍ୟୋ ତୁ ଚ ଚମ୍ପକୋ ॥
ପନସୋ କଣ୍ଟକିଫଲୋ, ଅଭୟା ତୁ ହରୀତକୀ ।
ଅକ୍ଖୋ ୱିଭୀତକୋ ତୀସୁ, ଅମତା’ମଲକୀ ତିସୁ ॥
ଲବୁଜୋ ଲିକୁଚୋ ଚାଥ, କଣିକାରୋ ଦୁମୁପ୍ପଲୋ ।
ନିମ୍ବୋ’ରିଟ୍ଠୋ ପୁଚିମନ୍ଦୋ, କରକୋ ତୁ ଚ ଦାଳିମୋ ॥
ସରଲୋ ପୂତିକଟ୍ଠଞ୍ଚ, କପିଲା ତୁ ଚ ସିଂସପା ।
ସାମା ପିୟଙ୍ଗୁ କଙ୍ଗୁପି, ସିରୀସୋ ତୁ ଚ ଭଣ୍ଡିଲୋ ॥
ସୋଣକୋ ଦୀଘୱନ୍ତୋ ଚ,
ୱକୁଲୋ ତୁ ଚ କେସରୋ ।
କାକୋଦୁମ୍ବରିକା ଫେଗ୍ଗୁ, ନାଗୋ ତୁ ନାଗମାଲିକା ॥
ଅସୋକୋ ୱଞ୍ଜୁଲୋ ଚାଥ, ତକ୍କାରୀ ୱେଜୟନ୍ତିକା ।
ତାପିଞ୍ଛୋ ଚ ତମାଲୋ ଥ, କୁଟଜୋ ଗିରିମଲ୍ଲିକା ॥
ଇନ୍ଦୟୱୋ ଫଲେ ତସ୍ସା, ଗ୍ଗିମନ୍ଥୋ କଣିକା ଭୱେ ।
ନିଗୁଣ୍ଠି’ତ୍ଥୀ ସିନ୍ଦୁୱାରୋ, ତିଣସୁଞ୍ଞଂ [ତିଣସୂଲଂ (ଟୀ॰)] ତୁ ମଲ୍ଲିକା ॥
ସେଫାଲିକା ନୀଲିକା ଥ, ଅପ୍ଫୋଟା ୱନମଲ୍ଲିକା ।
ବନ୍ଧୁକୋ ଜୟସୁମନଂ, ଭଣ୍ଡିକୋ ବନ୍ଧୁଜୀୱକୋ ॥
ସୁମନା ଜାତିସୁମନା, ମାଲତୀ ଜାତି ୱସ୍ସିକୀ ।
ୟୂଥିକା ମାଗଧୀ ଚାଥ, ସତ୍ତଲା ନୱମଲ୍ଲିକା ॥
ୱାସନ୍ତୀ,ତ୍ଥୀ ଅତିମୁତ୍ତୋ, କରୱୀରୋ’ସ୍ସମାରକୋ ।
ମାତୁଲୁଙ୍ଗୋ ବୀଜପୂରୋ, ଉମ୍ମତ୍ତୋ ତୁ ଚ ମାତୁଲୋ ॥
କରମନ୍ଦୋ ସୁସେନୋ ଚ, କୁନ୍ଦଂ ତୁ ମାଘ୍ୟ ମୁଚ୍ଚତେ ।
ଦେୱତାସୋ [ଦେୱତାଡୋ (ସୀ॰ ଅମରକୋସ)] ତୁ ଜୀମୂତୋ,
ଥା’ମିଲାତୋ ମହାସହା ॥
ଅଥୋ ସେରେୟ୍ୟକୋ ଦାସୀ,
କିଂ କିରାତୋ କୁରଣ୍ଟକୋ ।
ଅଜ୍ଜୁକୋ ସିତପଣ୍ଣାସୋ, ସମୀରଣୋ ଫଣିଜ୍ଜକୋ ॥
ଜପା ତୁ ଜୟସୁମନଂ, କରୀରୋ କକଚୋ ଭୱେ ।
ରୁକ୍ଖାଦନୀ ଚ ୱନ୍ଦାକା, ଚିତ୍ତକୋ ତ୍ୱ’ଗ୍ଗିସଞ୍ଞିତୋ ॥
ଅକ୍କୋ ୱିକୀରଣୋ ତସ୍ମିଂ,
ତ୍ୱ’ ଳକ୍କୋ ସେତପୁପ୍ଫକେ ।
ପୂତିଲତା ଗଳୋଚୀ ଚ, ମୁବ୍ବା ମଧୁରସା ପ୍ୟଥ ॥
କପିକଚ୍ଛୁ ଦୁଫସ୍ସୋ ଥ, ମଞ୍ଜିଟ୍ଠା ୱିକସା ଭୱେ ।
ଅମ୍ବଟ୍ଠା ଚ ତଥା ପାଠା, କଟୁକା କଟୁରୋହିଣୀ ॥
ଅପାମଗ୍ଗୋ ସେଖରିକୋ, ପିପ୍ପଲୀ ମାଗଧୀ ମତା ।
ଗୋକଣ୍ଟକୋ ଚ ସିଙ୍ଘାଟୋ, କୋଲୱଲ୍ଲୀ’ଭପିପ୍ପଲୀ ॥
ଗୋଲୋମୀ ତୁ ୱଚା ଚାଥ, ଗିରିକଣ୍ୟ’ପରାଜିତା ।
ସୀହପୁଚ୍ଛୀ ପଞ୍ହିପଣ୍ଣୀ, ସାଲପଣ୍ଣୀ ତୁ ଚ’ତ୍ଥିରା । (ଚଥିରା) ॥
ନିଦିଦ୍ଧିକା ତୁ ବ୍ୟଗ୍ଘୀ ଚ, ଅଥ ନୀଲୀ ଚ ନୀଲିନୀ ।
ଜିଞ୍ଜୁକୋ [ଜିଞ୍ଜୁକା (କ॰)] ଚେୱ ଗୁଞ୍ଜା ଥ, ସତମୂଲୀ ସତାୱରୀ ॥
ମହୋସଧଂ ତ୍ୱ’ତିୱିସା, ବାକୁଚୀ ସୋମୱଲ୍ଲିକା ।
ଦାବ୍ବୀ ଦାରୁହଲିଦ୍ଦା ଥ, ବିଳଙ୍ଗଂ ଚିତ୍ରତଣ୍ଡୁଲା ॥
ନୁହୀ ଚେୱ ମହାନାମୋ, ମୁଦ୍ଦିକା ତୁ ମଧୁରସା ।
ଅଥାପି ମଧୁକଂ ୟଟ୍ଠି, ମଧୁକାମଧୁୟଟ୍ଠିକା [ମଧୁଲଟ୍ଠିକା (ସୀ॰ ଟୀ॰)]॥
ୱାତିଙ୍ଗଣୋ ଚ ଭଣ୍ଡାକୀ, ୱାତ୍ତାକୀ ବ୍ରହତୀ ପ୍ୟଥ ।
ନାଗବଲା ଚେୱ ଝସା, ଲାଙ୍ଗଲୀ ତୁ ଚ ସାରଦୀ ॥
ରମ୍ଭା ଚ କଦଲୀ ମୋଚୋ, କପ୍ପାସୀ ବଦରା ଭୱେ ।
ନାଗଲତା ତୁ ତମ୍ବୂଲୀ, ଅଗ୍ଗିଜାଲା ତୁ ଧାତକୀ ॥
ତିୱୁତା ତିପୁଟା ଚାଥ, ସାମା କାଳା ଚ କଥ୍ୟତେ ।
ଅଥୋ ସିଙ୍ଗୀ ଚ ଉସଭୋ, ରେଣୁକା କପିଳା ଭୱେ ॥
ହିରିୱେରଞ୍ଚ ୱାଲଞ୍ଚ, ରତ୍ତଫଲା ତୁ ବିମ୍ବିକା ।
ସେଲେୟ୍ୟ’ ମସ୍ମପୁପ୍ଫଞ୍ଚ, ଏଲା ତୁ ବହୁଲା ଭୱେ ॥
କୁଟ୍ଠଞ୍ଚ ବ୍ୟାଧି କଥିତୋ, ୱାନେୟ୍ୟଂ ତୁ କୁଟନ୍ନଟଂ ।
ଓସଧି ଜାତିମତ୍ତମ୍ହି, ଓସଧଂ ସବ୍ବ’ ମଜାତିୟଂ ॥
ମୂଲଂ ପତ୍ତଂ କଳୀର’ଗ୍ଗଂ, କନ୍ଦଂ ମିଞ୍ଜା ଫଲଂ ତଥା ।
ତଚୋ ପୁପ୍ଫଞ୍ଚ ଛତ୍ତନ୍ତି, ସାକଂ ଦସୱିଧଂ ମତଂ ॥
ପପୁନ୍ନାଟୋ ଏଳଗଲୋ,
ତଣ୍ଡୁଲେୟ୍ୟୋ’ପ୍ପମାରିସୋ ।
ଜୀୱନ୍ତି ଜୀୱନୀ ଚାଥ, ମଧୁରକୋ ଚ ଜୀୱକୋ ॥
ମହାକନ୍ଦୋ ଚ ଲସୁଣଂ, ପଲଣ୍ଡୁ ତୁ ସୁକନ୍ଦକୋ ।
ପଟୋଲୋ ତିତ୍ତକୋ ଚାଥ, ଭିଙ୍ଗରାଜୋ ଚ ମକ୍କୱୋ ॥
ପୁନନ୍ନୱା ସୋଥଘାତୀ, ୱିତୁନ୍ନଂ ସୁନିସଣ୍ଣକଂ ।
କାରୱେଲ୍ଲୋ ତୁ ସୁସୱୀ, ତୁମ୍ବ୍ୟା’ଲାବୁ ଚ ଲାବୁ ସା ॥
ଏଳାଲୁକଞ୍ଚ କକ୍କାରୀ, କୁମ୍ଭଣ୍ଡୋ ତୁ ଚ ୱଲ୍ଲିଭୋ ।
ଇନ୍ଦୱାରୁଣୀ ୱିସାଲା, ୱତ୍ଥୁକଂ ୱତ୍ଥୁଲେୟ୍ୟକୋ ॥
ମୂଲକୋ ନିତ୍ଥିୟଂ ଚୁଚ୍ଚୁ, ତମ୍ବକୋ ଚ କଲମ୍ବକୋ ।
ସାକଭେଦା କାସମଦ୍ଦ, ଝଜ୍ଝରୀ ଫଗ୍ଗୱା’ଦୟୋ ॥
ସଦ୍ଦଲୋ ଚେୱ ଦୁବ୍ବା ଚ, ଗୋଲୋମୀ ସା ସିତା ଭୱେ ।
ଗୁନ୍ଦା ଚ ଭଦ୍ଦମୁତ୍ତଞ୍ଚ, ରସାଲୋ ତୁ’ଚ୍ଛୁ ୱେଳୁ ତୁ ॥
ତଚସାରୋ ୱେଣୁ ୱଂସୋ, ପବ୍ବଂ ତୁ ଫଲୁ ଗଣ୍ଠିସୋ ।
କୀଚକା ତେ ସିୟୁଂ ୱେଣୂ, ୟେ ନଦନ୍ତ୍ୟା’ନିଲଦ୍ଧୁତା ॥
ନଳୋ ଚ ଧମନୋ ପୋଟ, ଗଲୋ ତୁ କାସ ମିତ୍ଥି ନ ।
ତେଜନୋ ତୁ ସରୋ, ମୂଲଂ, ତୂ’ ସୀରଂ ବୀରଣସ୍ସ ହି ॥
କୁସୋ ୱରହିସଂ ଦବ୍ବୋ, ଭୂତିଣକଂ ତୁ ଭୂତିଣଂ ।
ଘାସୋ ତୁ ୟୱସୋ ଚାଥ,
ପୂଗୋ ତୁ କମୁକୋ ଭୱେ ॥
ତାଲୋ ୱିଭେଦିକା ଚାଥ, ଖଜ୍ଜୁରୀ ସିନ୍ଦି ୱୁଚ୍ଚତି ।
ହିନ୍ତାଲ, ତାଲ, ଖଜ୍ଜୂରୀ, ନାଲିକେରା ତଥେୱ ଚ ।
ତାଲୀ ଚ କେତକୀ ନାରୀ, ପୂଗୋ ଚ ତିଣପାଦପାତି ॥
ଇତି ଅରଞ୍ଞୱଗ୍ଗୋ ।
୬. ଅରଞ୍ଞାଦିୱଗ୍ଗ
ପବ୍ବତୋ ଗିରି ସେଲୋ’ଦ୍ଦି, ନଗା’ଚଲ, ସିଲୁଚ୍ଚୟା ।
ସିଖରୀ ଭୂଧରୋଥ ବ୍ଭ, ପାସାଣା’ସ୍ମୋ’ପଲୋ ସିଲା ॥
ଗିଜ୍ଝକୂଟୋ ଚ ୱେଭାରୋ, ୱେପୁଲ୍ଲୋ’ସିଗିଲୀ ନଗା ।
ୱିଞ୍ଝୋ ପଣ୍ଡୱ ୱଙ୍କାଦୀ, ପୁବ୍ବସେଲୋ ତୁ ଚୋ’ଦୟୋ ।
ମନ୍ଦରୋ ପରସେଲୋ’ତ୍ଥୋ, ହିମୱା ତୁ ହିମାଚଲୋ ॥
ଗନ୍ଧମାଦନ କେଲାସ, ଚିତ୍ତକୂଟ ସୁଦସ୍ସନା ।
କାଲକୂଟୋ ତିକୂଟା’ସ୍ସ, ପତ୍ଥୋ ତୁ ସାନୁ ନିତ୍ଥିୟଂ ॥
କୂଟୋ ୱା ସିଖରଂ ସିଙ୍ଗଂ, ପପାତୋ ତୁ ତଟୋ ଭୱେ ।
ନିତମ୍ବୋ କଟକୋ ନିତ୍ଥୀ, ନିଜ୍ଝରୋ ପସୱୋ’ମ୍ବୁନୋ ॥
ଦରୀ’ତ୍ଥୀ କନ୍ଦରୋ ଦ୍ୱୀସୁ, ଲେଣଂ ତୁ ଗବ୍ଭରଂ ଗୁହା ।
ସିଲାପୋକ୍ଖରଣୀ ସୋଣ୍ଡୀ, କୁଞ୍ଜଂ ନିକୁଞ୍ଜ ମିତ୍ଥି ନ ॥
ଉଦ୍ଧ ମଧିଚ୍ଚକା ସେଲ, ସ୍ସାସନ୍ନା ଭୂମ୍ୟୁ ପଚ୍ଚକା ।
ପାଦୋ ତୁ’ପନ୍ତସେଲୋ ଥ,
ଧାତୁ’ତ୍ତୋ ଗେରିକାଦିକୋ ॥
ଇତି ସେଲୱଗ୍ଗୋ ।
ମିଗିନ୍ଦୋ କେସରୀ ସୀହୋ, ତରଚ୍ଛୋ ତୁ ମିଗାଦନୋ ।
ବ୍ୟଗ୍ଘୋ ତୁ ପୁଣ୍ଡରୀକୋ ଥ, ସଦ୍ଦୂଲୋ ଦୀପିନୀ’ରିତୋ ॥
ଅଚ୍ଛୋ ଇକ୍କୋ ଚ ଇସ୍ସୋ ତୁ,
କାଳସୀହୋ ଇସୋ ପ୍ୟଥ ।
ରୋହିସୋ ରୋହିତୋ ଚାଥ,
ଗୋକଣ୍ଣୋ ଗଣି କଣ୍ଟକା ॥
ଖଗ୍ଗ ଖଗ୍ଗୱିସାଣା ତୁ, ପଲାସାଦୋ ଚ ଗଣ୍ଡକୋ ।
ବ୍ୟଗ୍ଘାଦିକେ ୱାଳମିଗୋ, ସାପଦୋ ଥ ପ୍ଲୱଙ୍ଗମୋ ॥
ମକ୍କଟୋ ୱାନରୋ ସାଖା, ମିଗୋ କପି ୱଲୀମୁଖୋ ।
ପଲୱଙ୍ଗୋ, କଣ୍ହତୁଣ୍ଡୋ,
ଗୋନଙ୍ଗୁଲୋ[ଗୋନଙ୍ଗଲୋ (ଟୀ॰)] ତି ସୋ ମତୋ ॥
ସିଙ୍ଗାଲୋ [ସିଗାଲୋ (ସୀ॰)] ଜମ୍ବୁକୋ କୋତ୍ଥୁ, ଭେରୱୋ ଚ ସିୱା ପ୍ୟଥ ।
ବିଳାରୋ ବବ୍ବୁ ମଞ୍ଜାରୋ, କୋକୋ ତୁ ଚ ୱକୋ ଭୱେ ॥
ମହିଂସୋ [ମହିସୋ (ସୀ॰)] ଚ ଲୁଲାୟୋ ଥ,
ଗୱଜୋ ଗୱୟୋ ସମା ।
ସଲ୍ଲୋ ତୁ ସଲ୍ଲକୋ ଥା’ସ୍ସ,
ଲୋମମ୍ହି ସଲଲଂ ସଲଂ ॥
ହରିଣୋ ମିଗ ସାରଙ୍ଗା, ମଗୋ ଅଜିନୟୋନି ଚ ।
ସୂକରୋ ତୁ ୱରୋହୋ ଥ,
ପେଲକୋ ଚ ସସୋ ଭୱେ ॥
ଏଣେୟ୍ୟୋ ଏଣୀମିଗୋ ଚ, ପମ୍ପଟକୋ ତୁ ପମ୍ପକୋ ।
ୱାତମିଗୋ ତୁ ଚଲନୀ, ମୂସିକୋ ତ୍ୱା’ଖୁ ଉନ୍ଦୁରୋ ॥
ଚମରୋ ପସଦୋ ଚେୱ, କୁରୁଙ୍ଗୋ ମିଗମାତୁକା ।
ରୁରୁ ରଙ୍କୁ ଚ ନୀକୋ ଚ, ସରଭାଦୀ ମିଗନ୍ତରା ॥
ପିୟକୋ ଚମୂରୁ କଦଲୀ, ମିଗାଦୀ ଚମ୍ମୟୋନୟୋ ।
ମିଗା ତୁ ପସୱୋ ସୀହା, ଦୟୋ ସବ୍ବଚତୁପ୍ପଦା ॥
ଲୂତା ତୁ ଲୂତିକା ଉଣ୍ଣ, ନାଭି ମକ୍କଟକୋ ସିୟା ।
ୱିଚ୍ଛିକୋ ତ୍ୱା’ଳି କଥିତୋ, ସରବୂ ଘରଗୋଳିକା ॥
ଗୋଧା କୁଣ୍ଡୋ ପ୍ୟଥୋ କଣ୍ଣ, ଜଲୂକା ସତପଦ୍ୟଥ ।
କଲନ୍ଦକୋ କାଳକା ଥ, ନକୁଲୋ ମଙ୍ଗୁସୋ ଭୱେ ॥
କକଣ୍ଟକୋ ଚ ସରଟୋ, କୀଟୋ ତୁ ପୁଳୱୋ କିମି ।
ପାଣକୋ ଚାପ୍ୟଥୋ ଉଚ୍ଚା,
ଲିଙ୍ଗୋ ଲୋମସପାଣକୋ ॥
ୱିହଙ୍ଗୋ ୱିହଗୋ ପକ୍ଖୀ, ୱିହଙ୍ଗମ ଖଗ’ଣ୍ଡଜା ।
ସକୁଣୋ ଚ ସକୁନ୍ତୋ ୱି, ପତଙ୍ଗୋ ସକୁଣୀ ଦ୍ୱିଜୋ ॥
ୱକ୍କଙ୍ଗୋ ପତ୍ତୟାନୋ ଚ, ପତନ୍ତୋ ନୀଳଜୋ ଭୱେ ।
ତବ୍ଭେଦା ୱଟ୍ଟକା ଜୀୱ, ଞ୍ଜୀୱୋ ଚକୋର ତିତ୍ତିରା ॥
ସାଳିକା କରୱୀକୋ ଚ, ରୱିହଂସୋ କୁକୁତ୍ଥକୋ ।
କାରଣ୍ଡୱୋ ଚ ପିଲୱୋ [ବିଲୱୋ (ଟୀ॰)], ପୋକ୍ଖରସାତକା’ଦୟୋ ॥
ପତତ୍ତଂ ପେଖୁଣଂ ପତ୍ତଂ, ପକ୍ଖୋ ପିଞ୍ଛଂ ଛଦୋ ଗରୁ ।
ଅଣ୍ଡଂ ତୁ ପକ୍ଖିବୀଜେ ଥ, ନୀଳୋ ନିତ୍ଥୀ କୁଲାୱକଂ ॥
ସୁପଣ୍ଣମାତା ୱିନତା, ମିଥୁନଂ ଥୀପୁମଦ୍ୱୟଂ ।
ୟୁଗଂ ତୁ ୟୁଗଲଂ ଦ୍ୱନ୍ଦଂ, ୟମକଂ ୟମଲଂ ୟମଂ ॥
ସମୂହୋ ଗଣ ସଙ୍ଘାତା, ସମୁଦାୟୋ ଚ ସଞ୍ଚୟୋ ।
ସନ୍ଦୋହୋ ନିୱହୋ ଓଘୋ, ୱିସରୋ ନିକରୋ ଚୟୋ ॥
କାୟୋ ଖନ୍ଧୋ ସମୁଦୟୋ, ଘଟା ସମିତି ସଂହତି ।
ରାସି ପୁଞ୍ଜୋ ସମୱାୟୋ, ପୂଗୋ ଜାତଂ କଦମ୍ବକଂ ॥
ବ୍ୟୂହୋ ୱିତାନ ଗୁମ୍ବା ଚ, କଲାପୋ ଜାଲ ମଣ୍ଡଲଂ ।
ସମାନାନଂ ଗଣୋ ୱଗ୍ଗୋ,
ସଙ୍ଘୋ ସତ୍ଥୋ ତୁ ଜନ୍ତୁନଂ ॥
ସଜାତିକାନଂ ତୁ କୁଲଂ, ନିକାୟୋ ତୁ ସଧମ୍ମିନଂ ।
ୟୂଥୋ ନିତ୍ଥୀ ସଜାତିୟ, ତିରଚ୍ଛାନାନମୁଚ୍ଚତେ ॥
ସୁପଣ୍ଣୋ ୱେନତେୟ୍ୟୋ ଚ, ଗରୁଳୋ ୱିହଗାଧିପୋ ।
ପରପୁଟ୍ଠୋ ପରଭତୋ, କୁଣାଲୋ କୋକିଲୋ ପିକୋ ॥
ମୋରୋ ମୟୂରୋ ୱରହୀ, ନୀଲଗୀୱ ସିଖଣ୍ଡିନୋ ।
କଲାପୀ ଚ ସିଖୀ କେକୀ, ଚୂଳା ତୁ ଚ ସିଖା ଭୱେ ॥
ସିଖଣ୍ଡୋ ୱରହଞ୍ଚେୱ, କଲାପୋ ପିଞ୍ଛ ମପ୍ୟଥ ।
ଚନ୍ଦକୋ ମେଚକୋ ଚାଥ, ଛପ୍ପଦୋ ଚ ମଧୁବ୍ବତୋ ॥
ମଧୁଲୀହୋ ମଧୁକରୋ, ମଧୁପୋ ଭମରୋ ଅଲି ।
ପାରାୱତୋ କପୋତୋ ଚ, କକୁଟୋ ଚ ପାରେୱତୋ ॥
ଗିଜ୍ଝୋ ଗଦ୍ଧୋଥ କୁଲଲୋ, ସେନୋ ବ୍ୟଗ୍ଘୀନସୋ ପ୍ୟଥ ।
ତବ୍ଭେଦା ସକୁଣଗ୍ଘି’ତ୍ଥୀ, ଆଟୋ ଦବ୍ବିମୁଖଦ୍ୱିଜୋ ॥
ଉହୁଙ୍କାରୋ ଉଲୂକୋ ଚ, କୋସିୟୋ ୱାୟସାରି ଚ ।
କାକୋ ତ୍ୱ’ରିଟ୍ଠୋ ଧଙ୍କୋ ଚ, ବଲିପୁଟ୍ଠୋ ଚ ୱାୟସୋ ॥
କାକୋଲୋ ୱନକାକୋ ଥ,
ଲାପୋ ଲଟୁକିକା ପ୍ୟଥ ।
ୱାରଣୋ ହତ୍ଥିଲିଙ୍ଗୋ ଚ, ହତ୍ଥିସୋଣ୍ଡୱିହଙ୍ଗମୋ ॥
ଉକ୍କୁସୋ କୁରରୋ କୋଲ,ଟ୍ଠିପକ୍ଖିମ୍ହି ଚ କୁକ୍କୁହୋ ।
ସୁୱୋ ତୁ କୀରୋ ଚ ସୁକୋ, ତମ୍ବଚୂଳୋ ତୁ କୁକ୍କୁଟୋ ॥
ୱନକୁକ୍କୁଟୋ ଚ ନିଜ୍ଜିୱ୍ହୋ, ଅଥ କୋଞ୍ଚା ଚ କୁନ୍ତନୀ ।
ଚକ୍କୱାକୋ ତୁ ଚକ୍କୱ୍ହୋ, ସାରଙ୍ଗୋତୁ ଚ ଚାତକୋ ॥
ତୁଲିୟୋ ପକ୍ଖିବିଳାଲୋ,
ସତପତ୍ତୋ ତୁ ସାରସୋ ।
ବକୋ ତୁ ସୁକ୍କକାକୋଥ,
ବଲାକା ୱିସକଣ୍ଠିକା ॥
ଲୋହପିଟ୍ଠୋ ତଥା କଙ୍କୋ, ଖଞ୍ଜରୀଟୋ ତୁ ଖଞ୍ଜନୋ ।
କଲୱିଙ୍କୋ ତୁ ଚାଟକୋ, ଦିନ୍ଦିଭୋ ତୁ କିକୀ ଭୱେ ॥
କାଦମ୍ବୋ କାଳହଂସୋଥ, ସକୁନ୍ତୋ ଭାସପକ୍ଖିନି ।
ଧୂମ୍ୟାଟୋ ତୁ କଲିଙ୍ଗୋଥ,
ଦାତ୍ୟୂହୋ କାଳକଣ୍ଠକୋ ॥
ଖୁଦ୍ଦାଦୀ ମକ୍ଖିକାଭେଦା, ଡଂସୋ ପିଙ୍ଗଲମକ୍ଖିକା ।
ଆସାଟିକା ମକ୍ଖିକାଣ୍ଡଂ, ପତଙ୍ଗୋ ସଲଭୋ ଭୱେ ॥
ସୂଚିମୁଖୋ ଚ ମକସୋ, ଚୀରୀ ତୁ ଝଲ୍ଲିକା [ଝିଲ୍ଲିକା (କ॰)] ଥ ଚ ।
ଜତୁକା ଜିନପତ୍ତା ଥ, ହଂସୋ ସେତଚ୍ଛଦୋ ଭୱେ ॥
ତେ ରାଜହଂସା ରତ୍ତେହି, ପାଦତୁଣ୍ଡେହି ଭାସିତା ।
ମଲ୍ଲିକା’ଖ୍ୟା ଧତରଟ୍ଠା, ମଲୀନେହ୍ୟ’ସିତେହି ଚ ॥
୬୪୮. ତିରଚ୍ଛୋ ତୁ ତିରଚ୍ଛାନୋ, ତିରଚ୍ଛାନଗତୋ ସିୟାତି ।
ଇତି ଅରଞ୍ଞାଦିୱଗ୍ଗୋ ।
୭. ପାତାଲୱଗ୍ଗ
ଅଧୋଭୁୱନଂ ପାତାଲଂ, ନାଗଲୋକୋ ରସାତଲଂ ।
ରନ୍ଧଂ ତୁ ୱିୱରଂ ଛିଦ୍ଦଂ, କୁହରଂ ସୁସିରଂ ବିଲଂ ॥
ସୁସି’ତ୍ଥୀ ଛିଗ୍ଗଲଂ ସୋବ୍ଭଂ, ସଚ୍ଛିଦ୍ଦେ ସୁସିରଂ ତିସୁ ।
ଥିୟଂ ତୁ କାସୁ ଆୱାଟୋ, ସପ୍ପରାଜା ତୁ ୱାସୁକୀ ॥
ଅନନ୍ତୋ ନାଗରାଜା ଥ, ୱାହସୋ’ଜଗରୋ ଭୱେ ।
ଗୋନସୋ ତୁ ତିଲିଚ୍ଛୋ ଥ,
ଦେଡ୍ଡୁଭୋ ରାଜୁଲୋ ଭୱେ ॥
କମ୍ବଲୋ’ସ୍ସତରୋ ମେରୁ, ପାଦେ ନାଗାଥ ଧମ୍ମନୀ ।
ସିଲୁତ୍ତୋ ଘରସପ୍ପୋ ଥ, ନୀଲସପ୍ପୋ ସିଲାଭୁ ଚ ॥
ଆସିୱିସୋ ଭୁଜଙ୍ଗୋ’ହି, ଭୁଜଗୋ ଚ ଭୁଜଙ୍ଗମୋ ।
ସରୀସପୋ ଫଣୀ ସପ୍ପା, ଲଗଦ୍ଦା ଭୋଗି ପନ୍ନଗା ॥
ଦ୍ୱିଜିୱ୍ହୋ ଉରଗୋ ୱାଳୋ, ଦୀଘୋ ଚ ଦୀଘପିଟ୍ଠିକୋ ।
ପାଦୂଦରୋ ୱିସଧରୋ, ଭୋଗୋ ତୁ ଫଣିନୋ ତନୁ ॥
ଆସୀ’ତ୍ଥୀ ସପ୍ପଦାଠା ଥ, ନିମ୍ମୋକୋ କଞ୍ଚୁକୋ ସମା ।
ୱିସଂ ତ୍ୱ’ନିତ୍ଥୀ ଗରଳଂ, ତବ୍ଭେଦା ୱା ହଲାହଲୋ ॥
କାଳକୂଟାଦୟୋ ଚାଥ, ୱାଳଗ୍ଗାତ୍ୟ’ହିତୁଣ୍ଡିକୋ ।
ନିରୟୋ ଦୁଗ୍ଗତି’ତ୍ଥୀ ଚ, ନରକୋ, ସୋ ମହା’ଟ୍ଠଧା ।
ସଞ୍ଜୀୱୋ କାଳସୁତ୍ତୋ ଚ, ମହାରୋରୁୱ ରୋରୁୱା ।
ପତାପନୋ ଅୱୀଚି’ତ୍ଥୀ, ସଙ୍ଘାତୋ ତାପନୋ ଇତି ॥
ଥିୟଂ ୱେତରଣୀ ଲୋହ, କୁମ୍ଭୀ ତତ୍ଥ ଜଲାସୟା ।
କାରଣିକୋ ନିରୟପୋ,
ନେରୟିକୋ ତୁ ନାରକୋ ॥
ଅଣ୍ଣୱୋ ସାଗରୋ ସିନ୍ଧୁ, ସମୁଦ୍ଦୋ ରତନାକରୋ ।
ଜଲନିଝୁ’ ଦଧି, ତସ୍ସ, ଭେଦା ଖୀରଣ୍ଣୱାଦୟୋ ॥
ୱେଲା’ସ୍ସ କୂଲଦେସୋ ଥ,
ଆୱଟ୍ଟୋ ସଲିଲବ୍ଭମୋ ।
ଥେୱୋ ତୁ ବିନ୍ଦୁ ଫୁସିତଂ, ଭମୋ ତୁ ଜଲନିଗ୍ଗମୋ ॥
ଆପୋ ପୟୋ ଜଲଂ ୱାରି, ପାନୀୟଂ ସଲିଲଂ ଦକଂ ।
ଅଣ୍ଣୋ ନୀରଂ ୱନଂ ୱାଲଂ, ତୋୟଂ ଅମ୍ବୁ’ଦକଞ୍ଚ କଂ ॥
ତରଙ୍ଗୋ ଚ ତଥା ଭଙ୍ଗୋ, ଊମି ୱୀଚି ପୁମିତ୍ଥିୟଂ ।
ଉଲ୍ଲୋଲୋ ତୁ ଚ କଲ୍ଲୋଲୋ, ମହାୱୀଚୀସୁ କଥ୍ୟତେ ॥
ଜମ୍ବାଲୋ କଲଲଂ ପଙ୍କୋ, ଚିକ୍ଖଲ୍ଲଂ କଦ୍ଦମୋ ପ୍ୟଥ ।
ପୁଲିନଂ ୱାଲୁକା ୱଣ୍ଣୁ, ମରୂ’ରୁ ସିକତା ଭୱେ ॥
ଅନ୍ତରୀପଞ୍ଚ ଦୀପୋ ୱା, ଜଲମଜ୍ଝଗତଂ ଥଲଂ ।
ତୀରଂ ତୁ କୂଲଂ ରୋଧଞ୍ଚ, ପତୀରଞ୍ଚ ତଟଂ ତିସୁ ॥
ପାରଂ ପରମ୍ହି ତୀରମ୍ହି, ଓରଂ ତ୍ୱ’ପାର ମୁଚ୍ଚତେ ।
ଉଳୁମ୍ପୋ [ଉଳୁପୋ (କ॰)] ତୁ ପ୍ଲୱୋ କୁଲ୍ଲୋ, ତରୋ ଚ ପଚ୍ଚରୀ’ତ୍ଥିୟଂ ॥
ତରଣୀ ତରି ନାୱା ଚ, କୂପକୋ ତୁ ଚ କୁମ୍ଭକଂ ।
ପଚ୍ଛାବନ୍ଧୋ ଗୋଟୱିସୋ, କଣ୍ଣଧାରୋ ତୁ ନାୱିକୋ ॥
ଅରିତ୍ତଂ କେନିପାତୋ ଥ,
ପୋତୱାହୋ ନିୟାମକୋ ।
ସଂୟତ୍ତିକା ତୁ ନାୱାୟ, ୱାଣିଜ୍ଜମାଚରନ୍ତି ୟେ ॥
ନାୱାୟ’ଙ୍ଗା’ ଲଙ୍କାରୋ ଚ, ୱଟାକାରୋ ଫିୟାଦୟୋ ।
ପୋତୋ ପୱହନଂ ୱୁତ୍ତଂ, ଦୋଣି ତ୍ୱି’ତ୍ଥୀ ତଥା’ମ୍ବଣଂ [ଅମ୍ମଣଂ (ସୀ॰)]॥
ଗଭୀର ନିନ୍ନ ଗମ୍ଭୀରା, ଥୋ ତ୍ତାନଂ ତବ୍ବିପକ୍ଖକେ ।
ଅଗାଧଂ ତ୍ୱ’ତଲମ୍ଫସ୍ସଂ, ଅନଚ୍ଛୋ କଲୁସା’ୱିଲା ॥
ଅଚ୍ଛୋ ପସନ୍ନୋ ୱିମଲୋ, ଗଭୀରପ୍ପଭୁତୀ ତିସୁ ।
ଧୀୱରୋ ମଚ୍ଛିକୋ ମଚ୍ଛ, ବନ୍ଧ କେୱଟ୍ଟ ଜାଲିକା ॥
ମଚ୍ଛୋ ମୀନୋ ଜଲଚରୋ, ପୁଥୁଲୋମୋ’ମ୍ବୁଜୋ ଝସୋ ।
ରୋହିତୋ ମଗ୍ଗୁରୋ ସିଙ୍ଗୀ, ବଲଜୋ ମୁଞ୍ଜ ପାୱୁସା ॥
ସତ୍ତୱଙ୍କୋ ସୱଙ୍କୋ ଚ, ନଳମୀନୋ ଚ ଗଣ୍ଡକୋ ।
ସୁସୁକା ସଫରୀ ମଚ୍ଛ, ପ୍ପଭେଦା ମକରାଦୟୋ ॥
ମହାମଚ୍ଛା ତିମି ତିମି, ଙ୍ଗଲୋ ତିମିରପିଙ୍ଗଲୋ ।
ଆନନ୍ଦୋ ତିମିନନ୍ଦୋ ଚ, ଅଜ୍ଝାରୋହୋ ମହାତିମି ॥
ପାସାଣମଚ୍ଛୋ ପାଠୀନୋ, ୱଙ୍କୋ ତୁ ବଳିସୋ ଭୱେ ।
ସୁସୁମାରୋ [ସଂସୁମାରୋ (ଟୀ॰), ସୁଂସୁମାରୋ (ସୀ॰)] ତୁ କୁମ୍ଭୀଲୋ,
ନକ୍କୋ କୁମ୍ମୋ ତୁ କଚ୍ଛପୋ ॥
କକ୍କଟକୋ କୁଳୀରୋ ଚ, ଜଲୂକା ତୁ ଚ ରତ୍ତପା ।
ମଣ୍ଡୂକୋ ଦଦ୍ଦୁରୋ ଭେକୋ ।
ଗଣ୍ଡୁପ୍ପାଦୋ ମହୀଲତା ॥
ଅଥ ସିପ୍ପୀ ଚ ସୁତ୍ତି’ତ୍ଥୀ, ସଙ୍ଖେ ତୁ କମ୍ବୁ’ନିତ୍ଥିୟଂ ।
ଖୁଦ୍ଦସଙ୍ଖ୍ୟେ ସଙ୍ଖନଖୋ, ଜଲସୁତ୍ତି ଚ ସମ୍ବୁକୋ ॥
ଜଲାସୟୋ ଜଲାଧାରୋ, ଗମ୍ଭୀରୋ ରହଦୋ ଥ ଚ ।
ଉଦପାନୋ ପାନକୂପୋ, ଖାତଂ ପୋକ୍ଖରଣୀ’ତ୍ଥିୟଂ ॥
ତଳାକୋ ଚ ସରୋ’ନିତ୍ଥୀ, ୱାପୀ ଚ ସରସୀ’ତ୍ଥିୟଂ ।
ଦହୋ’ମ୍ବୁଜାକରୋ ଚାଥ, ପଲ୍ଲଲଂ ଖୁଦ୍ଦକୋ ସରୋ ॥
ଅନୋତତ୍ତୋ ତଥା କଣ୍ଣ, ମୁଣ୍ଡୋ ଚ ରଥକାରକୋ ।
ଛଦ୍ଦନ୍ତୋ ଚ କୁଣାଲୋ ଚ, ୱୁତ୍ତା ମନ୍ଦାକିନୀ’ତ୍ଥିୟଂ ॥
ତଥା ସୀହପ୍ପପାତୋତି, ଏତେ ସତ୍ତ ମହାସରା ।
ଆହାୱୋ ତୁ ନିପାନଞ୍ଚା, ଖାତଂ ତୁ ଦେୱଖାତକଂ ॥
ସୱନ୍ତୀ ନିନ୍ନଗା ସିନ୍ଧୁ, ସରିତା ଆପଗା ନଦୀ ।
ଭାଗୀରଥୀ ତୁ ଗଙ୍ଗା ଥ, ସମ୍ଭେଦୋ ସିନ୍ଧୁସଙ୍ଗମୋ ॥
ଗଙ୍ଗା’ଚିରୱତୀ ଚେୱ, ୟମୁନା ସରଭୂ (ସରବୂ [ସରୟୂ (କ॰)] ) ମହୀ ।
ଇମା ମହାନଦୀ ପଞ୍ଚ, ଚନ୍ଦଭାଗା ସରସ୍ସତୀ [ସରସ୍ୱତୀ (ସୀ॰ ଟୀ॰)]॥
ନେରଞ୍ଜରା ଚ କାୱେରୀ, ନମ୍ମଦାଦୀ ଚ ନିନ୍ନଗା ।
ୱାରିମଗ୍ଗୋ ପଣାଲୀ’ତ୍ଥୀ [ପନାଳୀ (ଟୀ॰)], ପୁମେ ଚନ୍ଦନିକା ତୁ ଚ ॥
ଜମ୍ବାଲୀ ଓଲିଗଲ୍ଲୋ ଚ, ଗାମଦ୍ୱାରମ୍ହି କାସୁୟଂ ।
ସରୋରୁହଂ ସତପତ୍ତଂ, ଅରୱିନ୍ଦଞ୍ଚ ୱାରିଜଂ ॥
ଅନିତ୍ଥୀ ପଦୁମଂ ପଙ୍କେ, ରୁହଂ ନଲିନ ପୋକ୍ଖରଂ ।
ମୁଳାଲପୁପ୍ଫଂ କମଲଂ, ଭିସପୁପ୍ଫଂ କୁସେସୟଂ ॥
ପୁଣ୍ଡରୀକଂ ସିତଂ, ରତ୍ତଂ, କୋକନଦଂ କୋକାସକୋ ।
କିଞ୍ଜକ୍ଖୋ କେସରୋ ନିତ୍ଥୀ, ଦଣ୍ଡୋ ତୁ ନାଲ ମୁଚ୍ଚତେ ॥
ଭିସଂ ମୁଳାଲୋ ନିତ୍ଥୀ ଚ, ବୀଜକୋସୋ ତୁ କଣ୍ଣିକା ।
ପଦୁମାଦିସମୂହେ ତୁ, ଭୱେ ସଣ୍ଡମନିତ୍ଥିୟଂ ॥
ଉପ୍ପଲଂ କୁୱଲୟଞ୍ଚ, ନୀଲଂ ତ୍ୱି’ନ୍ଦୀୱରଂ ସିୟା ।
ସେତେତୁ କୁମୁଦଞ୍ଚସ୍ସ, କନ୍ଦୋ ସାଲୂକ ମୁଚ୍ଚତେ ॥
ସୋଗନ୍ଧିକଂ କଲ୍ଲହାରଂ, ଦକସୀତଲିକଂ ପ୍ୟଥ ।
ସେୱାଲୋ ନୀଲିକା ଚାଥ, ଭିସିନ୍ୟ’ମ୍ବୁଜିନୀ ଭୱେ ॥
୬୯୦.ସେୱାଲା ତିଲବୀଜଞ୍ଚ, ସଙ୍ଖେ ଚ ପଣକାଦୟୋତି ।
ଇତି ପାତାଲୱଗ୍ଗୋ ।
ଭୂକଣ୍ଡୋ ଦୁତିୟୋ ।
୩. ସାମଞ୍ଞକଣ୍ଡ
୧. ୱିସେସ୍ୟାଧୀନୱଗ୍ଗ
ୱିସେସ୍ୟାଧୀନ ସଂକିଣ୍ଣା, ନେକତ୍ଥେହ୍ୟ’ବ୍ୟୟେହି ଚ ।
ସା’ଙ୍ଗୋ’ପାଙ୍ଗେହି କଥ୍ୟନ୍ତେ, କଣ୍ଡେ ୱଗ୍ଗା ଇହ କ୍କମା ॥
ଗୁଣଦବ୍ବକ୍ରିୟାସଦ୍ଦା, ସିୟୁଂ ସବ୍ବେ ୱିସେସନା ।
ୱିସେସ୍ୟାଧୀନଭାୱେନ, ୱିସେସ୍ୟସମଲିଙ୍ଗିନୋ ॥
ସୋଭନଂ ରୁଚିରଂ ସାଧୁ, ମନୁଞ୍ଞଂ ଚାରୁ ସୁନ୍ଦରଂ ।
ୱଗ୍ଗୁ ମନୋରମଂ କନ୍ତଂ, ହାରୀ ମଞ୍ଜୁ ଚ ପେସଲଂ ॥
ଭଦ୍ଦଂ ୱାମଞ୍ଚ କଲ୍ୟାଣଂ, ମନାପଂ ଲଦ୍ଧକଂ ସୁଭଂ ।
ଉତ୍ତମୋ ପୱରୋ ଜେଟ୍ଠୋ, ପମୁଖା’ନୁତ୍ତରୋ ୱରୋ ॥
ମୁଖ୍ୟୋ ପଧାନଂ ପାମୋକ୍ଖୋ, ପର ମଗ୍ଗଞ୍ଞ ମୁତ୍ତରଂ ।
ପଣୀତଂ ପରମଂ ସେୟ୍ୟୋ, ଗାମଣୀ ସେଟ୍ଠ ସତ୍ତମା ॥
ୱିସିଟ୍ଠା’ରିୟ ନାଗେ’କୋ, ସଭଗ୍ଗା ମୋକ୍ଖ ପୁଙ୍ଗୱା ।
ସୀହ କୁଞ୍ଜର ସଦ୍ଦୂଲା, ଦୀ ତୁ ସମାସଗା ପୁମେ ॥
ଚିତ୍ତ’କ୍ଖି ପୀତିଜନନ, ମବ୍ୟାସେକ ମସେଚନଂ ।
ଇଟ୍ଠଂ ତୁ ସୁଭଗଂ ହଜ୍ଜଂ, ଦୟିତଂ ୱଲ୍ଲଭଂ ପିୟଂ ॥
ତୁଚ୍ଛଞ୍ଚ ରିତ୍ତକଂ ସୁଞ୍ଞଂ, ଅଥା’ସାରଞ୍ଚ ଫେଗ୍ଗୁ ଚ ।
ମେଜ୍ଝଂ ପୂତଂ ପୱିତ୍ତୋ ଥ, ଅୱିରଦ୍ଧୋ ଅପଣ୍ଣକୋ ॥
ଉକ୍କଟ୍ଠୋ ଚ ପକଟ୍ଠୋ ଥ, ନିହୀନୋ ହୀନ ଲାମକା ।
ପତିକିଟ୍ଠଂ ନିକିଟ୍ଠଞ୍ଚ, ଇତ୍ତରା’ୱଜ୍ଜ କୁଚ୍ଛିତା ॥
ଅଧମୋ’ମକ ଗାରୟ୍ହା,
ମଲୀନୋ ତୁ ମଲୀମସୋ ।
ବ୍ରହା ମହନ୍ତଂ ୱିପୁଲଂ, ୱିସାଲଂ ପୁଥୁଲଂ ପୁଥୁ ॥
ଗରୁ’ରୁ ୱିତ୍ଥିଣ୍ଣ ମଥୋ, ପୀନଂ ଥୂଲଞ୍ଚ ପୀୱରଂ ।
ଥୁଲ୍ଲଞ୍ଚ ୱଠରଞ୍ଚା ଥ, ଆଚିତଂ ନିଚିତଂ ଭୱେ ॥
ସବ୍ବଂ ସମତ୍ତ ମଖିଲଂ, ନିଖିଲଂ ସକଲଂ ତଥା ।
ନିସ୍ସେସଂ କସିଣା’ସେସଂ, ସମଗ୍ଗଞ୍ଚ ଅନୂନକଂ,
ଭୂରି ପହୁତଂ ପଚୁରଂ, ଭିୟ୍ୟୋ ସମ୍ବହୁଲଂ ବହୁ ।
ୟେଭୁୟ୍ୟଂ ବହୁଲଂ ଚାଥ, ବାହିରଂ ପରିବାହିରଂ ॥
ପରୋସତାଦୀ ତେ, ୟେସଂ, ପରଂ ମତ୍ତଂ ସତାଦିତୋ ।
ପରିତ୍ତଂ ସୁଖୁମଂ ଖୁଦ୍ଦଂ, ଥୋକ ମପ୍ପଂ କିସଂ ତନୁ ॥
ଚୁଲ୍ଲଂ ମତ୍ତେ’ତ୍ଥିୟଂ ଲେସ,
ଲୱା’ଣୁହି କଣୋ ପୁମେ ।
ସମୀପଂ ନିକଟା’ସନ୍ନୋ, ପକଟ୍ଠା’ଭ୍ୟାସ ସନ୍ତିକଂ ॥
ଅୱିଦୂରଞ୍ଚ ସାମନ୍ତଂ, ସନ୍ନିକଟ୍ଠ ମୁପନ୍ତିକଂ ।
ସକାସଂ ଅନ୍ତିକଂ ଞତ୍ତଂ, ଦୂରଂ ତୁ ୱିପ୍ପକଟ୍ଠକଂ ॥
ନିରନ୍ତରଂ ଘନଂ ସନ୍ଦଂ, ୱିରଳଂ ପେଲୱଂ ତନୁ ।
ଅଥା ୟତଂ ଦୀଘ ମଥୋ, ନିତ୍ତଲଂ ୱଟ୍ଟ ୱଟ୍ଟୁଲଂ ॥
ଉଚ୍ଚୋ ତୁ ଉନ୍ନତୋ ତୁଙ୍ଗୋ, ଉଦଗ୍ଗୋ ଚେୱ ଉଚ୍ଛିତୋ ।
ନୀଚୋ ରସ୍ସୋ ୱାମନୋ ଥ, ଅଜିମ୍ହୋ ପଗୁଣୋ ଉଜୁ ॥
ଅଳାରଂ ୱେଲ୍ଲିତଂ ୱଙ୍କଂ, କୁଟିଲଂ ଜିମ୍ହ କୁଞ୍ଚିତଂ ।
ଧୁୱୋ ଚ ସସ୍ସତୋ ନିଚ୍ଚୋ, ସଦାତନ ସନନ୍ତନା ॥
କୂଟଟ୍ଠୋ ତ୍ୱେ’କରୂପେନ, କାଲବ୍ୟାପୀ ପକାସିତୋ ।
ଲହୁ ସଲ୍ଲହୁକଂ ଚାଥ, ସଙ୍ଖ୍ୟାତଂ ଗଣିତଂ ମିତଂ ॥
ତିଣ୍ହଂ ତୁ ତିଖିଣଂ ତିବ୍ବଂ, ଚଣ୍ଡଂ ଉଗ୍ଗଂ ଖରଂ ଭୱେ ।
ଜଙ୍ଗମଞ୍ଚ ଚରଞ୍ଚେୱ, ତସଂ ଞେୟ୍ୟଂ ଚରାଚରଂ ॥
କମ୍ପନଂ ଚଲନଂ ଚାଥ, ଅତିରିତ୍ତୋ ତଥା’ଧିକୋ ।
ଥାୱରୋ ଜଙ୍ଗମା ଅଞ୍ଞୋ, ଲୋଲଂ ତୁ ଚଞ୍ଚଲଂ ଚଲଂ ॥
ତରଲଞ୍ଚ ପୁରାଣୋ ତୁ, ପୁରାତନ ସନନ୍ତନା ।
ଚିରନ୍ତନୋ ଥ ପଚ୍ଚଗ୍ଘୋ, ନୂତନୋ’ଭିନୱୋ ନୱୋ ॥
କୁରୂରଂ କଠିନଂ ଦଳ୍ହଂ, ନିଟ୍ଠୁରଂ କକ୍ଖଳଂ ଭୱେ ।
ଅନିତ୍ଥ୍ୟ’ନ୍ତୋ ପରିୟନ୍ତୋ, ପନ୍ତୋ ଚ ପଚ୍ଛିମ’ନ୍ତିମା ॥
ଜିଘଞ୍ଞଂ ଚରିମଂ ପୁବ୍ବଂ, ତ୍ୱ’ଗ୍ଗଂ ପଠମ ମାଦି ସୋ ।
ପତିରୂପୋ ନୁଚ୍ଛୱିକଂ, ଅଥ ମୋଘଂ ନିରତ୍ଥକଂ ॥
ବ୍ୟତ୍ତଂ ପୁଟ [ଫୁଟଂ (ସୀ॰)] ଞ୍ଚ ମୁଦୁ ତୁ, ସୁକୁମାରଞ୍ଚ କୋମଲଂ ।
ପଚ୍ଚକ୍ଖଂ ଇନ୍ଦ୍ରିୟଗ୍ଗୟ୍ହଂ, ଅପଚ୍ଚକ୍ଖଂ ଅତିନ୍ଦ୍ରିୟଂ ॥
ଇତରା’ଞ୍ଞତରୋ ଏକୋ, ଅଞ୍ଞୋ ବହୁୱିଧୋ ତୁ ଚ ।
ନାନାରୂପୋ ଚ ୱିୱିଧୋ, ଅବାଧଂ ତୁ ନିରଗ୍ଗଲଂ ॥
ଅଥେ’କାକୀ ଚ ଏକଚ୍ଚୋ, ଏକୋ ଚ ଏକକୋ ସମା ।
ସାଧାରଣଞ୍ଚ ସାମଞ୍ଞଂ, ସମ୍ବାଧୋ ତୁ ଚ ସଂକଟଂ ॥
ୱାମଂ କଳେୱରଂ ସବ୍ୟଂ । ଅପସବ୍ୟଂ ତୁ ଦକ୍ଖିଣଂ ।
ପଟିକୂଲଂ ତ୍ୱ’ପସବ୍ୟଂ, ଗହନଂ କଲିଲଂ ସମା ॥
ଉଚ୍ଚାୱଚଂ ବହୁଭେଦଂ, ସଂକିଣ୍ଣା’ କିଣ୍ଣ ସଂକୁଲା ।
କତହତ୍ଥୋ ଚ କୁସଲୋ, ପୱୀଣା’ଭିଞ୍ଞ ସିକ୍ଖିତା ॥
ନିପୁଣୋ ଚ ପଟୁ ଛେକୋ, ଚାତୁରୋ ଦକ୍ଖ ପେସଲା ।
ବାଲୋ ଦତ୍ତୁ ଜଲୋ ମୂଳ୍ହୋ, ମନ୍ଦୋ ୱିଞ୍ଞୂ ଚ ବାଲିସୋ ॥
ପୁଞ୍ଞୱା ସୁକତୀ ଧଞ୍ଞୋ, ମହୁସ୍ସାହୋ ମହାଧିତି ।
ମହାତଣ୍ହୋ ମହିଚ୍ଛୋ ଥ, ହଦୟୀ ହଦୟାଲୁ ଚ ॥
ସୁମନୋ ହଟ୍ଠଚିତ୍ତୋ ଥ, ଦୁମ୍ମନୋ ୱିମନୋ ପ୍ୟଥ ।
ୱଦାନିୟୋ ୱଦଞ୍ଞୂ ଚ, ଦାନସୋଣ୍ଡୋ ବହୁପ୍ପଦୋ ॥
ଖ୍ୟାତୋ ପତୀତୋ ପଞ୍ଞାତୋ,
ଭିଞ୍ଞାତୋ ପଥିତୋ ସୁତୋ,
ୱିସ୍ସୁତୋ ୱିଦିତୋ ଚେୱ, ପସିଦ୍ଧୋ ପାକଟୋ ଭୱେ ॥
ଇସ୍ସରୋ ନାୟକୋ ସାମୀ, ପତୀ’ସା’ଧିପତୀ ପଭୂ ।
ଅୟ୍ୟା’ଧିପା’ଧିଭୂ ନେତା,
ଇବ୍ଭୋ ତ୍ୱ’ଡ୍ଢୋ ତଥା ଧନୀ ॥
ଦାନାରହୋ ଦକ୍ଖିଣେୟ୍ୟୋ, ସିନିଦ୍ଧୋ ତୁ ଚ ୱଚ୍ଛଲୋ ।
ପରିକ୍ଖକୋ କାରଣିକୋ,
ଆସତ୍ତୋ ତୁ ଚ ତପ୍ପରୋ ॥
କାରୁଣିକୋ ଦୟାଲୁପି, ସୂରତୋ ଉସ୍ସୁକୋ ତୁ ଚ ।
ଇଟ୍ଠତ୍ଥେ ଉୟ୍ୟୁତୋ ଚାଥ, ଦୀଘସୁତ୍ତୋ ଚିରକ୍ରିୟୋ ॥
ପରାଧୀନୋ ପରାୟତ୍ତୋ, ଆୟତ୍ତୋ ତୁ ଚ ସନ୍ତକୋ ।
ପରିଗ୍ଗହୋ ଅଧୀନୋ ଚ, ସଚ୍ଛନ୍ଦୋ ତୁ ଚ ସେରିନି ॥
ଅନିସମ୍ମକାରୀ ଜମ୍ମୋ, ଅତିତଣ୍ହୋ ତୁ ଲୋଲୁପୋ ।
ଗିଦ୍ଧୋ ତୁ ଲୁଦ୍ଧୋ ଲୋଲୋ ଥ,
କୁଣ୍ଠୋ ମନ୍ଦୋ କ୍ରିୟାସୁ ହି ॥
କାମୟିତା ତୁ କମିତା, କାମନୋ କାମି କାମୁକୋ ।
ସୋଣ୍ଡୋ ମତ୍ତୋ ୱିଧେୟ୍ୟୋ ତୁ,
ଅସ୍ସୱୋ ସୁବ୍ବଚୋ ସମା ॥
ପଗବ୍ଭୋ ପଟିଭାୟୁତ୍ତୋ, ଭୀସୀଲୋ ଭୀରୁ ଭୀରୁକୋ ।
ଅଧୀରୋ [ଅୱୀରୋ (ଟୀ॰)] କାତରୋ ଚାଥ,
ହିଂସାସୀଲୋ ଚ ଘାତୁକୋ ॥
କୋଧନୋ ରୋସନୋ [ଦୋସନୋ (ସୀ॰)] କୋପୀ,
ଚଣ୍ଡୋ ତ୍ୱଚ୍ଚନ୍ତକୋଧନୋ ।
ସହନୋ ଖମନୋ ଖନ୍ତା, ତିତିକ୍ଖୱା ଚ ଖନ୍ତିମା ॥
ସଦ୍ଧାୟୁତ୍ତୋ ତୁ ସଦ୍ଧାଲୁ, ଧଜୱା ତୁ ଧଜାଲୁ ଚ [ଲଜ୍ଜାଲୁତୁ ଚ ଲଜ୍ଜୱା (କ॰)]।
ନିଦ୍ଦାଲୁ ନିଦ୍ଦାସୀଲୋ ଥ, ଭସ୍ସରୋ ଭାସୁରୋ ଭୱେ ॥
ନଗ୍ଗୋ ଦିଗମ୍ବରୋ’ୱତ୍ଥୋ, ଘସ୍ମରୋ ତୁ ଚ ଭକ୍ଖକୋ ।
ଏଳମୂଗୋ ତୁ ୱତ୍ତୁଞ୍ଚ, ସୋତୁଂ ଚା’କୁସଲୋ ଭୱେ ॥
ମୁଖରୋ ଦୁମ୍ମୁଖା’ବଦ୍ଧ, ମୁଖା ଚାପ୍ପିୟୱାଦିନି ।
ୱାଚାଲୋ ବହୁଗାରୟ୍ହ, ୱଚେ ୱତ୍ତା ତୁ ସୋ ୱଦୋ ॥
ନିଜୋ ସକୋ ଅତ୍ତନିୟୋ,
ୱିମ୍ହୟୋ’ଚ୍ଛରିୟ’ବ୍ଭୁତୋ ।
ୱିହତ୍ଥୋ ବ୍ୟାକୁଲୋ ଚାଥ,
ଆତତାୟୀ ୱଧୁଦ୍ୟତୋ ॥
ସୀସଚ୍ଛେଜ୍ଜମ୍ହି ୱଜ୍ଝୋ ଥ, ନିକତୋ ଚ ସଠୋ’ନୁଜୁ ।
ସୂଚକୋ ପିସୁଣୋ କଣ୍ଣେ,
ଜପୋ ଧୁତ୍ତୋ ତୁ ୱଞ୍ଚକୋ ॥
ଅନିସମ୍ମ ହି ୟୋ କିଚ୍ଚଂ, ପୁରିସୋ ୱଧବନ୍ଧନାଦି ମାଚରତି ।
ଅୱିନିଚ୍ଛିତକାରିତ୍ତା, ସୋଖଲୁ ଚପଲୋତି ୱିଞ୍ଞେୟ୍ୟୋ ॥
ଖୁଦ୍ଦୋ କଦରିୟୋ ଥଦ୍ଧ, ମଚ୍ଛରୀ କପଣୋ ପ୍ୟଥ ।
ଅକିଞ୍ଚନୋ ଦଲିଦ୍ଦୋ ଚ, ଦୀନୋ ନିଦ୍ଧନ ଦୁଗ୍ଗତା ॥
ଅସମ୍ଭାୱିତସମ୍ପତ୍ତଂ, କାକତାଲିୟ ମୁଚ୍ଚତେ ।
ଅଥ ୟାଚନକୋ ଅତ୍ଥୀ, ୟାଚକୋ ଚ ୱନିବ୍ବକୋ ॥
ଅଣ୍ଡଜା ପକ୍ଖିସପ୍ପାଦୀ, ନରାଦୀ ତୁ ଜଲାବୁଜା ।
ସେଦଜା କିମିଡଂସାଦୀ, ଦେୱାଦୀ ତ୍ୱୋ’ ପପାତିକା ॥
ଜଣ୍ଣୁତଗ୍ଘୋ ଜଣ୍ଣୁମତ୍ତୋ, କପ୍ପୋ ତୁ କିଞ୍ଚିଦୂନକେ ।
ଅନ୍ତଗ୍ଗତଂ ଭୁ ପରିୟା, ପନ୍ନ ମନ୍ତୋଗଧୋ’ଗଧା ॥
ରାଧିତୋ ସାଧିତୋ ଚାଥ, ନିପ୍ପକ୍କଂ କୁଥିତଂ ଭୱେ ।
ଆପନ୍ନୋ ତ୍ୱା’ପଦପ୍ପତ୍ତୋ, ୱିୱସୋ ତ୍ୱୱସୋ ଭୱେ ॥
ନୁଣ୍ଣୋ ନୁତ୍ତା’ତ୍ତ, ଖିତ୍ତା ଚେ’, ରିତା ୱିଦ୍ଧା ଥ କମ୍ପିତୋ ।
ଧୂତୋ ଆଧୂତ ଚଲିତା, ନିସିତଂ ତୁ ଚ ତେଜିତଂ ॥
ପତ୍ତବ୍ବଂ ଗମ୍ମ ମାପଜ୍ଜଂ [ଆସଜ୍ଜଂ (କ॰)], ପକ୍କଂ ପରିଣତଂ ସମା ।
ୱେଠିତଂ ତୁ ୱଲୟିତଂ, ରୁଦ୍ଧଂ ସଂୱୁତ ମାୱୁତଂ ॥
ପରିକ୍ଖିତ୍ତଞ୍ଚ ନିୱୁତଂ, ୱିସଟଂ ୱିତ୍ଥତଂ ତତଂ ।
ଲିତ୍ତୋ ତୁ ଦିଦ୍ଧୋ ଗୂଳ୍ହୋ ତୁ,
ଗୁତ୍ତୋ ପୁଟ୍ଠୋ ତୁ ପୋସିତୋ ॥
ଲଜ୍ଜିତୋ ହୀଳିତୋ ଚାଥ, ସନିତଂ ଧନିତଂ ପ୍ୟଥ ।
ସନ୍ଦାନିତୋ ସିତୋ ବଦ୍ଧୋ,
କୀଲିତୋ ସଂୟତୋ ଭୱେ ॥
ସିଦ୍ଧେ ନିପ୍ଫନ୍ନ ନିବ୍ବତ୍ତା, ଦାରିତେ ଭିନ୍ନ ଭେଦିତା ।
ଛନ୍ନୋ ତୁ ଛାଦିତେ ଚାଥ, ୱିଦ୍ଧେ ଛିଦ୍ଦିତ ୱେଧିତା ॥
ଆହଟୋ ଆଭତା’ନୀତା,
ଦନ୍ତୋ ତୁ ଦମିତୋ ସିୟା ।
ସନ୍ତୋ ତୁ ସମିତୋ ଚେୱ,
ପୁଣ୍ଣୋ ତୁ ପୂରିତୋ ଭୱେ ॥
ଅପଚାୟିତୋ ମହିତୋ, ପୂଜିତା’ରହିତୋ’ଚ୍ଚିତୋ ।
ମାନିତୋ ଚା’ପଚିତୋ ଚ, ତଚ୍ଛିତଂ ତୁତନୂକତେ ॥
ସନ୍ତତ୍ତୋ ଧୂପିତୋ ଚୋପ,
ଚରିତୋ ତୁ ଉପାସିତୋ ।
ଭଟ୍ଠଂ ତୁ ଗଲିତଂ ପନ୍ନଂ, ଚୁତଞ୍ଚ ଧଂସିତଂ ଭୱେ ॥
ପୀତୋ ପମୁଦିତୋ ହଟ୍ଠୋ,
ମତ୍ତୋ ତୁଟ୍ଠୋ ଥ କନ୍ତିତୋ ।
ସଞ୍ଛିନ୍ନୋ ଲୂନ ଦାତା ଥ,
ପସତ୍ଥୋ ୱଣ୍ଣିତୋ ଥୁତୋ ॥
ତିନ୍ତୋ’ଲ୍ଲ’ଦ୍ଦ କିଲିନ୍ନୋ’ନ୍ନା, ମଗ୍ଗିତଂ ପରିୟେସିତଂ ।
ଅନ୍ୱେସିତଂ ଗୱେସିତଂ, ଲଦ୍ଧଂ ତୁ ପତ୍ତ ମୁଚ୍ଚତେ ॥
ରକ୍ଖିତଂ ଗୋପିତଂ ଗୁତ୍ତଂ, ତାତଂ ଗୋପାୟିତା’ୱିତା ।
ପାଲିତଂ ଅଥ ଓସ୍ସଟ୍ଠଂ, ଚତ୍ତଂ ହୀନଂ ସମୁଜ୍ଝିତଂ ॥
ଭାସିତଂ ଲପିତଂ ୱୁତ୍ତା, ଭିହିତା’ଖ୍ୟାତ ଜପ୍ପିତା ।
ଉଦୀରିତଞ୍ଚ କଥିତଂ, ଗଦିତଂ ଭଣିତୋ’ଦିତା ॥
ଅୱଞ୍ଞାତା’ୱଗଣିତା, ପରିଭୂତା’ୱମାନିତା ।
ଜିଘଚ୍ଛିତୋ ତୁ ଖୁଦିତୋ,
ଛାତୋ ଚେୱ ବୁଭୁକ୍ଖିତୋ ॥
ବୁଦ୍ଧଂ ଞାତଂ ପଟିପନ୍ନଂ, ୱିଦିତା’ୱଗତଂ ମତଂ ।
ଗିଲିତୋ ଖାଦିତୋ ଭୁତ୍ତୋ,
ଭକ୍ଖିତୋ’ଜ୍ଝୋହଟା’ସିତା ॥
ଇତି ୱିସେସ୍ୟାଧୀନୱଗ୍ଗୋ ।
୨. ସଂକିଣ୍ଣୱଗ୍ଗ
ଞେୟ୍ୟଂ ଲିଙ୍ଗ ମିହ କ୍ୱାପି, ପଚ୍ଚୟତ୍ଥୱସେନ ଚ ।
କ୍ରିୟା ତୁ କିରିୟଂ କମ୍ମଂ,
ସନ୍ତି ତୁ ସମଥୋ ସମୋ ।
ଦମୋ ଚ ଦମଥୋ ଦନ୍ତି, ୱତ୍ତଂ ତୁ ସୁଦ୍ଧକମ୍ମନି ।
ଅଥୋ ଆସଙ୍ଗୱଚନଂ, ତୀସୁ ୱୁତ୍ତଂ ପରାୟଣଂ ॥
ଭେଦୋ ୱିଦାରୋ ଫୁଟନଂ, ତପ୍ପନଂ ତୁ ଚ ପୀଣନଂ ।
ଅକ୍କୋସନ ମଭିସଙ୍ଗୋ,
ଭିକ୍ଖା ତୁ ୟାଚନା’ତ୍ଥନା ॥
ନିନ୍ନିମିତ୍ତଂ ୟଦିଚ୍ଛା ଥା’, ପୁଚ୍ଛନା ନନ୍ଦନାନି ଚ ।
ସଭାଜନ ମଥୋ ଞାୟୋ,
ନୟୋ ଫାତି ତୁ ୱୁଦ୍ଧିୟଂ ॥
କିଲମଥୋ କିଲମନଂ, ପସୱୋ ତୁ ପସୂତିୟଂ ।
ଉକ୍କଂସୋ ତ୍ୱତିସୟୋ ଥ,
ଜୟୋ ଚ ଜୟନଂ ଜିତି ॥
ଗହୋ ଗାହୋ ୱରୋ ୱୁତି ।
ପଚା ପାକୋ ହୱୋ ହୁତି [ହୂଭି (ସୀ॰ ଅମରକୋସ)],
ୱେଦୋ ୱେଦନ ମିତ୍ଥି ୱା ॥
ଜୀରଣଂ ଜାନି ତାଣଂ ତୁ, ରକ୍ଖଣଂ ପମିତିପ୍ପମା ।
ସିଲେସୋ ସନ୍ଧି ଚ ଖୟୋ,
ତ୍ୱପଚୟୋ ରୱୋ ରଣୋ ॥
ନିଗାଦୋ ନିଗଦୋ ମାଦୋ, ମଦୋ ପସିତି ବନ୍ଧନଂ ।
ଆକରୋ ତ୍ୱିଙ୍ଗିତଂ ଇଙ୍ଗୋ,
ଅଥ’ତ୍ଥାପଗମୋ ବ୍ୟୟୋ ॥
ଅନ୍ତରାୟୋ ଚ ପଚ୍ଚୂହୋ,
ୱିକାରୋ ତୁ ୱିକତ୍ୟ’ପି ।
ପୱିସିଲେସୋ ୱିଧୁରଂ, ଉପୱେସନମାସନଂ ॥
ଅଜ୍ଝାସୟୋ ଅଧିପ୍ପାୟୋ, ଆସୟୋ ଚାଭିସନ୍ଧି ଚ ।
ଭାୱୋ ଧିମୁତ୍ତି ଛନ୍ଦୋ ଥ,
ଦୋସୋ ଆଦୀନୱୋ ଭୱେ ॥
ଆନିସଂସୋ ଗୁଣୋ ଚାଥ,
ମଜ୍ଝଂ ୱେମଜ୍ଝ ମୁଚ୍ଚତେ ।
ମଜ୍ଝନ୍ହିକୋ [ମଜ୍ଝନ୍ତିକୋ (ଟୀ॰ ସୀ॰ ପୀ॰)] ତୁ ମଜ୍ଝନ୍ହୋ, ୱେମତ୍ତଂ ତୁ ଚ ନାନତା ॥
ୱା ଜାଗରୋ ଜାଗରିୟଂ [ଜାଗରିୟୋ (ଟୀ॰)], ପୱାହୋ ତୁ ପୱତ୍ତି ଚ ।
ବ୍ୟାସୋ ପପଞ୍ଚୋ ୱିତ୍ଥାରୋ,
ୟାମୋ ତୁ ସଂୟମୋ ୟମୋ ॥
ସମ୍ବାହନଂ ମଦ୍ଦନଞ୍ଚ, ପସରୋ ତୁ ୱିସପ୍ପନଂ ।
ସନ୍ଥୱୋ ତୁ ପରିଚୟୋ,
ମେଲକୋ ସଙ୍ଗ ସଙ୍ଗମା ॥
ସନ୍ନିଧି ସନ୍ନିକଟ୍ଠମ୍ହି, ୱିନାସୋ ତୁ ଅଦସ୍ସନଂ ।
ଲୱୋ ଭିଲାୱୋ ଲୱନଂ,
ପତ୍ଥାୱୋ’ୱସରୋ ସମା ॥
ଓସାନଂ ପରିୟୋସାନଂ, ଉକ୍କଂସୋ’ତିସୟୋ ଭୱେ [ଅୱସାନଂ ସମାପନଂ ( ?)]।
ସନ୍ନିୱେସୋ ଚ ସଣ୍ଠାନଂ, ଅଥା’ବ୍ଭନ୍ତର ମନ୍ତରଂ ॥
ପାଟିହୀରଂ ପାଟିହେରଂ, ପାଟିହାରିୟ ମୁଚ୍ଚତେ ।
କିଚ୍ଚଂ ତୁ କରଣୀୟଞ୍ଚ, ସଙ୍ଖାରୋ ୱାସନା ଭୱେ ॥
ପୱନଂ ପୱ ନିପ୍ପାୱା, ତସରୋ ସୁତ୍ତୱେଠନଂ ।
ସଙ୍କମୋ ଦୁଗ୍ଗସଞ୍ଚାରୋ, ପକ୍କମୋ ତୁ ଉପକ୍କମୋ ॥
ପାଠୋ ନିପାଠୋ ନିପଠୋ, ୱିଚୟୋ ମଗ୍ଗନା ପୁମେ ।
ଆଲିଙ୍ଗନଂ ପରିସ୍ସଙ୍ଗୋ, ସିଲେସୋ ଉପଗୂହନଂ ॥
ଆଲୋକନଞ୍ଚ ନିଜ୍ଝାନଂ, ଇକ୍ଖଣଂ ଦସ୍ସନଂ ପ୍ୟଥ ।
ପଚ୍ଚାଦେସୋ ନିରସନଂ, ପଚ୍ଚକ୍ଖାନଂ ନିରାକତି ॥
ୱିପଲ୍ଲାସୋ’ଞ୍ଞଥାଭାୱୋ, ବ୍ୟତ୍ତୟୋ ୱିପରୀୟୟୋ ।
ୱିପରିୟାସୋ’ତିକ୍କମୋ, ତ୍ୱ’ତିପାତୋ ଉପଚ୍ଚୟୋ ॥
ଇତି ସଂକିଣ୍ଣୱଗ୍ଗୋ ।
୩. ଅନେକତ୍ଥୱଗ୍ଗ
ଅନେକତ୍ଥେ ପୱକ୍ଖାମି, ଗାଥା’ଦ୍ଧପାଦତୋ କମା ।
ଏତ୍ଥ ଲିଙ୍ଗୱିସେସତ୍ଥ, ମେକସ୍ସ ପୁନରୁତ୍ତତା ॥
ସମୟୋ ସମୱାୟେ ଚ, ସମୂହେ କାରଣେ ଖଣେ ।
ପଟିୱେଧେ ସିୟା କାଲେ, ପହାନେ ଲାଭ ଦିଟ୍ଠିସୁ ॥
ୱଣ୍ଣୋ ସଣ୍ଠାନ ରୂପେସୁ, ଜାତି,ଚ୍ଛୱୀସୁ କାରଣେ ।
ପମାଣେ ଚ ପସଂସାୟଂ, ଅକ୍ଖରେ ଚ ୟସେ ଗୁଣେ ॥
ଉଦ୍ଦେସେ ପାତିମୋକ୍ଖସ୍ସ, ପଣ୍ଣତ୍ତିୟ ମୁପୋସଥୋ ।
ଉପୱାସେ ଚ ଅଟ୍ଠଙ୍ଗେ, ଉପୋସଥଦିନେ ସିୟା ॥
ରଥଙ୍ଗେ ଲକ୍ଖଣେ ଧମ୍ମୋ, ରଚକ୍କେ’ସ୍ୱୀରିୟାପଥେ ।
ଚକ୍କଂ ସମ୍ପତ୍ତିୟଂ ଚକ୍କ, ରତନେ ମଣ୍ଡଲେ ବଲେ ॥
କୁଲାଲଭଣ୍ଡେ ଆଣାୟ, ମାୟୁଧେ ଦାନ ରାସିସୁ ।
ଦାନସ୍ମିଂ ବ୍ରହ୍ମଚରିୟ, ମପ୍ପମଞ୍ଞାସୁ ସାସନେ ।
ମେଥୁନାରତିୟଂ ୱେୟ୍ୟା, ୱଚ୍ଚେ ସଦାରତୁଟ୍ଠିୟଂ ।
ପଞ୍ଚସୀଲା’ରିୟମଗ୍ଗୋ, ପୋସଥଙ୍ଗ ଧିତୀସୁ [ଠିତୀସୁ (କ॰)] ଚ ॥
ଧମ୍ମୋ ସଭାୱେ ପରିୟତ୍ତିପଞ୍ଞା,
ଞାୟେସୁ ସଚ୍ଚପ୍ପକତୀସୁ ପୁଞ୍ଞେ ।
ଞେୟ୍ୟେ ଗୁଣା’ଚାର ସମାଧିସୂପି,
ନିସ୍ସତ୍ତତା’ପତ୍ତିସୁ କାରଣାଦୋ ॥
ଅତ୍ଥୋ ପୟୋଜନେ ସଦ୍ଦା, ଭିଧେୟ୍ୟେ ୱୁଦ୍ଧିୟଂ ଧନେ ।
ୱତ୍ଥୁମ୍ହି କାରଣେ ନାସେ, ହିତେ ପଚ୍ଛିମପବ୍ବତେ ॥
ୟେଭୁୟ୍ୟତା’ବ୍ୟାମିସ୍ସେସୁ, ୱିସଂୟୋଗେ ଚ କେୱଲଂ ।
ଦଳ୍ହତ୍ଥେ’ନତିରେକେ ଚା, ନୱସେସମ୍ହି ତଂ ତିସୁ ॥
ଗୁଣୋ ପଟଲ ରାସୀସୁ, ଆନିସଂସେ ଚ ବନ୍ଧନେ ।
ଅପ୍ପଧାନେ ଚ ସୀଲାଦୋ, ସୁକ୍କାଦିମ୍ହି ଜିୟାୟ ଚ ॥
ରୁକ୍ଖାଦୋ ୱିଜ୍ଜମାନେ ଚା, ରହନ୍ତେ ଖନ୍ଧପଞ୍ଚକେ ।
ଭୂତୋ ସତ୍ତ ମହାଭୂତା, ମନୁସ୍ସେସୁ ନ ନାରିୟଂ ॥
ୱାଚ୍ଚଲିଙ୍ଗୋ ଅତୀତସ୍ମିଂ, ଜାତେ ପତ୍ତେ ସମେ ମତୋ ।
ସୁନ୍ଦରେ ଦଳ୍ହିକମ୍ମେ ଚା, ୟାଚନେ ସମ୍ପଟିଚ୍ଛନେ ।
ସଜ୍ଜନେ ସମ୍ପହଂସାୟଂ, ସାଧ୍ୱା’ଭିଧେୟ୍ୟଲିଙ୍ଗିକଂ ॥
ଅନ୍ତୋ ନିତ୍ଥୀ ସମୀପେ ଚା, ୱସାନେ ପଦପୂରଣେ ।
ଦେହାୱୟୱେ କୋଟ୍ଠାସେ, ନାସ ସୀମାସୁ ଲାମକେ ॥
ନିକାୟେ ସନ୍ଧି ସାମଞ୍ଞ, ପ୍ପସୂତୀସୁ କୁଲେ ଭୱେ ।
ୱିସେସେ ସୁମନାୟଞ୍ଚ, ଜାତି ସଙ୍ଖତଲକ୍ଖଣେ ॥
ଭୱଭେଦେ ପତିଟ୍ଠାୟଂ, ନିଟ୍ଠା’ଜ୍ଝାସୟବୁଦ୍ଧିସୁ ।
ୱାସଟ୍ଠାନେ ଚ ଗମନେ, ୱିସଟତ୍ତେ [ୱିସରତ୍ତ ୱିସଦତ୍ତେ]ଗତୀରିତା ॥
ଫଲେ ୱିପସ୍ସନା ଦିବ୍ବ, ଚକ୍ଖୁ ସବ୍ବଞ୍ଞୁତାସୁ ଚ ।
ପଚ୍ଚୱେକ୍ଖଣଞାଣମ୍ହି, ମଗ୍ଗେ ଚ ଞାଣଦସ୍ସନଂ ॥
କମ୍ମାରୁଦ୍ଧନ ଅଙ୍ଗାର, କପଲ୍ଲ ଦୀପିକାସୁ ଚ ।
ସୁୱଣ୍ଣକାରମୂସାୟଂ, ଉକ୍କା ୱେଗେ ଚ ୱାୟୁନୋ ॥
କେସୋହାରଣ, ଜୀୱିତ, ୱୁତ୍ତିସୁ ୱପନେ ଚ ୱାପସମକରଣେ ।
କଥନେ ପମୁତ୍ତଭାୱ, ଜ୍ଝେନାଦୋ [ଜ୍ଝେସନାଦୋ (ସୀ॰)]ୱୁତ୍ତ ମପି ତୀସୁ ॥
ଗମନେ ୱିସ୍ସୁତେ ଚା’ୱ, ଧାରିତୋ’ପଚିତେସୁ ଚ ।
ଅନୁୟୋଗେ କିଲିନ୍ନେ ଚ, ସୁତୋ’ ଭିଧେୟ୍ୟଲିଙ୍ଗିକୋ ॥
ସୋତୱିଞ୍ଞେୟ୍ୟ ସତ୍ଥେସୁ, ସୁତଂ ପୁତ୍ତେ ସୁତୋ ସିୟା ।
କପ୍ପୋ କାଲେ ୟୁଗେ ଲେସେ, ପଞ୍ଞତ୍ତି ପରମାୟୁସୁ ।
ସଦିସେ ତୀସୁ ସମଣ, ୱୋହାର କପ୍ପବିନ୍ଦୁସୁ ।
ସମନ୍ତତ୍ଥେ’ନ୍ତରକପ୍ପା, ଦିକେ ତକ୍କେ ୱିଧିମ୍ହି ଚ ॥
ନିବ୍ବାନ ମଗ୍ଗ ୱିରତି, ସପଥେ ସଚ୍ଚଭାସିତେ ।
ତଚ୍ଛେ ଚା’ରିୟସଚ୍ଚମ୍ହି, ଦିଟ୍ଠିୟଂ ସଚ୍ଚ ମୀରିତଂ ॥
ସଞ୍ଜାତିଦେସେ ହେତୁମ୍ହି, ୱାସଟ୍ଠାନା’କରେସୁ ଚ ।
ସମୋସରଣଟ୍ଠାନେ ଚା, ୟତନଂ ପଦପୂରଣେ ॥
ଅନ୍ତରଂ ମଜ୍ଝ ୱତ୍ଥ’ଞ୍ଞ, ଖଣୋ’କାସୋ’ଧି ହେତୁସୁ ।
ବ୍ୟୱଧାନେ ୱିନଟ୍ଠେ ଚ, ଭେଦେ ଛିଦ୍ଦେ ମନସ୍ୟ’ପି ॥
ଆରୋଗ୍ୟେ କୁସଲଂ ଇଟ୍ଠ, ୱିପାକେ କୁସଲୋ ତଥା ।
ଅନୱଜ୍ଜମ୍ହି ଛେକେ ଚ, କଥିତୋ ୱାଚ୍ଚଲିଙ୍ଗିକୋ ॥
ଦ୍ରୱା’ଚାରେସୁ ୱୀରିୟେ, ମଧୁରାଦୀସୁ ପାରଦେ ।
ସିଙ୍ଗାରାଦୋ ଧାତୁଭେଦେ, କିଚ୍ଚେ ସମ୍ପତ୍ତିୟଂ ରସୋ ॥
ବୋଧି ସବ୍ବଞ୍ଞୁତଞ୍ଞାଣେ, ରିୟମଗ୍ଗେ ଚ ନାରିୟଂ ।
ପଞ୍ଞତ୍ତିୟଂ ପୁମେ’ ସ୍ସତ୍ଥ, ରୁକ୍ଖମ୍ହି ପୁରିସିତ୍ଥିୟଂ ॥
ସେୱିତୋ ୟେନ ୟୋ ନିଚ୍ଚଂ, ତତ୍ଥାପି ୱିସୟୋ ସିୟା ।
ରୂପାଦିକେ ଜନପଦେ, ତଥା ଦେସେ ଚ ଗୋଚରେ ॥
ଭାୱୋ ପଦତ୍ଥେ ସତ୍ତାୟ, ମଧିପ୍ପାୟ କ୍ରିୟାସୁ ଚ ।
ସଭାୱସ୍ମିଞ୍ଚ ଲୀଲାୟଂ, ପୁରିସି’ତ୍ଥିନ୍ଦ୍ରିୟେସୁ ଚ ॥
ସୋ ବନ୍ଧୱେ’ତ୍ତନି ଚ ସଂ, ସୋ ଧନସ୍ମି ମନିତ୍ଥିୟଂ ।
ସା ପୁମେ ସୁନଖେ ୱୁତ୍ତୋ, ତ୍ତନିୟେ ସୋ ତିଲିଙ୍ଗିକୋ ॥
ସୁୱଣ୍ଣଂ କନକେ ୱୁତ୍ତଂ, ସୁୱଣ୍ଣୋ ଗରୁଳେ ତଥା ।
ପଞ୍ଚଧରଣମତ୍ତେ ଚ, ଛୱି ସମ୍ପତ୍ତିୟମ୍ପି ଚ ॥
ୱରୋ ଦେୱାଦିକା [ଦେୱାଦିତୋ (ସୀ॰)] ଇଟ୍ଠେ, ଜାମାତରି ପତିମ୍ହି ଚ,
ଉତ୍ତମେ ୱାଚ୍ଚଲିଙ୍ଗୋ ସୋ, ୱରଂ ମନ୍ଦପ୍ପିୟେ ବ୍ୟୟଂ ॥
ମକୁଲେ ଧନରାସିମ୍ହି, ସିୟା କୋସ ମନିତ୍ଥିୟଂ ।
ନେତ୍ତିଂସାଦି ପିଧାନେ ଚ, ଧନୁପଞ୍ଚସତେପି ଚ ॥
ପିତାମହେ ଜିନେ ସେଟ୍ଠେ, ବ୍ରାହ୍ମଣେ ଚ ପିତୂସ୍ୱପି ।
ବ୍ରହ୍ମା ୱୁତ୍ତୋ ତଥା ବ୍ରହ୍ମଂ, ୱେଦେ ତପସି ୱୁଚ୍ଚତେ ॥
ହତ୍ଥୀନଂ ମଜ୍ଝବନ୍ଧେ ଚ, ପକୋଟ୍ଠେ କଚ୍ଛବନ୍ଧନେ ।
ମେଖଲାୟଂ ମତା କଚ୍ଛା, କଚ୍ଛୋ ୱୁତ୍ତୋ ଲତାୟ ଚ ॥
ତଥେୱ ବାହୁମୂଲମ୍ହି, ଅନୂପମ୍ହି ତିଣେପି ଚ ।
ପମାଣଂ ହେତୁ ସତ୍ଥେସୁ, ମାନେ ଚ ସଚ୍ଚୱାଦିନି ।
ପମାତରି ଚ ନିଚ୍ଚମ୍ହି, ମରିୟାଦାୟ ମୁଚ୍ଚତେ ॥
ସତ୍ତଂ ଦବ୍ବ’ତ୍ତଭାୱେସୁ, ପାଣେସୁ ଚ ବଲେ, ସିୟା [ବଲେ ସକ୍କା (ଟୀ॰)]।
ସତ୍ତାୟଞ୍ଚ, ଜନେସତ୍ତୋ, ଆସତ୍ତେ ସୋ ତିଲିଙ୍ଗିକୋ ॥
ସେମ୍ହାଦୋ ରସରତ୍ତାଦୋ, ମହାଭୂତେ ପଭାଦିକେ ।
ଧାତୁ ଦ୍ୱୀସ୍ୱ’ଟ୍ଠିଚକ୍ଖା’ଦି, ଭ୍ୱା’ଦୀସୁ ଗେରିକାଦିସୁ ॥
ଅମଚ୍ଚାଦୋ ସଭାୱେ ଚ, ୟୋନିୟଂ ପକତୀ’ରିତା ।
ସତ୍ୱାଦିସାମ୍ୟା’ୱତ୍ଥାୟଂ, ପଚ୍ଚୟା ପଠମେପି ଚ ॥
ପଦଂ ଠାନେ ପରିତ୍ତାଣେ, ନିବ୍ବାନମ୍ହି ଚ କାରଣେ ।
ସଦ୍ଦେ ୱତ୍ଥୁମ୍ହି କୋଟ୍ଠାସେ, ପାଦେ ତଲ୍ଲଞ୍ଛନେ ମତଂ ॥
ଲୋହମୁଗ୍ଗର ମେଘେସୁ, ଘନୋ, ତାଲାଦିକେ ଘନଂ, ।
ନିରନ୍ତରେ ଚ କଠିନେ, ୱାଚ୍ଚଲିଙ୍ଗିକ ମୁଚ୍ଚତେ ॥
ଖୁଦ୍ଦା ଚ ମକ୍ଖିକାଭେଦେ, ମଧୁମ୍ହି ଖୁଦ୍ଦ, ମପ୍ପକେ ।
ଅଧମେ କପଣେ ଚାପି, ବହୁମ୍ହି ଚତୂସୁ ତ୍ତିସୁ ॥
ତକ୍କେ ମରଣଲିଙ୍ଗେ ଚ, ଅରିଟ୍ଠଂ ଅସୁଭେ ସୁଭେ, ।
ଅରିଟ୍ଠୋ ଆସୱେ କାକେ, ନିମ୍ବେ ଚ ଫେନିଲଦ୍ଦୁମେ ॥
ମାନଭଣ୍ଡେ ପଲସତେ, ସଦିସତ୍ତେ ତୁଲା ତଥା ।
ଗେହାନଂ ଦାରୁବନ୍ଧତ୍ଥ, ପୀଠିକାୟଞ୍ଚ ଦିସ୍ସତି ॥
ମିତ୍ତକାରେ ଲଞ୍ଜଦାନେ, ବଲେ ରାସି ୱିପତ୍ତିସୁ [ବଲରାସି ୱିପତ୍ତିସୁ (କ॰)]।
ୟୁଦ୍ଧେ ଚେୱ ପଟିଞ୍ଞାୟଂ, ସଙ୍ଗରୋ ସମ୍ପକାସିତୋ ॥
ଖନ୍ଧେ ଭୱେ ନିମିତ୍ତମ୍ହି, ରୂପଂ ୱଣ୍ଣେ ଚ ପଚ୍ଚୟେ ।
ସଭାୱ ସଦ୍ଦ ସଣ୍ଠାନ, ରୂପଜ୍ଝାନ ୱପୂସୁ ଚ ॥
ୱତ୍ଥୁ କିଲେସ କାମେସୁ, ଇଚ୍ଛାୟଂ ମଦନେ ରତେ ।
କାମୋ, କାମଂ ନିକାମେ, ଚା, ନୁଞ୍ଞାୟଂ କାମ ମବ୍ୟୟଂ ॥
ପୋକ୍ଖରଂ ପଦୁମେ ଦେହେ, ୱଜ୍ଜଭଣ୍ଡମୁଖେପି ଚ ।
ସୁନ୍ଦରତ୍ତେ ଚ ସଲିଲେ, ମାତଙ୍ଗକରକୋଟିୟଂ ॥
ରାସିନିଚ୍ଚଲ ମାୟାସୁ, ଦମ୍ଭା’ସଚ୍ଚେସ୍ୱ’ୟୋଘନେ ।
ଗିରିସିଙ୍ଗମ୍ହି ସୀରଙ୍ଗେ, ୟନ୍ତେ କୂଟ ମନିତ୍ଥିୟଂ ॥
ୱୁଦ୍ଧିୟଂ ଜନନେ କାମ, ଧାତ୍ୱାଦୀମ୍ହି ଚ ପତ୍ତିୟଂ ।
ସତ୍ତାୟଞ୍ଚେୱ ସଂସାରେ, ଭୱୋ ସସ୍ସତଦିଟ୍ଠିୟଂ ॥
ପଟିୱାକ୍ୟୋ’ତ୍ତରାସଙ୍ଗେ, ସୁ’ତ୍ତରଂ ଉତ୍ତରୋ ତିସୁ ।
ସେଟ୍ଠେ ଦିସାଦିଭେଦେ ଚ, ପରସ୍ମି ମୁପରୀ’ରିତୋ ॥
ନେକ୍ଖମ୍ମଂ ପଠମଜ୍ଝାନେ, ପବ୍ବଜ୍ଜାୟଂ ୱିମୁତ୍ତିୟଂ ।
ୱିପସ୍ସନାୟ ନିସ୍ସେସ, କୁସଲମ୍ହି ଚ ଦିସ୍ସତି ॥
ସଙ୍ଖାରୋ ସଙ୍ଖତେ ପୁଞ୍ଞା, ଭିସଙ୍ଖାରାଦିକେପି ଚ ।
ପୟୋଗେ କାୟସଙ୍ଖାରା, ଦ୍ୟ’ଭିସଙ୍ଖରଣେସୁ ଚ ॥
ଆରମ୍ମଣେ ଚ ସଂସଟ୍ଠେ, ୱୋକିଣ୍ଣେ ନିସ୍ସୟେ ତଥା ।
ତବ୍ଭାୱେ ଚାପ୍ୟଭିଧେୟ୍ୟ, ଲିଙ୍ଗୋ ସହଗତୋ ଭୱେ ॥
ତୀସୁ ଛନ୍ନଂ ପତିରୂପେ, ଛାଦିତେ ଚ ନିଗୂହିତେ ।
ନିୱାସନ ପାରୁପନେ, ରହୋ ପଞ୍ଞତ୍ତିୟଂ ପୁମେ ॥
ବୁଦ୍ଧସମନ୍ତଚକ୍ଖୂସୁ, ଚକ୍ଖୁ ପଞ୍ଞାୟ ମୀରିତଂ ।
ଧମ୍ମଚକ୍ଖୁମ୍ହି ଚ ମଂସ, ଦିବ୍ବଚକ୍ଖୁଦ୍ୱୟେସୁ ଚ ॥
ୱାଚ୍ଚଲିଙ୍ଗୋ ଅଭିକ୍କନ୍ତୋ, ସୁନ୍ଦରମ୍ହି ଅଭିକ୍କମେ ।
ଅଭିରୂପେ ଖୟେ ୱୁତ୍ତୋ, ତଥେୱ’ବ୍ଭନୁମୋଦନେ ॥
କାରଣେ ଦେସନାୟଞ୍ଚ, ୱାରେ ୱେୱଚନେପି ଚ ।
ପାକାରସ୍ମିଂ [ପକାରସ୍ମିଂ (କ॰)] ଅୱସରେ, ପରିୟାୟୋ କଥୀୟତି ॥
ୱିଞ୍ଞାଣେ ଚିତ୍ତକମ୍ମେ ଚ, ୱିଚିତ୍ତେ ଚିତ୍ତ ମୁଚ୍ଚତେ ।
ପଞ୍ଞତ୍ତି ଚିତ୍ତମାସେସୁ, ଚିତ୍ତୋ, ତାରନ୍ତରେ ଥିୟଂ ॥
ସାମଂ ୱେଦନ୍ତରେ ସାନ୍ତ୍ୱେ, ତଂ ପୀତେ ସାମଲେ ତିସୁ ।
ସୟମତ୍ଥେ ବ୍ୟୟଂ ସାମଂ, ସାମା ଚ ସାରିୱାୟପି ॥
ପୁମେ ଆଚରିୟାଦିମ୍ହି, ଗରୁ[ଗୁରୁ (କ॰ ଟୀ॰)] ମାତାପିତୂସ୍ୱପି ।
ଗରୁ ତୀସୁ ମହନ୍ତେ ଚ, ଦୁଜ୍ଜରା’ଲହୁକେସୁ ଚ ॥
ଅଚ୍ଚିତେ ୱିଜ୍ଜମାନେ ଚ, ପସତ୍ଥେ ସଚ୍ଚ ସାଧୁସୁ ।
ଖିନ୍ନେ ଚ ସମିତେ ଚେୱ, ସନ୍ତୋଭିଧେୟ୍ୟଲିଙ୍ଗିକୋତି ॥
ଇତି ଗାଥାଅନେକତ୍ଥୱଗ୍ଗୋ ।
ଦେୱୋ ୱିସୁଦ୍ଧିଦେୱା’ଦୋ, ମେଘ ମଚ୍ଚୁ ନଭେସୁ ଚ ।
ଅଥୋପି ତରୁଣେ ସତ୍ତେ, ଚୋରେପି ମାଣୱୋ ଭୱେ ॥
ଆଦି କୋଟ୍ଠାସ କୋଟୀସୁ, ପୁରତୋ’ଗ୍ଗଂୱରେ ତୀସୁ ।
ପଚ୍ଚନୀକୋ’ତ୍ତମେସ୍ୱ’ଞ୍ଞେ, ପଚ୍ଛାଭାଗେ ପରୋ ତିସୁ ॥
ୟୋନି କାମ ସିରି’ସ୍ସରେ, ଧମ୍ମୁ’ୟ୍ୟାମ ୟସେ ଭଗଂ ।
ଉଳାରୋ ତୀସୁ ୱିପୁଲେ, ସେଟ୍ଠେ ଚ ମଧୁରେ ସିୟା ॥
ସମ୍ପନ୍ନୋ ତୀସୁ ସମ୍ପୁଣ୍ଣେ, ମଧୁରେ ଚ ସମଙ୍ଗିନି ।
ସଙ୍ଖା ତୁ ଞାଣେ କୋଟ୍ଠାସ, ପଞ୍ଞତ୍ତି ଗଣନେସୁ ଚ ॥
ଠାନଂ ଇସ୍ସରିୟୋ’କାସ, ହେତୂସୁ ଠିତିୟମ୍ପି ଚ ।
ଅଥୋ ମାନେ ପକାରେଚ, କୋଟ୍ଠାସେଚ ୱିଧୋ ଦ୍ୱିସୁ ॥
ପଞ୍ଞୋ’ପୱାସ ଖନ୍ତୀସୁ, ଦମୋ ଇନ୍ଦ୍ରିୟସଂୱରେ ।
ଞାଣେ ଚ ସୋମନସ୍ସେଚ, ୱେଦୋ ଛନ୍ଦସି ଚୋ’ଚ୍ଚତେ ॥
ଖନ୍ଧକୋଟ୍ଠାସ, ପସ୍ସାୱ, ମଗ୍ଗ, ହେତୂସୁ ୟୋନି ସା [ୟୋନି ସୋ (ଟୀ॰)]।
କାଲେ ତୁ କୂଲେ ସୀମାୟଂ, ୱେଲା ରାସିମ୍ହି ଭାସିତା ॥
ୱୋହାରୋ ସଦ୍ଦ ପଣ୍ଣତ୍ତି, ୱଣିଜ୍ଜା ଚେତନାସୁ ଚ ।
ନାଗୋ ତୁ’ରଗ ହତ୍ଥୀସୁ, ନାଗରୁକ୍ଖେ ତଥୁ’ତ୍ତମେ ॥
ସେଟ୍ଠା’ସହାୟ ସଙ୍ଖ୍ୟା’ଞ୍ଞ,
ତୁଲ୍ୟେସ୍ୱେ’କୋତିଲିଙ୍ଗିକୋ ।
ରାଗେ ତୁ ମାନସୋ ଚିତ୍ତା, ରହତ୍ତେସୁ ଚ ମାନସଂ ॥
ମୂଲଂ ଭେ ସନ୍ତିକେ ମୂଲ, ମୂଲେ ହେତୁମ୍ହି ପାଭତେ ।
ରୂପାଦ୍ୟଂ’ସ ପକଣ୍ଡେସୁ, ଖନ୍ଧୋ ରାସି ଗୁଣେସୁ ଚ ॥
ଆରମ୍ଭୋ ୱୀରିୟେ କମ୍ମେ, ଆଦିକମ୍ମେ ୱିକୋପନେ ।
ଅଥୋ ହଦୟୱତ୍ଥୁମ୍ହି, ଚିତ୍ତେ ଚ ହଦୟଂ ଉରେ ॥
ପଚ୍ଛାତାପା’ନୁବନ୍ଧେସୁ, ରାଗାଦୋ’ନୁସୟୋ ଭୱେ ।
ମାତଙ୍ଗମୁଦ୍ଧପିଣ୍ଡେ ତୁ, ଘଟେ କୁମ୍ଭୋ ଦସମ୍ବଣେ ॥
ପରିୱାରୋ ପରିଜନେ, ଖଗ୍ଗକୋସେ ପରିଚ୍ଛଦେ ।
ଆଲମ୍ବରୋ ତୁ ସାରମ୍ଭେ, ଭେରିଭେଦେ ଚ ଦିସ୍ସତି ॥
ଖଣୋ କାଲୱିସେସେ ଚ, ନିବ୍ୟାପାରଟ୍ଠିତିମ୍ହି ଚ ।
କୁଲେ ତ୍ୱ’ଭିଜନୋ ୱୁତ୍ତୋ, ଉପ୍ପତ୍ତିଭୂମିୟମ୍ପି ଚ ॥
ଆହାରୋ କବଳୀକାରା, ହାରାଦୀସୁ ଚ କାରଣେ ।
ୱିସ୍ସାସେ ୟାଚନାୟଞ୍ଚ, ପେମେ ଚ ପଣୟୋ ମତୋ ॥
ଣାଦୋ ସଦ୍ଧା, ଚୀୱରାଦି, ହେତ୍ୱା’ଧାରେସୁ ପଚ୍ଚୟୋ ।
କୀଳା ଦିବ୍ବୱିହାରାଦୋ, ୱିହାରୋ ସୁଗତାଲୟେ ॥
ସମତ୍ଥନେ ମତୋ ଚିତ୍ତେ, କଗ୍ଗତାୟଂ ସମାଧି ଚ ।
ୟୋଗୋ ସଙ୍ଗତି [ସଙ୍ଗେ ଚ (ଟୀ॰)] କାମାଦୋ,
ଝାନୋ’ପାୟେସୁ ୟୁତ୍ତିୟଂ ॥
ଭୋଗୋ ସପ୍ପଫଣ’ଙ୍ଗେସୁ, କୋଟିଲ୍ଲେ ଭୁଞ୍ଜନେ ଧନେ ।
ଭୂମିଭାଗେ କିଲେସେ ଚ, ମଲେ ଚା’ଙ୍ଗଣ ମୁଚ୍ଚତେ ॥
ଧନାଦିଦପ୍ପେ ପଞ୍ଞାୟ, ଅଭିମାନୋ ମତୋ ଥ ଚ ।
ଅପଦେସୋ ନିମିତ୍ତେ ଚ, ଛଲେ ଚ କଥନେ ମତୋ ॥
ଚିତ୍ତେ କାୟେ ସଭାୱେ ଚ, ସୋ ଅତ୍ତା ପରମ’ତ୍ତନି ।
ଅଥ ଗୁମ୍ବୋ ଚ ଥମ୍ବସ୍ମିଂ [ଥମ୍ଭସ୍ମିଂ (ଟୀ॰)], ସମୂହେ ବଲସଜ୍ଜନେ ॥
ଅନ୍ତୋଘରେ କୁସୂଲେ ଚ, କୋଟ୍ଠୋ ନ୍ତୋକୁଚ୍ଛିୟଂ ପ୍ୟଥ ।
ସୋପାନଙ୍ଗମ୍ହି ଉଣ୍ହୀସୋ, ମକୁଟେ ସୀସୱେଠନେ ॥
ନିୟ୍ୟାସେ ସେଖରେ ଦ୍ୱାରେ, ନିୟ୍ୟୂହୋ ନାଗଦନ୍ତକେ ।
ଅଥୋ ସିଖଣ୍ଡେ ତୂଣୀରେ, କଲାପୋ ନିକରେ ମତୋ ॥
ଚୂଳା ସଂୟତକେସେସୁ, ମକୁଟେ ମୋଳି ଚ ଦ୍ୱିସୁ ।
ସଙ୍ଖୋ ତ୍ୱ’ନିତ୍ଥିୟଂ କମ୍ବୁ, ନଲାଟ’ଟ୍ଠୀସୁ [ଲଲାଟଟ୍ଠୀସୁ (ସୀ॰)] ଗୋପ୍ଫକେ ॥
ପକ୍ଖୋ କାଲେ ବଲେ ସାଧ୍ୟେ, ସଖୀ ୱାଜେସୁ ପଙ୍ଗୁଲେ ।
ଦେସେ’ଣ୍ଣୱେ ପୁମେ ସିନ୍ଧୁ, ସରିତାୟଂ ସ ନାରିୟଂ ॥
ଗଜେ କରେଣୁ ପୁରିସେ, ସୋ ହତ୍ଥିନିୟ ମିତ୍ଥିୟଂ ।
ରତନେ ୱଜିରୋ ନିତ୍ଥୀ, ମଣିୱେଧି’ନ୍ଦହେତିସୁ ॥
ୱିସାଣଂ ତୀସୁ ମାତଙ୍ଗ, ଦନ୍ତେ ଚ ପସୁସିଙ୍ଗକେ ।
କୋଟିୟଂ ତୁ ମତୋ କୋଣୋ, ତଥା ୱାଦିତ୍ତୱାଦନେ ॥
ୱଣିପ୍ପଥେ ଚ ନଗରେ, ୱେଦେ ଚ ନିଗମୋ ଥ ଚ ।
ୱିୱାଦାଦୋ’ ଧିକରଣଂ, ସିୟା’ଧାରେ ଚ କାରଣେ ॥
ପସୁମ୍ହି ୱସୁଧାୟଞ୍ଚ, ୱାଚାଦୋ ଗୋ ପୁମିତ୍ଥିୟଂ ।
ହରିତେ ତୁ ସୁୱଣ୍ଣେ ଚ, ୱାସୁଦେୱେ ହରୀ’ରିତୋ ॥
ଆୟତ୍ତେ ପରିୱାରେ ଚ, ଭରିୟାୟଂ ପରିଗ୍ଗହୋ ।
ଉତ୍ତଂସୋ ତ୍ୱ’ ୱତଂସୋ ଚ, କଣ୍ଣପୂରେ ଚ ସେଖରେ ॥
ୱିଜ୍ଜୁୟଂ ୱଜିରେ ଚେୱା, ସନି’ତ୍ଥିପୁରିସେ ପ୍ୟଥ ।
କୋଣେ ସଙ୍ଖ୍ୟାୱିସେସସ୍ମିଂ, ଉକ୍କଂସେ କୋଟି ନାରିୟଂ ॥
ଚୂଳା ଜାଲା ପଧାନ’ଗ୍ଗ, ମୋରଚୂଳାସୁ ସା ସିଖା ।
ସପ୍ପଦାଠାୟ ମାସୀ’ତ୍ଥୀ, ଇଟ୍ଠସ୍ସା’ସୀସନାୟପି ॥
ୱସା ୱିଲୀନ ତେଲସ୍ମିଂ, ୱସଗା ୱଞ୍ଝଗାୱିସୁ ।
ଅଭିଲାସେ ତୁ କିରଣେ, ଅଭିସଙ୍ଗେ ରୁଚି’ତ୍ଥିୟଂ ॥
ସଞ୍ଞା ସଞ୍ଜାନନେ ନାମେ, ଚେତନାୟଞ୍ଚ ଦିସ୍ସତି ।
ଅଂସେ ସିପ୍ପେ କଲା କାଲେ, ଭାଗେ ଚନ୍ଦସ୍ସ ସୋଳସେ ॥
ବୀଜକୋସେ ଘରକୂଟେ, କଣ୍ଣଭୂସାୟ କଣ୍ଣିକା ।
ଆଗାମିକାଲେ ଦୀଘତ୍ତେ, ପଭାୱେ ଚ ମତା’ୟତି ॥
ଉଣ୍ଣା ମେସାଦିଲୋମେ, ଚ, ଭୂମଜ୍ଝେ ରୋମଧାତୁୟଂ ।
ୱାରୁଣୀ ତ୍ୱିତ୍ଥିୟଂ ୱୁତ୍ତା, ନଟ୍ଟକୀ ମଦିରାଦିସୁ ॥
କ୍ରିୟଚିତ୍ତେ ଚ କରଣେ, କିରିୟଂ କମ୍ମନି କ୍ରିୟା ।
ସୁନିସାୟଂ ତୁ କଞ୍ଞାୟ, ଜାୟାୟ ଚ ୱଧୂ ମତା ॥
ପମାଣି’ସ୍ସରିୟେ ମତ୍ତା, ଅକ୍ଖରାୱୟୱେ’ପ୍ପକେ ।
ସୁତ୍ତଂ ପାୱଚନେ ରିଟ୍ଠେ [ସିଦ୍ଧେ (ଟୀ॰)], ତନ୍ତେ ତଂ ସୁପିତେ ତିସୁ ॥
ରାଜଲିଙ୍ଗୋ’ସଭଙ୍ଗେସୁ, ରୁକ୍ଖେ ଚ କକୁଦୋ[କକୁଧୋ (ଟୀ॰ ସୀ॰)] ପ୍ୟଥ ।
ନିମିତ୍ତ’କ୍ଖର ସୂପେସୁ, ବ୍ୟଞ୍ଜନଂ ଚିହନେ ପଦେ ॥
ୱୋହାରେ ଜେତୁ ମିଚ୍ଛାୟଂ, କୀଳାଦୋ ଚାପି ଦେୱନଂ ।
ଭରିୟାୟଂ ତୁ କେଦାରେ, ସରୀରେ ଖେତ୍ତ ମୀରିତଂ ॥
ସୁସ୍ସୂସାୟଞ୍ଚ ୱିଞ୍ଞେୟ୍ୟଂ, ଇସ୍ସାଭ୍ୟାସେ ପ୍ୟୁ’ପାସନଂ ।
ସୂଲଂ ତୁ ନିତ୍ଥିୟଂ ହେତି, ଭେଦେ ସଂକୁ ରୁଜାସୁ ଚ ॥
ତନ୍ତି ୱୀଣାଗୁଣେ, ତନ୍ତଂ, ମୁଖ୍ୟସିଦ୍ଧନ୍ତ ତନ୍ତୁସୁ ।
ରଥାଦ୍ୟଙ୍ଗେ ତୁ ଚ ୟୁଗୋ, କପ୍ପମ୍ହି ୟୁଗଲେ ୟୁଗଂ ॥
ଇତ୍ଥିପୁପ୍ଫେ ଚ ରେଣୁମ୍ହି, ରଜୋ ପକତିଜେ ଗୁଣେ ।
ନ୍ୟାସପ୍ପଣେ ତୁ ଦାନମ୍ହି, ନିୟ୍ୟାତନ ମୁଦୀରିତଂ ॥
ଗରୁ’ପାୟା’ୱତାରେସୁ, ତିତ୍ଥଂ ପୂତମ୍ବୁ ଦିଟ୍ଠିସୁ ।
ପଣ୍ଡକେ ଜୋତି ନକ୍ଖତ୍ତ, ରଂସୀସ୍ୱ’ଗ୍ଗିମ୍ହି ଜୋତି ସୋ ॥
କଣ୍ଡୋ ନିତ୍ଥୀ ସରେ ଦଣ୍ଡେ, ୱଗ୍ଗେ ଚାୱସରେ ପ୍ୟଥ ।
ଉଦ୍ଧଂବାହୁଦ୍ୱୟମାନେ [ବାହୁଦ୍ୱୟୁମ୍ମାନେ (ସୀ॰ କ॰)], ସୂରତ୍ତେପି ଚ ପୋରିସଂ ॥
ଉଟ୍ଠାନଂ ପୋରିସେ’ହାସୁ, ନିସିନ୍ନାଦ୍ୟୁ’ଗ୍ଗମେ ପ୍ୟଥ ।
ଅନିସ୍ସୟମହୀଭାଗେ, ତ୍ୱି’ରୀଣଂ ଊସରେ ସିୟା ॥
ଆରାଧନଂ ସାଧନେ ଚ, ପତ୍ତିୟଂ ପରିତୋସନେ ।
ପଧାନେ ତୁ ଚ ସାନୁମ୍ହି, ୱିସାଣେ ସିଙ୍ଗ ମୁଚ୍ଚତେ ॥
ଦିଟ୍ଠା’ଦିମଗ୍ଗେ ଞାଣ’କ୍ଖି, କ୍ଖଣ ଲଦ୍ଧୀସୁ ଦସ୍ସନଂ ।
ହେମେ ପଞ୍ଚସୁୱଣ୍ଣେ ଚ, ନିକ୍ଖୋ ନିତ୍ଥୀ ପସାଧନେ ॥
ତିଥିଭେଦେ ଚ ସାଖାଦି, ଫଳୁମ୍ହି ପବ୍ବ ମୁଚ୍ଚତେ ।
ନାଗଲୋକେ ତୁ ପାତାଲଂ, ଭାସିତଂ ବଲୱାମୁଖେ ॥
କାମଜେ କୋପଜେ ଦୋସେ, ବ୍ୟସନଞ୍ଚ ୱିପତ୍ତିୟଂ ।
ଅଥୋ’ପକରଣେ ସିଦ୍ଧି, କାରକେସୁ ଚ ସାଧନଂ ॥
ତୀସ୍ୱୀରିତୋ [ତୀସ୍ୱିତୋ (ଟୀ॰)] ଦାନସୀଲେ, ୱଦଞ୍ଞୂ ୱଗ୍ଗୁୱାଦିନି ।
ପୁରକ୍ଖତୋ ଭିସିତ୍ତେ ଚ, ପୂଜିତେ ପୁରତୋକତେ ॥
ମନ୍ଦୋ ଭାଗ୍ୟୱିହୀନେ ଚା, ପ୍ପକେ ମୂଳ୍ହା’ପଟୂସ୍ୱପି ।
ୱୁଦ୍ଧିୟୁତ୍ତେ ସମୁନ୍ନଦ୍ଧେ, ଉପ୍ପନ୍ନେ ଉସ୍ସିତଂ ଭୱେ ॥
ରଥଙ୍ଗେ’କ୍ଖୋ ସୁୱଣ୍ଣସ୍ମିଂ, ପାସକେ, ଅକ୍ଖ ମିନ୍ଦ୍ରିୟେ ।
ସସ୍ସତେ ଚ ଧୁୱୋ ତୀସୁ, ଧୁୱଂ ତକ୍କେ ଚ ନିଚ୍ଛିତେ ॥
ହରେ ସିୱୋ, ସିୱଂ ଭଦ୍ଦ, ମୋକ୍ଖେସୁ, ଜମ୍ବୁକେ ସିୱା ।
ସେନାୟଂ ସତ୍ତିୟଞ୍ଚେୱ, ଥୂଲତ୍ତେ ଚ ବଲଂ ଭୱେ ॥
ସଙ୍ଖ୍ୟା ନରକଭେଦେସୁ, ପଦୁମଂ ୱାରିଜେ ପ୍ୟଥ ।
ଦେୱଭେଦେ ୱସୁ ପୁମେ, ପଣ୍ଡକଂ ରତନେ ଧନେ ॥
ନିବ୍ବାନଂ ଅତ୍ଥଗମନେ, ଅପୱଗ୍ଗେ ସିୟା ଥ ଚ ।
ସେତମ୍ବୁଜେ ପୁଣ୍ଡରୀକଂ, ବ୍ୟଗ୍ଘେ ରୁକ୍ଖନ୍ତରେ ପୁମେ ॥
ଉପହାରେ ବଲି ପୁମେ, କରସ୍ମିଂଚା’ସୁରନ୍ତରେ ।
ସୁକ୍କଂ ତୁ ସମ୍ଭୱେ, ସୁକ୍କୋ, ଧୱଲେ, କୁସଲେ ତିସୁ ॥
ଦାୟୋ ଦାନେ ୱିଭତ୍ତବ୍ବ, ଧନେ ଚ ପିତୁନଂ ୱନେ [ଧନେ (ଟୀ॰)]।
ପଭୁତ୍ତା’ୟତ୍ତତା’ୟତ୍ତା’, ଭିଲାସେସୁ ୱସୋ ଭୱେ ॥
ପରିଭାସନ ମକ୍କୋସେ, ନିୟମେ ଭାସନେ ଥ ଚ,
ଧନମ୍ହି ସେଳନଂ ୟୋଧ, ସୀହନାଦମ୍ହି ଦିସ୍ସତି ॥
ପଭୱୋ ଜାତିହେତୁମ୍ହି, ଠାନେ ଚାଦ୍ୟୁପଲଦ୍ଧିୟଂ ।
ଅଥୋ’ତୁ ନାରିପୁପ୍ଫସ୍ମିଂ, ହେମନ୍ତାଦିମ୍ହି ଚ ଦ୍ୱିସୁ ॥
କରଣଂ ସାଧକତମେ, କ୍ରିୟା ଗତ୍ତେସୁ ଇନ୍ଦ୍ରିୟେ ।
ତାତୋ[ତାଳୋ (ସୀ॰)] ତୁ କୁଞ୍ଚିକାୟଞ୍ଚ, ତୂରିୟଙ୍ଗେ ଦୁମନ୍ତରେ ॥
ପୁପ୍ଫେ ଫଲେ ଚ ପସୱୋ, ଉପ୍ପାଦେ ଗବ୍ଭମୋଚନେ ।
ଗାୟନେ ଗାୟକେ ଅସ୍ସେ, ଗନ୍ଧବ୍ବୋ ଦେୱତାନ୍ତରେ ॥
ୱିନା ପୁପ୍ଫଂ ଫଲଗ୍ଗାହି, ରୁକ୍ଖେ ୱନପ୍ପତି ।
ଆହତେ ହେମରଜତେ, ରୂପିୟଂ ରଜତେପି ଚ ॥
ଖଗାଦିବନ୍ଧନେ ପାସୋ, କେସପୁବ୍ବୋ ଚୟେ ପ୍ୟଥ ।
ତାରା’କ୍ଖିମଜ୍ଝେ ନକ୍ଖତ୍ତେ, ତାରୋ ଉଚ୍ଚତରସ୍ସରେ ॥
ପତ୍ତେ ଚ ଲୋହଭେଦସ୍ମିଂ, କଂସୋ ଚତୁକହାପଣେ ।
ମଜ୍ଝିମୋ ଦେହମଜ୍ଝସ୍ମିଂ, ମଜ୍ଝଭୱେ ଚ ସୋ ତିସୁ ॥
ଆୱେସନଂଭୂତାୱେସେ, ସିପ୍ପସାଲା ଘରେସୁ ଚ ।
ସୋଭା ସମ୍ପତ୍ତୀସୁ ସିରୀ, ଲକ୍ଖୀତ୍ଥୀ ଦେୱତାୟ ଚ ॥
କୁମାରୋ ୟୁୱରାଜେ ଚ, ଖନ୍ଦେ ୱୁତ୍ତୋ ସୁସୁମ୍ହି ଚ ।
ଅଥା’ନିତ୍ଥୀ ପୱାଳୋ ଚ, ମଣିଭେଦେ ତଥା’ଙ୍କୁରେ ॥
ପଣୋ ୱେତନ ମୂଲେସୁ, ୱୋହାରେ ଚ ଧନେ ମତୋ ।
ପଟିଗ୍ଗହୋ ତୁ ଗହଣେ, କଥିତୋ ଭାଜନନ୍ତରେ ॥
ଅସୁଭେ ଚ ସୁଭେ କମ୍ମେ, ଭାଗ୍ୟଂ ୱୁତ୍ତଂ ଦ୍ୱୟେ ପ୍ୟଥ ।
ପିପ୍ଫଲଂ ତରୁଭେଦେ ଚ, ୱତ୍ଥଚ୍ଛେଦନସତ୍ଥକେ ॥
ଅପୱଗ୍ଗୋ ପରିଚ୍ଚାଗା’, ୱସାନେସୁ ୱିମୁତ୍ତିୟଂ ।
ଲିଙ୍ଗଂ ତୁ ଅଙ୍ଗଜାତସ୍ମିଂ, ପୁମତ୍ତାଦିମ୍ହି ଲକ୍ଖଣେ ॥
ଚାଗେ ସଭାୱେ ନିମ୍ମାନେ, ସଗ୍ଗୋ ଜ୍ଝାୟେ ଦିୱେପ୍ୟଥ ।
ରୋହିତୋ ଲୋହିତେ ମଚ୍ଛ, ଭେଦେ ଚେୱ ମିଗନ୍ତରେ ॥
ନିଟ୍ଠା ନିପ୍ଫତ୍ତିୟଂ ଚେୱା, ୱସାନମ୍ହି ଅଦସ୍ସନେ ।
କଣ୍ଟକୋ ତୁ ସପତ୍ତସ୍ମିଂ, ରୁକ୍ଖଙ୍ଗେ ଲୋମହଂସନେ ॥
ମୁଖ୍ୟୋ’ପାୟେସୁ ୱଦନେ, ଆଦିସ୍ମିଂ ମୁଖ ମୀରିତଂ ।
ଦବ୍ବଂ ଭବ୍ବେ ଗୁଣାଧାରେ, ୱିତ୍ତେ ଚ ବୁଧ ଦାରୁସୁ ॥
ମାନଂ ପମାଣେ ପତ୍ଥାଦୋ, ମାନୋ ୱୁତ୍ତୋ ୱିଧାୟ ଚ ।
ଅଥୋ ପରିସ୍ସମେ ୱୁତ୍ତୋ, ୱାୟାମୋ ୱୀରିୟେପି ଚ ॥
ସରୋରୁହେ ସତପତ୍ତଂ, ସତପତ୍ତୋ ଖଗନ୍ତରେ ।
ଛିଦ୍ଦେ ତୁ ଛିଦ୍ଦୱନ୍ତେ ଚ, ସୁସିରଂ ତୂରିୟନ୍ତରେ ॥
ଏକସ୍ମିଂ ସଦିସେ ସନ୍ତେ, ସମାନଂ ୱାଚ୍ଚଲିଙ୍ଗିକଂ ।
ଅଥୋ ଗାରୱ ଭୀତୀସୁ, ସଂୱେଗେ ସମ୍ଭମୋ ମତୋ ॥
ଜୁଣ୍ହା ଚନ୍ଦପ୍ପଭାୟଞ୍ଚ, ତଦୁପେତନିସାୟ ଚ ।
ୱିମାନଂ ଦେୱତାୱାସେ, ସତ୍ତଭୂମିଘରମ୍ହି ଚ ॥
ମାସେ ଜେଟ୍ଠୋ, ତିୱୁଦ୍ଧା’ତି, ପ୍ପସତ୍ଥେସୁ ଚ ତୀସୁ ସୋ ।
ଧମ୍ମେ ଚ ମଙ୍ଗଲେ ସେୟ୍ୟୋ, ସୋ ପସତ୍ଥତରେ ତିସୁ ॥
ଆଦିଚ୍ଚାଦିମ୍ହି ଗହଣେ, ନିବନ୍ଧେ ଚ ଘରେ ଗହୋ ।
କାଚୋ ତୁ ମତ୍ତିକାଭେଦେ, ସିକ୍କାୟଂ ନୟନାମୟେ ॥
ତୀସୁ ଗାମଣି ସେଟ୍ଠସ୍ମିଂ, ଅଧିପେ ଗାମଜେଟ୍ଠକେ ।
ବିମ୍ବଂ ତୁ ପଟିବିମ୍ବେ ଚ, ମଣ୍ଡଲେ ବିମ୍ବିକାଫଲେ ॥
ଭାଜନାଦି ପରିକ୍ଖାରେ, ଭଣ୍ଡଂ ମୂଲଧନେପି ଚ ।
ମଗ୍ଗୋ ତ୍ୱରିୟମଗ୍ଗେ ଚ, ସମ୍ମାଦିଟ୍ଠାଦିକେ, ପଥେ ॥
ସମା ୱସ୍ସେ, ସମୋ ଖେଦ, ସନ୍ତୀସୁ, ସୋ ନିଭେ ତିସୁ ।
ଚାପେତ୍ୱିସ୍ସାସ, ମୁସୁନୋ, ଇସ୍ସାସୋ ଖେପକମ୍ହି ଚ ॥
ବାଲୋ ତୀସ୍ୱା’ଦିୱୟସା, ସମଙ୍ଗିନି ଅପଣ୍ଡିତେ ।
ରତ୍ତଂ ତୁ ସୋଣିତେ, ତମ୍ବା, ନୁରତ୍ତ, ରଞ୍ଜିତେ ତିସୁ ॥
ତଚେ କାୟେ ଚ ତନ୍ୱିତ୍ଥୀ, ତୀସ୍ୱ’ପ୍ପେ ୱିରଳେ କିସେ ।
ଉତୁଭେଦେ ତୁ ସିସିରୋ, ହିମେ ସୋ ସୀତଲେ ତିସୁ ॥
ସକ୍ଖରା ଗୁଳଭେଦେ ଚ, କଥଲେପି ଚ ଦିସ୍ସତି ।
ଅନୁଗ୍ଗହେ ତୁ ସଙ୍ଖେପେ, ଗହଣେ ସଙ୍ଗହୋ ମତୋ ॥
ଦକ୍ଖେ ଚ ତିଖିଣେ ବ୍ୟତ୍ତେ, ରୋଗମୁତ୍ତେ ପଟୁତ୍ତିସୁ ।
ରାଜା ତୁ ଖତ୍ତିୟେ ୱୁତ୍ତୋ, ନରନାଥେ ପଭୁମ୍ହି ଚ ॥
ଖଲଞ୍ଚ ଧଞ୍ଞକରଣେ, କକ୍କେ ନୀଚେ ଖଲୋ ଭୱେ ।
ଅଥୁ’ପ୍ପାଦେ ସମୁଦୟୋ, ସମୂହେ ପଚ୍ଚୟେପି ଚ ॥
ବ୍ରହ୍ମଚାରୀ ଗହଟ୍ଠାଦୋ, ଅସ୍ସମୋ ଚ ତପୋୱନେ ।
ଭୟଙ୍କରେ ତୁ କଠିନେ, କୁରୂରୋ ତୀସୁ ନିଦ୍ଦୟେ ॥
କନିଟ୍ଠୋ କନିୟୋ ତୀସୁ, ଅତ୍ୟପ୍ପେ’ତିୟୁୱେ ପ୍ୟଥ ।
ସୀଘମ୍ହି ଲହୁ ତଂ, ଇଟ୍ଠ, ନିସ୍ସାରା’ଗରୁସୁତ୍ତିସୁ ॥
ଅଧରୋ ତୀସ୍ୱଧୋ ହୀନେ, ପୁମେ ଦନ୍ତଚ୍ଛଦେ ପ୍ୟଥ ।
ସୁସ୍ସୁସା ସୋତୁ ମିଚ୍ଛାୟ, ସା ପାରିଚରିୟାୟ ଚ ॥
ହତ୍ଥୋ ପାଣିମ୍ହି ରତନେ, ଗଣେ ସୋଣ୍ଡାୟ ଭନ୍ତରେ ।
ଆୱାଟେ ଉଦପାନେ ଚ, କୂପୋ କୁମ୍ଭେ ଚ ଦିସ୍ସତି ॥
ଆଦୋ ପଧାନେ ପଠମଂ, ପମୁଖଞ୍ଚ ତିଲିଙ୍ଗିକଂ ।
ୱଜ୍ଜଭେଦେ ଚ ୱିତ ତଂ, ତଂ ୱିତ୍ଥାରେ ତିଲିଙ୍ଗିକଂ ॥
ସାରୋ ବଲେ ଥିରଂସେ ଚ, ଉତ୍ତମେ ସୋ ତିଲିଙ୍ଗିକୋ ।
ଭାରୋ ତୁ ଖନ୍ଧଭାରାଦୋ, ଦ୍ୱିସହସ୍ସପଲେପି ଚ ॥
ମନ୍ଦିରେ ରୋଗଭେଦେ ଚ, ଖୟୋ ଅପଚୟମ୍ହି ଚ ।
ୱାଳୋ ତୁ ସାପଦେ ସପ୍ପେ, କୁରୂରେ ସୋ ତିଲିଙ୍ଗିକୋ ॥
ସାଲୋ ସଜ୍ଜଦ୍ଦୁମେ ରୁକ୍ଖେ, ସାଲାଗେହେ ଚ ଦିସ୍ସତି ।
ସୋତେ ତୁ ସୱନଂ ୱୁତ୍ତଂ, ୟଜନେ ସୁତିୟମ୍ପି ଚ ॥
ତୀସୁ ପତୋ ପରେତୋ ଚ, ମତେ ଚ ପେତୟୋନିଜେ ।
ଖ୍ୟାତେ ତୁ ହଟ୍ଠେ ୱିଞ୍ଞାତେ, ପତୀତଂ ୱାଚ୍ଚଲିଙ୍ଗିକଂ ॥
ଅଧିପ୍ପାୟେ ଚ ଆଧାରେ, ଆସୟୋ କଥିତୋ ଥ ଚ ।
ପତ୍ତଂ ପକ୍ଖେ ଦଲେ, ପତ୍ତୋ, ଭାଜନେ ସୋ ଗତେ ତିସୁ ॥
କୁସଲେ ସୁକତଂ, ସୁଟ୍ଠୁ, କତେ ଚ ସୁକତୋ ତିସୁ ।
ତପସ୍ସୀ ତ୍ୱ’ନୁକମ୍ପାୟା, ରହେ ୱୁତ୍ତୋ ତପୋଧନେ ॥
ତୀସୁ ସୁରାଦିଲୋଲସ୍ମିଂ, ସୋଣ୍ଡୋ ହତ୍ଥିକରେ ଦ୍ୱିସୁ ।
ଅସ୍ସାଦନେ ତୁ ରସନଂ, ଜିୱ୍ହାୟଞ୍ଚ ଧନିମ୍ହି ଚ ॥
ପଣୀତୋ ତୀସୁ ମଧୁରେ, ଉତ୍ତମେ ୱିହିତେ ପ୍ୟଥ ।
ଅଞ୍ଜସେ ୱିସିଖାୟଞ୍ଚ, ପନ୍ତିୟଂ ୱୀଥି ନାରିୟଂ ॥
ପାପସ୍ମିଂ ଗଗନେ ଦୁକ୍ଖେ, ବ୍ୟସନେ ଚା’ଘ ମୁଚ୍ଚତେ ।
ସମୂହେ ପଟଲଂ ନେତ୍ତ, ରୋଗେ ୱୁତ୍ତଂ ଛଦିମ୍ହି ଚ ॥
ସନ୍ଧି ସଙ୍ଘଟ୍ଟନେ ୱୁତ୍ତୋ, ସନ୍ଧି’ତ୍ଥି ପଟିସନ୍ଧିୟଂ ।
ସତ୍ତନ୍ନଂ ପୂରଣେ ସେଟ୍ଠେ, ତିସନ୍ତେ ସତ୍ତମୋ ତିସୁ ॥
ଓଜା ତୁ ୟାପନାୟଞ୍ଚ, ଓଜୋ ଦିତ୍ତି ବଲେସୁ ଚ ।
ଅଥୋ ନିସାମନଂ ୱୁତ୍ତଂ, ଦସ୍ସନେ ସୱନେପି ଚ ॥
ଗବ୍ଭୋ କୁଚ୍ଛିଟ୍ଠସତ୍ତେ ଚ, କୁଚ୍ଛି ଓୱରକେସୁ ଚ ।
ଖଣ୍ଡନେ ତ୍ୱ’ପଦାନଞ୍ଚ, ଇତିୱୁତ୍ତେ ଚ କମ୍ମନି ॥
ଚିତ୍ତକେ ରୁକ୍ଖଭେଦେ ଚ, ତିଲକୋ ତିଲକାଳକେ ।
ସୀଲାଦୋ ପଟିପତ୍ତି’ତ୍ଥୀ, ବୋଧେ ପତ୍ତି ପୱତ୍ତିସୁ ॥
ଅସୁମ୍ହି [ଆୟୁମ୍ହି (ଟୀ॰), ୪୦୭-ଗାଥା ପସ୍ସିତବ୍ବା] ଚ ବଲେ ପାଣୋ, ସତ୍ତେ ହଦୟଗା’ନିଲେ ।
ଛନ୍ଦୋ ୱସେ ଅଧିପ୍ପାୟେ, ୱେଦେ’ଚ୍ଛା’ନୁଟ୍ଠୁଭାଦିସୁ ॥
କାମୋଘାଦୋ, ସମୂହସ୍ମିଂ, ଓଘୋୱେଗେ ଜଲସ୍ସ ଚ ।
କପାଲଂ ସିରସଟ୍ଠିମ୍ହି, ଘଟାଦି ସକଲେପି ଚ ॥
ୱେଣ୍ୱାଦିସାଖାଜାଲସ୍ମିଂ, ଲଗ୍ଗକେସେ ଜଟା’ଲୟେ ।
ସରଣଂ ତୁ ୱଧେ ଗେହେ, ରକ୍ଖିତସ୍ମିଞ୍ଚ ରକ୍ଖଣେ ॥
ଥିୟଂ କନ୍ତା ପିୟେ, କନ୍ତୋ, ମନୁଞ୍ଞେ, ସୋ ତିଲିଙ୍ଗିକୋ ।
ଗୱକ୍ଖେ ତୁ ସମୂହେ ଚ, ଜାଲଂ ମଚ୍ଛାଦିବନ୍ଧନେ ॥
ପୁଚ୍ଛାୟଂ ଗରହାୟଞ୍ଚା, ନିୟମେ କିଂ ତିଲିଙ୍ଗିକଂ ।
ସସଦ୍ଧେ ତୀସୁ ନିୱାପେ, ସଦ୍ଧଂ, ସଦ୍ଧା ଚ ପଚ୍ଚୟେ ॥
ବୀଜଂ ହେତୁମ୍ହି ଅଟ୍ଠିସ୍ମିଂ, ଅଙ୍ଗଜାତେ ଚ ଦିସ୍ସତି ।
ପୁବ୍ବୋ ପୂୟେ’ଗ୍ଗତୋ [ଅଗ୍ଗତେ (ଟୀ॰)] ଆଦୋ,
ସୋ ଦିସାଦୋ ତିଲିଙ୍ଗିକୋ ॥
ଫଲଚିତ୍ତେ ହେତୁକତେ, ଲାଭେ ଧଞ୍ଞାଦିକେ ଫଲଂ ।
ଆଗମନେ ତୁ ଦୀଘାଦି, ନିକାୟେସୁ ଚ ଆଗମୋ ॥
ସନ୍ତାନୋ ଦେୱରୁକ୍ଖେ ଚ, ୱୁତ୍ତୋ ସନ୍ତତିୟଂ ପ୍ୟଥ ।
ଉତ୍ତରୱିପରୀତେ ଚ, ସେଟ୍ଠେ ଚା’ନୁତ୍ତରଂ ତିସୁ ॥
ସତ୍ତିସମ୍ପତ୍ତିୟଂ ୱୁତ୍ତୋ, କନ୍ତିମତ୍ତେ ଚ ୱିକ୍କମୋ ।
ଛାୟା ତୁ ଆତପାଭାୱେ, ପଟିବିମ୍ବେ ପଭାୟ ଚ ॥
ଗିମ୍ହେ ଘମ୍ମୋ ନିଦାଘୋ ଚ, ଉଣ୍ହେ ସେଦଜଲେ ପ୍ୟଥ ।
କପ୍ପନଂ କନ୍ତନେ ୱୁତ୍ତଂ, ୱିକପ୍ପେ ସଜ୍ଜନେ’ତ୍ଥିୟଂ ॥
ଅଙ୍ଗା ଦେସେ ବହୁମ୍ହ’ଙ୍ଗଂ, ଅଙ୍ଗୋ ଦେସେ ୱପୁମ୍ହ’[ଙ୍ଗ (ଟୀ॰)] ତଥା’ୱୟୱହେତୁସୁ ।
ଦେୱାଲୟେ ଚ ଥୂପସ୍ମିଂ, ଚେତିୟଂ ଚେତିୟ’ଦ୍ଦୁମେ ॥
ସଜ୍ଜନୋ ସାଧୁପୁରିସେ, ସଜ୍ଜନଂ କପ୍ପନେ ପ୍ୟଥ ।
ସୁପିନଂ ସୁପିନେ ସୁତ୍ତ, ୱିଞ୍ଞାଣେ ତ ମନିତ୍ଥିୟଂ ॥
ପଚ୍ଚକ୍ଖେ ସନ୍ନିଧାନେ ଚ, ସନ୍ନିଧି ପରିକିତ୍ତିତୋ ।
ଭିୟ୍ୟୋ ବହୁତରତ୍ଥେ ସୋ, ପୁନରତ୍ଥେ’ବ୍ୟୟଂ ଭୱେ ॥
ୱିସଲିତ୍ତସରେ ଦିଦ୍ଧୋ, ଦିଦ୍ଧୋ ଲିତ୍ତେ ତିଲିଙ୍ଗିକୋ ।
ୱାସେ ଧୂମାଦିସଙ୍ଖାରେ, ଧିୱାସୋ ସମ୍ପଟିଚ୍ଛନେ ॥
ୱୁତ୍ତୋ ୱିସାରଦୋ ତୀସୁ, ସୁପ୍ପଗବ୍ଭେ ଚ ପଣ୍ଡିତେ ।
ଅଥ ସିତ୍ଥଂ ମଧୁଚ୍ଛିଟ୍ଠେ, ୱୁତ୍ତଂ ଓଦନସମ୍ଭୱେ ॥
ଦ୍ରୱେ ୱଣ୍ଣେ ରସଭେଦେ, କସାୟୋ ସୁରଭିମ୍ହି ଚ ।
ଅଥୋ ଉଗ୍ଗମନଂ ୱୁତ୍ତଂ, ଉପ୍ପତ୍ତୁ’ଦ୍ଧଗତୀସୁ ଚ ॥
ଲୂଖେ ନିଟ୍ଠୁରୱାଚାୟଂ, ଫରୁସଂ ୱାଚ୍ଚଲିଙ୍ଗିକଂ ।
ପୱାହୋ ତ୍ୱ’ମ୍ବୁୱେଗେ ଚ, ସନ୍ଦିସ୍ସତି ପୱତ୍ତିୟଂ ॥
ନିସ୍ସୟେ ତପ୍ପରେ ଇଟ୍ଠେ, ପରାୟଣପଦଂ ତିସୁ ।
କୱଚେ ୱାରୱାଣେ ଚ, ନିମ୍ମୋକେପି ଚ କଞ୍ଚୁକୋ ॥
ଲୋହଭେଦେ ମତଂ ତମ୍ବଂ, ତମ୍ବୋ ରତ୍ତେ ତିଲିଙ୍ଗିକୋ ।
ତୀସୁ ତ୍ୱ’ୱସିତଂ ଞାତେ, ଅୱସାନଗତେ ମତଂ ॥
ବୋଧନେ ଚ ପଦାନେ ଚ, ୱିଞ୍ଞେୟ୍ୟଂ ପଟିପାଦନଂ ।
ସେଲେ ନିଜ୍ଜଲଦେସେ ଚ, ଦେୱତାସୁ ମରୂ’ରିତୋ ॥
ସତ୍ଥଂ ଆୟୁଧ ଗନ୍ଥେସୁ, ଲୋହେ, ସତ୍ଥୋ ଚ ସଞ୍ଚୟେ ।
ଜୀୱିକାୟଂ ୱିୱରଣେ, ୱତ୍ତନେ ୱୁତ୍ତି ନାରିୟଂ ॥
ୱୀରିୟେ ସୂରଭାୱେ ଚ, କଥୀୟତି ପରକ୍କମୋ ।
ଅଥ କମ୍ବୁ ମତୋ ସଙ୍ଖେ, ସୁୱଣ୍ଣେ ୱଲୟେପି ଚ ॥
ସରୋ କଣ୍ଡେ ଅକାରାଦୋ, ସଦ୍ଦେ ୱାପିମ୍ହି’ନିତ୍ଥିୟଂ ।
ଦୁପ୍ଫସ୍ସେ ତିଖିଣେ ତୀସୁ, ଗଦ୍ରଭେ କକଚେ ଖରୋ ॥
ସୁରାୟୁ’ପଦ୍ଦୱେ କାମା, ସୱାଦିମ୍ହି ଚ ଆସୱୋ ।
ଦେହେ ୱୁତ୍ତୋ ରଥଙ୍ଗେ ଚ, ଚତୁରୋ’ପଧିସୂ’ପଧି ॥
ୱତ୍ଥୁ’ତ୍ତଂ କାରଣେ ଦବ୍ବେ, ଭୂଭେଦେ ରତନତ୍ତୟେ ।
ୟକ୍ଖୋ ଦେୱେ ମହାରାଜେ, କୁୱେରା’ନୁଚରେ ନରେ ॥
ଦାରୁକ୍ଖନ୍ଧେ ପୀଠିକାୟଂ, ଆପଣେ ପୀଠ ମାସନେ ।
ପରିୱାରେ ପରିକ୍ଖାରୋ, ସମ୍ଭାରେ ଚ ୱିଭୂସନେ ॥
ୱୋହାରସ୍ମିଞ୍ଚ ଠପନେ, ପଞ୍ଞତ୍ତି’ତ୍ଥୀ ପକାସନେ ।
ପଟିଭାନଂ ତୁ ପଞ୍ଞାୟଂ, ଉପଟ୍ଠିତ ଗିରାୟ ଚ ॥
ୱଚନାୱୟୱେ ମୂଲେ, କଥିତୋ ହେତୁ କାରଣେ ।
ଉଦରେ ତୁ ତଥା ପାଚା, ନଲସ୍ମିଂ ଗହଣୀ’ତ୍ଥିୟଂ ॥
ପିୟୋ ଭତ୍ତରି, ଜାୟାୟଂ, ପିୟା, ଇଟ୍ଠେ ପିୟୋ ତିସୁ ।
ୟମରାଜେ ତୁ ୟୁଗଳେ, ସଂୟମେ ଚ ୟମୋ ଭୱେ ॥
ମୁଦ୍ଦିକସ୍ସ ଚ ପୁପ୍ଫସ୍ସ, ରସେ ଖୁଦ୍ଦେ ମଧୂ’ରିତଂ ।
ଉଲ୍ଲୋଚେ ତୁ ଚ ୱିତ୍ଥାରେ, ୱିତାନଂ ପୁନ୍ନପୁଂସକେ ॥
ଅପୱଗ୍ଗେ ଚ ସଲିଲେ, ସୁଧାୟଂ ଅମତଂ ମତଂ ।
ମୋହେ ତୁ ତିମିରେ ସଙ୍ଖ୍ୟା, ଗୁଣେ ତମ ମନିତ୍ଥିୟଂ ॥
ଖରେ ଚା’କାରିୟେ ତୀସୁ, ରସମ୍ହି ପୁରିସେ କଟୁ ।
ପଣ୍ଡକେ ସୁକତେ, ପୁଞ୍ଞଂ, ମନୁଞ୍ଞେ ପୱନେ ତିସୁ ॥
ରୁକ୍ଖୋ ଦୁମମ୍ହି, ଫରୁସା, ସିନିଦ୍ଧେସୁ ଚ ସୋ ତିସୁ ।
ଉପ୍ପତ୍ତିୟଂ ତୁ ହେତୁମ୍ହି, ସଙ୍ଗେ ସୁକ୍କେ ଚ ସମ୍ଭୱୋ ॥
ନିମିତ୍ତଂ କାରଣେ ୱୁତ୍ତଂ, ଅଙ୍ଗଜାତେ ଚ ଲଞ୍ଛନେ ।
ଆଦି ସୀମାପକାରେସୁ, ସମୀପେ’ୱୟୱେ ମତୋ ॥
ୱେଦେ ଚ ମନ୍ତନେ ମନ୍ତୋ, ମନ୍ତା ପଞ୍ଞାୟ ମୁଚ୍ଚତେ ।
ଅନୟୋ ବ୍ୟସନେ ଚେୱ, ସନ୍ଦିସ୍ସତି ୱିପତ୍ତିୟଂ ॥
ଅରୁଣୋ ରଂସିଭେଦେ ଚା, ବ୍ୟତ୍ତରାଗେ ଚ ଲୋହିତେ ।
ଅନୁବନ୍ଧୋ ତୁ ପକତା, ନିୱତ୍ତେ ନସ୍ସନକ୍ଖରେ ॥
ଅୱତାରୋ’ୱତରଣେ, ତିତ୍ଥମ୍ହି ୱିୱରେ ପ୍ୟଥ ।
ଆକାରୋ କାରଣେ ୱୁତ୍ତୋ, ସଣ୍ଠାନେ ଇଙ୍ଗିତେପି ଚ ॥
ସୁଦ୍ଦିତ୍ଥି ତନୟେ ଖତ୍ତା, ଉଗ୍ଗୋ, ତିବ୍ବମ୍ହି ସୋ ତିସୁ ।
ପଧାନଂ ତୁ ମହାମତ୍ତେ, ପକତ୍ୟ’ଗ୍ଗ’ଧିତୀସୁ ଚ ॥
କଲ୍ଲଂ ପଭାତେ, ନିରୋଗ, ସଜ୍ଜଦକ୍ଖେସୁ [ୟୁତ୍ତଦକ୍ଖେସୁ (କ॰)] ତୀସୁ ତଂ ।
କୁହନା କୂଟଚରିୟାୟଂ, କୁହନୋ କୁହକେ ତିସୁ ॥
କପୋତୋ ପକ୍ଖିଭେଦେ ଚ, ଦିଟ୍ଠୋ ପାରାୱତେ ଥ ଚ ।
ସାରଦୋ ସାରଦବ୍ଭୂତେ, ଅପଗବ୍ଭେ ମତୋ ତିସୁ ॥
ତୀସୁ ଖରେ ଚ କଠିନେ, କକ୍କସୋ ସାହସପ୍ପିୟେ [ସାହସପ୍ପିୟେ=ସାହସ+ଅପ୍ପିୟେ (ଟୀ॰)]।
ଅକାରିୟେ ତୁ ଗୁୟ୍ହଙ୍ଗେ, ଚୀରେ କୋପୀନ ମୁଚ୍ଚତେ ॥
ମିଗଭେଦେ ପଟାକାୟଂ, ମୋଚେ ଚ କଦଲୀ’ତ୍ଥିୟଂ ।
ଦକ୍ଖିଣା ଦାନଭେଦସ୍ମିଂ, ୱାମତୋ’ଞ୍ଞମ୍ହି ଦକ୍ଖିଣୋ ॥
ଦୁତିୟା ଭରିୟାୟଞ୍ଚ, ଦ୍ୱିନ୍ନଂ ପୂରଣିୟଂ ମତା ।
ଅଥୁପ୍ପାଦେ ସିୟା ଧୂମ, କେତୁ ୱେସ୍ସାନରେପି ଚ ॥
ଭୱନିଗ୍ଗମନେ ୟାନେ, ଦ୍ୱାରେ ନିସ୍ସରଣଂ ସିୟା ।
ନିୟାମକୋ ପୋତୱାହେ, ତିଲିଙ୍ଗୋ ସୋ ନିୟନ୍ତରି ॥
ଅପୱଗ୍ଗେ ୱିନାସେ ଚ, ନିରୋଧୋ ରୋଧନେ ପ୍ୟଥ ।
ଭୟେ ପଟିଭୟଂ ୱୁତ୍ତଂ, ତିଲିଙ୍ଗଂ ତଂ ଭୟଂକରେ ॥
ପିଟକଂ ଭାଜନେ ୱୁତ୍ତଂ, ତଥେୱ ପରିୟତ୍ତିୟଂ ।
ଜରାସିଥିଲଚମ୍ମସ୍ମିଂ, ଉଦରଙ୍ଗେ ମତା ୱଲି ॥
ଭିନ୍ନଂ ୱିଦାରିତେ’ଞ୍ଞସ୍ମିଂ, ନିସ୍ସିତେ ୱାଚ୍ଚଲିଙ୍ଗିକଂ ।
ଉପଜାପେ ମତୋ ଭେଦୋ, ୱିସେସେ ଚ ୱିଦାରଣେ ॥
ମଣ୍ଡଲଂ ଗାମସନ୍ଦୋହେ, ବିମ୍ବେ ପରିଧିରାସିସୁ ।
ଆଣାୟ ମାଗମେ ଲେଖେ । ସାସନଂ ଅନୁସାସନେ ॥
ଅଗ୍ଗେ ତୁ ସିଖରଂ ଚା’ୟୋ, ମୟୱିଜ୍ଝନକଣ୍ଟକେ ।
ଗୁଣୁକ୍କଂସେ ଚ ୱିଭୱେ, ସମ୍ପତ୍ତି ଚେୱ ସମ୍ପଦା ॥
ଭୂଖନ୍ତୀସୁ ଖମା, ୟୋଗ୍ୟେ, ହିତେ ସକ୍କେ [ୟୁତ୍ତେ (ଟୀ॰) ୧୦୦୧-ଗାଥା ପସ୍ସିତବ୍ବା]ଖମୋ ତିସୁ ।
ଅଦ୍ଧୋ ଭାଗେ ପଥେ କାଲେ, ଏକଂସେ’ଦ୍ଧୋ’ବ୍ୟୟଂ ଭୱେ ।
ଅଥୋ କରୀସଂ ୱଚ୍ଚସ୍ମିଂ, ୱୁଚ୍ଚତେ ଚତୁରମ୍ବଣେ ॥
ଉସଭୋ’ସଧ ଗୋ [ଉସଭୋ ଉସଭେ (ଟୀ॰)] ସେଟ୍ଠେ, ସୂ’ସଭଂ ୱୀସୟଟ୍ଠିୟଂ ।
ସେତୁସ୍ମିଂ ତନ୍ତି ପନ୍ତୀସୁ, ନାରିୟଂ ପାଳି କଥ୍ୟତେ ॥
କଟୋ ଜୟେ’ତ୍ଥିନିମିତ୍ତେ, କିଲଞ୍ଜେ ସୋ କତେ ତିସୁ ।
ମହିୟଂ ଜଗତୀ ୱୁତ୍ତା, ମନ୍ଦିରାଲିନ୍ଦୱତ୍ଥୁମ୍ହି ॥
ୱିତକ୍କେ ମଥିତେ ତକ୍କୋ, ତଥା ସୂଚିଫଲେ ମତୋ ।
ସୁଦସ୍ସନଂ ସକ୍କପୁରେ, ତୀସୁ ତଂ ଦୁଦ୍ଦସେ’ତରେ ॥
ଦୀପୋ’ନ୍ତରୀପ ପଜ୍ଜୋତ, ପତିଟ୍ଠା ନିବ୍ବୁତୀସୁ ଚ ।
ବଦ୍ଧନିସ୍ସିତ ସେତେସୁ, ତୀସୁ ତଂ ମିହିତେ ସିତଂ ॥
ଥିୟଂ ପଜାପତି ଦାରେ, ବ୍ରହ୍ମେ ମାରେ ସୁରେ ପୁମେ ।
ୱାସୁଦେୱେ’ନ୍ତକେ କଣ୍ହୋ, ସୋ ପାପେ ଅସିତେ ତିସୁ ॥
ଉପଚାରୋ ଉପଟ୍ଠାନେ, ଆସନ୍ନେ ଅଞ୍ଞରୋପନେ ।
ସକ୍କୋ ଇନ୍ଦେ ଜନପଦେ, ସାକିୟେ, ସୋ ଖମେ ତିସୁ ॥
ୱଜ୍ଜନେ ପରିହାରୋ ଚ, ସକ୍କାରେ ଚେୱ ରକ୍ଖଣେ ।
ସୋତାପନ୍ନାଦିକେ ଅଗ୍ଗେ, ଅରିୟୋ ତୀସୁ, ଦ୍ୱିଜେ ପୁମେ ॥
ସୁସୁକୋ ସୁସୁମାରେ ଚ, ବାଲକେ ଚ ଉଲୂପିନି ।
ଇନ୍ଦୀୱରଂ ମତଂ ନୀଲୁ, ପ୍ପଲେ ଉଦ୍ଦାଲପାଦପେ ॥
ଅସନୋ ପିୟକେ କଣ୍ଡେ, ଭକ୍ଖଣେ ଖିପନେ’ ସନଂ ।
ୟୁଗେ’ଧିକାରେ [ୱିକାରେ (ଟୀ॰)] ୱୀରିୟେ, ପଧାନେ ଚା’ନ୍ତିକେ ଧୁରୋ ॥
କାଳେ ଚ ଭକ୍ଖିତେ ତୀସୁ, ଲୱିତ୍ତେ ଅସିତୋ ପୁମେ ।
ପୱାରଣା ପଟିକ୍ଖେପେ, କଥିତା’ଜ୍ଝେସନାୟ ଚ ॥
ଉମ୍ମାରେ ଏସିକତ୍ଥମ୍ଭେ, ଇନ୍ଦଖୀଲୋ ମତୋ ଥ ଚ ।
ପୋତ୍ଥକଂ ମକଚିୱତ୍ଥେ, ଗନ୍ଥେ ଲେପ୍ୟାଦି କମ୍ମନି ॥
ଧଞ୍ଞଂ ସାଲ୍ୟାଦିକେ ୱୁତ୍ତଂ, ଧଞ୍ଞୋ ପୁଞ୍ଞୱତି ତ୍ତିସୁ ।
ପାଣି ହତ୍ଥେ ଚ ସତ୍ତେ ଭୂ, ସଣ୍ହକରଣିୟଂ ମତୋ ॥
ତୀସୁ ପୀତଂ ହଲିଦ୍ୟାଭେ, ହଟ୍ଠେ ଚ ପାୟିତେ ସିୟା ।
ବ୍ୟୂହୋ ନିବ୍ବିଦ୍ଧରଚ୍ଛାୟଂ, ବଲନ୍ୟାସେ ଗଣେ ମତୋ ॥
ଲୋହିତାଦିମ୍ହି ଲୋଭେ ଚ, ରାଗୋ ଚ ରଞ୍ଜନେ ମତୋ ।
ପଦରୋ ଫଲକେ ଭଙ୍ଗେ, ପୱୁଦ୍ଧ ଦରିୟଂ ପିଚ ॥
ସିଙ୍ଘାଟକଂ କସେରୁସ୍ସ, ଫଲେ, ମଗ୍ଗସମାଗମେ ।
ବହୁଲାୟଞ୍ଚ ଖେଳମ୍ହି, ଏଳା, ଦୋସେ’ଳ ମୀରିତଂ ॥
ଆଧାରୋ ଚା’ଧିକରଣେ, ପତ୍ତାଧାରେ’ ଲୱାଲକେ ।
କାରୋ’ ଗଭେଦେ ସକ୍କାରେ, କାରା ତୁ ବନ୍ଧନାଲୟେ ॥
କରକା ମେଘପାସାଣେ, କରକୋ କୁଣ୍ଡିକାୟ ଚ ।
ପାପନେ ଚ ପଦାତିସ୍ମିଂ, ଗମନେ ପତ୍ତି ନାରିୟଂ ॥
ଛିଦ୍ଦଂ ରନ୍ଧଞ୍ଚ ୱିୱରଂ, ସୁସିରେ ଦୂସନେପି ଚ ।
ମୁତ୍ତା ତୁ ମୁତ୍ତିକେ, ମୁତ୍ତଂ, ପସ୍ସାୱେ, ମୁଚ୍ଚିତେ ତିସୁ ॥
ନିସେଧେ ୱାରଣଂ, ହତ୍ଥି, ଲିଙ୍ଗ ହତ୍ଥୀସୁ ୱାରଣୋ ।
ଦାନଂ ଚାଗେ ମଦେ ସୁଦ୍ଧେ, ଖଣ୍ଡନେ ଲୱନେ ଖୟେ ॥
ମନୋତୋସେ ଚ ନିବ୍ବାନେ, ତ୍ଥଙ୍ଗମେ ନିବ୍ବୁତି’ତ୍ଥିୟଂ ।
ନେଗମୋ ନିଗମୁବ୍ଭୂତେ, ତଥା’ପଣୋପଜୀୱିନି ॥
ହରିତସ୍ମିଞ୍ଚ ପଣ୍ଣେ ଚ, ପଲାସୋ କିଂ ସୁକଦ୍ଦୁମେ ।
ପକାସୋ ପାକଟେତୀସୁ, ଆଲୋକସ୍ମିଂ ପୁମେ ମତୋ ॥
ପକ୍କଂ ଫଲମ୍ହି, ତଂ ନାସୁ, ମ୍ମୁଖେ [ନାସମୁଖେ (କ॰)] ପରିଣତେ ତିସୁ ।
ପିଣ୍ଡୋ ଆଜୀୱନେ ଦେହେ, ପିଣ୍ଡନେ ଗୋଳକେ ମତୋ ॥
ୱଟ୍ଟୋ ପରିବ୍ବୟେ କମ୍ମା, ଦିକେ, ସୋ ୱଟ୍ଟୁଲେ ତିସୁ ।
ପଚ୍ଚାହାରେ ପଟିହାରୋ, ଦ୍ୱାରେ ଚ ଦ୍ୱାରପାଲକେ ॥
ନାରିୟଂ ଭୀରୁ କଥିତା, ଭୀରୁକେ ସୋ ତିଲିଙ୍ଗିକୋ ।
ୱିକଟଂ ଗୂଥମୁତ୍ତାଦୋ, ୱିକଟୋ ୱିକତେ ତିସୁ ॥
ୱାମଂ ସବ୍ୟମ୍ହି, ତଂ ଚାରୁ, ୱିପରୀତେସୁ ତୀସ୍ୱ’ଥ ।
ସଙ୍ଖ୍ୟାଭେଦେ ସରବ୍ୟେ ଚ, ଚିହଣେ ଲକ୍ଖ ମୁଚ୍ଚତେ ॥
ସେଣୀ’ତ୍ଥୀ ସମସିପ୍ପୀନଂ, ଗଣେ ଚା’ୱଲିୟଂ ପିଚ ।
ସୁଧାୟଂ ଧୂଲିୟଂ ଚୁଣ୍ଣୋ, ଚୁଣ୍ଣଞ୍ଚ ୱାସଚୁଣ୍ଣକେ ॥
ଜେତବ୍ବେ’ତିପ୍ପସତ୍ଥେ’ତି, ୱୁଦ୍ଧେ ଜେୟ୍ୟଂ ତିସୂ’ରିତଂ ।
ତକ୍କେ ତୁ ମଥିତଂ ହୋତ୍ୟା,
ଲୋଲିତେ ମଥିତୋ ତିସୁ ॥
ଅବ୍ଭୁତୋ’ଚ୍ଛରିୟେ ତୀସୁ, ପଣେ ଚେୱା’ବ୍ଭୁତୋ ପୁମେ ।
ମେଚକୋ ପୁଚ୍ଛମୂଲମ୍ହି, କଣ୍ହେପି ମେଚକୋ ତିସୁ ॥
ୱସୱତ୍ତୀ ପୁମେ ମାରେ, ୱସୱତ୍ତାପକେ ତିସୁ ।
ସମ୍ଭୱେ ଚା’ସୁଚି ପୁମେ, ଅମେଜ୍ଝେ ତୀସୁ ଦିସ୍ସତି ॥
ଅଚ୍ଛୋ ଇକ୍କେ ପୁମେ ୱୁତ୍ତୋ, ପସନ୍ନମ୍ହି ତିଲିଙ୍ଗିକୋ ।
ବଳିସେ ସେଲଭେଦେ ଚ, ୱଙ୍କୋ, ସୋ କୁଟିଲେ ତିସୁ ॥
କୁଣପମ୍ହି ଛୱୋ ଞେୟ୍ୟୋ,
ଲାମକେ ସୋ ତିଲିଙ୍ଗିକୋ ।
ସବ୍ବସ୍ମିଂ ସକଲୋ ତୀସୁ, ଅଦ୍ଧମ୍ହି ପୁରିସେ ସିୟା ॥
ଚନ୍ଦଗ୍ଗାହାଦିକେ ଚେୱୁ, ପ୍ପାଦୋ ଉପ୍ପତ୍ତିୟଂ ପିଚ ।
ପଦୁସ୍ସନେ ପଦୋସୋ ଚ, କଥିତୋ ସଂୱରୀମୁଖେ ॥
ରୁଧିରେ ଲୋହିତଂ ୱୁତ୍ତଂ, ରତ୍ତମ୍ହି ଲୋହିତୋ ତିସୁ ।
ଉତ୍ତମଙ୍ଗେ ପୁମେ ମୁଦ୍ଧା, ମୁଦ୍ଧୋ ମୂଳ୍ହେ ତିଲିଙ୍ଗିକୋ ॥
ରଟ୍ଠମ୍ହି ୱିଜିତଂ ୱୁତ୍ତଂ, ଜିତେ ଚ ୱିଜିତୋ ତିସୁ ।
ପରିତ୍ତଂ ତୁ ପରିତ୍ତାଣେ, ପରିତ୍ତୋ ତୀସୁ ଅପ୍ପକେ ॥
କୁମ୍ଭଣ୍ଡୋ ଦେୱଭେଦେ ଚ, ଦିସ୍ସତି ୱଲ୍ଲିଜାତିୟଂ ।
ଚତୁତ୍ଥଂସେ ପଦେ ପାଦୋ, ପଚ୍ଚନ୍ତସେଲରଂସିସୁ ॥
ୱଙ୍ଗୋ ଲୋହନ୍ତରେ ୱଙ୍ଗା, ଦେସେ ପୁମେ ବହୁମ୍ହି ଚ ।
କମ୍ମାରଭଣ୍ଡଭେଦେ ଚ, ଖଟକେ ମୁଟ୍ଠି ଚ ଦ୍ୱିସୁ ॥
ଅମ୍ବଣଂ ଦୋଣିୟଂ ଚେ’କା, ଦସଦୋଣପ୍ପମାଣକେ ।
ଅଧିଟ୍ଠିତିୟ ମାଧାରେ, ଠାନେ’ଧିଟ୍ଠାନ ମୁଚ୍ଚତେ ॥
ପୁମେ ମହେସୀ ସୁଗତେ, ଦେୱିୟଂ ନାରିୟଂ ମତା ।
ଉପଦ୍ଦୱେ ଉପସଗ୍ଗୋ, ଦିସ୍ସତି ପାଦିକେପି ଚ ॥
ୱକ୍କଂ କୋଟ୍ଠାସଭେଦସ୍ମିଂ, ୱକ୍କୋ ୱଙ୍କେ ତିସୁ’ଚ୍ଚତେ ।
ୱିଜ୍ଜା ୱେଦେ ଚ ସିପ୍ପେ ଚ, ତିୱିଜ୍ଜାଦୋ ଚ ବୁଦ୍ଧିୟଂ ॥
ସମାଧିମ୍ହି ପୁମେ’କଗ୍ଗୋ, ନାକୁଲେ ୱାଚ୍ଚଲିଙ୍ଗିକୋ ।
ପଜ୍ଜଂ ସିଲୋକେ, ପଜ୍ଜୋ’ଦ୍ଧେ, ପଜ୍ଜୋ ପାଦହିତେ ତିସୁ ॥
କତକୋ ରୁକ୍ଖଭେଦସ୍ମିଂ, କତକୋ କିତ୍ତିମେ ତିସୁ ।
ୱିଧେୟ୍ୟେ ଅସ୍ସୱୋ ତୀସୁ, ପୁବ୍ବମ୍ହୀ ପୁରିସେ ସିୟା ॥
କଲ୍ୟାଣେ କଥିତଂ ଖେମଂ, ତୀସୁ ଲଦ୍ଧତ୍ଥରକ୍ଖଣେ ।
ଅଥୋ ନିୟୋଜନେ ୱୁତ୍ତଂ, କାରିୟେପି ପୟୋଜନଂ ॥
ଅସ୍ସତ୍ଥୋ ତୀସୁ ଅସ୍ସାସ, ପ୍ପତ୍ତେ, ବୋଧିଦ୍ଦୁମେ ପୁମେ ।
ତୀସୁ ଲୁଦ୍ଦୋ କୁରୂରେ ଚ, ନେସାଦମ୍ହି ପୁମେ ସିୟା ॥
ୱିଲଗ୍ଗୋ ତୀସୁ ଲଗ୍ଗସ୍ମିଂ, ପୁମେ ମଜ୍ଝମ୍ହି ଦିସ୍ସତି ।
ଅଡ୍ଢୋ ତ୍ୱନିତ୍ଥିୟଂ ଭାଗେ, ଧନିମ୍ହି ୱାଚ୍ଚଲିଙ୍ଗିକୋ ॥
କଟ୍ଠଂ ଦାରୁମ୍ହି, ତଂ କିଚ୍ଛେ, ଗହନେ କସିତେ ତିସୁ ।
ସସନ୍ତାନେ ଚ ୱିସୟେ, ଗୋଚରେ’ ଜ୍ଝତ୍ତ ମୁଚ୍ଚତେତି ॥
ଇତି ଅଦ୍ଧାନେକତ୍ଥୱଗ୍ଗୋ ।
ଭୁୱନେ ଚ ଜନେ ଲୋକୋ, ମୋରେତ୍ୱଗ୍ଗିମ୍ହି ସୋ ସିଖୀ ।
ସିଲୋକୋ ତୁ ୟସେ ପଜ୍ଜେ,
ରୁକ୍ଖେ ତୁ ସାମିକେ ଧୱୋ ॥
ୱଟବ୍ୟାମେସୁ ନିଗ୍ରୋଧୋ, ଧଙ୍କୋ ତୁ ୱାୟସେ ବକେ ।
ୱାରୋ ତ୍ୱ’ୱସରା’ହେସୁ, କୁଚେତ୍ୱବ୍ଭେ ପୟୋଧରୋ ॥
ଉଚ୍ଛଙ୍ଗେ ଲକ୍ଖଣେ ଚା’ଙ୍କୋ, ରସ୍ମି’ତ୍ଥୀ ଜୁତି ରଜ୍ଜୁସୁ ।
ଦିଟ୍ଠୋ’ଭାସେସୁ ଆଲୋକୋ,
ବୁଦ୍ଧୋ ତୁ ପଣ୍ଡିତେ ଜିନେ ॥
ସୂରଂ’ସୂସୁ ପୁମେ ଭାନୂ, ଦଣ୍ଡୋ ତୁ ମୁଗ୍ଗରେ ଦମେ ।
ଦେୱମଚ୍ଛେସ୍ୱ’ନିମିସୋ, ପତ୍ଥୋ ତୁ ମାନସାନୁସୁ ॥
ଆତଙ୍କୋ ରୋଗ ତାପେସୁ,
ମାତଙ୍ଗୋ ସପଚେ ଗଜେ ।
ମିଗୋ ପସୁ କୁରୁଙ୍ଗେସୁ, ଉଲୂକି’ନ୍ଦେସୁ କୋସିୟୋ ॥
ୱିଗ୍ଗହୋ କଲହେ କାୟେ, ପୁରିସୋ ମାଣୱ’ତ୍ତସୁ ।
ଦାୟାଦୋ ବନ୍ଧୱେ ପୁତ୍ତେ, ସିରେ ସୀସଂ ତିପୁମ୍ହି ଚ ॥
ବଲିହତ୍ଥଂ’ସୂସୁ କରୋ, ଦନ୍ତେ ୱିପ୍ପେ’ଣ୍ଡଜେ ଦ୍ୱିଜୋ ।
ୱତ୍ତଂ ପଜ୍ଜା’ନନା’ଚାରେ, ଧଞ୍ଞଙ୍ଗେ ସୁଖୁମେ କଣୋ ॥
ଥମ୍ଭୋ ଥୂଣ ଜଳତ୍ତେସୁ, ସୂପୋ କୁମ୍ମାସ ବ୍ୟଞ୍ଜନେ ।
ଗଣ୍ଡୋ ଫୋଟେ କପୋଲମ୍ହି, ଅଗ୍ଘୋ ମୂଲ୍ୟେ ଚ ପୂଜନେ ॥
ପକାରୋ ତୁଲ୍ୟ ଭେଦେସୁ, ସକୁନ୍ତୋ ଭାସପକ୍ଖିସୁ ।
ଭାଗ୍ୟେ ୱିଧି ୱିଧାନେ ଚ, ସରେ ଖଗ୍ଗେ ଚ ସାୟକୋ ॥
ସାରଙ୍ଗୋ ଚାତକେ ଏଣେ, ପତ୍ତୀ ତୁ ସରପକ୍ଖିସୁ ।
ସେଦେ ପାକୋ ୱିପାକେ ଥ,
ଭିକ୍ଖୁଭେଦେ ଚୟେ ଗଣୋ ॥
ରାସି ପୁଞ୍ଜେ ଚ ମେସା’ଦୋ,
ଅସ୍ସେ ଲୋଣେ ଚ ସିନ୍ଧୱୋ ।
ସଂୱଟ୍ଟେ ପଲୟୋ ନାସେ, ପୂଗୋ କମୁକରାସିସୁ ॥
ଅମତେ ତୁ ସୁଧା ଲେପେ, ଅଭିଖ୍ୟା ନାମ ରଂସିସୁ ।
ସତ୍ତି ସାମତ୍ଥିୟେ ସତ୍ଥେ, ମହୀ ନଜ୍ଜନ୍ତରେ ଭୁୱି ।
ଲୀଲା କ୍ରିୟା ୱିଲାସେସୁ,
ସତ୍ତେ ତୁ ଅତ୍ରଜେ ପଜା ॥
ଞାଣେ ଲାଭେ ଉପଲଦ୍ଧି, ପୱେଣୀ କୁଥୱେଣିସୁ ।
ପୱତ୍ତି ୱୁତ୍ତି ୱତ୍ତାସୁ, ୱେତନେ ଭରଣେ ଭତି ॥
ଆଚାରେପି ମରିୟାଦା, ଭୂତି ସତ୍ତା ସମିଦ୍ଧିସୁ ।
ସୋପ୍ପେ ପମାଦେ ତନ୍ଦୀ ଚ, ୟାତ୍ରା ଗମନ ୱୁତ୍ତିସୁ ॥
ନିନ୍ଦା କୁଚ୍ଛା’ପୱାଦେସୁ, କଙ୍ଗୁ ଧଞ୍ଞ ପିୟଙ୍ଗୁସୁ ।
ମୋକ୍ଖେସିୱେ ସମେସନ୍ତି, ୱିଭାଗେ ଭତ୍ତି ସେୱନେ ॥
ଇଚ୍ଛାୟଂ ଜୁତିୟଂ କନ୍ତି, ରଞ୍ଜନେ ସୂରତେ ରତି ।
ଗେହେ ୱସତି ୱାସେ ଥ, ନଦୀ ସେନାସୁ ୱାହିନୀ ॥
ପତ୍ଥେ ନାଳେ ଚ ନାଳି’ତ୍ଥୀ, ଗଣେ ସମିତି ସଙ୍ଗମେ ।
ତଣ୍ହା ଲୋଭେ ପିପାସାୟଂ, ମଗ୍ଗ ୱୁତ୍ତୀସୁ ୱତ୍ତନୀ ॥
ପାଣ୍ୟଙ୍ଗେ ନାଭି ଚକ୍କନ୍ତେ, ୟାଚେ ୱିଞ୍ଞତ୍ତି ଞାପନେ ।
ୱିତ୍ତି ତୋସେ ୱେଦନାୟଂ, ଠାନେ ତୁ ଜୀୱିତେ ଠିତି ॥
ତରଙ୍ଗେ ଚା’ନ୍ତରେ ୱୀଚି, ଧୀରତ୍ତେ ଧାରଣେ ଧିତି ।
ଭୂ ଭୂମିୟଞ୍ଚ ଭମୁକେ, ସଦ୍ଦେ ୱେଦେ ସୱେ ସୁତି ॥
ଗୋତ୍ତଂ ନାମେ ଚ ୱଂସେ ଥ, ନଗରେ ଚ ଘରେ ପୁରଂ ।
ଓକଂ ତୁ ନିସ୍ସୟେ ଗେହେ, କୁଲଂ ତୁ ଗୋତ୍ତରାସିସୁ ॥
ହେମେ ୱିତ୍ତେ ହିରଞ୍ଞଞ୍ଚ, ପଞ୍ଞାଣଂ ତ୍ୱ’ଙ୍କ ୱୁଦ୍ଧିସୁ ।
ଅଥା’ମ୍ବରଞ୍ଚ ଖେ ୱତ୍ଥେ, ଗୁୟ୍ହଂ ଲିଙ୍ଗେ ରହସ୍ୟ’ପି ॥
ତପୋ ଧମ୍ମେ ୱତେ ଚେୱ, ପାପେ ତ୍ୱା’ଗୁମ୍ହି କିବ୍ବିସଂ ।
ରତନଂ ମଣି ସେଟ୍ଠେସୁ, ୱସ୍ସଂ ହାୟନ ୱୁଟ୍ଠିସୁ ॥
ୱନଂ ଅରଞ୍ଞ ୱାରୀସୁ, ଖୀରମ୍ହି ତୁ ଜଲେ ପୟୋ ।
ଅକ୍ଖରଂ ଲିପି ମୋକ୍ଖେସୁ, ମେଥୂନଂ ସଙ୍ଗମେ ରତେ ॥
ସୋତଂ କଣ୍ଣେ ପୟୋୱେଗେ, ରିଟ୍ଠଂ ପାପା’ସୁଭେସୁ ଚ ।
ଆଗୁ ପାପା’ପରାଧେସୁ, କେତୁମ୍ହି ଚିହନେ ଧଜୋ ॥
ଗୋପୁରଂ ଦ୍ୱାରମତ୍ତେପି, ମନ୍ଦିରଂ ନଗରେ ଘରେ ।
ୱାଚ୍ଚଲିଙ୍ଗା ପରମିତୋ, ବ୍ୟତ୍ତୋ ତୁ ପଣ୍ଡିତେ ଫୁଟେ ॥
ୱଲ୍ଲଭୋ ଦୟିତେ’ଜ୍ଝକ୍ଖେ, ଜଲେ ଥୂଲୋ ମହତ୍ୟପି ।
କୁରୂରେ ଭେରୱେ ଭୀମୋ,
ଲୋଲୋ ତୁ ଲୋଲୁପେ ଚଲେ ॥
ବୀଭଚ୍ଛୋ ୱିକତେ ଭୀମେ, କୋମଲେ ତିଖିଣେ ମୁଦୁ ।
ଇଟ୍ଠେ ଚ ମଧୁରେ ସାଦୁ, ସାଦୁମ୍ହି ମଧୁରୋ ପିୟେ ॥
ସିତେ ତୁ ସୁଦ୍ଧେ ଓଦାତୋ, ଦ୍ୱିଜିୱ୍ହୋ ସୂଚକା’ହିସୁ ।
ସକ୍କେ ସମତ୍ଥୋ ସମ୍ବନ୍ଧେ, ସମତ୍ତଂ ନିଟ୍ଠିତା’ଖିଲେ ॥
ସୁଦ୍ଧୋ କେୱଲ ପୂତେସୁ, ଜିଘଞ୍ଞୋ’ନ୍ତା’ଧମେସୁ ଚ ।
ପୋଣୋ’ପନତ ନିନ୍ନେସୁ, ଅଞ୍ଞ ନୀଚେସୁ ଚେ’ତରୋ ॥
ସୁଚି ସୁଦ୍ଧେ ସିତେ ପୂତେ, ପେସଲୋ ଦକ୍ଖଚାରୁସୁ ।
ଅଧମୋ କୁଚ୍ଛିତେ ଊନେ, ଅପ୍ପିୟେ ପ୍ୟ’ଲିକୋ ଭୱେ ॥
ବ୍ୟାପେ ଅସୁଦ୍ଧେ ସଂକିଣ୍ଣୋ, ଭବ୍ବଂ ୟୋଗ୍ୟେ ଚ ଭାୱିନି ।
ସୁଖୁମୋ ଅପ୍ପକା’ଣୂସୁ, ୱୁଦ୍ଧୋ ଥେରେ ଚ ପଣ୍ଡିତେ ॥
ସୁଭେ ସାଧୁମ୍ହି ଭଦ୍ଦୋ ଥ, ତ୍ୟା’ଦୋ ଚ ୱିପୁଲେ ବହୁ ।
ଧୀରୋ ବୁଧେ ଧିତିମନ୍ତେ, ୱେଲ୍ଲିତଂ କୁଟିଲେ ଧୁତେ ॥
ୱିସଦୋ ବ୍ୟତ୍ତ ସେତେସୁ, ତରୁଣୋ ତୁ ୟୁୱେ ନୱେ ।
ୟୋଗ୍ଗଂ ୟାନେ, ଖମେ ୟୋଗ୍ଗୋ,
ପିଣ୍ଡିତଂ ଗଣିତେ ଘନେ ॥
ବୁଧେ’ଭିଜାତୋ କୁଲଜେ, ୱୁଦ୍ଧୋ’ରୂସୁ ମହଲ୍ଲକୋ ।
କଲ୍ୟାଣଂ ସୁନ୍ଦରେ ଚାପି, ହିମୋ ତୁ ସୀତଲେପି ଚ ॥
ଲୋଲେ ତୁ ସୀଘେ ଚପଲୋ, ୱୁତ୍ତେ ଉଦିତ ମୁଗ୍ଗତେ ।
ଆଦିତ୍ତେ ଗବ୍ବିତେ ଦିତ୍ତୋ, ପିଟ୍ଠଂ ତୁ ଚୁଣ୍ଣିତେପି ଚ ॥
ୱିଗତେ ୱାୟିତେ [ୱାୟନେ (କ॰)]ୱୀତଂ, ଭାୱିତଂ ୱଡ୍ଢିତେପି ଚ ।
ଭଜ୍ଜିତେ ପତିତେ ଭଟ୍ଠୋ, ପୁଟ୍ଠୋ ପୁଚ୍ଛିତ ପୋସିତେ ॥
ଜାତୋ ଭୂତେ ଚୟେ ଜାତଂ,
ପଟିଭାଗୋ ସମା’ରିସୁ ।
ସୂରୋ ୱୀରେ ରୱିସୂରେ, ଦୁଟ୍ଠୋ କୁଦ୍ଧେ ଚ ଦୂସିତେ ॥
ଦିଟ୍ଠୋ’ରିମ୍ହି’କ୍ଖିତେ ଦିଟ୍ଠୋ[ଦିଟ୍ଠଂ (କ॰)],
ମୂଳ୍ହେ ପୋତେ ଚ ବାଲିସୋ ।
ନିନ୍ଦାୟଂ ଖେପନେ ଖେପୋ, ନିୟମୋ ନିଚ୍ଛୟେ ୱତେ ॥
ସଲାକାୟଂ କୁସୋ ଦବ୍ଭେ,
ବାଲ୍ୟାଦୋ ତୁ ଖୟେ ୱୟୋ ।
ଲେପ ଗବ୍ବେସ୍ୱ’ୱଲେପୋ, ଅଣ୍ଡଜୋ ମୀନପକ୍ଖିସୁ ॥
ବିଲାଲେ ନକୁଲେ ବବ୍ବୁ, ମନ୍ଥୋ ମନ୍ଥନସତ୍ତୁସୁ ।
ୱାଲୋ କେସେ’ସ୍ସାଦିଲୋମେ,
ସଙ୍ଘାତୋ ଘାତରାସିସୁ ॥
ଗୋପଗାମେ ରୱେ ଘୋସୋ, ସୂତୋ ସାରଥିୱନ୍ଦିସୁ ।
ମାଲ୍ୟଂ ତୁ ପୁପ୍ଫେ ତଦ୍ଦାମେ, ୱାହୋ ତୁ ସକଟେ ହୟେ ॥
ଖୟେ’ଚ୍ଚନେ ଚା’ପଚୟୋ, କାଲୋ ସମୟ ମଚ୍ଚୁସୁ ।
ଭେ ତାରକା ନେତ୍ତମଜ୍ଝେ, ସୀମା’ ୱଧି, ଟ୍ଠିତୀସୁ ଚ ॥
ଆଭୋଗୋ ପୁଣ୍ଣତା’ୱଜ୍ଜେ-
ସ୍ୱା’ଳି’ତ୍ଥୀ ସଖି ସେତୁସୁ ।
ସତ୍ତେ ଥୂଲେ ତୀସୁ ଦଳ୍ହୋ, ଲତା ସାଖାୟ ୱଲ୍ଲିୟଂ ॥
କାୟୋ ତୁ ଦେହ ରାସିସୁ ।
ନୀଚେ ପୁଥୁଜ୍ଜନୋ ମୂଳ୍ହେ, ଭତ୍ତା ସାମିନି ଧାରକେ ॥
ସିଖା, ପିଞ୍ଛେସୁ ସିଖଣ୍ଡୋ, ସତ୍ତେ ତ୍ୱ’ତ୍ତନି ପୁଗ୍ଗଲୋ ।
ସମ୍ବାଧୋ ସଂକଟେ ଗୁୟ୍ହେ,
ନାସେ ଖେପେ ପରାଭୱୋ ॥
ୱଚ୍ଚୋ ରୂପେ କରୀସେ ଥ, ଜୁତି’ତ୍ଥୀ କନ୍ତିରଂସିସୁ ।
ଲବ୍ଭଂ ୟୁତ୍ତେ ଚ ଲଦ୍ଧବ୍ବେ, ଖଣ୍ଡେ ପଣ୍ଣେ ଦଲଂ ମତଂ ।
ସଲ୍ଲଂ କଣ୍ଡେ ସଲାକାୟଂ, ସୁଚିତ୍ତେ ଧାୱନଂ ଗତେ ।
ଭନ୍ତତ୍ଥେ ୱିବ୍ଭମୋ ହାୱେ, ମୋହୋ’ୱିଜ୍ଜାୟ ମୁଚ୍ଛନେ ॥
ସେଦୋ ଘମ୍ମଜଲେ ପାକେ,
ଗୋଳେ ଉଚ୍ଛୁମୟେ ଗୁଳୋ ।
ମିତ୍ତେ ସହାୟେ ଚ ସଖା, ୱିଭୂ ନିଚ୍ଚପ୍ପଭୂସୁ ସୋ ॥
ଖଗ୍ଗେ କୁରୂରେ ନେତ୍ତିଂସୋ, ପରସ୍ମିଂ ଅତ୍ର ତୀସ୍ୱ’ମୁ ।
କଲଙ୍କୋ’ଙ୍କା’ପୱାଦେସୁ,
ଦେସେ ଜନପଦୋ ଜନେ ॥
ପଜ୍ଜେ ଗାଥା ୱଚୀଭେଦେ, ୱଂସୋ ତ୍ୱ’ନ୍ୱୟୱେଣୁସୁ ।
ୟାନଂ ରଥାଦୋ ଗମନେ, ସରୂପସ୍ମିଂ ଅଧୋ ତଲଂ ॥
ମଜ୍ଝୋ ୱିଲଗ୍ଗେ ୱେମଜ୍ଝେ, ପୁପ୍ଫଂ ତୁ କୁସୁମୋ’ତୁସୁ ।
ସୀଲଂ ସଭାୱେ ସୁବ୍ବତେ, ପୁଙ୍ଗୱୋ ଉସଭେ ୱରେ ॥
କୋସେ ଖଗାଦିବୀଜେ’ଣ୍ଡଂ, କୁହରଂ ଗବ୍ଭରେ ବିଲେ ।
ନେତ୍ତିଂସେ ଗଣ୍ଡକେ ଖଗ୍ଗୋ, କଦମ୍ବୋ ତୁ ଦୁମେ ଚୟେ ॥
ଭେ’ଧେନୁୟଂ ରୋହିଣୀ’ତ୍ଥୀ, ୱରଙ୍ଗଂ ୟୋନିୟଂ ସିରେ ।
ଅକ୍କୋସେ ସପଥେ ସାପୋ, ପଙ୍କଂ ପାପେ ଚ କଦ୍ଦମେ ॥
ଭୋଗୱତ୍ୟୁ’ରଗେ ଭୋଗୀ, ସ୍ସରୋ ତୁ ସିୱସାମିସୁ ।
ବଲେ ପଭାୱେ ୱୀରିୟଂ, ତେଜୋ ତେସୁ ଚ ଦିତ୍ତିୟଂ ॥
ଧାରା ସନ୍ତତି ଖଗ୍ଗଙ୍ଗେ, ୱାନଂ ତଣ୍ହାୟ ସିବ୍ବନେ ।
ଖତ୍ତା ସୂତେ ପଟିହାରେ, ୱିତ୍ତି ପୀଳାସୁ ୱେଦନା ॥
ଥିୟଂ ମତି’ଚ୍ଛାପଞ୍ଞାସୁ, ପାପେ ୟୁଦ୍ଧେ ରୱେ ରଣୋ ।
ଲୱୋତୁ ବିନ୍ଦୁ’ଚ୍ଛେଦେସୁ, ପଲାଲେ’ [ପଲାସେ (ଟୀ॰), ପଲାପେ-ଟୀ (୪୫୩-୧୧୨୪) ଗାଥା ପସ୍ସିତବ୍ବା] ତିସୟେ ଭୁସଂ ॥
ବାଧା ଦୁକ୍ଖେ ନିସେଧେ ଚ, ମୂଲପଦେପି ମାତିକା ।
ସ୍ନେହୋ ତେଲେ’ଧିକପ୍ପେମେ,
ଘରା’ପେକ୍ଖାସୁ ଆଲୟୋ ॥
କେତୁସ୍ମିଂ କେତନଂ ଗେହେ, ଠାନେ ଭୂମି’ତ୍ଥିୟଂ ଭୁୱି ।
ଲେଖ୍ୟେ ଲେଖୋ ରାଜି ଲେଖା, ପୂଜିତେ ଭଗୱା ଜିନେ ॥
ଗଦା ସତ୍ଥେ ଗଦୋ ରୋଗେ, ନିସଜ୍ଜା ପୀଠେସ୍ୱା’ସନଂ ।
ତଥାଗତୋ ଜିନେ ସତ୍ତେ,
ଚୟେ ଦେହେ ସମୁସ୍ସୟୋ ॥
ବିଲଂ କୋଟ୍ଠାସ ଛିଦ୍ଦେସୁ, ୱଜ୍ଜଂ ଦୋସେ ଚ ଭେରିୟଂ ।
କାଲେ ଦୀଘଞ୍ଜସେ’ଦ୍ଧାନଂ, ଆଲିୟଂ ସେତୁ କାରଣେ ॥
ଓକାସୋ କାରଣେ ଦେସେ,
ସଭା ଗେହେ ଚ ସଂସଦେ ।
ୟୂପୋ ଥମ୍ଭେ ଚ ପାସାଦେ, ଅୟନଂ ଗମନେ ପଥେ ॥
ଅକ୍କୋ ରୁକ୍ଖନ୍ତରେ ସୂରେ,
ଅସ୍ସୋ କୋଣେ ହୟେପି ଚ ।
ଅଂସୋ ଖନ୍ଧେ ଚ କୋଟ୍ଠାସେ,
ଜାଲଂ ସୂସ୍ୱ’ଚ୍ଚି ନୋ ପୁମେ ॥
ନାସା’ସତ୍ତେସ୍ୱ’ ଭାୱୋ ଥ,
ଅନ୍ନ ମୋଦନ ଭୁତ୍ତିସୁ ।
ଜୀୱଂ ପାନେ ଜନେ ଜୀୱୋ,
ଘାସୋ ତ୍ୱ’ନ୍ନେ ଚ ଭକ୍ଖଣେ ॥
ଛଦନେ’ଚ୍ଛାଦନଂ ୱତ୍ଥେ, ନିକାୟୋ ଗେହରାସିସୁ ।
ଅନ୍ନାଦୋ ଆମିସଂ ମଂସେ । ଦିକ୍ଖା ତୁ ୟଜନେ’ଚ୍ଚନେ ॥
କ୍ରିୟାୟଂ କାରିକା ପଜ୍ଜେ,
କେତୁ ତୁ ଚିହନେ ଧଜେ ।
କୁସୁମଂ ଥୀରଜେ ପୁପ୍ଫେ, ୱାନରେ ତୁ ବୁଧେ କୱି ॥
ଅଧରେ ଖରଭେ ଓଟ୍ଠୋ, ଲୁଦ୍ଦୋ ତୁ ଲୁଦ୍ଦକେପି ଚ ।
କଲୁସଂ ତ୍ୱା’ୱିଲେ ପାପେ, ପାପେ କଲି ପରାଜୟେ ॥
କନ୍ତାରୋ ୱନ, ଦୁଗ୍ଗେସୁ, ଚରୋ ଚାରମ୍ହି ଚଞ୍ଚଲେ ।
ଜନାୱାସେ ଗଣେ ଗାମୋ, ଚମ୍ମଂ ତୁ ଫଲକେ ତଚେ ॥
ଆମୋଦୋ ହାସ ଗନ୍ଧେସୁ,
ଚାରୁ ତୁ କନକେପି ଚ ।
ସତ୍ତାୟଂ ଭୱନଂ ଗେହେ, ଲେସେ ତୁ ଖଲିତେ ଛଲଂ ॥
ୱେରଂ ପାପେ ଚ ପଟିଘେ, ତଚୋ ଚମ୍ମନି ୱକ୍କଲେ ।
ଉଚ୍ଚେ’ଧିରୋହେ ଆରୋହୋ, ନେତ୍ତଂ ୱତ୍ଥନ୍ତର’କ୍ଖିସୁ ॥
ପଟିହାରେ ମୁଖେ ଦ୍ୱାରଂ, ପେତେ ଞାତେ ମତୋ ତିସୁ ।
ମାସୋ ପରଣ୍ଣ କାଲେସୁ, ନଗ୍ଗୋ ତ୍ୱ’ଚେଲକେପି ଚ ॥
ଦୋସେ ଘାତେ ଚ ପଟିଘୋ, ମିଗାଦୋ ଛଗଲେ ପସୁ ।
ଅରୂପେ ଚା’ୱ୍ହୟେ ନାମଂ, ଦରୋ ଦରଥ ଭୀତିସୁ ॥
ୟାଚନେ ଭୋଜନେ ଭିକ୍ଖା,
ଭାରେ ତ୍ୱ’ତିସୟେ ଭରୋ ।
ଦବ୍ବି’ନ୍ଦଜାୟାସୁ ସୁଜା, ମେଘେ ତ୍ୱ’ବ୍ଭଂ ୱିହାୟସେ ॥
ମୋଦକୋ ଖଜ୍ଜଭେଦେପି, ମଣିକେ ରତନେ ମଣି ।
ସେଲା’ରାମେସୁ ମଲୟୋ,
ସଭାୱ’ଙ୍କେସୁ ଲକ୍ଖଣଂ ॥
ହୱି ସପ୍ପିମ୍ହି ହୋତବ୍ବେ, ସିରୋ ସେଟ୍ଠେ ଚ ମୁଦ୍ଧନି ।
ୱିଚାରେପି ୱିୱେକୋ ଥ, ସିଖରୀ ପବ୍ବତେ ଦୁମେ ॥
ୱେଗୋ ଜୱେ ପୱାହେ ଚ, ସଙ୍କୁ ତୁ ଖିଲହେତିସୁ ।
ନିଗ୍ଗହୀତେ କଣେ ବିନ୍ଦୁ, ୱରାହୋ ସୂକରେ ଗଜେ ॥
ନେତ୍ତନ୍ତେ ଚିତ୍ତକେ’ପାଙ୍ଗଂ, ସିଦ୍ଧତ୍ଥୋ ସାସପେ ଜିନେ ।
ହାରୋ ମୁତ୍ତାଗୁଣେ ଗାହେ,
ଖାରକୋ ମକୁଳେ ରସେ ॥
ଅଚ୍ଚୟୋ’ ତିକ୍କମେ ଦୋସେ,
ସେଲରୁକ୍ଖେସ୍ୱ’ଗୋ ନଗୋ ।
ସ୍ୱପ୍ପେ’ୱଧାରଣେ ମତ୍ତଂ, ଅପଚିତ୍ୟ’ଚ୍ଚନେ ଖୟେ ॥
ଛିଦ୍ଦୋ’ତରଣେସ୍ୱୋ’ତାରୋ,
ପିତାମହୋ’ୟ୍ୟକେ ବ୍ରହ୍ମେ,
ପୋତୋ ନାୱାୟ ବାଲକେ ॥
ରୁକ୍ଖେ ୱଣ୍ଣେ ସୁନେ ସୋଣୋ,
ସଗ୍ଗେ ତୁ ଗଗନେ ଦିୱୋ ।
ୱତ୍ଥେ ଗନ୍ଧେ ଘରେ ୱାସୋ, ଚୁଲ୍ଲୋ ଖୁଦ୍ଦେ ଚ ଉଦ୍ଧନେ ॥
କଣ୍ଣୋ କୋଣେ ଚ ସୱଣେ,
ମାଲା ପୁପ୍ଫେ ଚ ପନ୍ତିୟଂ ।
ଭାଗୋ ଭାଗ୍ୟେ’କଦେସେସୁ,
କୁଟ୍ଠଂ ରୋଗେ’ ଜପାଲକେ ॥
ସେୟ୍ୟା ସେନାସନେ ସେନେ, ଚୁନ୍ଦଭଣ୍ଡମ୍ହି ଚ’ବ୍ଭମୋ ।
ୱତ୍ଥାଦିଲୋମଂ’ସୁ କରେ, ନିପାତୋ ପତନେ’ବ୍ୟୟେ ॥
ସାଖାୟଂ ୱିଟପୋ ଥମ୍ଭେ, ସତ୍ତୁ ଖଜ୍ଜନ୍ତରେ ଦିସେ ।
ସାମିକୋ ପତି’ୟିରେସୁ, ପଟ୍ଠାନଂ ଗତି ହେତୁସୁ ॥
ରାଗେ ରଙ୍ଗୋ ନଚ୍ଚଟ୍ଠାନେ, ପାନଂ ପେୟ୍ୟେ ଚ ପୀତିୟଂ ।
ଇଣୁ’କ୍ଖେପେସୁ ଉଦ୍ଧାରୋ, ଉମ୍ମାରେ ଏଳକୋ ଅଜେ ॥
ପହାରୋ ପୋଥନେ ୟାମେ,
ସରଦୋ ହାୟନୋ’ତୁସୁ ।
କୁଣ୍ଡିକାୟା’ଳ୍ହକେ ତୁମ୍ବୋ,
ପଲାଲୋ[ପଲାପୋ (କ॰) ୪୫୩-ଗାଥା ପସ୍ସିତବ୍ବା] ତୁ ଭୁସମ୍ହି ଚ ॥
ମତା’ୱାଟେ ଚୟେ କାସୁ, ପନିସା କାରଣେ ରହୋ ।
କାସୋ ପୋଟଗଲେ ରୋଗେ,
ଦୋସୋ କୋଧେ ଗୁଣେ’ତରେ ॥
ୟୁତ୍ୟ’ଟ୍ଟାଲ’ଟ୍ଟିତେସ୍ୱ’ଟ୍ଟୋ, କୀଳାୟଂ କାନନେ ଦୱୋ ।
ଉପ୍ପତ୍ତିୟଂ ଚୋ’ପ୍ପତନଂ, ଉୟ୍ୟାନଂ ଗମନେ ୱନେ ॥
ୱୋକାରୋ ଲାମକେ ଖନ୍ଧେ, ମୂଲୋ’ପଦାସୁ ପାଭତଂ ।
ଦସା’ ୱତ୍ଥା ପଟନ୍ତେସୁ, କାରଣଂ ଘାତ, ହେତୁସୁ ॥
ହତ୍ଥିଦାନେ ମଦୋ ଗବ୍ବେ, ଘଟା ଘଟନ ରାସିସୁ ।
ଉପହାରୋ’ଭିହାରେପି, ଚୟୋ ବନ୍ଧନ ରାସିସୁ ॥
ଗନ୍ଧୋ ଥୋକେ ଘାୟନୀୟେ,
ଚାଗୋ ତୁ ଦାନହାନିସୁ ।
ପାନେ ପମୋଦେ ପୀତି’ତ୍ଥୀ, ଇଣେ ଗିୱା ଗଲେପି ଚ ॥
ପତିଟ୍ଠା ନିସ୍ସୟେ ଠାନେ, ବଲକ୍କାରେପି ସାହସଂ ।
ଭଙ୍ଗୋ ଭେଦେ ପଟେ ଭଙ୍ଗଂ, ଛତ୍ତଂ ତୁ ଛୱକେପି ଚ ॥
ଞାଣେ ଭୁୱି ଚ ଭୂରି’ତ୍ତୀ, ଅନଙ୍ଗେ ମଦନୋ ଦୁମେ ।
ପମାତରିପି ମାତା ଥ, ୱେଠୁ’ଣୀସେସୁ ୱେଠନଂ ॥
ମାରିସୋ ତଣ୍ଡୁଲେୟ୍ୟେ’ୟ୍ୟେ,
ମୋକ୍ଖୋ ନିବ୍ବାନ ମୁତ୍ତିସୁ ।
ଇନ୍ଦୋ’ଧିପତି ସକ୍କେସ୍ୱା, ରମ୍ମଣଂ ହେତୁ ଗୋଚରେ ॥
ଅଙ୍କେ ସଣ୍ଠାନ ମାକାରେ,
ଖେତ୍ତେ [ୱପ୍ପେ (ପାକାରମୂଲେ ନେତ୍ତଜଲେ ଉସୁମେ ଚ ୱପ୍ପୋ-ଟୀ)] ୱପ୍ପୋ ତଟେପି ଚ ।
ସମ୍ମୁତ୍ୟ’ନୁଞ୍ଞା ୱୋହାରେ, ସ୍ୱ’ଥ ଲାଜାସୁ ଚା’କ୍ଖତଂ ॥
ସତ୍ରଂ ୟାଗେ ସଦାଦାନେ,
ସୋମୋ ତୁ ଓସଧି’ନ୍ଦୁସୁ ।
ସଙ୍ଘାତୋ ୟୁଗଗେହଙ୍ଗେ, ଖାରୋ ଊସେ ଚ ଭସ୍ମନି ॥
ଆତାପୋ ୱୀରିୟେ ତାପେ,
ଭାଗେ ସୀମାୟ ଓଧି ଚାତି ॥
ଇତି ପାଦାନେକତ୍ଥୱଗ୍ଗୋ ।
ଅନେକତ୍ଥୱଗ୍ଗୋ ନିଟ୍ଠିତୋ ।
୩. ସାମଞ୍ଞକଣ୍ଡ
୪. ଅବ୍ୟୟୱଗ୍ଗ
ଅବ୍ୟୟଂ ୱୁଚ୍ଚତେ ଦାନି, ଚିରସ୍ସଂ ତୁ ଚିରଂ ତଥା ।
ଚିରେନ ଚିରରତ୍ତାୟ, ସହ ସଦ୍ଧିଂ ସମଂ ଅମା ॥
ପୁନପ୍ପୁନଂ ଅଭିଣ୍ହଞ୍ଚା, ସକିଂ ଚା’ଭିକ୍ଖଣଂ ମୁହୁଂ ।
ୱଜ୍ଜନେ ତୁ ୱିନା ନାନା, ଅନ୍ତରେନ ରିତେ ପୁଥୁ ॥
ବଲୱଂ ସୁଟ୍ଠୁ ଚା’ତୀୱା, ତିସୟେ କିମୁତ ସ୍ୱ’ତି ।
ଅହୋ ତୁ କିଂ କିମୂ’ ଦାହୁ, ୱିକପ୍ପେ କିମୁତୋ’ଦ ଚ ॥
ଅୱ୍ହାନେ ଭୋ ଅରେ ଅମ୍ଭୋ,
ହମ୍ଭୋ ରେ ଜେ’ଙ୍ଗ ଆୱୁସୋ ।
ହେ ହରେ ଥ କଥଂ କିଂସୁ, ନନୁ କଚ୍ଚି ନୁ କିଂ ସମା ॥
ଅଧୁନେ’ତରହୀ’ଦାନି, ସମ୍ପତି ଅଞ୍ଞଦତ୍ଥୁ ତୁ ।
ତଗ୍ଘେ’ କଂସେ ସସକ୍କଞ୍ଚା, ଦ୍ଧା କାମଂ ଜାତୁ ୱେ ହୱେ ॥
ୟାୱତା ତାୱତା ୟାୱ, ତାୱ କିତ୍ତାୱତା ତଥା ।
ଏତ୍ତାୱତା ଚ କୀୱେ’ତି, ପରିଚ୍ଛେଦତ୍ଥୱାଚକା ॥
ୟଥା ତଥା ୟଥେୱେ’ୱଂ, ୟଥାନାମ ୟଥାହି ଚ ।
ସେୟ୍ୟଥାପ୍ୟେ’ୱମେୱଂ, ୱା, ତଥେୱ ଚ ୟଥାପି ଚ ॥
ଏୱମ୍ପି ଚ ସେୟ୍ୟଥାପି, ନାମ ୟଥରିୱା’ପି ଚ ।
ପଟିଭାଗତ୍ଥେ ୟଥାଚ, ୱିୟ ତଥରିୱା’ପି ଚ ॥
ସଂ ସାମଞ୍ଚ ସୟଂ ଚାଥ, ଆମ ସାହୁ ଲହୂ’ପି ଚ ।
ଓପାୟିକଂ ପତିରୂପଂ, ସାଧ୍ୱେ’ୱଂ ସମ୍ପଟିଚ୍ଛନେ ॥
ୟଂ ତଂ ୟତୋ ତତୋ ୟେନ,
ତେନେ’ତି କାରଣେ ସିୟୁଂ ।
ଅସାକଲ୍ୟେ ତୁ ଚନ ଚି, ନିପ୍ଫଲେ ତୁ ମୁଧା ଭୱେ ॥
କଦାଚି ଜାତୁ ତୁଲ୍ୟା’ଥ, ସବ୍ବତୋ ଚ ସମନ୍ତତୋ ।
ପରିତୋ ଚ ସମନ୍ତାପି, ଅଥ ମିଚ୍ଛା ମୁସା ଭୱେ ॥
ନିସେଧେ ନ ଅନୋମା’ଲଂ, ନହି ଚେତୁ ସଚେ ୟଦି ।
ଅନୁକୁଲ୍ୟେ ତୁ ସଦ୍ଧଞ୍ଚ,
ନତ୍ତଂ [ରତ୍ତଂ (ଟୀ॰)] ଦୋସୋ ଦିୱା ତ୍ୱ’ହେ ॥
ଈସଂ କିଞ୍ଚି ମନଂ ଅପ୍ପେ, ସହସା ତୁ ଅତକ୍କିତେ ।
ପୁରେ ଗ୍ଗତୋ ତୁ ପୁରତୋ, ପେଚ୍ଚା’ମୁତ୍ରଭୱନ୍ତରେ ॥
ତୁ ମୋନେ ଥା’ୱି ପାତୁ ଚ ।
ତଙ୍ଖଣେ ସଜ୍ଜୁ ସପଦି, ବଲକ୍କାରେ ପସୟ୍ହ ଚ ॥
ସୁଦଂ ଖୋ [ୱୋ (କ॰)] ଅସ୍ସୁ ୟଗ୍ଘେ ୱେ,ହା’ଦୟୋ ପଦପୂରଣେ ।
ଅନ୍ତରେନ’ନ୍ତରା ଅନ୍ତୋ, ୱସ୍ସଂ ନୂନ ଚ ନିଚ୍ଛୟେ ॥
ଆନନ୍ଦେ ସଞ୍ଚ ଦିଟ୍ଠା ଥ, ୱିରୋଧକଥନେ ନନୁ ।
କାମପ୍ପୱେଦନେ କଚ୍ଚି, ଉସୂୟୋପଗମେ’ତ୍ଥୁ ଚ ॥
ଏୱା’ୱଧାରଣେ ଞେୟ୍ୟଂ, ୟଥାତ୍ତଂ ତୁ ୟଥାତଥଂ ।
ନୀଚଂ ଅପ୍ପେ, ମହତ୍ୟୁ’ଚ୍ଚଂ, ଅଥ ପାତୋ ପଗେ ସମା ॥
ନିଚ୍ଚେ ସଦା ସନଂ[ସନା (କ॰)]ପାୟୋ,
ବାହୁଲ୍ୟେ ବାହିରଂ ବହି ।
ବହିଦ୍ଧା ବାହିରା ବାହ୍ୟେ, ସୀଘେତୁ ସଣିକଂ ଭୱେ ॥
ଅତ୍ଥଂ ଅଦସ୍ସନେ ଦୁଟ୍ଠୁ, ନିନ୍ଦାୟଂ, ୱନ୍ଦନେ ନମୋ ।
ସମ୍ମା ସୁଟ୍ଠୁ ପସଂସାୟଂ, ଅଥୋ ସତ୍ତାୟ ମତ୍ଥି ଚ ॥
ସାୟଂ ସାୟେ’ଜ୍ଜ ଅତ୍ରା’ହେ,
ସୁୱେ ତୁ ସ୍ୱେ ଅନାଗତେ ।
ତତୋ ପରେ ପରସୁୱେ, ହିୟ୍ୟୋତୁ ଦିୱସେ ଗତେ ॥
ୟତ୍ଥ ୟତ୍ର ୟହିଂଚାଥ, ତତ୍ଥ ତତ୍ର ତହିଂତହଂ ।
ଅଥୋ ଉଦ୍ଧଞ୍ଚ ଉପରି, ହେଟ୍ଠା ତୁ ଚ ଅଧୋ ସମା ॥
ଚୋଦନେ ଇଙ୍ଘ ହନ୍ଦା’ଥ, ଆରାଦୂରା ଚ ଆରକା ।
ପରମ୍ମୁଖା ତୁ ଚ ରହୋ, ସମ୍ମୁଖା ତ୍ୱା’ୱି ପାତୁ ଚ ॥
ସଂସୟତ୍ଥମ୍ହି ଅପ୍ପେୱ, ଅପ୍ପେୱନାମ ନୂ’ତି ଚ ।
ନିଦସ୍ସନେ ଇତି’ତ୍ଥଞ୍ଚ, ଏୱଂ, କିଚ୍ଛେ କଥଞ୍ଚି ଚ ॥
ହା ଖେଦେ ସଚ୍ଛି ପଚ୍ଚକ୍ଖେ,
ଧୁୱଂ ଥିରେ’ୱଧାରଣେ ।
ତିରୋ ତୁ ତିରିୟଂ ଚାଥ, କୁଚ୍ଛାୟଂ ଦୁଟ୍ଠୁ କୁ’ଚ୍ଚତେ ॥
ସୁୱତ୍ଥି ଆସିଟ୍ଠତ୍ଥମ୍ହି, ନିନ୍ଦାୟଂ ତୁ ଧୀ[ଧି (କ॰)] କଥ୍ୟତେ ।
କୁହିଞ୍ଚନଂ କୁହିଂ କୁତ୍ର, କୁତ୍ଥ କତ୍ଥ କହଂ କ୍ୱ ଥ ॥
ଅଥ ସବ୍ବତ୍ର ସବ୍ବଧି ।
କଦା କୁଦାଚନଂ ଚାଥ, ତଦାନି ଚ ତଦା ସମା ॥
ଆଦିକମ୍ମେ ଭୁସତ୍ଥେ ଚ, ସମ୍ଭୱୋ’ତିଣ୍ଣ ତିତ୍ତିସୁ ।
ନିୟୋଗି’ସ୍ସରିୟ’ପ୍ପୀତି, ଦାନ ପୂଜା’ଗ୍ଗ, ସନ୍ତିସୁ ॥
ଦସ୍ସନେ ତପ୍ପରେ ସଙ୍ଗେ, ପସଂସା, ଗତି, ସୁଦ୍ଧିସୁ ।
ହିଂସା, ପକାରନ୍ତୋ’ଭାୱ, ୱିୟୋଗା’ୱୟୱେସୁ ଚ ।
ପୋ’ପସଗ୍ଗୋ ଦିସାୟୋଗେ, ପତ୍ଥନା, ଧିତିଆଦିସୁ ॥
ପରାସଦ୍ଦୋ ପରିହାନି, ପରାଜୟ ଗତୀସୁ ଚ ।
ଭୁସତ୍ଥେ ପଟିଲୋମତ୍ଥେ, ୱିକ୍କମା’ମସନାଦିସୁ ॥
ନିସ୍ସେସା’ଭାୱ ସନ୍ୟାସ, ଭୁସତ୍ଥ ମୋକ୍ଖ ରାସିସୁ ।
ଗେହା’ଦେସୋ’ପମାହୀନ, ପସାଦନିଗ୍ଗତା’ଚ୍ଚୟେ ॥
ଦସ୍ସନୋ’ସାନନିକ୍ଖନ୍ତା, ଧୋଭାଗେସ୍ୱ’ୱଧାରଣେ ।
ସାମୀପ୍ୟେ ବନ୍ଧନେ ଛେକ, ନ୍ତୋଭାଗୋ’ପରତୀସୁ ଚ ॥
ପାତୁଭାୱେ ୱିୟୋଗେ ଚ, ନିସେଧାଦୋ ନି ଦିସ୍ସତି ।
ଅଥୋ ନୀହରଣେ ଚେୱା, ୱରଣାଦୋ ଚ ନୀ ସିୟା ॥
ଉଦ୍ଧକମ୍ମ ୱିୟୋଗ ତ୍ତ, ଲାଭ ତିତ୍ତି ସମିଦ୍ଧିସୁ ।
ପାତୁଭାୱ’ଚ୍ଚୟାଭାୱ, ପବଲତ୍ତେ ପକାସନେ ।
ଦକ୍ଖ’ଗ୍ଗତାସୁ କଥନେ, ସତ୍ତିମୋକ୍ଖାଦିକେ ଉ ଚ ॥
ଦୁ କୁଚ୍ଛିତେ’ସଦତ୍ଥେସୁ, ୱିରୂପତ୍ତେ ପ୍ୟ’ସୋଭନେ ।
ସିୟା’ଭାୱା’ସମିଦ୍ଧୀସୁ, କିଚ୍ଛେ ଚା’ନନ୍ଦନାଦିକେ ॥
ସଂ ସମୋଧାନ ସଙ୍ଖେପ, ସମନ୍ତତ୍ତ ସମିଦ୍ଧିସୁ ।
ସମ୍ମା ଭୁସ ସହ ପ୍ପତ୍ଥା, ଭିମୁଖତ୍ଥେସୁ ସଙ୍ଗତେ ।
ୱିଧାନେ ପଭୱେ ପୂଜା, ପୁନପ୍ପୁନକ୍ରିୟାଦିସୁ ॥
ୱିୱିଧା’ତିସୟା’ଭାୱ, ଭୁସତ୍ତି’ସ୍ସରିୟା’ଚ୍ଚୟେ ।
ୱିୟୋଗେ କଲହେ ପାତୁ, ଭାୱେ ଭାସେ ଚ କୁଚ୍ଛନେ ॥
ଦୂରା’ନଭିମୁଖତ୍ତେସୁ, ମୋହା’ନୱଟ୍ଠିତୀସୁ ଚ ।
ପଧାନ ଦକ୍ଖତା ଖେଦ, ସହତ୍ଥାଦୋ ୱି ଦିସ୍ସତି ॥
ୱିୟୋଗେ ଜାନନେ ଚା’ଧୋ,ଭାଗ ନିଚ୍ଛୟ [ଭାଗ’ନିଚ୍ଛୟ (ଭାଗ+ଅନିଚ୍ଛୟ-ଟୀ)] ସୁଦ୍ଧିସୁ ।
ଈସଦତ୍ଥେ ପରିଭୱେ, ଦେସ ବ୍ୟାପନ ହାନିସୁ ।
ୱଚୋକ୍ରିୟାୟ ଥେୟ୍ୟେ ଚ, ଞାଣପ୍ପତ୍ତାଦିକେ ଅୱ ॥
ପଚ୍ଛା ଭୁସତ୍ତ ସାଦିସ୍ୟା, ନୁପଚ୍ଛିନ୍ନା’ନୁୱତ୍ତିସୁ ।
ହୀନେ ଚ ତତିୟତ୍ଥା’ଧୋ, ଭାଗେସ୍ୱ’ନୁଗତେ ହିତେ ।
ଦେସେ ଲକ୍ଖଣ ୱିଚ୍ଛେ’ତ୍ଥ, ମ୍ଭୂତ ଭାଗାଦିକେ ଅନୁ ॥
ସମନ୍ତତ୍ଥେ ପରିଚ୍ଛେଦେ, ପୂଜା’ଲିଙ୍ଗନ ୱଜ୍ଜନେ ।
ଦୋସକ୍ଖାନେ ନିୱାସନା, ୱଞ୍ଞା’ଧାରେସୁ ଭୋଜନେ ।
ସୋକ ବ୍ୟାପନ ତତ୍ୱେସୁ, ଲକ୍ଖଣାଦୋ ସିୟା ପରି ॥
ଆଭିମୁଖ୍ୟ ୱିସିଟ୍ଠୁ’ଦ୍ଧ, କମ୍ମସାରୁପ୍ପୱୁଦ୍ଧିସୁ ।
ପୂଜା’ଧିକ କୁଲା’ସଚ୍ଚ, ଲକ୍ଖଣାଦିମ୍ହି ଚାପ୍ୟ’ଭି ॥
ଅଧିକି’ସ୍ସର, ପାଠା’ଧି, ଟ୍ଠାନ, ପାପୁଣନେସ୍ୱ’ଧି ।
ନିଚ୍ଛୟେ ଚୋପରିତ୍ତା’ଧି, ଭୱନେ ଚ ୱିସେସନେ ॥
ପଟିଦାନନିସେଧେସୁ, ୱାମା’ଦାନନିୱତ୍ତିସୁ ।
ସାଦିସେ ପଟିନିଧିମ୍ହି, ଆଭିମୁଖ୍ୟଗତୀସୁ ଚ ॥
ପତିବୋଧେ ପତିଗତେ, ତଥା ପୁନକ୍ରିୟାୟ ଚ ।
ସମ୍ଭାୱନେ ପଟିଚ୍ଚତ୍ଥେ, ପତୀତି ଲକ୍ଖଣାଦିକେ ।
ସୁ ସୋଭନେ ସୁଖେ ସମ୍ମା, ଭୁସ ସୁଟ୍ଠୁ ସମିଦ୍ଧିସୁ ॥
ଆଭିମୁଖ୍ୟ, ସମୀପା’ଦି, କମ୍ମା’ଲିଙ୍ଗନ ପତ୍ତିସୁ ।
ମରିୟାଦୁ’ଦ୍ଧକମ୍ମି’ଚ୍ଛା, ବନ୍ଧନା’ଭିୱିଧୀସୁ ଆ ॥
ନିୱାସା’ୱ୍ହାନ ଗହଣ, କିଚ୍ଛେ’ସତ୍ଥ ନିୱତ୍ତିସୁ ।
ଅପ୍ପସାଦା’ସି ସରଣ, ପତିଟ୍ଠା’ୱିମ୍ହୟାଦିସୁ ॥
ଅନ୍ତୋଭାୱ ଭୁସତ୍ତା’ତି, ସୟ ପୂଜାସ୍ୱ’ତିକ୍କମେ ।
ଭୂତଭାୱେ ପସଂସାୟଂ, ଦଳ୍ହତ୍ଥାଦୋ ସିୟା ଅତି ॥
ସମ୍ଭାୱନେ ଚ ଗରହା, ପେକ୍ଖାସୁ ଚ ସମୁଚ୍ଚୟେ ।
ପଞ୍ହେ ସଂୱରଣେ ଚେୱ, ଆସୀସତ୍ଥେ ଅପୀ’ରିତଂ ॥
ନିଦ୍ଦେସେ ୱଜ୍ଜନେ ପୂଜା, ପଗତେ ୱାରଣେପି ଚ ।
ପଦୁସ୍ସନେ ଚ ଗରହା, ଚୋରିକା’ଦୋ ସିୟା ଅପ ॥
ସମୀପପୂଜା ସାଦିସ୍ସ, ଦୋସକ୍ଖାନୋ’ପପତ୍ତିସୁ ।
ଭୁସତ୍ତୋ’ପଗମା’ଧିକ୍ୟ, ପୁବ୍ବକମ୍ମନିୱତ୍ତିସୁ ।
ଗୟ୍ହାକାରୋ’ପରିତ୍ତେସୁ, ଉପେ’ତ୍ୟ [ଉପେତ୍ୟ=ଉପ+ଇତି]’ନସନା’ଦିକେ ॥
ଏୱଂ ନିଦସ୍ସନା’କାରୋ, ପମାସୁ ସମ୍ପହଂସନେ ।
ଉପଦେସେ ଚ ୱଚନ, ପଟିଗ୍ଗାହେ’ୱଧାରଣେ ।
ଗରହାୟେ’ଦମତ୍ଥେ ଚ, ପରିମାନେ ଚ ପୁଚ୍ଛନେ ॥
ସମୁଚ୍ଚୟେ ସମାହାରେ, ନ୍ୱାଚୟେ ଚେ’ତରୀତରେ ।
ପଦପୂରଣମତ୍ତେ ଚ, ଚସଦ୍ଦୋ ଅୱଧାରଣେ ॥
ଇତି ହେତୁପକାରେସୁ, ଆଦିମ୍ହି ଚା’ୱଧାରଣେ ।
ନିଦସ୍ସନେ ପଦତ୍ଥସ୍ସ, ୱିପଲ୍ଲାସେ ସମାପନେ ॥
ସମୁଚ୍ଚୟେ ଚୋ’ପମାୟଂ, ସଂସୟେ ପଦପୂରଣେ ।
ୱୱତ୍ଥିତୱିଭାସାୟଂ, ୱା’ୱସ୍ସଗ୍ଗେ ୱିକପ୍ପନେ ॥
ଭୂସନେ ୱାରଣେ ଚା’ଲଂ, ୱୁଚ୍ଚତେ ପରିୟତ୍ତିୟଂ ।
ଅଥୋ’ଥା’ନନ୍ତରା’ରମ୍ଭ, ପଞ୍ହେସୁ ପଦପୂରଣେ ॥
ପସଂସାଗରହାସଞ୍ଞା, ସୀକାରାଦୋ [ସ୍ୱୀକାର (ଟୀ॰)] ପି ନାମ ଥ ।
ନିଚ୍ଛୟେ ଚା’ନୁମାନସ୍ମିଂ, ସିୟା ନୂନ ୱିତକ୍କନେ ॥
ପୁଚ୍ଛା’ୱଧାରଣା’ନୁଞ୍ଞା, ସାନ୍ତ୍ୱନା’ଲପନେ [ସନ୍ତନାଲପନେ (କ॰)]ନନୁ ।
ୱତେ’କଂସ, ଦୟା, ହାସ, ଖେଦା’ଲପନ, ୱିମ୍ହୟେ ॥
ୱାକ୍ୟାରମ୍ଭ, ୱିସାଦେସୁ, ହନ୍ଦ ହାସେ’ନୁକମ୍ପନେ ।
ୟାୱ ତୁ ତାୱ ସାକଲ୍ୟ, ମାନା’ୱଧ୍ୟ’ୱଧାରଣେ ॥
ପାଚୀ, ପୁର, ଙ୍ଗତୋତ୍ଥେସୁ, ପୁରତ୍ଥା ପଠମେ ପ୍ୟଥ ।
ପବନ୍ଧେ ଚ ଚିରାତୀତେ, ନିକଟାଗାମିକେ ପୁରା ॥
ନିସେଧୱାକ୍ୟାଲଙ୍କାରା, ୱଧାରଣପସିଦ୍ଧିସୁ ।
ଖଲ୍ୱା’ସନ୍ନେ ତୁ ଅଭିତୋ-
ଭିମୁଖୋ’ଭୟତୋଦିକେ ॥
କାମଂ ୟଦ୍ୟପିସଦ୍ଦତ୍ଥେ, ଏକଂସତ୍ଥେ ଚ ଦିସ୍ସତି ।
ଅଥୋ ପନ ୱିସେସସ୍ମିଂ, ତଥେୱ ପଦପୂରଣେ ॥
ହି କାରଣେ ୱିସେସା’ୱ, ଧାରଣେ ପଦପୂରଣେ ।
ତୁ ହେତୁୱଜ୍ଜେ ତତ୍ଥା’ଥ, କୁ ପାପେ’ସତ୍ଥ’କୁଚ୍ଛନେ ॥
ନୁ ସଂସୟେ ଚ ପଞ୍ହେ ଥ, ନାନା’ ନେକତ୍ଥ ୱଜ୍ଜନେ ।
କିଂ ତୁ ପୁଚ୍ଛାଜିଗୁଚ୍ଛାସୁ, କଂ ତୁ ୱାରିମ୍ହି ମୁଦ୍ଧନି ॥
ଅମା ସହସମୀପେ ଥ, ଭେଦେ ଅପ୍ପଠମେ ପୁନ ।
କିରା’ନୁସ୍ସୱା’ରୁଚିସୁ, ଉଦା’ପ୍ୟତ୍ଥେ ୱିକପ୍ପନେ ॥
ପତୀଚୀ ଚରିମେ ପଚ୍ଛା, ସାମି ତ୍ୱଦ୍ଧେ ଜିଗୁଚ୍ଛନେ ।
ପକାସେ ସମ୍ଭୱେ ପାତୁ,
ଅଞ୍ଞୋଞ୍ଞେ ତୁ ରହୋ ମିଥୋ ॥
ହା ଖେଦସୋକଦୁକ୍ଖେସୁ, ଖେଦେ ତ୍ୱ’ହହ ୱିମ୍ହୟେ ।
ଭିଂସାପନେ [ହିଂସାପନେ (ଟୀ॰)]ଧୀ[ଧି (କ॰)] ନିନ୍ଦାୟଂ, ପିଧାନେ ତିରିୟଂ ତିରୋ ॥
ତୁନ ତ୍ୱାନ ତୱେ ତ୍ୱା ତୁଂ, ଧା ସୋ ଥା କ୍ଖତ୍ତୁ, ମେୱ ଚ ।
ତୋ ଥ ତ୍ର ହିଞ୍ଚନଂ ହିଂହଂ, ଧି ହ ହି ଧ ଧୁନା ରହି ॥
ଦାନି ୱୋଦାଚନଂ ଦାଜ୍ଜ, ଥଂ ତତ୍ତଂ ଜ୍ଝ ଜ୍ଜୁ ଆଦୟୋ ।
ସମାସୋ ଚା’ବ୍ୟୟୀଭାୱୋ,
ୟାଦେସୋ ଚା’ବ୍ୟୟଂ ଭୱେତି ॥
ଇତି ଅବ୍ୟୟୱଗ୍ଗୋ ।
ସାମଞ୍ଞକଣ୍ଡୋ ତତିୟୋ ।
ଅଭିଧାନପ୍ପଦୀପିକା ସମତ୍ତା ।
ନିଗମନ
ସଗ୍ଗକଣ୍ଡୋ ଚ ଭୂକଣ୍ଡୋ, ତଥା ସାମଞ୍ଞକଣ୍ଡିତି ।
କଣ୍ଡତ୍ତୟାନ୍ୱିତା ଏସା, ଅଭିଧାନପ୍ପଦୀପିକା ॥
ତିଦିୱେ ମହିୟଂ ଭୁଜଗାୱସଥେ,
ସକଲତ୍ଥସମୱ୍ହୟଦୀପନି’ୟଂ ।
ଇହ ୟୋ କୁସଲୋ ମତିମା ସ ନରୋ,
ପଟୁ ହୋତି ମହାମୁନିନୋ ୱଚନେ ॥
ପରକ୍କମଭୁଜୋ ନାମ, ଭୂପାଲୋ ଗୁଣଭୂସନୋ ।
ଲଙ୍କାୟ ମାସି ତେଜସ୍ସୀ, ଜୟୀ କେସରିୱିକ୍କମୋ ॥
ୱିଭିନ୍ନଂ ଚିରଂ ଭିକ୍ଖୁସଙ୍ଘଂ ନିକାୟ-
ତ୍ତୟସ୍ମିଞ୍ଚ କାରେସି ସମ୍ମା ସମଗ୍ଗେ ।
ସଦେହଂ’ୱ ନିଚ୍ଚାଦରୋ ଦୀଘକାଲଂ,
ମହଗ୍ଘେହି ରକ୍ଖେସି ୟୋ ପଚ୍ଚୟେହି ॥
ୟେନ ଲଙ୍କା ୱିହାରେହି, ଗାମା’ରାମପୁରୀହି ଚ ।
କିତ୍ତିୟା ୱିୟ ସମ୍ବାଧୀ, କତା ଖେତ୍ତେହି ୱାପିହି ॥
ୟସ୍ସା’ସାଧାରଣଂ ପତ୍ୱା, ନୁଗ୍ଗହଂ ସବ୍ବକାମଦଂ ।
ଅହମ୍ପି ଗନ୍ଥକାରତ୍ତଂ, ପତ୍ତୋ ୱିବୁଧଗୋଚରଂ ॥
କାରିତେ ତେନ ପାସାଦ, ଗୋପୁରାଦିୱିଭୂସିତେ ।
ସଗ୍ଗଖଣ୍ଡେ’ୱ ତତ୍ତୋୟା, ସୟସ୍ମିଂ ପତିବିମ୍ବିତେ ॥
ମହାଜେତୱନା’ଖ୍ୟମ୍ହି, ୱିହାରେ ସାଧୁସମ୍ମତେ ।
ସରୋଗାମସମୂହମ୍ହି, ୱସତା ସନ୍ତୱୁତ୍ତିନା ॥
ସଦ୍ଧମ୍ମଟ୍ଠିତିକାମେନ, ମୋଗ୍ଗଲ୍ଲାନେନ ଧୀମତା ।
ଥେରେନ ରଚିତା ଏସା, ଅଭିଧାନପ୍ପଦୀପିକାତି ॥