ଧାତୁକଥା

॥ ନମୋ ତସ୍ସ ଭଗୱତୋ ଅରହତୋ ସମ୍ମାସମ୍ବୁଦ୍ଧସ୍ସ॥

ଅଭିଧମ୍ମପିଟକେ

ଧାତୁକଥା

ଉଦ୍ଦେସୋ

୧. ନୟମାତିକା

୧ . (୧) ସଙ୍ଗହୋ ଅସଙ୍ଗହୋ (୨) ସଙ୍ଗହିତେନ ଅସଙ୍ଗହିତଂ (୩) ଅସଙ୍ଗହିତେନ ସଙ୍ଗହିତଂ (୪) ସଙ୍ଗହିତେନ ସଙ୍ଗହିତଂ (୫) ଅସଙ୍ଗହିତେନ ଅସଙ୍ଗହିତଂ (୬) ସମ୍ପୟୋଗୋ ୱିପ୍ପୟୋଗୋ (୭)ସମ୍ପୟୁତ୍ତେନ ୱିପ୍ପୟୁତ୍ତଂ (୮) ୱିପ୍ପୟୁତ୍ତେନ ସମ୍ପୟୁତ୍ତଂ (୯) ସମ୍ପୟୁତ୍ତେନ ସମ୍ପୟୁତ୍ତଂ (୧୦)ୱିପ୍ପୟୁତ୍ତେନ ୱିପ୍ପୟୁତ୍ତଂ (୧୧) ସଙ୍ଗହିତେନ ସମ୍ପୟୁତ୍ତଂ ୱିପ୍ପୟୁତ୍ତଂ (୧୨) ସମ୍ପୟୁତ୍ତେନ ସଙ୍ଗହିତଂ ଅସଙ୍ଗହିତଂ (୧୩) ଅସଙ୍ଗହିତେନ ସମ୍ପୟୁତ୍ତଂ ୱିପ୍ପୟୁତ୍ତଂ (୧୪) ୱିପ୍ପୟୁତ୍ତେନ ସଙ୍ଗହିତଂ ଅସଙ୍ଗହିତଂ।

୨. ଅବ୍ଭନ୍ତରମାତିକା

୨ . (୧) ପଞ୍ଚକ୍ଖନ୍ଧା (୨) ଦ୍ୱାଦସାୟତନାନି (୩) ଅଟ୍ଠାରସ ଧାତୁୟୋ (୪) ଚତ୍ତାରି ସଚ୍ଚାନି (୫) ବାୱୀସତିନ୍ଦ୍ରିୟାନି (୬) ପଟିଚ୍ଚସମୁପ୍ପାଦୋ (୭) ଚତ୍ତାରୋ ସତିପଟ୍ଠାନା (୮)ଚତ୍ତାରୋ ସମ୍ମପ୍ପଧାନା (୯) ଚତ୍ତାରୋ ଇଦ୍ଧିପାଦା (୧୦) ଚତ୍ତାରି ଝାନାନି (୧୧) ଚତସ୍ସୋ ଅପ୍ପମଞ୍ଞାୟୋ (୧୨) ପଞ୍ଚିନ୍ଦ୍ରିୟାନି (୧୩) ପଞ୍ଚ ବଲାନି (୧୪) ସତ୍ତ ବୋଜ୍ଝଙ୍ଗା (୧୫)ଅରିୟୋ ଅଟ୍ଠଙ୍ଗିକୋ ମଗ୍ଗୋ (୧୬) ଫସ୍ସୋ ୱେଦନା ସଞ୍ଞା ଚେତନା ଚିତ୍ତଂ ଅଧିମୋକ୍ଖୋ ମନସିକାରୋ।

୩. ନୟମୁଖମାତିକା

୩ . ତୀହି ସଙ୍ଗହୋ, ତୀହି ଅସଙ୍ଗହୋ, ଚତୂହି ସମ୍ପୟୋଗୋ, ଚତୂହି ୱିପ୍ପୟୋଗୋ।

୪. ଲକ୍ଖଣମାତିକା

୪ . ସଭାଗୋ, ୱିସଭାଗୋ।

୫. ବାହିରମାତିକା

୫ . ସବ୍ବାପି ଧମ୍ମସଙ୍ଗଣୀ ଧାତୁକଥାୟ ମାତିକାତି।

୧. ପଠମନୟୋ

୧. ସଙ୍ଗହାସଙ୍ଗହପଦନିଦ୍ଦେସୋ

୧. ଖନ୍ଧୋ

୬ . ରୂପକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତୋ? ରୂପକ୍ଖନ୍ଧୋ ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତୋ।

୭ . ୱେଦନାକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତୋ? ୱେଦନାକ୍ଖନ୍ଧୋ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତୋ।

୮ . ସଞ୍ଞାକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତୋ? ସଞ୍ଞାକ୍ଖନ୍ଧୋ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତୋ।

୯ . ସଙ୍ଖାରକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତୋ? ସଙ୍ଖାରକ୍ଖନ୍ଧୋ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତୋ।

୧୦ . ୱିଞ୍ଞାଣକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତୋ? ୱିଞ୍ଞାଣକ୍ଖନ୍ଧୋ ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତୋ।

(ଏକମୂଲକଂ।)

୧୧ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ଦ୍ୱୀହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୨ . ରୂପକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ…ପେ॰… ଦ୍ୱୀହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୩ . ରୂପକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ…ପେ॰… ଦ୍ୱୀହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୪ . ରୂପକ୍ଖନ୍ଧୋ ଚ ୱିଞ୍ଞାଣକ୍ଖନ୍ଧୋ ଚ…ପେ॰… ଦ୍ୱୀହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି, ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ଦୁକମୂଲକଂ।)

୧୫ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ତୀହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୬ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ…ପେ॰… ତୀହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୭ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ୱିଞ୍ଞାଣକ୍ଖନ୍ଧୋ ଚ…ପେ॰… ତୀହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି, ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ତିକମୂଲକଂ।)

୧୮ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୯ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ୱିଞ୍ଞାଣକ୍ଖନ୍ଧୋ ଚ…ପେ॰… ଚତୂହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ, ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ଚତୁକ୍କମୂଲକଂ।)

୨୦ . ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ ୱିଞ୍ଞାଣକ୍ଖନ୍ଧୋ ଚ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ରୂପକ୍ଖନ୍ଧୋ ଚ ୱେଦନାକ୍ଖନ୍ଧୋ ଚ ସଞ୍ଞାକ୍ଖନ୍ଧୋ ଚ ସଙ୍ଖାରକ୍ଖନ୍ଧୋ ଚ ୱିଞ୍ଞାଣକ୍ଖନ୍ଧୋ ଚ ପଞ୍ଚହି ଖନ୍ଧେହି ଦ୍ୱାଦସାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୨୧ . ପଞ୍ଚକ୍ଖନ୍ଧା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ପଞ୍ଚକ୍ଖନ୍ଧା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ପଞ୍ଚକଂ।)

୨. ଆୟତନଂ

୨୨ . ଚକ୍ଖାୟତନଂ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତଂ? ଚକ୍ଖାୟତନଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୨୩ . ସୋତାୟତନଂ … ଘାନାୟତନଂ… ଜିୱ୍ହାୟତନଂ… କାୟାୟତନଂ… ରୂପାୟତନଂ… ସଦ୍ଦାୟତନଂ… ଗନ୍ଧାୟତନଂ… ରସାୟତନଂ… ଫୋଟ୍ଠବ୍ବାୟତନଂ…ପେ॰… ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୨୪ . ମନାୟତନଂ ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତଂ।

୨୫ . ଧମ୍ମାୟତନଂ ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଏକେନ ଖନ୍ଧେନ ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

(ଏକମୂଲକଂ।)

୨୬ . ଚକ୍ଖାୟତନଞ୍ଚ ସୋତାୟତନଞ୍ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୨୭ . ଚକ୍ଖାୟତନଞ୍ଚ ଘାନାୟତନଞ୍ଚ… ଚକ୍ଖାୟତନଞ୍ଚ ଜିୱ୍ହାୟତନଞ୍ଚ… ଚକ୍ଖାୟତନଞ୍ଚ କାୟାୟତନଞ୍ଚ… ଚକ୍ଖାୟତନଞ୍ଚ ରୂପାୟତନଞ୍ଚ… ଚକ୍ଖାୟତନଞ୍ଚ ସଦ୍ଦାୟତନଞ୍ଚ… ଚକ୍ଖାୟତନଞ୍ଚ ଗନ୍ଧାୟତନଞ୍ଚ… ଚକ୍ଖାୟତନଞ୍ଚ ରସାୟତନଞ୍ଚ… ଚକ୍ଖାୟତନଞ୍ଚ ଫୋଟ୍ଠବ୍ବାୟତନଞ୍ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୨୮ . ଚକ୍ଖାୟତନଞ୍ଚ ମନାୟତନଞ୍ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ଦସହି ଧାତୂହି ଅସଙ୍ଗହିତା।

୨୯ . ଚକ୍ଖାୟତନଞ୍ଚ ଧମ୍ମାୟତନଞ୍ଚ ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

(ଦୁକମୂଲକଂ।)

୩୦ . ଦ୍ୱାଦସାୟତନାନି କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ଦ୍ୱାଦସାୟତନାନି ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ଦ୍ୱାଦସକଂ।)

୩. ଧାତୁ

୩୧ . ଚକ୍ଖୁଧାତୁ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ଚକ୍ଖୁଧାତୁ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୩୨ . ସୋତଧାତୁ… ଘାନଧାତୁ… ଜିୱ୍ହାଧାତୁ… କାୟଧାତୁ… ରୂପଧାତୁ… ସଦ୍ଦଧାତୁ… ଗନ୍ଧଧାତୁ… ରସଧାତୁ… ଫୋଟ୍ଠବ୍ବଧାତୁ… ଚକ୍ଖୁୱିଞ୍ଞାଣଧାତୁ… ସୋତୱିଞ୍ଞାଣଧାତୁ… ଘାନୱିଞ୍ଞାଣଧାତୁ… ଜିୱ୍ହାୱିଞ୍ଞାଣଧାତୁ… କାୟୱିଞ୍ଞାଣଧାତୁ… ମନୋଧାତୁ… ମନୋୱିଞ୍ଞାଣଧାତୁ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୩୩ . ଧମ୍ମଧାତୁ ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

(ଏକମୂଲକଂ।)

୩୪ . ଚକ୍ଖୁଧାତୁ ଚ ସୋତଧାତୁ ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୩୫ . ଚକ୍ଖୁଧାତୁ ଚ ଘାନଧାତୁ ଚ… ଚକ୍ଖୁଧାତୁ ଚ ଜିୱ୍ହାଧାତୁ ଚ… ଚକ୍ଖୁଧାତୁ ଚ କାୟଧାତୁ ଚ… ଚକ୍ଖୁଧାତୁ ଚ ରୂପଧାତୁ ଚ… ଚକ୍ଖୁଧାତୁ ଚ ସଦ୍ଦଧାତୁ ଚ… ଚକ୍ଖୁଧାତୁ ଚ ଗନ୍ଧଧାତୁ ଚ… ଚକ୍ଖୁଧାତୁ ଚ ରସଧାତୁ ଚ… ଚକ୍ଖୁଧାତୁ ଚ ଫୋଟ୍ଠବ୍ବଧାତୁ ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୩୬ . ଚକ୍ଖୁଧାତୁ ଚ ଚକ୍ଖୁୱିଞ୍ଞାଣଧାତୁ ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୩୭ . ଚକ୍ଖୁଧାତୁ ଚ ସୋତୱିଞ୍ଞାଣଧାତୁ ଚ… ଚକ୍ଖୁଧାତୁ ଚ ଘାନୱିଞ୍ଞାଣଧାତୁ ଚ… ଚକ୍ଖୁଧାତୁ ଚ ଜିୱ୍ହାୱିଞ୍ଞାଣଧାତୁ ଚ… ଚକ୍ଖୁଧାତୁ ଚ କାୟୱିଞ୍ଞାଣଧାତୁ ଚ… ଚକ୍ଖୁଧାତୁ ଚ ମନୋଧାତୁ ଚ… ଚକ୍ଖୁଧାତୁ ଚ ମନୋୱିଞ୍ଞାଣଧାତୁ ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୩୮ . ଚକ୍ଖୁଧାତୁ ଚ ଧମ୍ମଧାତୁ ଚ ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

(ଦୁକମୂଲକଂ।)

୩୯ . ଅଟ୍ଠାରସ ଧାତୁୟୋ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ଅଟ୍ଠାରସ ଧାତୁୟୋ ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ଅଟ୍ଠାରସକଂ।)

୪. ସଚ୍ଚଂ

୪୦ . ଦୁକ୍ଖସଚ୍ଚଂ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତଂ? ଦୁକ୍ଖସଚ୍ଚଂ ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତଂ।

୪୧ . ସମୁଦୟସଚ୍ଚଂ … ମଗ୍ଗସଚ୍ଚଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୪୨ . ନିରୋଧସଚ୍ଚଂ ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

(ଏକମୂଲକଂ।)

୪୩ . ଦୁକ୍ଖସଚ୍ଚଞ୍ଚ ସମୁଦୟସଚ୍ଚଞ୍ଚ ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୪ . ଦୁକ୍ଖସଚ୍ଚଞ୍ଚ ମଗ୍ଗସଚ୍ଚଞ୍ଚ ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୫ . ଦୁକ୍ଖସଚ୍ଚଞ୍ଚ ନିରୋଧସଚ୍ଚଞ୍ଚ ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ଦୁକମୂଲକଂ।)

୪୬ . ଦୁକ୍ଖସଚ୍ଚଞ୍ଚ ସମୁଦୟସଚ୍ଚଞ୍ଚ ମଗ୍ଗସଚ୍ଚଞ୍ଚ ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୭ . ଦୁକ୍ଖସଚ୍ଚଞ୍ଚ ସମୁଦୟସଚ୍ଚଞ୍ଚ ନିରୋଧସଚ୍ଚଞ୍ଚ ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

(ତିକମୂଲକଂ।)

୪୮ . ଦୁକ୍ଖସଚ୍ଚଞ୍ଚ ସମୁଦୟସଚ୍ଚଞ୍ଚ ମଗ୍ଗସଚ୍ଚଞ୍ଚ ନିରୋଧସଚ୍ଚଞ୍ଚ ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୯ . ଚତ୍ତାରି ସଚ୍ଚାନି କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତାନି? ଚତ୍ତାରି ସଚ୍ଚାନି ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତାନି। କତିହି ଅସଙ୍ଗହିତାନି? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତାନି।

(ଚତୁକ୍କଂ।)

୫. ଇନ୍ଦ୍ରିୟଂ

୫୦ . ଚକ୍ଖୁନ୍ଦ୍ରିୟଂ କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତଂ? ଚକ୍ଖୁନ୍ଦ୍ରିୟଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୫୧ . ସୋତିନ୍ଦ୍ରିୟଂ… ଘାନିନ୍ଦ୍ରିୟଂ… ଜିୱ୍ହିନ୍ଦ୍ରିୟଂ… କାୟିନ୍ଦ୍ରିୟଂ… ଇତ୍ଥିନ୍ଦ୍ରିୟଂ … ପୁରିସିନ୍ଦ୍ରିୟଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୫୨ . ମନିନ୍ଦ୍ରିୟଂ ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତଂ।

୫୩ . ଜୀୱିତିନ୍ଦ୍ରିୟଂ ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ତୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୫୪ . ସୁଖିନ୍ଦ୍ରିୟଂ … ଦୁକ୍ଖିନ୍ଦ୍ରିୟଂ… ସୋମନସ୍ସିନ୍ଦ୍ରିୟଂ… ଦୋମନସ୍ସିନ୍ଦ୍ରିୟଂ… ଉପେକ୍ଖିନ୍ଦ୍ରିୟଂ… ସଦ୍ଧିନ୍ଦ୍ରିୟଂ… ୱୀରିୟିନ୍ଦ୍ରିୟଂ… ସତିନ୍ଦ୍ରିୟଂ… ସମାଧିନ୍ଦ୍ରିୟଂ… ପଞ୍ଞିନ୍ଦ୍ରିୟଂ… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟଂ… ଅଞ୍ଞିନ୍ଦ୍ରିୟଂ… ଅଞ୍ଞାତାୱିନ୍ଦ୍ରିୟଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

(ଏକମୂଲକଂ।)

୫୫ . ଚକ୍ଖୁନ୍ଦ୍ରିୟଞ୍ଚ ସୋତିନ୍ଦ୍ରିୟଞ୍ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୬ . ଚକ୍ଖୁନ୍ଦ୍ରିୟଞ୍ଚ ଘାନିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଜିୱ୍ହିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ କାୟିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଇତ୍ଥିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ପୁରିସିନ୍ଦ୍ରିୟଞ୍ଚ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୭ . ଚକ୍ଖୁନ୍ଦ୍ରିୟଞ୍ଚ ମନିନ୍ଦ୍ରିୟଞ୍ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ଦସହି ଧାତୂହି ଅସଙ୍ଗହିତା।

୫୮ . ଚକ୍ଖୁନ୍ଦ୍ରିୟଞ୍ଚ ଜୀୱିତିନ୍ଦ୍ରିୟଞ୍ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୯ . ଚକ୍ଖୁନ୍ଦ୍ରିୟଞ୍ଚ ସୁଖିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଦୁକ୍ଖିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ସୋମନସ୍ସିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଦୋମନସ୍ସିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଉପେକ୍ଖିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ସଦ୍ଧିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ୱୀରିୟିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ସତିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ସମାଧିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ପଞ୍ଞିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଅନଞ୍ଞାତଞ୍ଞସ୍ସାମୀତିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଅଞ୍ଞିନ୍ଦ୍ରିୟଞ୍ଚ… ଚକ୍ଖୁନ୍ଦ୍ରିୟଞ୍ଚ ଅଞ୍ଞାତାୱିନ୍ଦ୍ରିୟଞ୍ଚ ଦ୍ୱୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

(ଦୁକମୂଲକଂ।)

୬୦ . ବାୱୀସତିନ୍ଦ୍ରିୟାନି କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତାନି? ବାୱୀସତିନ୍ଦ୍ରିୟାନି ଚତୂହି ଖନ୍ଧେହି ସତ୍ତହାୟତନେହି ତେରସହି ଧାତୂହି ସଙ୍ଗହିତାନି। କତିହି ଅସଙ୍ଗହିତାନି? ଏକେନ ଖନ୍ଧେନ ପଞ୍ଚହାୟତନେହି ପଞ୍ଚହି ଧାତୂହି ଅସଙ୍ଗହିତାନି।

୬. ପଟିଚ୍ଚସମୁପ୍ପାଦାଦି

୬୧ . ଅୱିଜ୍ଜା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୬୨ . ଅୱିଜ୍ଜାପଚ୍ଚୟା ସଙ୍ଖାରା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୬୩ . ସଙ୍ଖାରପଚ୍ଚୟା ୱିଞ୍ଞାଣଂ ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତଂ।

୬୪ . ୱିଞ୍ଞାଣପଚ୍ଚୟା ନାମରୂପଂ ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତଂ।

୬୫ . ନାମରୂପପଚ୍ଚୟା ସଳାୟତନଂ ଦ୍ୱୀହି ଖନ୍ଧେହି ଛହାୟତନେହି ଦ୍ୱାଦସହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ତୀହି ଖନ୍ଧେହି ଛହାୟତନେହି ଛହି ଧାତୂହି ଅସଙ୍ଗହିତଂ।

୬୬ . ସଳାୟତନପଚ୍ଚୟା ଫସ୍ସୋ… ଫସ୍ସପଚ୍ଚୟା ୱେଦନା… ୱେଦନାପଚ୍ଚୟା ତଣ୍ହା… ତଣ୍ହାପଚ୍ଚୟା ଉପାଦାନଂ… କମ୍ମଭୱୋ [ଉପାଦାନପଚ୍ଚୟା କମ୍ମଭୱୋ (ସୀ॰ ସ୍ୟା॰)] ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତୋ।

୬୭ . ଉପପତ୍ତିଭୱୋ … କାମଭୱୋ… ସଞ୍ଞାଭୱୋ… ପଞ୍ଚୱୋକାରଭୱୋ ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତୋ।

୬୮ . ରୂପଭୱୋ ପଞ୍ଚହି ଖନ୍ଧେହି ପଞ୍ଚହାୟତନେହି ଅଟ୍ଠହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ନ କେହିଚି ଖନ୍ଧେହି ସତ୍ତହାୟତନେହି ଦସହି ଧାତୂହି ଅସଙ୍ଗହିତୋ।

୬୯ . ଅରୂପଭୱୋ… ନେୱସଞ୍ଞାନାସଞ୍ଞାଭୱୋ… ଚତୁୱୋକାରଭୱୋ ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତୋ।

୭୦ . ଅସଞ୍ଞାଭୱୋ… ଏକୱୋକାରଭୱୋ ଏକେନ ଖନ୍ଧେନ ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତୋ।

୭୧ . ଜାତି ଦ୍ୱୀହି ଖନ୍ଧେହି… ଜରା ଦ୍ୱୀହି ଖନ୍ଧେହି… ମରଣଂ ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ତୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୭୨ . ସୋକୋ… ପରିଦେୱୋ… ଦୁକ୍ଖଂ… ଦୋମନସ୍ସଂ… ଉପାୟାସୋ… ସତିପଟ୍ଠାନଂ… ସମ୍ମପ୍ପଧାନଂ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୭୩ . ଇଦ୍ଧିପାଦୋ ଦ୍ୱୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତୋ। କତିହି ଅସଙ୍ଗହିତୋ? ତୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତୋ।

୭୪ . ଝାନଂ ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତଂ। କତିହି ଅସଙ୍ଗହିତଂ? ତୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତଂ।

୭୫ . ଅପ୍ପମଞ୍ଞା … ପଞ୍ଚିନ୍ଦ୍ରିୟାନି… ପଞ୍ଚ ବଲାନି… ସତ୍ତ ବୋଜ୍ଝଙ୍ଗା… ଅରିୟୋ ଅଟ୍ଠଙ୍ଗିକୋ ମଗ୍ଗୋ… ଫସ୍ସୋ… ୱେଦନା… ସଞ୍ଞା… ଚେତନା… ଅଧିମୋକ୍ଖୋ… ମନସିକାରୋ ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତୋ। କତିହି ଅସଙ୍ଗହିତୋ? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତୋ।

୭୬ . ଚିତ୍ତଂ ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତଂ। କତିହି ଅସଙ୍ଗହିତଂ? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତଂ।

୭. ତିକଂ

୭୭ . କୁସଲା ଧମ୍ମା… ଅକୁସଲା ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? କୁସଲା ଧମ୍ମା… ଅକୁସଲା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୭୮ . ଅବ୍ୟାକତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୭୯ . ସୁଖାୟ ୱେଦନାୟ ସମ୍ପୟୁତ୍ତା ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୮୦ . ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୮୧ . ୱିପାକା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୮୨ . ୱିପାକଧମ୍ମଧମ୍ମା… ସଂକିଲିଟ୍ଠସଂକିଲେସିକା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୮୩ . ନେୱୱିପାକନୱିପାକଧମ୍ମଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା ? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୮୪ . ଉପାଦିନ୍ନୁପାଦାନିୟା ଧମ୍ମା ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୮୫ . ଅନୁପାଦିନ୍ନୁପାଦାନିୟା ଧମ୍ମା ପଞ୍ଚହି ଖନ୍ଧେହି ସତ୍ତହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ପଞ୍ଚହାୟତନେହି ଦସହି ଧାତୂହି ଅସଙ୍ଗହିତା।

୮୬ . ଅନୁପାଦିନ୍ନଅନୁପାଦାନିୟା ଧମ୍ମା… ଅସଂକିଲିଟ୍ଠଅସଂକିଲେସିକା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୮୭ . ଅସଂକିଲିଟ୍ଠସଂକିଲେସିକା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୮୮ . ସୱିତକ୍କସୱିଚାରା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୮୯ . ଅୱିତକ୍କୱିଚାରମତ୍ତା ଧମ୍ମା… ପୀତିସହଗତା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୯୦ . ଅୱିତକ୍କଅୱିଚାରା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ଅସଙ୍ଗହିତା।

୯୧ . ସୁଖସହଗତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୯୨ . ଉପେକ୍ଖାସହଗତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୯୩ . ଦସ୍ସନେନ ପହାତବ୍ବା ଧମ୍ମା… ଭାୱନାୟ ପହାତବ୍ବା ଧମ୍ମା… ଦସ୍ସନେନ ପହାତବ୍ବହେତୁକା ଧମ୍ମା… ଭାୱନାୟ ପହାତବ୍ବହେତୁକା ଧମ୍ମା… ଆଚୟଗାମିନୋ ଧମ୍ମା… ଅପଚୟଗାମିନୋ ଧମ୍ମା… ସେକ୍ଖା ଧମ୍ମା… ଅସେକ୍ଖା ଧମ୍ମା… ମହଗ୍ଗତା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୯୪ . ନେୱ ଦସ୍ସନେନ ନ ଭାୱନାୟ ପହାତବ୍ବା ଧମ୍ମା… ନେୱ ଦସ୍ସନେନ ନ ଭାୱନାୟ ପହାତବ୍ବହେତୁକା ଧମ୍ମା… ନେୱାଚୟଗାମିନାପଚୟଗାମିନୋ ଧମ୍ମା… ନେୱସେକ୍ଖନାସେକ୍ଖା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୯୫ . ପରିତ୍ତା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୯୬ . ଅପ୍ପମାଣା ଧମ୍ମା… ପଣୀତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୯୭ . ପରିତ୍ତାରମ୍ମଣା [ପରିତ୍ତାରମଣା (?)] ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୯୮ . ମହଗ୍ଗତାରମ୍ମଣା ଧମ୍ମା… ଅପ୍ପମାଣାରମ୍ମଣା ଧମ୍ମା… ହୀନା ଧମ୍ମା… ମିଚ୍ଛତ୍ତନିୟତା ଧମ୍ମା… ସମ୍ମତ୍ତନିୟତା ଧମ୍ମା… ମଗ୍ଗାରମ୍ମଣା ଧମ୍ମା… ମଗ୍ଗହେତୁକା ଧମ୍ମା… ମଗ୍ଗାଧିପତିନୋ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୯୯ . ମଜ୍ଝିମା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୦୦ . ଅନିୟତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୦୧ . ଉପ୍ପନ୍ନା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୦୨ . ଅନୁପ୍ପନ୍ନା ଧମ୍ମା ପଞ୍ଚହି ଖନ୍ଧେହି ସତ୍ତହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ପଞ୍ଚହାୟତନେହି ଦସହି ଧାତୂହି ଅସଙ୍ଗହିତା।

୧୦୩ . ଉପ୍ପାଦିନୋ ଧମ୍ମା ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୧୦୪ . ଅତୀତା ଧମ୍ମା… ଅନାଗତା ଧମ୍ମା… ପଚ୍ଚୁପ୍ପନ୍ନା ଧମ୍ମା… ଅଜ୍ଝତ୍ତା ଧମ୍ମା… ଅଜ୍ଝତ୍ତବହିଦ୍ଧା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୦୫ . ବହିଦ୍ଧା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୦୬ . ଅତୀତାରମ୍ମଣା ଧମ୍ମା… ଅନାଗତାରମ୍ମଣା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୦୭ . ପଚ୍ଚୁପ୍ପନ୍ନାରମ୍ମଣା ଧମ୍ମା… ଅଜ୍ଝତ୍ତାରମ୍ମଣା ଧମ୍ମା… ବହିଦ୍ଧାରମ୍ମଣା ଧମ୍ମା… ଅଜ୍ଝତ୍ତବହିଦ୍ଧାରମ୍ମଣା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୧୦୮ . ସନିଦସ୍ସନସପ୍ପଟିଘା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା । କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୦୯ . ଅନିଦସ୍ସନସପ୍ପଟିଘା ଧମ୍ମା ଏକେନ ଖନ୍ଧେନ ନୱହାୟତନେହି ନୱହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ତୀହାୟତନେହି ନୱହି ଧାତୂହି ଅସଙ୍ଗହିତା।

୧୧୦ . ଅନିଦସ୍ସନଅପ୍ପଟିଘା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି, ଦସହାୟତନେହି ଦସହି ଧାତୂହି ଅସଙ୍ଗହିତା।

୮. ଦୁକଂ

୧୧୧ . ହେତୂ ଧମ୍ମା… ହେତୂ ଚେୱ ସହେତୁକା ଚ ଧମ୍ମା… ହେତୂ ଚେୱ ହେତୁସମ୍ପୟୁତ୍ତା ଚ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୧୨ . ନ ହେତୂ ଧମ୍ମା… ଅହେତୁକା ଧମ୍ମା… ହେତୁୱିପ୍ପୟୁତ୍ତା ଧମ୍ମା… ନ ହେତୂ ଅହେତୁକା [ନ ହେତୂ ଅହେତୁକା (ସ୍ୟା॰ କ॰) ୱିଭ॰ ଦୁକପଞ୍ହାପୁଚ୍ଛକେପି] ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୧୩ . ସହେତୁକା ଧମ୍ମା… ହେତୁସମ୍ପୟୁତ୍ତା ଧମ୍ମା… ସହେତୁକା ଚେୱ ନ ଚ ହେତୂ ଧମ୍ମା… ହେତୁସମ୍ପୟୁତ୍ତା ଚେୱ ନ ଚ ହେତୂ ଧମ୍ମା… ନ ହେତୂ ସହେତୁକା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୧୪ . ସପ୍ପଚ୍ଚୟା ଧମ୍ମା… ସଙ୍ଖତା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୧୫ . ଅପ୍ପଚ୍ଚୟା ଧମ୍ମା… ଅସଙ୍ଖତା ଧମ୍ମା ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୧୬ . ସନିଦସ୍ସନା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୧୭ . ଅନିଦସ୍ସନା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି, ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୧୧୮ . ସପ୍ପଟିଘା ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୧୯ . ଅପ୍ପଟିଘା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି, ଦସହାୟତନେହି ଦସହି ଧାତୂହି ଅସଙ୍ଗହିତା।

୧୨୦ . ରୂପିନୋ ଧମ୍ମା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୨୧ . ଅରୂପିନୋ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୧୨୨ . ଲୋକିୟା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୨୩ . ଲୋକୁତ୍ତରା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୨୪ . କେନଚି ୱିଞ୍ଞେୟ୍ୟା ଧମ୍ମା… କେନଚି ନ ୱିଞ୍ଞେୟ୍ୟା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୨୫ . ଆସୱା ଧମ୍ମା… ଆସୱା ଚେୱ ସାସୱା ଚ ଧମ୍ମା… ଆସୱା ଚେୱ ଆସୱସମ୍ପୟୁତ୍ତା ଚ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୨୬ . ନୋ ଆସୱା ଧମ୍ମା… ଆସୱୱିପ୍ପୟୁତ୍ତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୨୭ . ସାସୱା ଧମ୍ମା… ସାସୱା ଚେୱ ନୋ ଚ ଆସୱା ଧମ୍ମା… ଆସୱୱିପ୍ପୟୁତ୍ତା ସାସୱା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୨୮ . ଅନାସୱା ଧମ୍ମା… ଆସୱୱିପ୍ପୟୁତ୍ତା ଅନାସୱା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୨୯ . ଆସୱସମ୍ପୟୁତ୍ତା ଧମ୍ମା… ଆସୱସମ୍ପୟୁତ୍ତା ଚେୱ ନୋ ଚ ଆସୱା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୩୦ . ସଂୟୋଜନା ଧମ୍ମା… ଗନ୍ଥା ଧମ୍ମା… ଓଘା ଧମ୍ମା… ୟୋଗା ଧମ୍ମା… ନୀୱରଣା ଧମ୍ମା… ପରାମାସା ଧମ୍ମା… ପରାମାସା ଚେୱ ପରାମଟ୍ଠା ଚ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୩୧ . ନୋ ପରାମାସା ଧମ୍ମା… ପରାମାସୱିପ୍ପୟୁତ୍ତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା । କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୩୨ . ପରାମଟ୍ଠା ଧମ୍ମା… ପରାମଟ୍ଠା ଚେୱ ନୋ ଚ ପରାମାସା ଧମ୍ମା… ପରାମାସୱିପ୍ପୟୁତ୍ତା ପରାମଟ୍ଠା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୩୩ . ଅପରାମଟ୍ଠା ଧମ୍ମା… ପରାମାସୱିପ୍ପୟୁତ୍ତା ଅପରାମଟ୍ଠା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୩୪ . ପରାମାସସମ୍ପୟୁତ୍ତା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୩୫ . ସାରମ୍ମଣା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୧୩୬ . ଅନାରମ୍ମଣା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୩୭ . ଚିତ୍ତା ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୧୩୮ . ନୋ ଚିତ୍ତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୩୯ . ଚେତସିକା ଧମ୍ମା… ଚିତ୍ତସମ୍ପୟୁତ୍ତା ଧମ୍ମା… ଚିତ୍ତସଂସଟ୍ଠା ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୪୦ . ଅଚେତସିକା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଦ୍ୱୀହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୪୧ . ଚିତ୍ତୱିପ୍ପୟୁତ୍ତା ଧମ୍ମା… ଚିତ୍ତୱିସଂସଟ୍ଠା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୪୨ . ଚିତ୍ତସମୁଟ୍ଠାନା ଧମ୍ମା ଚତୂହି ଖନ୍ଧେହି ଛହାୟତନେହି ଛହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଛହାୟତନେହି ଦ୍ୱାଦସହି ଧାତୂହି ଅସଙ୍ଗହିତା।

୧୪୩ . ନୋ ଚିତ୍ତସମୁଟ୍ଠାନା ଧମ୍ମା… ନୋ ଚିତ୍ତସହଭୁନୋ ଧମ୍ମା… ନୋ ଚିତ୍ତାନୁପରିୱତ୍ତିନୋ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଦ୍ୱୀହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୪୪ . ଚିତ୍ତସହଭୁନୋ ଧମ୍ମା… ଚିତ୍ତାନୁପରିୱତ୍ତିନୋ ଧମ୍ମା ଚତୂହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୪୫ . ଚିତ୍ତସଂସଟ୍ଠସମୁଟ୍ଠାନା ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୁନୋ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତିନୋ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୪୬ . ନୋ ଚିତ୍ତସଂସଟ୍ଠସମୁଟ୍ଠାନା ଧମ୍ମା… ନୋ ଚିତ୍ତସଂସଟ୍ଠସମୁଟ୍ଠାନସହଭୁନୋ ଧମ୍ମା… ନୋ ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତିନୋ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଦ୍ୱୀହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୪୭ . ଅଜ୍ଝତ୍ତିକା ଧମ୍ମା ଦ୍ୱୀହି ଖନ୍ଧେହି ଛହାୟତନେହି ଦ୍ୱାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ତୀହି ଖନ୍ଧେହି ଛହାୟତନେହି ଛହି ଧାତୂହି ଅସଙ୍ଗହିତା।

୧୪୮ . ବାହିରା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଛହାୟତନେହି ଛହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଛହାୟତନେହି ଦ୍ୱାଦସହି ଧାତୂହି ଅସଙ୍ଗହିତା।

୧୪୯ . ଉପାଦା ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୫୦ . ନୋ ଉପାଦା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ତୀହାୟତନେହି ନୱହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନୱହାୟତନେହି ନୱହି ଧାତୂହି ଅସଙ୍ଗହିତା।

୧୫୧ . ଉପାଦିନ୍ନା ଧମ୍ମା ପଞ୍ଚହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ସଙ୍ଗହିତା । କତିହି ଅସଙ୍ଗହିତା? ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୧୫୨ . ଅନୁପାଦିନ୍ନା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ସତ୍ତହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ପଞ୍ଚହାୟତନେହି ଦସହି ଧାତୂହି ଅସଙ୍ଗହିତା।

୧୫୩ . ଉପାଦାନା ଧମ୍ମା… କିଲେସା ଧମ୍ମା… କିଲେସା ଚେୱ ସଂକିଲେସିକା ଚ ଧମ୍ମା… କିଲେସା ଚେୱ ସଂକିଲିଟ୍ଠା ଚ ଧମ୍ମା… କିଲେସା ଚେୱ କିଲେସସମ୍ପୟୁତ୍ତା ଚ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୫୪ . ନୋ କିଲେସା ଧମ୍ମା… ଅସଂକିଲିଟ୍ଠା ଧମ୍ମା… କିଲେସୱିପ୍ପୟୁତ୍ତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୫୫ . ସଂକିଲେସିକା ଧମ୍ମା… ସଂକିଲେସିକା ଚେୱ ନୋ ଚ କିଲେସା ଧମ୍ମା… କିଲେସୱିପ୍ପୟୁତ୍ତା ସଂକିଲେସିକା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୫୬ . ଅସଂକିଲେସିକା ଧମ୍ମା… କିଲେସୱିପ୍ପୟୁତ୍ତା ଅସଂକିଲେସିକା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୫୭ . ସଂକିଲିଟ୍ଠା ଧମ୍ମା… କିଲେସସମ୍ପୟୁତ୍ତା ଧମ୍ମା… ସଂକିଲିଟ୍ଠା ଚେୱ ନୋ ଚ କିଲେସା ଧମ୍ମା… କିଲେସସମ୍ପୟୁତ୍ତା ଚେୱ ନୋ ଚ କିଲେସା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୫୮ . ଦସ୍ସନେନ ପହାତବ୍ବା ଧମ୍ମା… ଭାୱନାୟ ପହାତବ୍ବା ଧମ୍ମା… ଦସ୍ସନେନ ପହାତବ୍ବହେତୁକା ଧମ୍ମା… ଭାୱନାୟ ପହାତବ୍ବହେତୁକା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୫୯ . ନ ଦସ୍ସନେନ ପହାତବ୍ବା ଧମ୍ମା… ନ ଭାୱନାୟ ପହାତବ୍ବା ଧମ୍ମା … ନ ଦସ୍ସନେନ ପହାତବ୍ବହେତୁକା ଧମ୍ମା… ନ ଭାୱନାୟ ପହାତବ୍ବହେତୁକା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୬୦ . ସୱିତକ୍କା ଧମ୍ମା… ସୱିଚାରା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୧୬୧ . ଅୱିତକ୍କା ଧମ୍ମା… ଅୱିଚାରା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ଅସଙ୍ଗହିତା।

୧୬୨ . ସପ୍ପୀତିକା ଧମ୍ମା… ପୀତିସହଗତା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୬୩ . ଅପ୍ପୀତିକା ଧମ୍ମା… ନ ପୀତିସହଗତା ଧମ୍ମା… ନ ସୁଖସହଗତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୬୪ . ସୁଖସହଗତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୧୬୫ . ଉପେକ୍ଖାସହଗତା ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୧୬୬ . ନ ଉପେକ୍ଖାସହଗତା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୧୬୭ . କାମାୱଚରା ଧମ୍ମା… ପରିୟାପନ୍ନା ଧମ୍ମା… ସଉତ୍ତରା ଧମ୍ମା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୧୬୮ . ନ କାମାୱଚରା ଧମ୍ମା… ଅପରିୟାପନ୍ନା ଧମ୍ମା… ଅନୁତ୍ତରା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୬୯ . ରୂପାୱଚରା ଧମ୍ମା… ଅରୂପାୱଚରା ଧମ୍ମା… ନିୟ୍ୟାନିକା ଧମ୍ମା… ନିୟତା ଧମ୍ମା… ସରଣା ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୭୦ . ନ ରୂପାୱଚରା ଧମ୍ମା… ନ ଅରୂପାୱଚରା ଧମ୍ମା… ଅନିୟ୍ୟାନିକା ଧମ୍ମା… ଅନିୟତା ଧମ୍ମା… ଅରଣା ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ଅରଣା ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

ସଙ୍ଗହାସଙ୍ଗହପଦନିଦ୍ଦେସୋ ପଠମୋ।

୨. ଦୁତିୟନୟୋ

୨. ସଙ୍ଗହିତେନଅସଙ୍ଗହିତପଦନିଦ୍ଦେସୋ

୧୭୧ . ଚକ୍ଖାୟତନେନ ୟେ ଧମ୍ମା… ଫୋଟ୍ଠବ୍ବାୟତନେନ ୟେ ଧମ୍ମା… ଚକ୍ଖୁଧାତୁୟା ୟେ ଧମ୍ମା… ଫୋଟ୍ଠବ୍ବଧାତୁୟା ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ଅସଙ୍ଗହିତା? ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୭୨ . ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା… ସୋତୱିଞ୍ଞାଣଧାତୁୟା ୟେ ଧମ୍ମା… ଘାନୱିଞ୍ଞାଣଧାତୁୟା ୟେ ଧମ୍ମା… ଜିୱ୍ହାୱିଞ୍ଞାଣଧାତୁୟା ୟେ ଧମ୍ମା… କାୟୱିଞ୍ଞାଣଧାତୁୟା ୟେ ଧମ୍ମା… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ଦ୍ୱାଦସହି ଧାତୂହି ଅସଙ୍ଗହିତା।

୧୭୩ . ଚକ୍ଖୁନ୍ଦ୍ରିୟେନ ୟେ ଧମ୍ମା… ସୋତିନ୍ଦ୍ରିୟେନ ୟେ ଧମ୍ମା… ଘାନିନ୍ଦ୍ରିୟେନ ୟେ ଧମ୍ମା… ଜିୱ୍ହିନ୍ଦ୍ରିୟେନ ୟେ ଧମ୍ମା… କାୟିନ୍ଦ୍ରିୟେନ ୟେ ଧମ୍ମା… ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୭୪ . ଅସଞ୍ଞାଭୱେନ ୟେ ଧମ୍ମା… ଏକୱୋକାରଭୱେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ତୀହାୟତନେହି ନୱହି ଧାତୂହି ଅସଙ୍ଗହିତା।

୧୭୫ . ପରିଦେୱେନ ୟେ ଧମ୍ମା… ସନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୭୬ . ଅନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୧୭୭ . ସନିଦସ୍ସନେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୭୮ . ସପ୍ପଟିଘେହି ଧମ୍ମେହି ୟେ ଧମ୍ମା… ଉପାଦାଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ଅସଙ୍ଗହିତା? ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

ଦସାୟତନା ସତ୍ତରସ ଧାତୁୟୋ,

ସତ୍ତିନ୍ଦ୍ରିୟା ଅସଞ୍ଞାଭୱୋ ଏକୱୋକାରଭୱୋ।

ପରିଦେୱୋ ସନିଦସ୍ସନସପ୍ପଟିଘଂ,

ଅନିଦସ୍ସନଂ ପୁନଦେୱ [ପୁନରେୱ (ପୀ॰)] ସପ୍ପଟିଘଂ ଉପାଦାତି॥

ସଙ୍ଗହିତେନଅସଙ୍ଗହିତପଦନିଦ୍ଦେସୋ ଦୁତିୟୋ।

୩. ତତିୟନୟୋ

୩. ଅସଙ୍ଗହିତେନସଙ୍ଗହିତପଦନିଦ୍ଦେସୋ

୧୭୯ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା… ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୦ . ନିରୋଧସଚ୍ଚେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୧ . ଜୀୱିତିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୨ . ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା… ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା… ଉପେକ୍ଖିନ୍ଦ୍ରିୟେନ ୟେ ଧମ୍ମା… ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେନ ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ଫସ୍ସପଚ୍ଚୟା ୱେଦନାୟ ୟେ ଧମ୍ମା… ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ [ଉପାଦାନପଚ୍ଚୟା କମ୍ମଭୱେନ (ସ୍ୟା॰)] ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୩ . ଜାତିୟା ୟେ ଧମ୍ମା… ଜରାୟ ୟେ ଧମ୍ମା… ମରଣେନ ୟେ ଧମ୍ମା… ଝାନେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୪ . ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା… ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା… ଫସ୍ସେନ ୟେ ଧମ୍ମା… ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା… ଚେତନାୟ ୟେ ଧମ୍ମା… ଅଧିମୋକ୍ଖେନ ୟେ ଧମ୍ମା… ମନସିକାରେନ ୟେ ଧମ୍ମା… ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୫ . ଅପ୍ପଚ୍ଚୟେହି ଧମ୍ମେହି ୟେ ଧମ୍ମା… ଅସଙ୍ଖତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୬ . ଆସୱେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୭ . ସଂୟୋଜନେହି … ଗନ୍ଥେହି… ଓଘେହି… ୟୋଗେହି… ନୀୱରଣେହି… ପରାମାସେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୮ . ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୮୯ . ଚିତ୍ତସହଭୂମି ଧମ୍ମେହି ୟେ ଧମ୍ମା… ଚିତ୍ତାନୁପରିୱତ୍ତୀହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ନ କେହିଚି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୯୦ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା।

ତୟୋ ଖନ୍ଧା ତଥା ସଚ୍ଚା, ଇନ୍ଦ୍ରିୟାନି ଚ ସୋଳସ।

ପଦାନି ପଚ୍ଚୟାକାରେ, ଚୁଦ୍ଦସୂପରି ଚୁଦ୍ଦସ॥

ସମତିଂସ ପଦା ହୋନ୍ତି, ଗୋଚ୍ଛକେସୁ ଦସସ୍ୱଥ।

ଦୁୱେ ଚୂଳନ୍ତରଦୁକା [ଚୁଲ୍ଲନ୍ତରଦୁକା (ସୀ॰)] , ଅଟ୍ଠ ହୋନ୍ତି ମହନ୍ତରାତି॥

ଅସଙ୍ଗହିତେନସଙ୍ଗହିତପଦନିଦ୍ଦେସୋ ତତିୟୋ।

୪. ଚତୁତ୍ଥନୟୋ

୪. ସଙ୍ଗହିତେନସଙ୍ଗହିତପଦନିଦ୍ଦେସୋ

୧୯୧ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା।

୧୯୨ . ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା… ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା… ଉପେକ୍ଖିନ୍ଦ୍ରିୟେନ ୟେ ଧମ୍ମା… ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା…।

ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେନ ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା… ସୋକେନ ୟେ ଧମ୍ମା… ପରିଦେୱେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା… ଉପାୟାସେନ ୟେ ଧମ୍ମା…।

ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା… ଫସ୍ସେନ ୟେ ଧମ୍ମା… ଚେତନାୟ ୟେ ଧମ୍ମା… ଅଧିମୋକ୍ଖେନ ୟେ ଧମ୍ମା… ମନସିକାରେନ ୟେ ଧମ୍ମା …।

ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ଆସୱେହି… ସଂୟୋଜନେହି… ଗନ୍ଥେହି… ଓଘେହି… ୟୋଗେହି… ନୀୱରଣେହି… ପରାମାସେହି… ଉପାଦାନେହି… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା।

ଦ୍ୱେ ସଚ୍ଚା ପନ୍ନରସିନ୍ଦ୍ରିୟା, ଏକାଦସ ପଟିଚ୍ଚପଦା।

ଉଦ୍ଧଂ ପୁନ ଏକାଦସ, ଗୋଚ୍ଛକପଦମେତ୍ଥ ତିଂସୱିଧାତି [ତିଂସୱିଧନ୍ତି (ପୀ॰)] ॥

ସଙ୍ଗହିତେନସଙ୍ଗହିତପଦନିଦ୍ଦେସୋ ଚତୁତ୍ଥୋ।

୫. ପଞ୍ଚମନୟୋ

୫. ଅସଙ୍ଗହିତେନଅସଙ୍ଗହିତପଦନିଦ୍ଦେସୋ

୧୯୩ . ରୂପକ୍ଖନ୍ଧେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ଅସଙ୍ଗହିତା? ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୯୪ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୯୫ . ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା… ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା…ପେ॰… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା… ମନିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୧୯୬ . ଚକ୍ଖାୟତନେନ ୟେ ଧମ୍ମା…ପେ॰… ଫୋଟ୍ଠବ୍ବାୟତନେନ ୟେ ଧମ୍ମା… ଚକ୍ଖୁଧାତୁୟା ୟେ ଧମ୍ମା…ପେ॰… ଫୋଟ୍ଠବ୍ବଧାତୁୟା ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୧୯୭ . ଧମ୍ମାୟତନେନ ୟେ ଧମ୍ମା… ଧମ୍ମଧାତୁୟା ୟେ ଧମ୍ମା… ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା… ଜୀୱିତିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୧୯୮ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା… ନିରୋଧସଚ୍ଚେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୧୯୯ . ଚକ୍ଖୁନ୍ଦ୍ରିୟେନ ୟେ ଧମ୍ମା…ପେ॰… କାୟିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୨୦୦ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା… ଉପେକ୍ଖିନ୍ଦ୍ରିୟେନ ୟେ ଧମ୍ମା… ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୦୧ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୨୦୨ . ୱିଞ୍ଞାଣପଚ୍ଚୟା ନାମରୂପେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୨୦୩ . ନାମରୂପପଚ୍ଚୟା ସଳାୟତନେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୨୦୪ . ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ଫସ୍ସପଚ୍ଚୟା ୱେଦନାୟ ୟେ ଧମ୍ମା… ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୦୫ . ଅରୂପଭୱେନ ୟେ ଧମ୍ମା… ନେୱସଞ୍ଞାନାସଞ୍ଞାଭୱେନ ୟେ ଧମ୍ମା … ଚତୁୱୋକାରଭୱେନ ୟେ ଧମ୍ମା… ଇଦ୍ଧିପାଦେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୦୬ . ଅସଞ୍ଞାଭୱେନ ୟେ ଧମ୍ମା… ଏକୱୋକାରଭୱେନ ୟେ ଧମ୍ମା… ଜାତିୟା ୟେ ଧମ୍ମା… ଜରାୟ ୟେ ଧମ୍ମା… ମରଣେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା , ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୨୦୭ . ପରିଦେୱେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୨୦୮ . ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା… ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଝାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା… ଫସ୍ସେନ ୟେ ଧମ୍ମା… ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା… ଚେତନାୟ ୟେ ଧମ୍ମା… ଅଧିମୋକ୍ଖେନ ୟେ ଧମ୍ମା … ମନସିକାରେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୦୯ . ଚିତ୍ତେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୧. ତିକଂ

୨୧୦ . କୁସଲେହି ଧମ୍ମେହି ୟେ ଧମ୍ମା… ଅକୁସଲେହି ଧମ୍ମେହି ୟେ ଧମ୍ମା… ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ୱିପାକେହି ଧମ୍ମେହି ୟେ ଧମ୍ମା… ୱିପାକଧମ୍ମଧମ୍ମେହି ୟେ ଧମ୍ମା… ଅନୁପାଦିନ୍ନଅନୁପାଦାନିୟେହି ଧମ୍ମେହି ୟେ ଧମ୍ମା… ସଂକିଲିଟ୍ଠସଂକିଲେସିକେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠଅସଂକିଲେସିକେହି ଧମ୍ମେହି ୟେ ଧମ୍ମା… ସୱିତକ୍କସୱିଚାରେହି ଧମ୍ମେହି ୟେ ଧମ୍ମା… ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଆଚୟଗାମୀହି ଧମ୍ମେହି ୟେ ଧମ୍ମା… ଅପଚୟଗାମୀହି ଧମ୍ମେହି ୟେ ଧମ୍ମା… ସେକ୍ଖେହି ଧମ୍ମେହି ୟେ ଧମ୍ମା… ଅସେକ୍ଖେହି ଧମ୍ମେହି ୟେ ଧମ୍ମା… ମହଗ୍ଗତେହି ଧମ୍ମେହି ୟେ ଧମ୍ମା… ଅପ୍ପମାଣେହି ଧମ୍ମେହି ୟେ ଧମ୍ମା… ପରିତ୍ତାରମ୍ମଣେହି ଧମ୍ମେହି ୟେ ଧମ୍ମା… ମହଗ୍ଗତାରମ୍ମଣେହି ଧମ୍ମେହି ୟେ ଧମ୍ମା… ଅପ୍ପମାଣାରମ୍ମଣେହି ଧମ୍ମେହି ୟେ ଧମ୍ମା… ହୀନେହି ଧମ୍ମେହି ୟେ ଧମ୍ମା… ପଣୀତେହି ଧମ୍ମେହି ୟେ ଧମ୍ମା… ମିଚ୍ଛତ୍ତନିୟତେହି ଧମ୍ମେହି ୟେ ଧମ୍ମା… ସମ୍ମତ୍ତନିୟତେହି ଧମ୍ମେହି ୟେ ଧମ୍ମା… ମଗ୍ଗାରମ୍ମଣେହି ଧମ୍ମେହି ୟେ ଧମ୍ମା… ମଗ୍ଗହେତୁକେହି ଧମ୍ମେହି ୟେ ଧମ୍ମା… ମଗ୍ଗାଧିପତୀହି ଧମ୍ମେହି ୟେ ଧମ୍ମା… ଅତୀତାରମ୍ମଣେହି ଧମ୍ମେହି ୟେ ଧମ୍ମା… ଅନାଗତାରମ୍ମଣେହି ଧମ୍ମେହି ୟେ ଧମ୍ମା… ପଚ୍ଚୁପନ୍ନାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତାରମ୍ମଣେହି ଧମ୍ମେହି ୟେ ଧମ୍ମା… ବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୧୧ . ସନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା… ଅନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା ।

୨. ଦୁକଂ

୨୧୨ . ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୧୩ . ସହେତୁକେହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଧମ୍ମେହି ୟେ ଧମ୍ମା… ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି [ନ ହେତୂ ସହେତୁକେହି (ସୀ॰), ନ ହେତୂହି ସହେତୁକେହି (ସ୍ୟା॰ କ॰)] ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୧୪ . ଅପ୍ପଚ୍ଚୟେହି ଧମ୍ମେହି ୟେ ଧମ୍ମା… ଅସଙ୍ଖତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୧୫ . ସନିଦସ୍ସନେହି ଧମ୍ମେହି ୟେ ଧମ୍ମା… ସପ୍ପଟିଘେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ଅସଙ୍ଗହିତା।

୨୧୬ . ରୂପୀହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୨୧୭ . ଅରୂପୀହି ଧମ୍ମେହି ୟେ ଧମ୍ମା… ଲୋକୁତ୍ତରେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୧୮ . ଆସୱେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୧୯ . ଅନାସୱେହି ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଅନାସୱେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୨୦ . ସଂୟୋଜନେହି ଧମ୍ମେହି ୟେ ଧମ୍ମା… ଗନ୍ଥେହି ଧମ୍ମେହି ୟେ ଧମ୍ମା… ଓଘେହି ଧମ୍ମେହି ୟେ ଧମ୍ମା… ୟୋଗେହି ଧମ୍ମେହି ୟେ ଧମ୍ମା… ନୀୱରଣେହି ଧମ୍ମେହି ୟେ ଧମ୍ମା… ପରାମାସେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୨୧ . ଅପରାମଟ୍ଠେହି ଧମ୍ମେହି ୟେ ଧମ୍ମା… ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ଅପରାମଟ୍ଠେହି ଧମ୍ମେହି ୟେ ଧମ୍ମା… ସାରମ୍ମଣେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା , ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୨୨୨ . ଅନାରମ୍ମଣେହି ଧମ୍ମେହି ୟେ ଧମ୍ମା… ନୋ ଚିତ୍ତେହି ଧମ୍ମେହି ୟେ ଧମ୍ମା… ଚିତ୍ତୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତୱିସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସହଭୂହି ଧମ୍ମେହି ୟେ ଧମ୍ମା… ଚିତ୍ତାନୁପରିୱତ୍ତୀହି ଧମ୍ମେହି ୟେ ଧମ୍ମା… ବାହିରେହି ଧମ୍ମେହି ୟେ ଧମ୍ମା… ଉପାଦାଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୨୨୩ . ଚିତ୍ତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୨୨୪ . ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୨୫ . ଅଜ୍ଝତ୍ତିକେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ଅସଙ୍ଗହିତା।

୨୨୬ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା…ପେ॰… ତେ ଧମ୍ମା ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୨୨୭ . ଅସଂକିଲେସିକେହି ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ଅସଂକିଲେସିକେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା… ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା… ନ କାମାୱଚରେହି ଧମ୍ମେହି ୟେ ଧମ୍ମା… ରୂପାୱଚରେହି ଧମ୍ମେହି ୟେ ଧମ୍ମା… ଅରୂପାୱଚରେହି ଧମ୍ମେହି ୟେ ଧମ୍ମା… ଅପରିୟାପନ୍ନେହି ଧମ୍ମେହି ୟେ ଧମ୍ମା… ନିୟ୍ୟାନିକେହି ଧମ୍ମେହି ୟେ ଧମ୍ମା… ନିୟତେହି ଧମ୍ମେହି ୟେ ଧମ୍ମା… ଅନୁତ୍ତରେହି ଧମ୍ମେହି ୟେ ଧମ୍ମା… ସରଣେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ଅସଙ୍ଗହିତା? ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

ରୂପଞ୍ଚ ଧମ୍ମାୟତନଂ ଧମ୍ମଧାତୁ, ଇତ୍ଥିପୁମଂ ଜୀୱିତଂ ନାମରୂପଂ।

ଦ୍ୱେ ଭୱା ଜାତି ଜରା ମଚ୍ଚୁରୂପଂ, ଅନାରମ୍ମଣଂ ନୋ ଚିତ୍ତଂ ଚିତ୍ତେନ ୱିପ୍ପୟୁତ୍ତଂ॥

ୱିସଂସଟ୍ଠଂ ସମୁଟ୍ଠାନ-ସହଭୁ ଅନୁପରିୱତ୍ତି।

ବାହିରଂ ଉପାଦା ଦ୍ୱେ, ୱିସୟୋ [ଦ୍ୱେୱୀସତି (ସ୍ୟା॰)] ଏସନୟୋ ସୁବୁଦ୍ଧୋ॥

ଅସଙ୍ଗହିତେନଅସଙ୍ଗହିତପଦନିଦ୍ଦେସୋ ପଞ୍ଚମୋ।

୬. ଛଟ୍ଠନୟୋ

୬. ସମ୍ପୟୋଗୱିପ୍ପୟୋଗପଦନିଦ୍ଦେସୋ

୧. ଖନ୍ଧୋ

୨୨୮ . ରୂପକ୍ଖନ୍ଧୋ କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତୋତି? ନତ୍ଥି। କତିହି ୱିପ୍ପୟୁତ୍ତୋ? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୨୯ . ୱେଦନାକ୍ଖନ୍ଧୋ… ସଞ୍ଞାକ୍ଖନ୍ଧୋ… ସଙ୍ଖାରକ୍ଖନ୍ଧୋ ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୩୦ . ୱିଞ୍ଞାଣକ୍ଖନ୍ଧୋ ତୀହି ଖନ୍ଧେହି ସମ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨. ଆୟତନଂ

୨୩୧ . ଚକ୍ଖାୟତନଂ…ପେ॰… ଫୋଟ୍ଠବ୍ବାୟତନଂ…ପେ॰… ସମ୍ପୟୁତ୍ତନ୍ତି? ନତ୍ଥି। କତିହି ୱିପ୍ପୟୁତ୍ତଂ ? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୩୨ . ମନାୟତନଂ ତୀହି ଖନ୍ଧେହି ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୩. ଧାତୁ

୨୩୩ . ଚକ୍ଖୁଧାତୁ …ପେ॰… ଫୋଟ୍ଠବ୍ବଧାତୁ…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୩୪ . ଚକ୍ଖୁୱିଞ୍ଞାଣଧାତୁ…ପେ॰… ମନୋଧାତୁ… ମନୋୱିଞ୍ଞାଣଧାତୁ ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪. ସଚ୍ଚାଦି

୨୩୫ . ସମୁଦୟସଚ୍ଚଂ… ମଗ୍ଗସଚ୍ଚଂ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତଂ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୩୬ . ନିରୋଧସଚ୍ଚଂ… ଚକ୍ଖୁନ୍ଦ୍ରିୟଂ…ପେ॰… କାୟିନ୍ଦ୍ରିୟଂ… ଇତ୍ଥିନ୍ଦ୍ରିୟଂ… ପୁରିସିନ୍ଦ୍ରିୟଂ…ପେ॰… ସମ୍ପୟୁତ୍ତନ୍ତି? ନତ୍ଥି। କତିହି ୱିପ୍ପୟୁତ୍ତଂ? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୩୭ . ମନିନ୍ଦ୍ରିୟଂ ତୀହି ଖନ୍ଧେହି ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୩୮ . ସୁଖିନ୍ଦ୍ରିୟଂ… ଦୁକ୍ଖିନ୍ଦ୍ରିୟଂ… ସୋମନସ୍ସିନ୍ଦ୍ରିୟଂ… ଦୋମନସ୍ସିନ୍ଦ୍ରିୟଂ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୩୯ . ଉପେକ୍ଖିନ୍ଦ୍ରିୟଂ ତୀହି ଖନ୍ଧେହି ଏକେନାୟତନେନ ଛହି ଧାତୂହି ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତଂ ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୪୦ . ସଦ୍ଧିନ୍ଦ୍ରିୟଂ… ୱୀରିୟିନ୍ଦ୍ରିୟଂ… ସତିନ୍ଦ୍ରିୟଂ… ସମାଧିନ୍ଦ୍ରିୟଂ… ପଞ୍ଞିନ୍ଦ୍ରିୟଂ… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟଂ… ଅଞ୍ଞିନ୍ଦ୍ରିୟଂ… ଅଞ୍ଞାତାୱିନ୍ଦ୍ରିୟଂ… ଅୱିଜ୍ଜା… ଅୱିଜ୍ଜାପଚ୍ଚୟା ସଙ୍ଖାରା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୪୧ . ସଙ୍ଖାରପଚ୍ଚୟା ୱିଞ୍ଞାଣଂ ତୀହି ଖନ୍ଧେହି ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୪୨ . ସଳାୟତନପଚ୍ଚୟା ଫସ୍ସୋ ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୪୩ . ଫସ୍ସପଚ୍ଚୟା ୱେଦନା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୪୪ . ୱେଦନାପଚ୍ଚୟା ତଣ୍ହା… ତଣ୍ହାପଚ୍ଚୟା ଉପାଦାନଂ… କମ୍ମଭୱୋ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୪୫ . ରୂପଭୱୋ…ପେ॰… ସମ୍ପୟୁତ୍ତୋତି? ନତ୍ଥି। କତିହି ୱିପ୍ପୟୁତ୍ତୋ? ନ କେହିଚି ଖନ୍ଧେହି ନ କେହିଚି ଆୟତନେହି ତୀହି ଧାତୂହି ୱିପ୍ପୟୁତ୍ତୋ।

୨୪୬ . ଅରୂପଭୱୋ… ନେୱସଞ୍ଞାନାସଞ୍ଞାଭୱୋ… ଚତୁୱୋକାରଭୱୋ…ପେ॰… ସମ୍ପୟୁତ୍ତୋତି? ନତ୍ଥି। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୪୭ . ଅସଞ୍ଞାଭୱୋ… ଏକୱୋକାରଭୱୋ… ପରିଦେୱୋ…ପେ॰… ସମ୍ପୟୁତ୍ତୋତି? ନତ୍ଥି। କତିହି ୱିପ୍ପୟୁତ୍ତୋ? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୪୮ . ସୋକୋ… ଦୁକ୍ଖଂ… ଦୋମନସ୍ସଂ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୪୯ . ଉପାୟାସୋ… ସତିପଟ୍ଠାନଂ… ସମ୍ମପ୍ପଧାନଂ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତଂ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୫୦ . ଇଦ୍ଧିପାଦୋ ଦ୍ୱୀହି ଖନ୍ଧେହି ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୫୧ . ଝାନଂ ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତଂ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୫୨ . ଅପ୍ପମଞ୍ଞା… ପଞ୍ଚିନ୍ଦ୍ରିୟାନି… ପଞ୍ଚ ବଲାନି… ସତ୍ତ ବୋଜ୍ଝଙ୍ଗା… ଅରିୟୋ ଅଟ୍ଠଙ୍ଗିକୋ ମଗ୍ଗୋ ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୫୩ . ଫସ୍ସୋ … ଚେତନା… ମନସିକାରୋ ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୨୫୪ . ୱେଦନା… ସଞ୍ଞା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୫୫ . ଚିତ୍ତଂ ତୀହି ଖନ୍ଧେହି ସମ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତଂ। କତିହି ୱିପ୍ପୟୁତ୍ତଂ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତଂ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତଂ।

୨୫୬ . ଅଧିମୋକ୍ଖୋ ତୀହି ଖନ୍ଧେହି ଏକେନାୟତନେନ ଦ୍ୱୀହି ଧାତୂହି ସମ୍ପୟୁତ୍ତୋ; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତୋ। କତିହି ୱିପ୍ପୟୁତ୍ତୋ? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତୋ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତୋ।

୫. ତିକଂ

୨୫୭ . କୁସଲା ଧମ୍ମା… ଅକୁସଲା ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା ? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୫୮ . ସୁଖାୟ ୱେଦନାୟ ସମ୍ପୟୁତ୍ତା ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା ; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୫୯ . ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୦ . ୱିପାକା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୧ . ୱିପାକଧମ୍ମଧମ୍ମା… ସଂକିଲିଟ୍ଠସଂକିଲେସିକା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୨ . ନେୱୱିପାକନୱିପାକଧମ୍ମଧମ୍ମା… ଅନୁପାଦିନ୍ନୁପାଦାନିୟା ଧମ୍ମା…ପେ॰… ସମ୍ପୟୁତ୍ତାତି ? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୨୬୩ . ଅନୁପାଦିନ୍ନଅନୁପାଦାନିୟା ଧମ୍ମା… ଅସଂକିଲିଟ୍ଠଅସଂକିଲେସିକା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୬୪ . ସୱିତକ୍କସୱିଚାରା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୫ . ଅୱିତକ୍କୱିଚାରମତ୍ତା ଧମ୍ମା… ପୀତିସହଗତା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୬ . ଅୱିତକ୍କଅୱିଚାରା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୨୬୭ . ସୁଖସହଗତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୮ . ଉପେକ୍ଖାସହଗତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୬୯ . ଦସ୍ସନେନ ପହାତବ୍ବା ଧମ୍ମା ଭାୱନାୟ ପହାତବ୍ବା ଧମ୍ମା… ଦସ୍ସନେନ ପହାତବ୍ବହେତୁକା ଧମ୍ମା… ଭାୱନାୟ ପହାତବ୍ବହେତୁକା ଧମ୍ମା… ଆଚୟଗାମିନୋ ଧମ୍ମା… ଅପଚୟଗାମିନୋ ଧମ୍ମା… ସେକ୍ଖା ଧମ୍ମା… ଅସେକ୍ଖା ଧମ୍ମା… ମହଗ୍ଗତା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୦ . ଅପ୍ପମାଣା ଧମ୍ମା… ପଣୀତା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୭୧ . ପରିତ୍ତାରମ୍ମଣା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୨ . ମହଗ୍ଗତାରମ୍ମଣା ଧମ୍ମା… ଅପ୍ପମାଣାରମ୍ମଣା ଧମ୍ମା… ହୀନା ଧମ୍ମା… ମିଚ୍ଛତ୍ତନିୟତା ଧମ୍ମା… ସମ୍ମତ୍ତନିୟତା ଧମ୍ମା… ମଗ୍ଗାରମ୍ମଣା ଧମ୍ମା… ମଗ୍ଗହେତୁକା ଧମ୍ମା… ମଗ୍ଗାଧିପତିନୋ ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୩ . ଅନୁପ୍ପନ୍ନା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୨୭୪ . ଅତୀତାରମ୍ମଣା ଧମ୍ମା…ପେ॰… ଅନାଗତାରମ୍ମଣା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୫ . ପଚ୍ଚୁପ୍ପନ୍ନାରମ୍ମଣା ଧମ୍ମା… ଅଜ୍ଝତ୍ତାରମ୍ମଣା ଧମ୍ମା… ବହିଦ୍ଧାରମ୍ମଣା ଧମ୍ମା… ଅଜ୍ଝତ୍ତବହିଦ୍ଧାରମ୍ମଣା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୬ . ସନିଦସ୍ସନସପ୍ପଟିଘା ଧମ୍ମା… ଅନିଦସ୍ସନସପ୍ପଟିଘା ଧମ୍ମା…ପେ॰… ସମ୍ପୟୁତ୍ତାତି ? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୬. ଦୁକଂ

୨୭୭ . ହେତୂ ଧମ୍ମା… ହେତୂ ଚେୱ ସହେତୁକା ଚ ଧମ୍ମା… ହେତୂ ଚେୱ ହେତୁସମ୍ପୟୁତ୍ତା ଚ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୮ . ସହେତୁକା ଧମ୍ମା… ହେତୁସମ୍ପୟୁତ୍ତା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୭୯ . ସହେତୁକା ଚେୱ ନ ଚ ହେତୂ ଧମ୍ମା… ହେତୁସମ୍ପୟୁତ୍ତା ଚେୱ ନ ଚ ହେତୂ ଧମ୍ମା… ନ ହେତୁସହେତୁକା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୦ . ଅପ୍ପଚ୍ଚୟା ଧମ୍ମା… ଅସଙ୍ଖତା ଧମ୍ମା… ସନିଦସ୍ସନା ଧମ୍ମା… ସପ୍ପଟିଘା ଧମ୍ମା… ରୂପିନୋ ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୧ . ଲୋକୁତ୍ତରା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୮୨ . ଆସୱା ଧମ୍ମା… ଆସୱା ଚେୱ ସାସୱା ଚ ଧମ୍ମା… ଆସୱା ଚେୱ ଆସୱସମ୍ପୟୁତ୍ତା ଚ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୩ . ଅନାସୱା ଧମ୍ମା… ଆସୱୱିପ୍ପୟୁତ୍ତା ଅନାସୱା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୮୪ . ଆସୱସମ୍ପୟୁତ୍ତା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୫ . ଆସୱସମ୍ପୟୁତ୍ତା ଚେୱ ନୋ ଚ ଆସୱା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୬ . ସଂୟୋଜନା ଧମ୍ମା… ଗନ୍ଥା ଧମ୍ମା… ଓଘା ଧମ୍ମା… ୟୋଗା ଧମ୍ମା… ନୀୱରଣା ଧମ୍ମା… ପରାମାସା ଧମ୍ମା… ପରାମାସା ଚେୱ ପରାମଟ୍ଠା ଚ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୭ . ଅପରାମଟ୍ଠା ଧମ୍ମା… ପରାମାସୱିପ୍ପୟୁତ୍ତା ଅପରାମଟ୍ଠା ଧମ୍ମା ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୮୮ . ପରାମାସସମ୍ପୟୁତ୍ତା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୮୯ . ସାରମ୍ମଣା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୦ . ଅନାରମ୍ମଣା ଧମ୍ମା… ଚିତ୍ତୱିପ୍ପୟୁତ୍ତା ଧମ୍ମା… ଚିତ୍ତୱିସଂସଟ୍ଠା ଧମ୍ମା… ଉପାଦା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୧ . ଚିତ୍ତା ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୨ . ଚେତସିକା ଧମ୍ମା… ଚିତ୍ତସମ୍ପୟୁତ୍ତା ଧମ୍ମା… ଚିତ୍ତସଂସଟ୍ଠା ଧମ୍ମା… ଚିତ୍ତସଂସଟ୍ଠସମୁଟ୍ଠାନା ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୁନୋ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତିନୋ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୩ . ଅନୁପାଦିନ୍ନା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୨୯୪ . ଉପାଦାନା ଧମ୍ମା… କିଲେସା ଧମ୍ମା… କିଲେସା ଚେୱ ସଂକିଲେସିକା ଚ ଧମ୍ମା… କିଲେସା ଚେୱ ସଂକିଲିଟ୍ଠା ଚ ଧମ୍ମା… କିଲେସା ଚେୱ କିଲେସସମ୍ପୟୁତ୍ତା ଚ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୫ . ଅସଂକିଲେସିକା ଧମ୍ମା… କିଲେସୱିପ୍ପୟୁତ୍ତା ଅସଂକିଲେସିକା ଧମ୍ମା…ପେ॰… ସମ୍ପୟୁତ୍ତାତି ? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୨୯୬ . ସଂକିଲିଟ୍ଠା ଧମ୍ମା… କିଲେସସମ୍ପୟୁତ୍ତା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୭ . ସଂକିଲିଟ୍ଠା ଚେୱ ନୋ ଚ କିଲେସା ଧମ୍ମା… କିଲେସସମ୍ପୟୁତ୍ତା ଚେୱ ନୋ ଚ କିଲେସା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୮ . ଦସ୍ସନେନ ପହାତବ୍ବା ଧମ୍ମା… ଭାୱନାୟ ପହାତବ୍ବା ଧମ୍ମା… ଦସ୍ସନେନ ପହାତବ୍ବହେତୁକା ଧମ୍ମା… ଭାୱନାୟ ପହାତବ୍ବହେତୁକା ଧମ୍ମା… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨୯୯ . ସୱିତକ୍କା ଧମ୍ମା… ସୱିଚାରା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୦ . ଅୱିତକ୍କା ଧମ୍ମା… ଅୱିଚାରା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୦୧ . ସପ୍ପୀତିକା ଧମ୍ମା… ପୀତିସହଗତା ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୨ . ସୁଖସହଗତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୩ . ଉପେକ୍ଖାସହଗତା ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୪ . ନ କାମାୱଚରା ଧମ୍ମା… ଅପରିୟାପନ୍ନା ଧମ୍ମା… ଅନୁତ୍ତରା ଧମ୍ମା…ପେ॰… ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୦୫ . ରୂପାୱଚରା ଧମ୍ମା… ଅରୂପାୱଚରା ଧମ୍ମା… ନିୟ୍ୟାନିକା ଧମ୍ମା… ନିୟତା ଧମ୍ମା… ସରଣା ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

ଧମ୍ମାୟତନଂ ଧମ୍ମଧାତୁ, ଦୁକ୍ଖସଚ୍ଚଞ୍ଚ ଜୀୱିତଂ।

ସଳାୟତନଂ ନାମରୂପଂ, ଚତ୍ତାରୋ ଚ ମହାଭୱା॥

ଜାତି ଜରା ଚ ମରଣଂ, ତିକେସ୍ୱେକୂନୱୀସତି।

ଗୋଚ୍ଛକେସୁ ଚ ପଞ୍ଞାସ, ଅଟ୍ଠ ଚୂଳନ୍ତରେ ପଦା॥

ମହନ୍ତରେ ପନ୍ନରସ, ଅଟ୍ଠାରସ ତତୋ ପରେ।

ତେୱୀସ ପଦସତଂ ଏତଂ, ସମ୍ପୟୋଗେ ନ ଲବ୍ଭତୀତି॥

ସମ୍ପୟୋଗୱିପ୍ପୟୋଗପଦନିଦ୍ଦେସୋ ଛଟ୍ଠୋ।

୭. ସତ୍ତମନୟୋ

୭. ସମ୍ପୟୁତ୍ତେନୱିପ୍ପୟୁତ୍ତପଦନିଦ୍ଦେସୋ

୩୦୬ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା… ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ୱିପ୍ପୟୁତ୍ତା? ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୭ . ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା…ପେ॰… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୦୮ . ମନିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୦୯ . ଉପେକ୍ଖିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୩୧୦ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ଫସ୍ସପଚ୍ଚୟା ୱେଦନାୟ ୟେ ଧମ୍ମା… ଫସ୍ସେନ ୟେ ଧମ୍ମା… ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା… ଚେତନାୟ ୟେ ଧମ୍ମା… ଚିତ୍ତେନ ୟେ ଧମ୍ମା… ମନସିକାରେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୧୧ . ଅଧିମୋକ୍ଖେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୧୨ . ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୩୧୩ . ସୱିତକ୍କସୱିଚାରେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୧୪ . ଚିତ୍ତେହି ଧମ୍ମେହି ୟେ ଧମ୍ମା… ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା … ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୧୫ . ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୧୬ . ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ୱିପ୍ପୟୁତ୍ତା? ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

ଖନ୍ଧା ଚତୁରୋ ଆୟତନଞ୍ଚ ମେକଂ।

ଧାତୂସୁ ସତ୍ତ ଦ୍ୱେପି ଚ ଇନ୍ଦ୍ରିୟତୋ॥

ତୟୋ ପଟିଚ୍ଚ ତଥରିୱ ଫସ୍ସପଞ୍ଚମା।

ଅଧିମୁଚ୍ଚନା ମନସି ତିକେସୁ ତୀଣି॥

ସତ୍ତନ୍ତରା ଦ୍ୱେ ଚ ମନେନ ୟୁତ୍ତା।

ୱିତକ୍କୱିଚାରଣା ଉପେକ୍ଖକାୟ ଚାତି॥

ସମ୍ପୟୁତ୍ତେନୱିପ୍ପୟୁତ୍ତପଦନିଦ୍ଦେସୋ ସତ୍ତମୋ।

୮. ଅଟ୍ଠମନୟୋ

୮. ୱିପ୍ପୟୁତ୍ତେନସମ୍ପୟୁତ୍ତପଦନିଦ୍ଦେସୋ

୩୧୭ . ରୂପକ୍ଖନ୍ଧେନ ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି।

୩୧୮ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା… ୱିଞ୍ଞାଣକ୍ଖନ୍ଧେନ ୟେ ଧମ୍ମା…ପେ॰… ସରଣେହି ଧମ୍ମେହି ୟେ ଧମ୍ମା… ଅରଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି।

ଧମ୍ମାୟତନଂ ଧମ୍ମଧାତୁ, ଅଥ ଜୀୱିତଂ ନାମରୂପଂ।

ସଳାୟତନଂ ଜାତିଜରାମତଂ, ଦ୍ୱେ ଚ ତିକେ ନ ଲବ୍ଭରେ॥

ପଠମନ୍ତରେ ସତ୍ତ ଚ, ଗୋଚ୍ଛକେ ଦସ ଅପରନ୍ତେ।

ଚୁଦ୍ଦସ ଛ ଚ ମତ୍ଥକେ, ଇଚ୍ଚେତେ ସତ୍ତଚତ୍ତାଲୀସ ଧମ୍ମା।

ସମୁଚ୍ଛେଦେ ନ ଲବ୍ଭନ୍ତି, ମୋଘପୁଚ୍ଛକେନ ଚାତି॥

ୱିପ୍ପୟୁତ୍ତେନସମ୍ପୟୁତ୍ତପଦନିଦ୍ଦେସୋ ଅଟ୍ଠମୋ।

୯. ନୱମନୟୋ

୯. ସମ୍ପୟୁତ୍ତେନସମ୍ପୟୁତ୍ତପଦନିଦ୍ଦେସୋ

୩୧୯ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୦ . ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା… ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା…ପେ॰… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା…ପେ॰… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୧ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୨ . ମନିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୩ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା … ଦୋମନସ୍ସିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୪ . ଉପେକ୍ଖିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଛହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୫ . ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୬ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୭ . ସଳାୟତନପଚ୍ଚୟା ଫସ୍ସେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୮ . ଫସ୍ସପଚ୍ଚୟା ୱେଦନାୟ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୨୯ . ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୦ . ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୧ . ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୨ . ଇଦ୍ଧିପାଦେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଦ୍ୱୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୩ . ଝାନେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଦ୍ୱୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୪ . ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା … ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୫ . ଫସ୍ସେନ ୟେ ଧମ୍ମା… ଚେତନାୟ ୟେ ଧମ୍ମା… ମନସିକାରେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୬ . ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା ସମ୍ପୟୁତ୍ତା , ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୭ . ଚିତ୍ତେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୮ . ଅଧିମୋକ୍ଖେନ ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଦ୍ୱୀହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୩୯ . ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୦ . ସୱିତକ୍କସୱିଚାରେହି ଧମ୍ମେହି ୟେ ଧମ୍ମା… ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୧ . ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୨ . ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୩ . ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି [ନ ହେତୂହି ସହେତୁକେହି (ବହୂସୁ)] ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୪ . ଆସୱେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୫ . ଆସୱସମ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୬ . ସଂୟୋଜନେହି… ଗନ୍ଥେହି… ଓଘେହି… ୟୋଗେହି… ନୀୱରଣେହି… ପରାମାସେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୭ . ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୮ . ଚିତ୍ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୪୯ . ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ସମ୍ପୟୁତ୍ତା , ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା।

୩୫୦ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୫୧ . ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା… ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

୩୫୨ . ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ଏକେନ ଖନ୍ଧେନ ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା।

ଅରୂପକ୍ଖନ୍ଧା ଚତ୍ତାରୋ, ମନାୟତନମେୱ ଚ।

ୱିଞ୍ଞାଣଧାତୁୟୋ ସତ୍ତ, ଦ୍ୱେ ସଚ୍ଚା ଚୁଦ୍ଦସିନ୍ଦ୍ରିୟା॥

ପଚ୍ଚୟେ ଦ୍ୱାଦସ ପଦା, ତତୋ ଉପରି ସୋଳସ।

ତିକେସୁ ଅଟ୍ଠ ଗୋଚ୍ଛକେ, ତେଚତ୍ତାଲୀସମେୱ ଚ॥

ମହନ୍ତରଦୁକେ ସତ୍ତ, ପଦା ପିଟ୍ଠି ଦୁକେସୁ ଛ।

ନୱମସ୍ସ ପଦସ୍ସେତେ, ନିଦ୍ଦେସେ ସଙ୍ଗହଂ ଗତାତି॥

ସମ୍ପୟୁତ୍ତେନସମ୍ପୟୁତ୍ତପଦନିଦ୍ଦେସୋ ନୱମୋ।

୧୦. ଦସମନୟୋ

୧୦. ୱିପ୍ପୟୁତ୍ତେନୱିପ୍ପୟୁତ୍ତପଦନିଦ୍ଦେସୋ

୩୫୩ . ରୂପକ୍ଖନ୍ଧେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ୱିପ୍ପୟୁତ୍ତା? ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୪ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା… ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା…ପେ॰… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୫ . ଚକ୍ଖାୟତନେନ ୟେ ଧମ୍ମା…ପେ॰… ଫୋଟ୍ଠବ୍ବାୟତନେନ ୟେ ଧମ୍ମା… ଚକ୍ଖୁଧାତୁୟା ୟେ ଧମ୍ମା…ପେ॰… ଫୋଟ୍ଠବ୍ବଧାତୁୟା ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୬ . ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା…ପେ॰… ମନୋୱିଞ୍ଞାଣଧାତୁୟା ୟେ ଧମ୍ମା… ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୭ . ନିରୋଧସଚ୍ଚେନ ୟେ ଧମ୍ମା… ଚକ୍ଖୁନ୍ଦ୍ରିୟେନ ୟେ ଧମ୍ମା…ପେ॰… କାୟିନ୍ଦ୍ରିୟେନ ୟେ ଧମ୍ମା.. ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୮ . ମନିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୫୯ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୦ . ଉପେକ୍ଖିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୧ . ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୨ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ଫସ୍ସପଚ୍ଚୟା ୱେଦନାୟ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୩ . ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୪ . ରୂପଭୱେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ତୀହି ଧାତୂହି ୱିପ୍ପୟୁତ୍ତା।

୩୬୫ . ଅସଞ୍ଞାଭୱେନ ୟେ ଧମ୍ମା… ଏକୱୋକାରଭୱେନ ୟେ ଧମ୍ମା… ପରିଦେୱେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୬ . ଅରୂପଭୱେନ ୟେ ଧମ୍ମା… ନେୱସଞ୍ଞାନାସଞ୍ଞାଭୱେନ ୟେ ଧମ୍ମା… ଚତୁୱୋକାରଭୱେନ ୟେ ଧମ୍ମା… ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା… ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଇଦ୍ଧିପାଦେନ ୟେ ଧମ୍ମା… ଝାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୭ . ଫସ୍ସେନ ୟେ ଧମ୍ମା… ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା… ଚେତନାୟ ୟେ ଧମ୍ମା… ଚିତ୍ତେନ ୟେ ଧମ୍ମା… ମନସିକାରେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୬୮ . ଅଧିମୋକ୍ଖେନ ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୧. ତିକଂ

୩୬୯ . କୁସଲେହି ଧମ୍ମେହି ୟେ ଧମ୍ମା… ଅକୁସଲେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୦ . ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୧ . ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା , ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୨ . ୱିପାକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୩ . ୱିପାକଧମ୍ମଧମ୍ମେହି ୟେ ଧମ୍ମା… ସଂକିଲିଟ୍ଠସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୪ . ନେୱୱିପାକନୱିପାକଧମ୍ମଧମ୍ମେହି ୟେ ଧମ୍ମା… ଅନୁପାଦିନ୍ନୁପାଦାନିୟେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୩୭୫ . ଅନୁପାଦିନ୍ନଅନୁପାଦାନିୟେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠଅସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୭୬ . ସୱିତକ୍କସୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୭ . ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୭୮ . ଅୱିତକ୍କଅୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୩୭୯ . ସୁଖସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୦ . ଉପେକ୍ଖାସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୧ . ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଆଚୟଗାମୀହି ଧମ୍ମେହି ୟେ ଧମ୍ମା… ଅପଚୟଗାମୀହି ଧମ୍ମେହି ୟେ ଧମ୍ମା… ସେକ୍ଖେହି ଧମ୍ମେହି ୟେ ଧମ୍ମା… ଅସେକ୍ଖେହି ଧମ୍ମେହି ୟେ ଧମ୍ମା… ମହଗ୍ଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୨ . ଅପ୍ପମାଣେହି ଧମ୍ମେହି ୟେ ଧମ୍ମା… ପଣୀତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୮୩ . ପରିତ୍ତାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୪ . ମହଗ୍ଗତାରମ୍ମଣେହି ଧମ୍ମେହି ୟେ ଧମ୍ମା… ଅପ୍ପମାଣାରମ୍ମଣେହି ଧମ୍ମେହି ୟେ ଧମ୍ମା… ହୀନେହି ଧମ୍ମେହି ୟେ ଧମ୍ମା… ମିଚ୍ଛତ୍ତନିୟତେହି ଧମ୍ମେହି ୟେ ଧମ୍ମା… ସମ୍ମତ୍ତନିୟତେହି ଧମ୍ମେହି ୟେ ଧମ୍ମା… ମଗ୍ଗାରମ୍ମଣେହି ଧମ୍ମେହି ୟେ ଧମ୍ମା… ମଗ୍ଗହେତୁକେହି ଧମ୍ମେହି ୟେ ଧମ୍ମା… ମଗ୍ଗାଧିପତୀହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୫ . ଅନୁପ୍ପନ୍ନେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୩୮୬ . ଅତୀତାରମ୍ମଣେହି ଧମ୍ମେହି ୟେ ଧମ୍ମା… ଅନାଗତାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୭ . ପଚ୍ଚୁପ୍ପନ୍ନାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତାରମ୍ମଣେହି ଧମ୍ମେହି ୟେ ଧମ୍ମା… ବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୮୮ . ସନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା… ଅନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା , ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୨. ଦୁକଂ

୩୮୯ . ହେତୂହି ଧମ୍ମେହି ୟେ ଧମ୍ମା… ସହେତୁକେହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୦ . ଅପ୍ପଚ୍ଚୟେହି ଧମ୍ମେହି ୟେ ଧମ୍ମା… ଅସଙ୍ଖତେହି ଧମ୍ମେହି ୟେ ଧମ୍ମା… ସନିଦସ୍ସନେହି ଧମ୍ମେହି ୟେ ଧମ୍ମା… ସପ୍ପଟିଘେହି ଧମ୍ମେହି ୟେ ଧମ୍ମା… ରୂପୀହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୧ . ଲୋକୁତ୍ତରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୯୨ . ଆସୱେହି ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୩ . ଅନାସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଅନାସୱେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୯୪ . ସଂୟୋଜନେହି ଧମ୍ମେହି ୟେ ଧମ୍ମା… ଗନ୍ଥେହି ଧମ୍ମେହି ୟେ ଧମ୍ମା… ଓଘେହି ଧମ୍ମେହି ୟେ ଧମ୍ମା… ୟୋଗେହି ଧମ୍ମେହି ୟେ ଧମ୍ମା… ନୀୱରଣେହି ଧମ୍ମେହି ୟେ ଧମ୍ମା… ପରାମାସେହି ଧମ୍ମେହି ୟେ ଧମ୍ମା… ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୫ . ଅପରାମଟ୍ଠେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ଅପରାମଟ୍ଠେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୩୯୬ . ସାରମ୍ମଣେହି ଧମ୍ମେହି ୟେ ଧମ୍ମା… ଚିତ୍ତେହି ଧମ୍ମେହି ୟେ ଧମ୍ମା… ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୭ . ଅନାରମ୍ମଣେହି [ଅନୁପାଦିଣ୍ଣେହି (ସୀ॰ କ॰)] ଧମ୍ମେହି ୟେ ଧମ୍ମା… ଚିତ୍ତୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତୱିସଂସଟ୍ଠେହି ଧମ୍ମେହି ୟେ ଧମ୍ମା… ଉପାଦାଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୩୯୮ . ଅନୁପାଦିନ୍ନେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ୱିପ୍ପୟୁତ୍ତା।

୩୯୯ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୦ . ଅସଂକିଲେସିକେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ଅସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୪୦୧ . ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୨ . ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୩ . ଅୱିତକ୍କେହି ଧମ୍ମେହି ୟେ ଧମ୍ମା… ଅୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ୱିପ୍ପୟୁତ୍ତା।

୪୦୪ . ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୫ . ସୁଖସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୬ . ଉପେକ୍ଖାସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଦସହାୟତନେହି ଏକାଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୦୭ . ନ କାମାୱଚରେହି ଧମ୍ମେହି ୟେ ଧମ୍ମା… ଅପରିୟାପନ୍ନେହି ଧମ୍ମେହି ୟେ ଧମ୍ମା… ଅନୁତ୍ତରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ୱିପ୍ପୟୁତ୍ତା।

୪୦୮ . ରୂପାୱଚରେହି ଧମ୍ମେହି ୟେ ଧମ୍ମା… ଅରୂପାୱଚରେହି ଧମ୍ମେହି ୟେ ଧମ୍ମା… ନିୟ୍ୟାନିକେହି ଧମ୍ମେହି ୟେ ଧମ୍ମା… ନିୟତେହି ଧମ୍ମେହି ୟେ ଧମ୍ମା… ସରଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ୱିପ୍ପୟୁତ୍ତା? ତେ ଧମ୍ମା ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

ଧମ୍ମାୟତନଂ ଧମ୍ମଧାତୁ, ଦୁକ୍ଖସଚ୍ଚଞ୍ଚ ଜୀୱିତଂ।

ସଳାୟତନଂ ନାମରୂପଂ, ଚତ୍ତାରୋ ଚ ମହାଭୱା॥

ଜାତି ଜରା ଚ ମରଣଂ, ତିକେସ୍ୱେକୂନୱୀସତି।

ଗୋଚ୍ଛକେସୁ ଚ ପଞ୍ଞାସ, ଅଟ୍ଠ ଚୂଳନ୍ତରେ ପଦା॥

ମହନ୍ତରେ ପନ୍ନରସ, ଅଟ୍ଠାରସ ତତୋ ପରେ।

ତେୱୀସ ପଦସତଂ ଏତଂ, ସମ୍ପୟୋଗେ ନ ଲବ୍ଭତୀତି॥

ୱିପ୍ପୟୁତ୍ତେନୱିପ୍ପୟୁତ୍ତପଦନିଦ୍ଦେସୋ ଦସମୋ।

୧୧. ଏକାଦସମନୟୋ

୧୧. ସଙ୍ଗହିତେନସମ୍ପୟୁତ୍ତୱିପ୍ପୟୁତ୍ତପଦନିଦ୍ଦେସୋ

୪୦୯ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୦ . ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୧ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା…ପେ॰… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୨ . ଉପେକ୍ଖିନ୍ଦ୍ରିୟେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଦ୍ୱୀହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୩ . ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେହି ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୪ . ପରିଦେୱେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୫ . ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୧୬ . ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା… ଫସ୍ସେନ ୟେ ଧମ୍ମା… ଚେତନାୟ ୟେ ଧମ୍ମା… ଅଧିମୋକ୍ଖେନ ୟେ ଧମ୍ମା… ମନସିକାରେନ ୟେ ଧମ୍ମା… ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ଆସୱେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ସଂୟୋଜନେହି ଧମ୍ମେହି ୟେ ଧମ୍ମା… ଗନ୍ଥେହି ଧମ୍ମେହି ୟେ ଧମ୍ମା… ଓଘେହି ଧମ୍ମେହି ୟେ ଧମ୍ମା… ୟୋଗେହି ଧମ୍ମେହି ୟେ ଧମ୍ମା… ନୀୱରଣେହି ଧମ୍ମେହି ୟେ ଧମ୍ମା… ପରାମାସେହି ଧମ୍ମେହି ୟେ ଧମ୍ମା… ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ସଙ୍ଗହିତା ଆୟତନସଙ୍ଗହେନ ସଙ୍ଗହିତା ଧାତୁସଙ୍ଗହେନ ସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ତୀହି ଖନ୍ଧେହି ଏକେନାୟତନେନ ସତ୍ତହି ଧାତୂହି ସମ୍ପୟୁତ୍ତା; ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

ଦ୍ୱେ ସଚ୍ଚା ପନ୍ନରସିନ୍ଦ୍ରିୟା, ଏକାଦସ ପଟିଚ୍ଚପଦା।

ଉଦ୍ଧଂ ପୁନ ଏକାଦସ, ଗୋଚ୍ଛକପଦମେତ୍ଥ ତିଂସୱିଧାତି॥

ସଙ୍ଗହିତେନସମ୍ପୟୁତ୍ତୱିପ୍ପୟୁତ୍ତପଦନିଦ୍ଦେସୋ ଏକାଦସମୋ।

୧୨. ଦ୍ୱାଦସମନୟୋ

୧୨. ସମ୍ପୟୁତ୍ତେନସଙ୍ଗହିତାସଙ୍ଗହିତପଦନିଦ୍ଦେସୋ

୪୧୭ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା ସମ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଦସହି ଧାତୂହି ଅସଙ୍ଗହିତା।

୪୧୮ . ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା… ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା…ପେ॰… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା ସମ୍ପୟୁତ୍ତା…ପେ॰… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୧୯ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୨୦ . ମନିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୨୧ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା…, ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୨୨ . ଉପେକ୍ଖିନ୍ଦ୍ରିୟେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୪୨୩ . ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୨୪ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୨୫ . ସଳାୟତନପଚ୍ଚୟା ଫସ୍ସେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୨୬ . ଫସ୍ସପଚ୍ଚୟା ୱେଦନାୟ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଦସହି ଧାତୂହି ଅସଙ୍ଗହିତା।

୪୨୭ . ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୨୮ . ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୨୯ . ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୩୦ . ଇଦ୍ଧିପାଦେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୩୧ . ଝାନେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୩୨ . ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା… ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୩୩ . ଫସ୍ସେନ ୟେ ଧମ୍ମା… ଚେତନାୟ ୟେ ଧମ୍ମା… ମନସିକାରେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୩୪ . ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଦସହାୟତନେହି ଦସହି ଧାତୂହି ଅସଙ୍ଗହିତା।

୪୩୫ . ଚିତ୍ତେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୩୬ . ଅଧିମୋକ୍ଖେନ ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୪୩୭ . ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ସୱିତକ୍କସୱିଚାରେହି ଧମ୍ମେହି ୟେ ଧମ୍ମା… ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୩୮ . ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୩୯ . ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୪୦ . ଆସୱେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୪୧ . ଆସୱସମ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୪୨ . ସଂୟୋଜନେହି ଧମ୍ମେହି ୟେ ଧମ୍ମା… ଗନ୍ଥେହି ଧମ୍ମେହି ୟେ ଧମ୍ମା… ଓଘେହି ଧମ୍ମେହି ୟେ ଧମ୍ମା… ୟୋଗେହି ଧମ୍ମେହି ୟେ ଧମ୍ମା… ନୀୱରଣେହି ଧମ୍ମେହି ୟେ ଧମ୍ମା… ପରାମାସେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୪୩ . ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୪୪ . ଚିତ୍ତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ତୀହି ଖନ୍ଧେହି ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଦ୍ୱୀହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

୪୪୫ . ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଏକେନ ଖନ୍ଧେନ ଏକେନାୟତନେନ ସତ୍ତହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ଏକାଦସହି ଧାତୂହି ଅସଙ୍ଗହିତା।

୪୪୬ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା ସମ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୪୭ . ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା… ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା ସମ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଏକେନ ଖନ୍ଧେନ ଏକେନାୟତନେନ ଏକାୟ ଧାତୁୟା ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକାଦସହାୟତନେହି ସତ୍ତରସହି ଧାତୂହି ଅସଙ୍ଗହିତା।

ରୂପକ୍ଖନ୍ଧା ଚତ୍ତାରୋ, ମନାୟତନମେୱ ଚ।

ୱିଞ୍ଞାଣଧାତୁୟୋ ସତ୍ତ, ଦ୍ୱେ ସଚ୍ଚା ଚୁଦ୍ଦସିନ୍ଦ୍ରିୟା॥

ପଚ୍ଚୟେ ଦ୍ୱାଦସ ପଦା, ତତୋ ଉପରି ସୋଳସ।

ତିକେସୁ ଅଟ୍ଠ ଗୋଚ୍ଛକେ, ତେଚତ୍ତାଲୀସମେୱ ଚ॥

ମହନ୍ତରଦୁକେ ସତ୍ତ, ପଦା ପିଟ୍ଠିଦୁକେସୁ ଛ।

ନୱମସ୍ସ ପଦସ୍ସେତେ, ନିଦ୍ଦେସେ ସଙ୍ଗହଂ ଗତାତି॥

ସମ୍ପୟୁତ୍ତେନସଙ୍ଗହିତାସଙ୍ଗହିତପଦନିଦ୍ଦେସୋ ଦ୍ୱାଦସମୋ।

୧୩. ତେରସମନୟୋ

୧୩. ଅସଙ୍ଗହିତେନସମ୍ପୟୁତ୍ତୱିପ୍ପୟୁତ୍ତପଦନିଦ୍ଦେସୋ

୪୪୮ . ରୂପକ୍ଖନ୍ଧେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୪୯ . ଧମ୍ମାୟତନେନ ୟେ ଧମ୍ମା… ଧମ୍ମଧାତୁୟା ୟେ ଧମ୍ମା… ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା… ଜୀୱିତିନ୍ଦ୍ରିୟେନ ୟେ ଧମ୍ମା… ୱିଞ୍ଞାଣପଚ୍ଚୟା ନାମରୂପେନ ୟେ ଧମ୍ମା… ଅସଞ୍ଞାଭୱେନ ୟେ ଧମ୍ମା… ଏକୱୋକାରଭୱେନ ୟେ ଧମ୍ମା… ଜାତିୟା ୟେ ଧମ୍ମା… ଜରାୟ ୟେ ଧମ୍ମା… ମରଣେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା…ପେ॰… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୦ . ଅରୂପଭୱେନ ୟେ ଧମ୍ମା… ନେୱସଞ୍ଞାନାସଞ୍ଞାଭୱେନ ୟେ ଧମ୍ମା… ଚତୁୱୋକାରଭୱେନ ୟେ ଧମ୍ମା… ଇଦ୍ଧିପାଦେନ ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା , ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି ? ନତ୍ଥି? କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୧ . କୁସଲେହି ଧମ୍ମେହି ୟେ ଧମ୍ମା… ଅକୁସଲେହି ଧମ୍ମେହି ୟେ ଧମ୍ମା… ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ୱିପାକେହି ଧମ୍ମେହି ୟେ ଧମ୍ମା… ୱିପାକଧମ୍ମଧମ୍ମେହି ୟେ ଧମ୍ମା… ଅନୁପାଦିନ୍ନଅନୁପାଦାନିୟେହି ଧମ୍ମେହି ୟେ ଧମ୍ମା… ସଂକିଲିଟ୍ଠସଂକିଲେସିକେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠଅସଂକିଲେସିକେହି ଧମ୍ମେହି ୟେ ଧମ୍ମା… ସୱିତକ୍କସୱିଚାରେହି ଧମ୍ମେହି ୟେ ଧମ୍ମା… ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଆଚୟଗାମୀହି ଧମ୍ମେହି ୟେ ଧମ୍ମା… ଅପଚୟଗାମୀହି ଧମ୍ମେହି ୟେ ଧମ୍ମା… ସେକ୍ଖେହି ଧମ୍ମେହି ୟେ ଧମ୍ମା… ଅସେକ୍ଖେହି ଧମ୍ମେହି ୟେ ଧମ୍ମା… ମହଗ୍ଗତେହି ଧମ୍ମେହି ୟେ ଧମ୍ମା… ଅପ୍ପମାଣେହି ଧମ୍ମେହି ୟେ ଧମ୍ମା… ପରିତ୍ତାରମ୍ମଣେହି ଧମ୍ମେହି ୟେ ଧମ୍ମା… ମହଗ୍ଗତାରମ୍ମଣେହି ଧମ୍ମେହି ୟେ ଧମ୍ମା… ଅପ୍ପମାଣାରମ୍ମଣେହି ଧମ୍ମେହି ୟେ ଧମ୍ମା… ହୀନେହି ଧମ୍ମେହି ୟେ ଧମ୍ମା… ପଣୀତେହି ଧମ୍ମେହି ୟେ ଧମ୍ମା… ମିଚ୍ଛତ୍ତନିୟତେହି ଧମ୍ମେହି ୟେ ଧମ୍ମା… ସମ୍ମତ୍ତନିୟତେହି ଧମ୍ମେହି ୟେ ଧମ୍ମା… ମଗ୍ଗାରମ୍ମଣେହି ଧମ୍ମେହି ୟେ ଧମ୍ମା… ମଗ୍ଗହେତୁକେହି ଧମ୍ମେହି ୟେ ଧମ୍ମା… ମଗ୍ଗାଧିପତୀହି ଧମ୍ମେହି ୟେ ଧମ୍ମା… ଅତୀତାରମ୍ମଣେହି ଧମ୍ମେହି ୟେ ଧମ୍ମା… ଅନାଗତାରମ୍ମଣେହି ଧମ୍ମେହି ୟେ ଧମ୍ମା… ପଚ୍ଚୁପ୍ପନ୍ନାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତାରମ୍ମଣେହି ଧମ୍ମେହି ୟେ ଧମ୍ମା… ବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା… ସହେତୁକେହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଧମ୍ମେହି ୟେ ଧମ୍ମା… ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୨ . ରୂପୀହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା… ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା ; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୩ . ଅରୂପୀହି ଧମ୍ମେହି ୟେ ଧମ୍ମା… ଲୋକୁତ୍ତରେହି ଧମ୍ମେହି ୟେ ଧମ୍ମା… ଅନାସୱେହି ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଅନାସୱେହି ଧମ୍ମେହି ୟେ ଧମ୍ମା… ଅସଂୟୋଜନିୟେହି ଧମ୍ମେହି ୟେ ଧମ୍ମା… ଅଗନ୍ଥନିୟେହି ଧମ୍ମେହି ୟେ ଧମ୍ମା… ଅନୋଘନିୟେହି ଧମ୍ମେହି ୟେ ଧମ୍ମା… ଅୟୋଗନିୟେହି ଧମ୍ମେହି ୟେ ଧମ୍ମା… ଅନୀୱରଣିୟେହି ଧମ୍ମେହି ୟେ ଧମ୍ମା… ଅପରାମଟ୍ଠେହି ଧମ୍ମେହି ୟେ ଧମ୍ମା… ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ଅପରାମଟ୍ଠେହି ଧମ୍ମେହି ୟେ ଧମ୍ମା… ସାରମ୍ମଣେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୪ . ଅନାରମ୍ମଣେହି ଧମ୍ମେହି ୟେ ଧମ୍ମା… ନୋ ଚିତ୍ତେହି ଧମ୍ମେହି ୟେ ଧମ୍ମା… ଚିତ୍ତୱିପ୍ପୟୁତ୍ତେହି ଧମ୍ମେହି ୟେ ଧମ୍ମା … ଚିତ୍ତୱିସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସହଭୂହି ଧମ୍ମେହି ୟେ ଧମ୍ମା… ଚିତ୍ତାନୁପରିୱତ୍ତୀହି ଧମ୍ମେହି ୟେ ଧମ୍ମା… ବାହିରେହି ଧମ୍ମେହି ୟେ ଧମ୍ମା… ଉପାଦାଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତା? ତେ ଧମ୍ମା ତୀହି ଖନ୍ଧେହି ସମ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ସମ୍ପୟୁତ୍ତା। କତିହି ୱିପ୍ପୟୁତ୍ତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

୪୫୫ . ଅନୁପାଦାନିୟେହି ଧମ୍ମେହି ୟେ ଧମ୍ମା… ଉପାଦାନସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଉପାଦାନସମ୍ପୟୁତ୍ତେହି ଚେୱ ନୋ ଚ ଉପାଦାନେହି ଧମ୍ମେହି ୟେ ଧମ୍ମା… ଉପାଦାନୱିପ୍ପୟୁତ୍ତେହି ଅନୁପାଦାନିୟେହି ଧମ୍ମେହି ୟେ ଧମ୍ମା… ଅସଂକିଲେସିକେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ଅସଂକିଲେସିକେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା… ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା… ଉପେକ୍ଖାସହଗତେହି ଧମ୍ମେହି ୟେ ଧମ୍ମା… ନ କାମାୱଚରେହି ଧମ୍ମେହି ୟେ ଧମ୍ମା… ରୂପାୱଚରେହି ଧମ୍ମେହି ୟେ ଧମ୍ମା… ଅରୂପାୱଚରେହି ଧମ୍ମେହି ୟେ ଧମ୍ମା… ଅପରିୟାପନ୍ନେହି ଧମ୍ମେହି ୟେ ଧମ୍ମା… ନିୟ୍ୟାନିକେହି ଧମ୍ମେହି ୟେ ଧମ୍ମା … ନିୟତେହି ଧମ୍ମେହି ୟେ ଧମ୍ମା… ଅନୁତ୍ତରେହି ଧମ୍ମେହି ୟେ ଧମ୍ମା… ସରଣେହି ଧମ୍ମେହି ୟେ ଧମ୍ମା ଖନ୍ଧସଙ୍ଗହେନ ଅସଙ୍ଗହିତା ଆୟତନସଙ୍ଗହେନ ଅସଙ୍ଗହିତା ଧାତୁସଙ୍ଗହେନ ଅସଙ୍ଗହିତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସମ୍ପୟୁତ୍ତାତି? ନତ୍ଥି। କତିହି ୱିପ୍ପୟୁତ୍ତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ୱିପ୍ପୟୁତ୍ତା; ଏକେନାୟତନେନ ଏକାୟ ଧାତୁୟା କେହିଚି ୱିପ୍ପୟୁତ୍ତା।

ରୂପଞ୍ଚ ଧମ୍ମାୟତନଂ ଧମ୍ମଧାତୁ, ଇତ୍ଥିପୁମଂ ଜୀୱିତଂ ନାମରୂପଂ।

ଦ୍ୱେ ଭୱା ଜାତିଜରା ମଚ୍ଚୁରୂପଂ, ଅନାରମ୍ମଣଂ ନୋ ଚିତ୍ତଂ ଚିତ୍ତେନ ୱିପ୍ପୟୁତ୍ତଂ॥

ୱିସଂସଟ୍ଠଂ ସମୁଟ୍ଠାନସହଭୁ, ଅନୁପରିୱତ୍ତି ବାହିରଂ ଉପାଦା।

ଦ୍ୱେ ୱିସୟୋ ଏସନୟୋ ସୁବୁଦ୍ଧୋତି॥

ଅସଙ୍ଗହିତେନସମ୍ପୟୁତ୍ତୱିପ୍ପୟୁତ୍ତପଦନିଦ୍ଦେସୋ ତେରସମୋ।

୧୪. ଚୁଦ୍ଦସମନୟୋ

୧୪. ୱିପ୍ପୟୁତ୍ତେନସଙ୍ଗହିତାସଙ୍ଗହିତପଦନିଦ୍ଦେସୋ

୧. ଖନ୍ଧାଦି

୪୫୬ . ରୂପକ୍ଖନ୍ଧେନ ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୫୭ . ୱେଦନାକ୍ଖନ୍ଧେନ ୟେ ଧମ୍ମା… ସଞ୍ଞାକ୍ଖନ୍ଧେନ ୟେ ଧମ୍ମା… ସଙ୍ଖାରକ୍ଖନ୍ଧେନ ୟେ ଧମ୍ମା… ୱିଞ୍ଞାଣକ୍ଖନ୍ଧେନ ୟେ ଧମ୍ମା… ମନାୟତନେନ ୟେ ଧମ୍ମା… ମନିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା, ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୪୫୮ . ଚକ୍ଖାୟତନେନ ୟେ ଧମ୍ମା…ପେ॰… ଫୋଟ୍ଠବ୍ବାୟତନେନ ୟେ ଧମ୍ମା… ଚକ୍ଖୁଧାତୁୟା ୟେ ଧମ୍ମା…ପେ॰… ଫୋଟ୍ଠବ୍ବଧାତୁୟା ୟେ ଧମ୍ମା ୱିପ୍ପୟୁତ୍ତା…ପେ॰… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୫୯ . ଚକ୍ଖୁୱିଞ୍ଞାଣଧାତୁୟା ୟେ ଧମ୍ମା… ସୋତୱିଞ୍ଞାଣଧାତୁୟା ୟେ ଧମ୍ମା… ଘାନୱିଞ୍ଞାଣଧାତୁୟା ୟେ ଧମ୍ମା… ଜିୱ୍ହାୱିଞ୍ଞାଣଧାତୁୟା ୟେ ଧମ୍ମା… କାୟୱିଞ୍ଞାଣଧାତୁୟା ୟେ ଧମ୍ମା… ମନୋଧାତୁୟା ୟେ ଧମ୍ମା… ମନୋୱିଞ୍ଞାଣଧାତୁୟା ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି, ଏକାୟ ଧାତୁୟା ଅସଙ୍ଗହିତା।

୨. ସଚ୍ଚାଦି

୪୬୦ . ଦୁକ୍ଖସଚ୍ଚେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୬୧ . ସମୁଦୟସଚ୍ଚେନ ୟେ ଧମ୍ମା… ମଗ୍ଗସଚ୍ଚେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୬୨ . ନିରୋଧସଚ୍ଚେନ ୟେ ଧମ୍ମା… ଚକ୍ଖୁନ୍ଦ୍ରିୟେନ ୟେ ଧମ୍ମା … କାୟିନ୍ଦ୍ରିୟେନ ୟେ ଧମ୍ମା… ଇତ୍ଥିନ୍ଦ୍ରିୟେନ ୟେ ଧମ୍ମା… ପୁରିସିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୬୩ . ସୁଖିନ୍ଦ୍ରିୟେନ ୟେ ଧମ୍ମା… ଦୁକ୍ଖିନ୍ଦ୍ରିୟେନ ୟେ ଧମ୍ମା… ସୋମନସ୍ସିନ୍ଦ୍ରିୟେନ ୟେ ଧମ୍ମା… ଦୋମନସ୍ସିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୬୪ . ଉପେକ୍ଖିନ୍ଦ୍ରିୟେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୪୬୫ . ସଦ୍ଧିନ୍ଦ୍ରିୟେନ ୟେ ଧମ୍ମା… ୱୀରିୟିନ୍ଦ୍ରିୟେନ ୟେ ଧମ୍ମା… ସତିନ୍ଦ୍ରିୟେନ ୟେ ଧମ୍ମା… ସମାଧିନ୍ଦ୍ରିୟେନ ୟେ ଧମ୍ମା… ପଞ୍ଞିନ୍ଦ୍ରିୟେନ ୟେ ଧମ୍ମା… ଅନଞ୍ଞାତଞ୍ଞସ୍ସାମୀତିନ୍ଦ୍ରିୟେନ ୟେ ଧମ୍ମା… ଅଞ୍ଞିନ୍ଦ୍ରିୟେନ ୟେ ଧମ୍ମା… ଅଞ୍ଞାତାୱିନ୍ଦ୍ରିୟେନ ୟେ ଧମ୍ମା… ଅୱିଜ୍ଜାୟ ୟେ ଧମ୍ମା… ଅୱିଜ୍ଜାପଚ୍ଚୟା ସଙ୍ଖାରେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୬୬ . ସଙ୍ଖାରପଚ୍ଚୟା ୱିଞ୍ଞାଣେନ ୟେ ଧମ୍ମା… ସଳାୟତନପଚ୍ଚୟା ଫସ୍ସେନ ୟେ ଧମ୍ମା… ଫସ୍ସପଚ୍ଚୟା ୱେଦନାୟ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୪୬୭ . ୱେଦନାପଚ୍ଚୟା ତଣ୍ହାୟ ୟେ ଧମ୍ମା… ତଣ୍ହାପଚ୍ଚୟା ଉପାଦାନେନ ୟେ ଧମ୍ମା… କମ୍ମଭୱେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୬୮ . ଉପପତ୍ତିଭୱେନ ୟେ ଧମ୍ମା… ସଞ୍ଞାଭୱେନ ୟେ ଧମ୍ମା… ପଞ୍ଚୱୋକାରଭୱେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୪୬୯ . କାମଭୱେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ପଞ୍ଚହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ତେରସହି ଧାତୂହି ଅସଙ୍ଗହିତା।

୪୭୦ . ରୂପଭୱେନ ୟେ ଧମ୍ମା… ଅସଞ୍ଞାଭୱେନ ୟେ ଧମ୍ମା… ଏକୱୋକାରଭୱେନ ୟେ ଧମ୍ମା… ପରିଦେୱେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୭୧ . ଅରୂପଭୱେନ ୟେ ଧମ୍ମା… ନେୱସଞ୍ଞାନାସଞ୍ଞାଭୱେନ ୟେ ଧମ୍ମା… ଚତୁୱୋକାରଭୱେନ ୟେ ଧମ୍ମା… ସୋକେନ ୟେ ଧମ୍ମା… ଦୁକ୍ଖେନ ୟେ ଧମ୍ମା… ଦୋମନସ୍ସେନ ୟେ ଧମ୍ମା… ଉପାୟାସେନ ୟେ ଧମ୍ମା… ସତିପଟ୍ଠାନେନ ୟେ ଧମ୍ମା… ସମ୍ମପ୍ପଧାନେନ ୟେ ଧମ୍ମା… ଇଦ୍ଧିପାଦେନ ୟେ ଧମ୍ମା… ଝାନେନ ୟେ ଧମ୍ମା… ଅପ୍ପମଞ୍ଞାୟ ୟେ ଧମ୍ମା… ପଞ୍ଚହି ଇନ୍ଦ୍ରିୟେହି ୟେ ଧମ୍ମା… ପଞ୍ଚହି ବଲେହି ୟେ ଧମ୍ମା … ସତ୍ତହି ବୋଜ୍ଝଙ୍ଗେହି ୟେ ଧମ୍ମା… ଅରିୟେନ ଅଟ୍ଠଙ୍ଗିକେନ ମଗ୍ଗେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୩. ଫସ୍ସାଦିସତ୍ତକଂ

୪୭୨ . ଫସ୍ସେନ ୟେ ଧମ୍ମା… ୱେଦନାୟ ୟେ ଧମ୍ମା… ସଞ୍ଞାୟ ୟେ ଧମ୍ମା… ଚେତନାୟ ୟେ ଧମ୍ମା… ଚିତ୍ତେନ ୟେ ଧମ୍ମା… ମନସିକାରେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୪୭୩ . ଅଧିମୋକ୍ଖେନ ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ଅସଙ୍ଗହିତା।

୪. ତିକଂ

୪୭୪ . କୁସଲେହି ଧମ୍ମେହି ୟେ ଧମ୍ମା… ଅକୁସଲେହି ଧମ୍ମେହି ୟେ ଧମ୍ମା… ସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଦୁକ୍ଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୭୫ . ଅବ୍ୟାକତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୭୬ . ଅଦୁକ୍ଖମସୁଖାୟ ୱେଦନାୟ ସମ୍ପୟୁତ୍ତେହି ଧମ୍ମେହି ୟେ ଧମ୍ମା… ୱିପାକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୪୭୭ . ୱିପାକଧମ୍ମଧମ୍ମେହି ୟେ ଧମ୍ମା… ସଂକିଲିଟ୍ଠସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୭୮ . ନେୱୱିପାକନୱିପାକଧମ୍ମଧମ୍ମେହି ୟେ ଧମ୍ମା… ଅନୁପାଦିନ୍ନୁପାଦାନିୟେହି ଧମ୍ମେହି ୟେ ଧମ୍ମା… ଅନୁପାଦିନ୍ନଅନୁପାଦାନିୟେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠଅସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୭୯ . ଉପାଦିନ୍ନୁପାଦାନିୟେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୪୮୦ . ଅସଂକିଲିଟ୍ଠସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୮୧ . ସୱିତକ୍କସୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ଅସଙ୍ଗହିତା।

୪୮୨ . ଅୱିତକ୍କୱିଚାରମତ୍ତେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୮୩ . ଅୱିତକ୍କଅୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୪୮୪ . ଉପେକ୍ଖାସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୪୮୫ . ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଆଚୟଗାମୀହି ଧମ୍ମେହି ୟେ ଧମ୍ମା… ଅପଚୟଗାମୀହି ଧମ୍ମେହି ୟେ ଧମ୍ମା… ସେକ୍ଖେହି ଧମ୍ମେହି ୟେ ଧମ୍ମା… ଅସେକ୍ଖେହି ଧମ୍ମେହି ୟେ ଧମ୍ମା… ମହଗ୍ଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୮୬ . ନେୱ ଦସ୍ସନେନ ନ ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ନେୱ ଦସ୍ସନେନ ନ ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ନେୱାଚୟଗାମିନାପଚୟଗାମୀହି ଧମ୍ମେହି ୟେ ଧମ୍ମା… ନେୱସେକ୍ଖନାସେକ୍ଖେହି ଧମ୍ମେହି ୟେ ଧମ୍ମା… ପରିତ୍ତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୮୭ . ଅପ୍ପମାଣେହି ଧମ୍ମେହି ୟେ ଧମ୍ମା… ପଣୀତେହି ଧମ୍ମେହି ୟେ ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୮୮ . ପରିତ୍ତାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଦ୍ୱାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ଅସଙ୍ଗହିତା।

୪୮୯ . ମହଗ୍ଗତାରମ୍ମଣେହି ଧମ୍ମେହି ୟେ ଧମ୍ମା… ଅପ୍ପମାଣାରମ୍ମଣେହି ଧମ୍ମେହି ୟେ ଧମ୍ମା… ହୀନେହି ଧମ୍ମେହି ୟେ ଧମ୍ମା… ମିଚ୍ଛତ୍ତନିୟତେହି ଧମ୍ମେହି ୟେ ଧମ୍ମା… ସମ୍ମତ୍ତନିୟତେହି ଧମ୍ମେହି ୟେ ଧମ୍ମା… ମଗ୍ଗାରମ୍ମଣେହି ଧମ୍ମେହି ୟେ ଧମ୍ମା… ମଗ୍ଗହେତୁକେହି ଧମ୍ମେହି ୟେ ଧମ୍ମା… ମଗ୍ଗାଧିପତୀହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୯୦ . ମଜ୍ଝିମେହି ଧମ୍ମେହି ୟେ ଧମ୍ମା… ଅନିୟତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୯୧ . ଉପ୍ପନ୍ନେହି ଧମ୍ମେହି ୟେ ଧମ୍ମା… ଅନୁପ୍ପନ୍ନେହି ଧମ୍ମେହି ୟେ ଧମ୍ମା… ଉପ୍ପାଦୀହି ଧମ୍ମେହି ୟେ ଧମ୍ମା… ଅତୀତେହି ଧମ୍ମେହି ୟେ ଧମ୍ମା… ଅନାଗତେହି ଧମ୍ମେହି ୟେ ଧମ୍ମା… ପଚ୍ଚୁପ୍ପନ୍ନେହି ଧମ୍ମେହି ୟେ ଧମ୍ମା… ଅଜ୍ଝତ୍ତେହି ଧମ୍ମେହି ୟେ ଧମ୍ମା… ବହିଦ୍ଧାହି ଧମ୍ମେହି ୟେ ଧମ୍ମା… ସନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା… ଅନିଦସ୍ସନସପ୍ପଟିଘେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୯୨ . ଅତୀତାରମ୍ମଣେହି ଧମ୍ମେହି ୟେ ଧମ୍ମା… ଅନାଗତାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତାରମ୍ମଣେହି ଧମ୍ମେହି ୟେ ଧମ୍ମା… ବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୯୩ . ପଚ୍ଚୁପ୍ପନ୍ନାରମ୍ମଣେହି ଧମ୍ମେହି ୟେ ଧମ୍ମା… ଅଜ୍ଝତ୍ତବହିଦ୍ଧାରମ୍ମଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଦ୍ୱାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଛହି ଧାତୂହି ଅସଙ୍ଗହିତା।

୫. ଦୁକଂ

୪୯୪ . ହେତୂହି ଧମ୍ମେହି ୟେ ଧମ୍ମା… ସହେତୁକେହି ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଧମ୍ମେହି ୟେ ଧମ୍ମା… ହେତୂହି ଚେୱ ସହେତୁକେହି ଚ ଧମ୍ମେହି ୟେ ଧମ୍ମା… ସହେତୁକେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ହେତୂହି ଚେୱ ହେତୁସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ହେତୁସମ୍ପୟୁତ୍ତେହି ଚେୱ ନ ଚ ହେତୂହି ଧମ୍ମେହି ୟେ ଧମ୍ମା… ନ ହେତୁସହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୯୫ . ଅହେତୁକେହି ଧମ୍ମେହି ୟେ ଧମ୍ମା… ହେତୁୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ନ ହେତୁଅହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୯୬ . ଅପ୍ପଚ୍ଚୟେହି ଧମ୍ମେହି ୟେ ଧମ୍ମା… ଅସଙ୍ଖତେହି ଧମ୍ମେହି ୟେ ଧମ୍ମା… ସନିଦସ୍ସନେହି ଧମ୍ମେହି ୟେ ଧମ୍ମା… ସପ୍ପଟିଘେହି ଧମ୍ମେହି ୟେ ଧମ୍ମା… ରୂପୀହି ଧମ୍ମେହି ୟେ ଧମ୍ମା… ଲୋକୁତ୍ତରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୪୯୭ . ଲୋକିୟେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୪୯୮ . ଆସୱେହି ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଆସୱେହି ଚେୱ ସାସୱେହି ଚ ଧମ୍ମେହି ୟେ ଧମ୍ମା… ଆସୱେହି ଚେୱ ଆସୱସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… ଆସୱସମ୍ପୟୁତ୍ତେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୪୯୯ . ସାସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ସାସୱେହି ଚେୱ ନୋ ଚ ଆସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ସାସୱେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୦୦ . ଅନାସୱେହି ଧମ୍ମେହି ୟେ ଧମ୍ମା… ଆସୱୱିପ୍ପୟୁତ୍ତେହି ଅନାସୱେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୫୦୧ . ସଂୟୋଜନେହି ଧମ୍ମେହି ୟେ ଧମ୍ମା… ଗନ୍ଥେହି ଧମ୍ମେହି ୟେ ଧମ୍ମା… ଓଘେହି ଧମ୍ମେହି ୟେ ଧମ୍ମା… ୟୋଗେହି ଧମ୍ମେହି ୟେ ଧମ୍ମା… ନୀୱରଣେହି ଧମ୍ମେହି ୟେ ଧମ୍ମା… ପରାମାସେହି ଧମ୍ମେହି ୟେ ଧମ୍ମା… ପରାମାସସମ୍ପୟୁତ୍ତେହି ଧମ୍ମେହି ୟେ ଧମ୍ମା… ପରାମାସେହି ଚେୱ ପରାମଟ୍ଠେହି ଚ ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା ? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୫୦୨ . ପରାମଟ୍ଠେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ପରାମଟ୍ଠେହି ଚେୱ ନୋ ଚ ପରାମାସେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ପରାମଟ୍ଠେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୦୩ . ଅପରାମଟ୍ଠେହି ଧମ୍ମେହି ୟେ ଧମ୍ମା… ପରାମାସୱିପ୍ପୟୁତ୍ତେହି ଅପରାମଟ୍ଠେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୫୦୪ . ସାରମ୍ମଣେହି ଧମ୍ମେହି ୟେ ଧମ୍ମା… ଚିତ୍ତେହି ଧମ୍ମେହି ୟେ ଧମ୍ମା… ଚେତସିକେହି ଧମ୍ମେହି ୟେ ଧମ୍ମା… ଚିତ୍ତସମ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନସହଭୂହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠସମୁଟ୍ଠାନାନୁପରିୱତ୍ତୀହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ଏକେନ ଖନ୍ଧେନ ଏକାଦସହାୟତନେହି ଏକାଦସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଚତୂହି ଖନ୍ଧେହି ଏକେନାୟତନେନ ସତ୍ତହି ଧାତୂହି ଅସଙ୍ଗହିତା।

୫୦୫ . ଅନାରମ୍ମଣେହି ଧମ୍ମେହି ୟେ ଧମ୍ମା… ଚିତ୍ତୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ଚିତ୍ତସଂସଟ୍ଠେହି ଧମ୍ମେହି ୟେ ଧମ୍ମା… ଉପାଦାଧମ୍ମେହି ୟେ ଧମ୍ମା… ଅନୁପାଦିନ୍ନେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା ? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୫୦୬ . ଉପାଦିନ୍ନେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ତୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ପନ୍ନରସହି ଧାତୂହି ଅସଙ୍ଗହିତା।

୫୦୭ . ଉପାଦାନେହି ଧମ୍ମେହି ୟେ ଧମ୍ମା… କିଲେସେହି ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲେସିକେହି ଚ ଧମ୍ମେହି ୟେ ଧମ୍ମା… କିଲେସେହି ଚେୱ ସଂକିଲିଟ୍ଠେହି ଚ ଧମ୍ମେହି ୟେ ଧମ୍ମା… ସଂକିଲିଟ୍ଠେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସେହି ଚେୱ କିଲେସସମ୍ପୟୁତ୍ତେହି ଚ ଧମ୍ମେହି ୟେ ଧମ୍ମା… କିଲେସସମ୍ପୟୁତ୍ତେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୫୦୮ . ସଂକିଲେସିକେହି ଧମ୍ମେହି ୟେ ଧମ୍ମା… ଅସଂକିଲିଟ୍ଠେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ଧମ୍ମେହି ୟେ ଧମ୍ମା… ସଂକିଲେସିକେହି ଚେୱ ନୋ ଚ କିଲେସେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୦୯ . ଅସଂକିଲେସିକେହି ଧମ୍ମେହି ୟେ ଧମ୍ମା… କିଲେସୱିପ୍ପୟୁତ୍ତେହି ଅସଂକିଲେସିକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୫୧୦ . ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୫୧୧ . ନ ଦସ୍ସନେନ ପହାତବ୍ବେହି ଧମ୍ମେହି ୟେ ଧମ୍ମା… ନ ଭାୱନାୟ ପହାତବ୍ବେହି ଧମ୍ମେହି ୟେ ଧମ୍ମା… ନ ଦସ୍ସନେନ ପହାତବ୍ବହେତୁକେହି ଧମ୍ମେହି ୟେ ଧମ୍ମା… ନ ଭାୱନାୟ ପହାତବ୍ବହେତୁକେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୧୨ . ସୱିତକ୍କେହି ଧମ୍ମେହି ୟେ ଧମ୍ମା… ସୱିଚାରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ସତ୍ତରସହି ଧାତୂହି ସଙ୍ଗହିତା । କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ଏକାୟ ଧାତୁୟା ଅସଙ୍ଗହିତା।

୫୧୩ . ସପ୍ପୀତିକେହି ଧମ୍ମେହି ୟେ ଧମ୍ମା… ପୀତିସହଗତେହି ଧମ୍ମେହି ୟେ ଧମ୍ମା… ସୁଖସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୫୧୪ . ଉପେକ୍ଖାସହଗତେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ତେରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ପଞ୍ଚହି ଧାତୂହି ଅସଙ୍ଗହିତା।

୫୧୫ . କାମାୱଚରେହି ଧମ୍ମେହି ୟେ ଧମ୍ମା… ପରିୟାପନ୍ନେହି ଧମ୍ମେହି ୟେ ଧମ୍ମା… ସଉତ୍ତରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

୫୧୬ . ନ କାମାୱଚରେହି ଧମ୍ମେହି ୟେ ଧମ୍ମା… ଅପରିୟାପନ୍ନେହି ଧମ୍ମେହି ୟେ ଧମ୍ମା… ଅନୁତ୍ତରେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଅଟ୍ଠହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ଦସହି ଧାତୂହି ଅସଙ୍ଗହିତା।

୫୧୭ . ରୂପାୱଚରେହି ଧମ୍ମେହି ୟେ ଧମ୍ମା… ଅରୂପାୱଚରେହି ଧମ୍ମେହି ୟେ ଧମ୍ମା… ନିୟ୍ୟାନିକେହି ଧମ୍ମେହି ୟେ ଧମ୍ମା… ନିୟତେହି ଧମ୍ମେହି ୟେ ଧମ୍ମା … ସରଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା… ତେ ଧମ୍ମା ଅସଙ୍ଖତଂ ଖନ୍ଧତୋ ଠପେତ୍ୱା ପଞ୍ଚହି ଖନ୍ଧେହି ଦ୍ୱାଦସହାୟତନେହି ଅଟ୍ଠାରସହି ଧାତୂହି ସଙ୍ଗହିତା। କତିହି ଅସଙ୍ଗହିତା? ନ କେହିଚି ଖନ୍ଧେହି ନ କେହିଚି ଆୟତନେହି ନ କାହିଚି ଧାତୂହି ଅସଙ୍ଗହିତା।

୫୧୮ . ନ ରୂପାୱଚରେହି ଧମ୍ମେହି ୟେ ଧମ୍ମା… ନ ଅରୂପାୱଚରେହି ଧମ୍ମେହି ୟେ ଧମ୍ମା… ଅନିୟ୍ୟାନିକେହି ଧମ୍ମେହି ୟେ ଧମ୍ମା… ଅନିୟତେହି ଧମ୍ମେହି ୟେ ଧମ୍ମା… ଅରଣେହି ଧମ୍ମେହି ୟେ ଧମ୍ମା ୱିପ୍ପୟୁତ୍ତା , ତେ ଧମ୍ମା କତିହି ଖନ୍ଧେହି କତିହାୟତନେହି କତିହି ଧାତୂହି ସଙ୍ଗହିତା? ତେ ଧମ୍ମା ଚତୂହି ଖନ୍ଧେହି ଦ୍ୱୀହାୟତନେହି ଦ୍ୱୀହି ଧାତୂହି ସଙ୍ଗହିତା। କତିହି ଅସଙ୍ଗହିତା? ଏକେନ ଖନ୍ଧେନ ଦସହାୟତନେହି ସୋଳସହି ଧାତୂହି ଅସଙ୍ଗହିତା।

ଧମ୍ମାୟତନଂ ଧମ୍ମଧାତୁ, ଅଥ ଜୀୱିତଂ ନାମରୂପଂ।

ସଳାୟତନଂ ଜାତିଜରାମତଂ, ଦ୍ୱେ ଚ ତିକେ ନ ଲବ୍ଭରେ॥

ପଠମନ୍ତରେ ସତ୍ତ ଚ, ଗୋଚ୍ଛକେ ଦସ ଅପରନ୍ତେ।

ଚୁଦ୍ଦସ ଛ ଚ ମତ୍ଥକେ, ଇଚ୍ଚେତେ ସତ୍ତଚତ୍ତାଲୀସ ଧମ୍ମା।

ସମୁଚ୍ଛେଦେ ନ ଲବ୍ଭନ୍ତି, ମୋଘପୁଚ୍ଛକେନ ଚାତି॥

ୱିପ୍ପୟୁତ୍ତେନସଙ୍ଗହିତାସଙ୍ଗହିତପଦନିଦ୍ଦେସୋ ଚୁଦ୍ଦସମୋ।

ଧାତୁକଥାପକରଣଂ ନିଟ୍ଠିତଂ।